<p><strong>ಟೋಕಿಯೊ:</strong> ಅಗ್ರ ಶ್ರೇಯಾಂಕದ ಆಟಗಾರ ಮರಿನ್ ಸಿಲಿಕ್, ಜಪಾನ್ ಓಪನ್ ಟೆನಿಸ್ ಟೂರ್ನಿಯ ಮೊದಲ ಸುತ್ತಿನಲ್ಲಿ ಆಘಾತ ಕಂಡಿದ್ದಾರೆ.</p>.<p>ಮಂಗಳವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಹಣಾಹಣಿಯಲ್ಲಿ ಜರ್ಮನಿಯ ಜಾನ್ ಲೆನ್ನಾರ್ಡ್ ಸ್ಟ್ರಫ್ 3–6, 6–4, 7–6ರಲ್ಲಿ ಕ್ರೊವೇಷ್ಯಾದ ಸಿಲಿಕ್ ಅವರನ್ನು ಸೋಲಿಸಿದರು.</p>.<p>ಅಮೆರಿಕ ಓಪನ್ನಲ್ಲಿ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದ್ದ ಸಿಲಿಕ್ ಮೊದಲ ಸೆಟ್ನಲ್ಲಿ ಅಮೋಘ ಆಟ ಆಡಿದರು. ಚುರುಕಿನ ಡ್ರಾಪ್ ಮತ್ತು ಬೇಸ್ಲೈನ್ ಹೊಡೆತಗಳ ಮೂಲಕ ಎದುರಾಳಿಯನ್ನು ತಬ್ಬಿಬ್ಬುಗೊಳಿಸಿದರು.</p>.<p>ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ಸಿಲಿಕ್ಗಿಂತ 50 ಸ್ಥಾನ ಕೆಳಗಿರುವ ಸ್ಟ್ರಫ್ ಎರಡನೇ ಸೆಟ್ನಲ್ಲಿ ಮೋಡಿ ಮಾಡಿದರು. ಮೊದಲ ಎಂಟು ಗೇಮ್ಗಳಲ್ಲಿ ಎದುರಾಳಿಯಿಂದ ಪ್ರಬಲ ಪೈಪೋಟಿ ಎದುರಿಸಿದ ಜರ್ಮನಿಯ ಆಟಗಾರ ನಂತರದ ಎರಡು ಗೇಮ್ಗಳಲ್ಲಿ ಮಿಂಚಿನ ಸಾಮರ್ಥ್ಯ ತೋರಿ ಗೆಲುವಿನ ತೋರಣ ಕಟ್ಟಿದರು.</p>.<p>ಕುತೂಹಲದ ಗಣಿಯಾಗಿದ್ದ ಮೂರನೇ ಸೆಟ್ನಲ್ಲಿ ಇಬ್ಬರೂ ಜಿದ್ದಾಜಿದ್ದಿನ ಪೈಪೋಟಿ ನಡೆಸಿದರು. ವಿಶ್ವ ರ್ಯಾಂಕಿಂಗ್ನಲ್ಲಿ ಆರನೇ ಸ್ಥಾನದಲ್ಲಿರುವ ಸಿಲಿಕ್ ಬಲಿಷ್ಠ ಏಸ್ಗಳನ್ನು ಸಿಡಿಸಿ ಗೆಲುವಿನ ಹಾದಿಯಲ್ಲಿ ಸಾಗಿದ್ದರು. ಆದರೆ ‘ಟೈ ಬ್ರೇಕರ್’ನಲ್ಲಿ ಛಲದಿಂದ ಹೋರಾಡಿದ ಸ್ಟ್ರಫ್, ಕ್ರೊವೇಷ್ಯಾದ ಆಟಗಾರನ ಜಯದ ಕನಸನ್ನು ಭಗ್ನಗೊಳಿಸಿದರು. ಈ ಹೋರಾಟ ಎರಡು ಗಂಟೆ 18 ನಿಮಿಷ ನಡೆಯಿತು.</p>.<p>ಮುಂದಿನ ಸುತ್ತಿನಲ್ಲಿ ಸ್ಟ್ರಫ್, ಫ್ರಾನ್ಸ್ನ ಜೆರೆಮಿ ಚಾರ್ಡಿ ವಿರುದ್ಧ ಸೆಣಸಲಿದ್ದಾರೆ. ಈ ವಿಭಾಗದ ಇನ್ನೊಂದು ಪಂದ್ಯದಲ್ಲಿ ಚಾರ್ಡಿ 4–6, 6–3, 6–3ರಲ್ಲಿ ಬೋಸ್ನಿಯಾದ ದಮಿರ್ ಜುಮ್ಹುರ್ ಅವರನ್ನು ಮಣಿಸಿದರು.</p>.<p>ಮತ್ತೊಂದು ಪಂದ್ಯದಲ್ಲಿ ಸ್ವಿಟ್ಜರ್ಲೆಂಡ್ನ ಸ್ಟಾನಿಸ್ಲಾಸ್ ವಾವ್ರಿಂಕ 6–3, 6–4ರ ನೇರ ಸೆಟ್ಗಳಿಂದ ಅಮೆರಿಕದ ಟೇಲರ್ ಫ್ರಿಟ್ಜ್ ವಿರುದ್ಧ ಗೆದ್ದರು.</p>.<p>ಇತರ ಪಂದ್ಯಗಳಲ್ಲಿ ಸ್ಟೆಫಾನೊಸ್ ಸಿಟ್ಸಿಪಸ್ 6–1, 6–3ರಲ್ಲಿ ಟಾರೊ ಡೇನಿಯಲ್ ಎದುರೂ, ರಿಚರ್ಡ್ ಗ್ಯಾಸ್ಕ್ವೆಟ್ 7–6, 6–3ರಲ್ಲಿ ಡೆನಿಸ್ ಕುಡ್ಲಾ ಮೇಲೂ, ಫ್ರಾನ್ಸೆಸ್ ಟಿಯಾಫೊ 7–5, 6–4ರಲ್ಲಿ ಮ್ಯಾಕ್ಸಿಮಿಲಿಯನ್ ಮಾರ್ಟೆರರ್ ವಿರುದ್ಧವೂ ವಿಜಯಿಯಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ:</strong> ಅಗ್ರ ಶ್ರೇಯಾಂಕದ ಆಟಗಾರ ಮರಿನ್ ಸಿಲಿಕ್, ಜಪಾನ್ ಓಪನ್ ಟೆನಿಸ್ ಟೂರ್ನಿಯ ಮೊದಲ ಸುತ್ತಿನಲ್ಲಿ ಆಘಾತ ಕಂಡಿದ್ದಾರೆ.</p>.<p>ಮಂಗಳವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಹಣಾಹಣಿಯಲ್ಲಿ ಜರ್ಮನಿಯ ಜಾನ್ ಲೆನ್ನಾರ್ಡ್ ಸ್ಟ್ರಫ್ 3–6, 6–4, 7–6ರಲ್ಲಿ ಕ್ರೊವೇಷ್ಯಾದ ಸಿಲಿಕ್ ಅವರನ್ನು ಸೋಲಿಸಿದರು.</p>.<p>ಅಮೆರಿಕ ಓಪನ್ನಲ್ಲಿ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದ್ದ ಸಿಲಿಕ್ ಮೊದಲ ಸೆಟ್ನಲ್ಲಿ ಅಮೋಘ ಆಟ ಆಡಿದರು. ಚುರುಕಿನ ಡ್ರಾಪ್ ಮತ್ತು ಬೇಸ್ಲೈನ್ ಹೊಡೆತಗಳ ಮೂಲಕ ಎದುರಾಳಿಯನ್ನು ತಬ್ಬಿಬ್ಬುಗೊಳಿಸಿದರು.</p>.<p>ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ಸಿಲಿಕ್ಗಿಂತ 50 ಸ್ಥಾನ ಕೆಳಗಿರುವ ಸ್ಟ್ರಫ್ ಎರಡನೇ ಸೆಟ್ನಲ್ಲಿ ಮೋಡಿ ಮಾಡಿದರು. ಮೊದಲ ಎಂಟು ಗೇಮ್ಗಳಲ್ಲಿ ಎದುರಾಳಿಯಿಂದ ಪ್ರಬಲ ಪೈಪೋಟಿ ಎದುರಿಸಿದ ಜರ್ಮನಿಯ ಆಟಗಾರ ನಂತರದ ಎರಡು ಗೇಮ್ಗಳಲ್ಲಿ ಮಿಂಚಿನ ಸಾಮರ್ಥ್ಯ ತೋರಿ ಗೆಲುವಿನ ತೋರಣ ಕಟ್ಟಿದರು.</p>.<p>ಕುತೂಹಲದ ಗಣಿಯಾಗಿದ್ದ ಮೂರನೇ ಸೆಟ್ನಲ್ಲಿ ಇಬ್ಬರೂ ಜಿದ್ದಾಜಿದ್ದಿನ ಪೈಪೋಟಿ ನಡೆಸಿದರು. ವಿಶ್ವ ರ್ಯಾಂಕಿಂಗ್ನಲ್ಲಿ ಆರನೇ ಸ್ಥಾನದಲ್ಲಿರುವ ಸಿಲಿಕ್ ಬಲಿಷ್ಠ ಏಸ್ಗಳನ್ನು ಸಿಡಿಸಿ ಗೆಲುವಿನ ಹಾದಿಯಲ್ಲಿ ಸಾಗಿದ್ದರು. ಆದರೆ ‘ಟೈ ಬ್ರೇಕರ್’ನಲ್ಲಿ ಛಲದಿಂದ ಹೋರಾಡಿದ ಸ್ಟ್ರಫ್, ಕ್ರೊವೇಷ್ಯಾದ ಆಟಗಾರನ ಜಯದ ಕನಸನ್ನು ಭಗ್ನಗೊಳಿಸಿದರು. ಈ ಹೋರಾಟ ಎರಡು ಗಂಟೆ 18 ನಿಮಿಷ ನಡೆಯಿತು.</p>.<p>ಮುಂದಿನ ಸುತ್ತಿನಲ್ಲಿ ಸ್ಟ್ರಫ್, ಫ್ರಾನ್ಸ್ನ ಜೆರೆಮಿ ಚಾರ್ಡಿ ವಿರುದ್ಧ ಸೆಣಸಲಿದ್ದಾರೆ. ಈ ವಿಭಾಗದ ಇನ್ನೊಂದು ಪಂದ್ಯದಲ್ಲಿ ಚಾರ್ಡಿ 4–6, 6–3, 6–3ರಲ್ಲಿ ಬೋಸ್ನಿಯಾದ ದಮಿರ್ ಜುಮ್ಹುರ್ ಅವರನ್ನು ಮಣಿಸಿದರು.</p>.<p>ಮತ್ತೊಂದು ಪಂದ್ಯದಲ್ಲಿ ಸ್ವಿಟ್ಜರ್ಲೆಂಡ್ನ ಸ್ಟಾನಿಸ್ಲಾಸ್ ವಾವ್ರಿಂಕ 6–3, 6–4ರ ನೇರ ಸೆಟ್ಗಳಿಂದ ಅಮೆರಿಕದ ಟೇಲರ್ ಫ್ರಿಟ್ಜ್ ವಿರುದ್ಧ ಗೆದ್ದರು.</p>.<p>ಇತರ ಪಂದ್ಯಗಳಲ್ಲಿ ಸ್ಟೆಫಾನೊಸ್ ಸಿಟ್ಸಿಪಸ್ 6–1, 6–3ರಲ್ಲಿ ಟಾರೊ ಡೇನಿಯಲ್ ಎದುರೂ, ರಿಚರ್ಡ್ ಗ್ಯಾಸ್ಕ್ವೆಟ್ 7–6, 6–3ರಲ್ಲಿ ಡೆನಿಸ್ ಕುಡ್ಲಾ ಮೇಲೂ, ಫ್ರಾನ್ಸೆಸ್ ಟಿಯಾಫೊ 7–5, 6–4ರಲ್ಲಿ ಮ್ಯಾಕ್ಸಿಮಿಲಿಯನ್ ಮಾರ್ಟೆರರ್ ವಿರುದ್ಧವೂ ವಿಜಯಿಯಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
