ಫ್ರೆಂಚ್ ಓಪನ್‌ ಟೆನಿಸ್‌: ರೂಡ್‌, ರಿಬಾಕಿನಾ ಮುನ್ನಡೆ

ಪ್ಯಾರಿಸ್: ನಾರ್ವೆಯ ಕ್ಯಾಸ್ಪರ್ ರೂಡ್ ಮತ್ತು ಕಜಕಸ್ತಾನದ ಎಲೆನಾ ರಿಬಾಕಿನಾ ಅವರು ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ ಪುರುಷರ ಹಾಗೂ ಮಹಿಳೆಯರ ಸಿಂಗಲ್ಸ್ ವಿಭಾಗದ ಮೂರನೇ ಸುತ್ತು ಪ್ರವೇಶಿಸಿದರು.

. ಗುರುವಾರ ನಡೆದ ಎರಡನೇ ಸುತ್ತಿನ ಪಂದ್ಯದಲ್ಲಿ ಕಳೆದ ಬಾರಿಯ ರನ್ನರ್ ಅಪ್ ರೂಡ್ 6-3, 6-2, 4-6, 7-5 ರಿಂದ ಇಟಲಿಯ ಆಟಗಾರ, ಅರ್ಹತಾ ಸುತ್ತಿನಲ್ಲಿ ಗೆದ್ದು ಬಂದಿದ್ದ ಗ್ಯುಲಿಯೊ ಜೆಪಿಯೆರಿ ಅವರನ್ನು ಮಣಿಸಿದರು.

. ಮೊದಲ ಎರಡು ಸೆಟ್ಗಳನ್ನು ಗೆದ್ದುಕೊಂಡ ರೂಡ್, ಸುಲಭ ಗೆಲುವಿನ ನಿರೀಕ್ಷೆಯಲ್ಲಿದ್ದರು. ಆದರೆ ನಾಲ್ಕನೇ ಸೆಟ್ ಗೆದ್ದ ಜೆಪಿಯೆರಿ, ಐದನೇ ಸೆಟ್ನಲ್ಲಿ 5–5 ರಲ್ಲಿ ಸಮಬಲ ಸಾಧಿಸಿದರು. ಈ ವೇಳೆ ಎಚ್ಚರಿಕೆಯ ಆಟವಾಡಿದ ರೂಡ್ ಬಿರುಸಿನ ಹೊಡೆಗಳ ಮೂಲಕ ಮೇಲುಗೈ ಸಾಧಿಸಿ ಪಂದ್ಯ ಗೆದ್ದರು.

. ಡೆನ್ಮಾರ್ಕ್ನ ಹೋಲ್ಗರ್ ರೂನ್ ಅವರು ಫ್ರಾನ್ಸ್ನ ಗೇಲ್ ಮೊಂಫಿಲ್ಸ್ ಎದುರು ‘ವಾಕ್ ಓವರ್’ ಪಡೆದರು. 36 ವರ್ಷದ ಮೊಂಫಿಲ್ಸ್ ಅವರು ಮಣಿಕಟ್ಟಿನ ಗಾಯದ ಕಾರಣ ಟೂರ್ನಿಯಿಂದ ಹಿಂದೆ ಸರಿದರು.

. ರಿಬಾಕಿನಾಗೆ ಗೆಲುವು: ನಾಲ್ಕನೇ ಶ್ರೇಯಾಂಕದ ಆಟಗಾರ್ತಿ ರಿಬಾಕಿನಾ 6–3, 6–3 ರಲ್ಲಿ ಜೆಕ್ ರಿಪಬ್ಲಿಕ್ನ ಲಿಂಡಾ ನೊಸ್ಕೊವಾ ಎದುರು ಗೆದ್ದರು. ವಿಂಬಲ್ಡನ್ ಚಾಂಪಿಯನ್ ಆಗಿರುವ ರಿಬಾಕಿನಾ ಮುಂದಿನ ಪಂದ್ಯದಲ್ಲಿ ಸ್ಪೇನ್ನ ಸಾರಾ ಸೊರಿಬೆಸ್ ಟೊರ್ಮೊ ವಿರುದ್ಧ ಹಣಾಹಣಿ ನಡೆಸುವರು.

. ಅಮೆರಿಕದ ಕೈಲಾ ಡೇ 6-2, 4-6, 6-4 ರಲ್ಲಿ ತನ್ನದೇ ದೇಶದ ಅನುಭವಿ ಆಟಗಾರ್ತಿ ಮ್ಯಾಡಿಸನ್ ಕೀಸ್ ಅವರಿಗೆ ನಿರ್ಗಮನದ ಹಾದಿ ತೋರಿದರು. 74 ಸ್ವಯಂಕೃತ ತಪ್ಪುಗಳನ್ನು ಮಾಡಿದ 20ನೆ ಶ್ರೇಯಾಂಕದ ಆಟಗಾರ್ತಿ ಮ್ಯಾಡಿಸನ್, ಪಂದ್ಯವನ್ನು ಎದುರಾಳಿಗೆ ಒಪ್ಪಿಸಿದರು.

. ಅಗ್ರಶ್ರೆಯಾಂಕದ ಆಟಗಾರ್ತಿ ಪೋಲೆಂಡ್ನ ಇಗಾ ಶ್ವಾಂಟೆಕ್ ಎರಡನೇ ಸುತ್ತಿನಲ್ಲಿ 6–4, 6–0 ಯಿಂದ ಅಮೆರಿಕದ ಕ್ಲೈರ್ ಲಿಯು ಅವರನ್ನು ಪರಾಭವಗೊಳಿಸಿದರು.

. ಇತರ ಪಂದ್ಯಗಳಲ್ಲಿ ಸ್ಲೊವಾಕಿಯದ ಅನಾ ಕರೊಲಿನಾ 6–3, 6–4 ರಿಂದ ಸ್ಪೇನ್ನ ಅಲಿಯೊನಾ ಬೊಲ್ಸೊವಾ ವಿರುದ್ಧ; 16 ವರ್ಷದ ಆಟಗಾರ್ತಿ ಮಿರಾ ಆಂಡ್ರೀವಾ 6–3, 6–3 ರಿಂದ ಫ್ರಾನ್ಸ್ನ ಡಯಾನ ಪಾರಿ ವಿರುದ್ದ; ಸ್ಪೇನ್ನ ಸಾರಾ ಸೊರಿಬೆಸ್ 6–4, 6–1 ರಲ್ಲಿ ಕ್ರೊವೇಷ್ಯಾದ ಪೆಟ್ರಾ ಮಾರ್ಟಿಚ್ ವಿರುದ್ಧ ಜಯಿಸಿದರು.

. ಜೊಕೊವಿಚ್ ಮುನ್ನಡೆ: ವಿಶ್ವದ ಮೂರನೇ ರ್ಯಾಂಕ್ನ ಆಟಗಾರ ಸರ್ಬಿಯದ ನೊವಾಕ್ ಜೊಕೊವಿಚ್ ಅವರು ಬುಧವಾರ ರಾತ್ರಿ ನಡೆದ ಪಂದ್ಯದಲ್ಲಿ 7–6, 6–0, 6–3 ರಲ್ಲಿ ಹಂಗರಿಯ ಮಾರ್ಟೊನ್ ಫುಕ್ಸೊವಿಕ್ಸ್ ವಿರುದ್ಧ ಗೆದ್ದು ಮೂರನೇ ಸುತ್ತಿಗೆ ಮುನ್ನಡೆದರು.

. ದಾಖಲೆಯ 23ನೇ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿರುವ ಜೊಕೊವಿಚ್ಗೆ ಮೊದಲ ಸೆಟ್ನಲ್ಲಿ ಭಾರೀ ಪೈಪೋಟಿ ಎದುರಾಯಿತು. ಆ ಬಳಿಕ ಅದ್ಭುತ ಲಯದಲ್ಲಿ ಆಡಿ ಕೇವಲ ಮೂರು ಗೇಮ್ಗಳನ್ನು ಮಾತ್ರ ಎದುರಾಳಿಗೆ ಬಿಟ್ಟುಕೊಟ್ಟು ಮುಂದಿನ ಸುತ್ತು ಪ್ರವೇಶಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫ್ರೆಂಚ್ ಓಪನ್‌ ಟೆನಿಸ್‌: ರೂಡ್‌, ರಿಬಾಕಿನಾ ಮುನ್ನಡೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಉಳ್ಳಾಲ: ರೆಸಾರ್ಟ್ ಈಜುಕೊಳದಲ್ಲಿ ಮುಳುಗಿ ಮೈಸೂರಿನ ಮೂವರು ಯುವತಿಯರ ಸಾವು

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಮುಂಬೈ ತಂಡಕ್ಕೆ ಶ್ರೇಯಸ್ ನಾಯಕ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಉಳ್ಳಾಲ: ರೆಸಾರ್ಟ್ ಈಜುಕೊಳದಲ್ಲಿ ಮುಳುಗಿ ಮೈಸೂರಿನ ಮೂವರು ಯುವತಿಯರ ಸಾವು

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ