<p><strong>ಲಂಡನ್:</strong> ಸ್ಪೇನ್ನ ರಫೆಲ್ ನಡಾಲ್ ಮತ್ತು ಆಸ್ಟ್ರೇಲಿಯಾದ ನಿಕ್ ಕಿರ್ಗಿಯೊಸ್ ಅವರು ವಿಂಬಲ್ಡನ್ ಗ್ರ್ಯಾನ್ಸ್ಲಾಮ್ ಟೆನಿಸ್ ಟೂರ್ನಿಯ 16ರ ಘಟ್ಟ ಪ್ರವೇಶಿಸಿದರು.</p>.<p>ಶನಿವಾರ ರಾತ್ರಿ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಪಂದ್ಯದಲ್ಲಿ ನಡಾಲ್ 6-1, 6-2, 6-4 ರಲ್ಲಿ ಇಟಲಿಯ ಲೊರೆಂಜೊ ಸೊನೆಗೊ ವಿರುದ್ದ ನೇರ ಸೆಟ್ಗಳ ಜಯ ಸಾಧಿಸಿದರು. ಕಳೆದ ಎರಡು ಪಂದ್ಯಗಳಲ್ಲಿ ನಾಲ್ಕು ಸೆಟ್ಗಳನ್ನು ಆಡಿದ್ದ ನಡಾಲ್, ಈ ಪಂದ್ಯದಲ್ಲಿ ಎದುರಾಳಿಗೆ ಕೇವಲ ಏಳು ಗೇಮ್ಗಳನ್ನು ಮಾತ್ರ ಬಿಟ್ಟುಕೊಟ್ಟರು.</p>.<p>ನಡಾಲ್ ಮುಂದಿನ ಸುತ್ತಿನ ಪಂದ್ಯದಲ್ಲಿ ನೆದರ್ಲೆಂಡ್ಸ್ನ ಬಾಟಿಕ್ ವಾನ್ ಡೆರ್ ಜಂಡ್ಶುಪ್ ಅವರನ್ನು ಎದುರಿಸುವರು. ಬಾಟಿಕ್ 7-5, 2-6, 7-6 (9/7), 6-1 ರಲ್ಲಿ ಫ್ರಾನ್ಸ್ನ ರಿಚರ್ಡ್ ಗಾಸ್ಕೆಟ್ ವಿರುದ್ಧ ಗೆದ್ದರು.</p>.<p><strong>ರೋಚಕ ಹಣಾಹಣಿ:</strong> ಈ ವಿಂಬಲ್ಡನ್ ಟೂರ್ನಿಯಲ್ಲಿ ಇದುವರೆಗಿನ ಅತ್ಯಂತ ರೋಚಕ ಹೋರಾಟಕ್ಕೆ ನಿಕ್ ಕಿರ್ಗಿಯೊಸ್ ಮತ್ತು ಗ್ರೀಸ್ನ ಸ್ಟೆಫಾನೊಸ್ ಸಿಸಿಪಸ್ ನಡುವಿನ ಪಂದ್ಯ ಸಾಕ್ಷಿಯಾಯಿತು.</p>.<p>ಜಿದ್ದಾಜಿದ್ದಿನ ಸೆಣಸಾಟದ ಜತೆಯಲ್ಲೇ ಮಾತಿನ ಚಕಮಕಿಯಿಂದಲೂ ಕಾವೇರಿದ ಪಂದ್ಯದಲ್ಲಿ ಕಿರ್ಗಿಯೊಸ್ 6-7 (2/7), 6-4, 6-3, 7-6 (9/7) ಸೆಟ್ಗಳಿಂದ ರೋಚಕ ಜಯ ದಾಖಲಿಸಿದರು. ಪಂದ್ಯದ ಬಳಿಕ ನಡೆದ ಸುದ್ದಿಗೋಷ್ಠಿಯಲ್ಲೂ ಇಬ್ಬರು ಆಟಗಾರರು ಪರಸ್ಪರ ದೂಷಿಸಿದರು.</p>.<p>2014 ರಲ್ಲಿ ಇಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದ ಕಿರ್ಗಿಯೊಸ್ ಮೊದಲ ಸೆಟ್ಅನ್ನು ಟೈಬ್ರೇಕರ್ನಲ್ಲಿ ಸೋತರು. ಬಳಿಕ ಲಯ ಕಂಡುಕೊಂಡು ಅಮೋಘ ಆಟ ಪ್ರದರ್ಶಿಸಿದರು. ನಾಲ್ಕನೇ ಸೆಟ್ನಲ್ಲಿ ತುರುಸಿನ ಪೈಪೋಟಿ ಕಂಡುಬಂತು. ಈ ಪಂದ್ಯ 3 ಗಂಟೆ 17 ನಿಮಿಷ ನಡೆಯಿತು.</p>.<p>ಎರಡನೇ ಸೆಟ್ ಸೋತಾಗ ಹತಾಶೆಗೊಳದಾದ ಸಿಸಿಪಸ್ ಚೆಂಡನ್ನು ಪ್ರೇಕ್ಷಕರತ್ತ ಹೊಡೆದರು. ಅದಕ್ಕೆ ರೆಫರಿಯಿಂದ ಎಚ್ಚರಿಕೆಯನ್ನೂ ಪಡೆದರು. ಕಿರ್ಗಿಯೊಸ್ ಕೂಡಾ ಒರಟು ವರ್ತನೆ ತೋರಿದ್ದಕ್ಕೆ, ಎಚ್ಚರಿಕೆಯನ್ನು ಪಡೆದರು.</p>.<p>ಈ ಗೆಲುವಿನ ಮೂಲಕ ಕಿರ್ಗಿಯೊಸ್ ಅವರು, ಗ್ರೀಸ್ ಆಟಗಾರನ ಎದುರಿನ ಗೆಲುವಿನ ದಾಖಲೆಯನ್ನು 4–1ಕ್ಕೆ ಹೆಚ್ಚಿಸಿಕೊಂಡರು.</p>.<p><strong>ಬೊಜ್ಕೊವಾಗೆ ಜಯ:</strong> ಮಹಿಳೆಯರ ಸಿಂಗಲ್ಸ್ ವಿಭಾಗದ ಪಂದ್ಯದಲ್ಲಿ ಜೆಕ್ ರಿಪಬ್ಲಿಕ್ನ ಮರಿಯಾ ಬೊಜ್ಕೊವಾ 7-5, 6-2 ರಲ್ಲಿ ಫ್ರಾನ್ಸ್ನ ಕೆರೊಲಿನಾ ಗಾರ್ಸಿಯಾ ವಿರುದ್ಧ ಗೆದ್ದರು.</p>.<p>ಇನ್ನೊಂದು ಪಂದ್ಯದಲ್ಲಿ ಜರ್ಮನಿಯ ತತಿಯಾನ ಮರಿಯಾ 5–7, 7–5, 7–5 ರಲ್ಲಿ ಲಾತ್ವಿಯದ ಎಲೆನಾ ಒಸಪೆಂಕೊ ಅವರನ್ನು ಮಣಿಸಿದರು.</p>.<p>ಮೂರನೇ ಸುತ್ತಿಗೆ ಸಾನಿಯಾ ಜೋಡಿ: ಭಾರತದ ಸಾನಿಯಾ ಮಿರ್ಜಾ ಮತ್ತು ಕ್ರೊಯೇಷ್ಯದ ಮಾಟೆ ಪಾವಿಚ್ ಜೋಡಿ ಎರಡನೇ ಸುತ್ತಿನಲ್ಲಿ ವಾಕ್ಓವರ್ ಪಡೆದು ಮುಂದಿನ ಸುತ್ತು ಪ್ರವೇಶಿಸಿತು. ಕ್ರೊಯೇಷ್ಯಾದ ಇವಾನ್ ಡೊಡಿಗ್ ಮತ್ತು ಚೀನಾ ತೈಪೆಯ ಲಟಿಶಾ ಚಾನ್ ಅವರು ಹಿಂದೆ ಸರಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್:</strong> ಸ್ಪೇನ್ನ ರಫೆಲ್ ನಡಾಲ್ ಮತ್ತು ಆಸ್ಟ್ರೇಲಿಯಾದ ನಿಕ್ ಕಿರ್ಗಿಯೊಸ್ ಅವರು ವಿಂಬಲ್ಡನ್ ಗ್ರ್ಯಾನ್ಸ್ಲಾಮ್ ಟೆನಿಸ್ ಟೂರ್ನಿಯ 16ರ ಘಟ್ಟ ಪ್ರವೇಶಿಸಿದರು.</p>.<p>ಶನಿವಾರ ರಾತ್ರಿ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಪಂದ್ಯದಲ್ಲಿ ನಡಾಲ್ 6-1, 6-2, 6-4 ರಲ್ಲಿ ಇಟಲಿಯ ಲೊರೆಂಜೊ ಸೊನೆಗೊ ವಿರುದ್ದ ನೇರ ಸೆಟ್ಗಳ ಜಯ ಸಾಧಿಸಿದರು. ಕಳೆದ ಎರಡು ಪಂದ್ಯಗಳಲ್ಲಿ ನಾಲ್ಕು ಸೆಟ್ಗಳನ್ನು ಆಡಿದ್ದ ನಡಾಲ್, ಈ ಪಂದ್ಯದಲ್ಲಿ ಎದುರಾಳಿಗೆ ಕೇವಲ ಏಳು ಗೇಮ್ಗಳನ್ನು ಮಾತ್ರ ಬಿಟ್ಟುಕೊಟ್ಟರು.</p>.<p>ನಡಾಲ್ ಮುಂದಿನ ಸುತ್ತಿನ ಪಂದ್ಯದಲ್ಲಿ ನೆದರ್ಲೆಂಡ್ಸ್ನ ಬಾಟಿಕ್ ವಾನ್ ಡೆರ್ ಜಂಡ್ಶುಪ್ ಅವರನ್ನು ಎದುರಿಸುವರು. ಬಾಟಿಕ್ 7-5, 2-6, 7-6 (9/7), 6-1 ರಲ್ಲಿ ಫ್ರಾನ್ಸ್ನ ರಿಚರ್ಡ್ ಗಾಸ್ಕೆಟ್ ವಿರುದ್ಧ ಗೆದ್ದರು.</p>.<p><strong>ರೋಚಕ ಹಣಾಹಣಿ:</strong> ಈ ವಿಂಬಲ್ಡನ್ ಟೂರ್ನಿಯಲ್ಲಿ ಇದುವರೆಗಿನ ಅತ್ಯಂತ ರೋಚಕ ಹೋರಾಟಕ್ಕೆ ನಿಕ್ ಕಿರ್ಗಿಯೊಸ್ ಮತ್ತು ಗ್ರೀಸ್ನ ಸ್ಟೆಫಾನೊಸ್ ಸಿಸಿಪಸ್ ನಡುವಿನ ಪಂದ್ಯ ಸಾಕ್ಷಿಯಾಯಿತು.</p>.<p>ಜಿದ್ದಾಜಿದ್ದಿನ ಸೆಣಸಾಟದ ಜತೆಯಲ್ಲೇ ಮಾತಿನ ಚಕಮಕಿಯಿಂದಲೂ ಕಾವೇರಿದ ಪಂದ್ಯದಲ್ಲಿ ಕಿರ್ಗಿಯೊಸ್ 6-7 (2/7), 6-4, 6-3, 7-6 (9/7) ಸೆಟ್ಗಳಿಂದ ರೋಚಕ ಜಯ ದಾಖಲಿಸಿದರು. ಪಂದ್ಯದ ಬಳಿಕ ನಡೆದ ಸುದ್ದಿಗೋಷ್ಠಿಯಲ್ಲೂ ಇಬ್ಬರು ಆಟಗಾರರು ಪರಸ್ಪರ ದೂಷಿಸಿದರು.</p>.<p>2014 ರಲ್ಲಿ ಇಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದ ಕಿರ್ಗಿಯೊಸ್ ಮೊದಲ ಸೆಟ್ಅನ್ನು ಟೈಬ್ರೇಕರ್ನಲ್ಲಿ ಸೋತರು. ಬಳಿಕ ಲಯ ಕಂಡುಕೊಂಡು ಅಮೋಘ ಆಟ ಪ್ರದರ್ಶಿಸಿದರು. ನಾಲ್ಕನೇ ಸೆಟ್ನಲ್ಲಿ ತುರುಸಿನ ಪೈಪೋಟಿ ಕಂಡುಬಂತು. ಈ ಪಂದ್ಯ 3 ಗಂಟೆ 17 ನಿಮಿಷ ನಡೆಯಿತು.</p>.<p>ಎರಡನೇ ಸೆಟ್ ಸೋತಾಗ ಹತಾಶೆಗೊಳದಾದ ಸಿಸಿಪಸ್ ಚೆಂಡನ್ನು ಪ್ರೇಕ್ಷಕರತ್ತ ಹೊಡೆದರು. ಅದಕ್ಕೆ ರೆಫರಿಯಿಂದ ಎಚ್ಚರಿಕೆಯನ್ನೂ ಪಡೆದರು. ಕಿರ್ಗಿಯೊಸ್ ಕೂಡಾ ಒರಟು ವರ್ತನೆ ತೋರಿದ್ದಕ್ಕೆ, ಎಚ್ಚರಿಕೆಯನ್ನು ಪಡೆದರು.</p>.<p>ಈ ಗೆಲುವಿನ ಮೂಲಕ ಕಿರ್ಗಿಯೊಸ್ ಅವರು, ಗ್ರೀಸ್ ಆಟಗಾರನ ಎದುರಿನ ಗೆಲುವಿನ ದಾಖಲೆಯನ್ನು 4–1ಕ್ಕೆ ಹೆಚ್ಚಿಸಿಕೊಂಡರು.</p>.<p><strong>ಬೊಜ್ಕೊವಾಗೆ ಜಯ:</strong> ಮಹಿಳೆಯರ ಸಿಂಗಲ್ಸ್ ವಿಭಾಗದ ಪಂದ್ಯದಲ್ಲಿ ಜೆಕ್ ರಿಪಬ್ಲಿಕ್ನ ಮರಿಯಾ ಬೊಜ್ಕೊವಾ 7-5, 6-2 ರಲ್ಲಿ ಫ್ರಾನ್ಸ್ನ ಕೆರೊಲಿನಾ ಗಾರ್ಸಿಯಾ ವಿರುದ್ಧ ಗೆದ್ದರು.</p>.<p>ಇನ್ನೊಂದು ಪಂದ್ಯದಲ್ಲಿ ಜರ್ಮನಿಯ ತತಿಯಾನ ಮರಿಯಾ 5–7, 7–5, 7–5 ರಲ್ಲಿ ಲಾತ್ವಿಯದ ಎಲೆನಾ ಒಸಪೆಂಕೊ ಅವರನ್ನು ಮಣಿಸಿದರು.</p>.<p>ಮೂರನೇ ಸುತ್ತಿಗೆ ಸಾನಿಯಾ ಜೋಡಿ: ಭಾರತದ ಸಾನಿಯಾ ಮಿರ್ಜಾ ಮತ್ತು ಕ್ರೊಯೇಷ್ಯದ ಮಾಟೆ ಪಾವಿಚ್ ಜೋಡಿ ಎರಡನೇ ಸುತ್ತಿನಲ್ಲಿ ವಾಕ್ಓವರ್ ಪಡೆದು ಮುಂದಿನ ಸುತ್ತು ಪ್ರವೇಶಿಸಿತು. ಕ್ರೊಯೇಷ್ಯಾದ ಇವಾನ್ ಡೊಡಿಗ್ ಮತ್ತು ಚೀನಾ ತೈಪೆಯ ಲಟಿಶಾ ಚಾನ್ ಅವರು ಹಿಂದೆ ಸರಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
