ನಿಷೇಧಾಜ್ಞೆ ನಡುವೆಯೂ ವಿಜಯೋತ್ಸವ

ಬೆಳಗಾವಿ: ಆಯಾ ಪಕ್ಷಗಳ ಬೆಂಬಲಿಗರಿಂದ ವಿಜಯೋತ್ಸವ, ಗುಲಾಲ ಮತ್ತು ಕೇಸರಿ ಬಣ್ಣಗಳ ಎರಚಾಟ, ಬಿಜೆಪಿ ಮತ್ತು ಭಗವಾಧ್ವಜಗಳ ಹಾರಾಟ, ಮುಗಿಲು ಮುಟ್ಟಿದ ಪಟಾಕಿ ಸದ್ದು, ಗೆದ್ದವರ ಹರ್ಷ, ಜೈಕಾರದ ಘೋಷಣೆಗಳು, ನಿರಾಸೆಯಿಂದ ಹೊರಟ ಸೋತವರು...

. ವಿಧಾನಸಭೆಗೆ ಚುನಾವಣೆಯ ಫಲಿತಾಂಶ ಪ್ರಕಟವಾಗುತ್ತಿದ್ದಂತೆಯೇ ಬೆಳಗಾವಿ ನಗರದಲ್ಲಿ ಮಂಗಳವಾರ ಕಂಡುಬಂದ ಚಿತ್ರಣ ಇದು. ಆರ್ಪಿಡಿ ಕಾಲೇಜಿನಲ್ಲಿ ಸೂರ್ಯೋದಯದೊಂದಿಗೆ ಆರಂಭವಾದ ಮತಎಣಿಕೆ ಪ್ರಕ್ರಿಯೆ, ಅಭ್ಯರ್ಥಿಗಳ ಬೆಂಬಲಿಗರ ಆಗಮನ, ಮತಎಣಿಕೆ ಏಜೆಂಟರು, ಭದ್ರತೆಗೆ ನಿಯೋಜಿಸಲ್ಪಟ್ಟ ಪೊಲೀಸರನ್ನು ಒಳಗೊಂಡಂತೆ ಇಡೀ ನಗರ ಜಾತ್ರೆಯ ಸ್ವರೂಪ ತಾಳಿತ್ತು.

. ಬಸವೇಶ್ವರ ವೃತ್ತ, ಮಹಾತ್ಮ ಪುಲೆ ರಸ್ತೆ, ರೇಲ್ವೆ ಪ್ರಥಮ ಗೇಟ್ ಕಡೆ ಹೋಗುವ ರಸ್ತೆ, ಲೆಲೆ ಮೈದಾನದ ಸುತ್ತಲಿನ ಭಾಗಗಳಲ್ಲಿ ಮಣಗಟ್ಟಲೆ ಗುಲಾಲ, ಕೇಸರಿ ಬಣ್ಣದ ಪುಡಿ ಎರಚಿ ಸಂಭ್ರಮ ಪಟ್ಟರು. ಗಟಾಟೆಗೆ ಅವಕಾಶ ಆಗಬಾರದು ಎಂಬ ಕಾರಣದಿಂದ ವಿಧಿಸಿದ್ದ ನಿಷೇಧಾಜ್ಞೆಯ ನಡುವೆಯೂ ಸಾಗರೋಪಾದಿಯಾಗಿ ಬಂದ ಕಾರ್ಯಕರ್ತರು ಪೊಲೀಸರ ಎದುರಲ್ಲಿಯೇ ಬೈಕ್, ಇತರ ವಾಹನಗಳ ಮೇಲೆ ಗಲ್ಲಿಗಲ್ಲಿಗಳಲ್ಲಿ ಸಂಚರಿಸಿದರು.

. ಬೆಳಗಾವಿ ಉತ್ತರ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಅನಿಲ ಬೆನಕೆ ಆಯ್ಕೆ ಪ್ರಕಟವಾಗುತ್ತಿದ್ದಂತೆಯೇ ಇಡೀ ನಗರದ ಚಿತ್ರಣವೇ ಬೇರೆಯಾಗಿತ್ತು. ಬಿಜೆಪಿ ಬೆಂಬಲಿಗರು ಆಳೆತ್ತರದ ಭಗವಾಧ್ವಜಗಳೊಂದಿಗೆ ಬೀದಿಗೆ ಇಳಿದರು. ದಕ್ಷಿಣ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಅಭಯ ಪಾಟೀಲ ಅವರು ಹೆಚ್ಚಿನ ಮತಗಳ ಅಂತರದಿಂದ ಮುಂದಿದ್ದಾರೆ ಎಂಬ ಸುದ್ದಿ ಮೈಕ್ಗಳಲ್ಲಿ ಘೋಷಣೆಯಾಗುತ್ತಿದ್ದಂತೆ ಕಾರ್ಯಕರ್ತರ ಉತ್ಸಾಹಕ್ಕೆ ಮಿತಿಯೇ ಇರಲಿಲ್ಲ.

. ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಲಕ್ಷ್ಮಿ ಹೆಬ್ಬಾಳಕರರ ಸಾವಿರಾರು ಬೆಂಬಲಿಗರು ಚುನಾವಣೆ ಫಲಿತಾಂಶಕ್ಕೆ ಕಾತರದಿಂದ ಕಾದು ನಿಂತಿದ್ದರು. ಆದರೆ ಎಣಿಕೆ ನಿಧಾನಗೊಳ್ಳುತ್ತಿದ್ದಂತೆಯೇ ಕಾರ್ಯಕರ್ತರು ಬಸವೇಶ್ವರ ಸರ್ಕಲ್, ಮಹಾತ್ಮಾ ಫುಲೆ ರಸ್ತೆಗಳಲ್ಲಿ ಫಲಿತಾಂಶದ ಮೊದಲೇ ಘೋಷಣೆ ಜಯಕಾರ ಹಾಕಿ, ಮೆರವಣಿಗೆ ಆರಂಭಿಯೇ ಬಿಟ್ಟರು.

. ಉತ್ತರ ಕ್ಷೇತ್ರದ ಅನಿಲ ಬೆನಕೆ ಬೆಂಗಲಿಗರು ಖಡೇಬಜಾರ್, ಬಡಕಲ ಗಲ್ಲಿ, ದರ್ಬಾರ್ ಗಲ್ಲಿಗಳಲ್ಲಿ ಬೈಕ್ ಮೆರವಣಿಗೆ ನಡೆಸಲು ಆಗಮಿಸಿದಾಗ ಪೊಲೀಸರು ಬಿಡಲಿಲ್ಲ. ಇಲ್ಲಿನ ಮಸೀದಿಗಳಿಗೆ ಭಾರೀ ಭದ್ರತೆ ಒದಗಿಸಲಾಗಿತ್ತು. ಮೆರವಣಿಗೆದಾರರು ಕ್ಷೇತ್ರದಲ್ಲಿ ಸಂಚರಿಸಲು ಅವಕಾಶ ಕೊಡಲಿಲ್ಲ ಎಂದು ಕಾರ್ಯಕರ್ತರು ಪೊಲೀಸರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಪೊಲೀಸರು ಮುನ್ನೆಚ್ಚರಿಕೆಯಾಗಿ ಸೂಕ್ಷ್ಮ ಪ್ರದೇಶಗಳಲ್ಲಿ ಭಾರೀ ಭದ್ರತೆ ಒದಗಿಸಿದ್ದರು.

. ಮತಎಣಿಕೆ ಕೇಂದ್ರದಿಂದ ಹೊರ ಬಂದ ಶಾಸಕರು ಬೆಂಬಲಿಗರಿಗೆ ಕೈ ಬೀಸಿ ವಿಜಯದ ಸಂಕೇತ ತೋರಿಸಿದರು. ಸೋತವರು ನಿರಾಸೆಯಿಂದ ವಾಪಸಾದರು.

. ಅಭ್ಯರ್ಥಿಗಳು ಹೀಗೆಂದರು...

. ಇದು ಜನರ ತೀರ್ಪು: ಚುನಾವಣೆಯಲ್ಲಿ ಸೋತ ರಾಜು ಕಾಗೆ ಪ್ರತಿಕ್ರಿಯಿಸಿ ‘ಈ ಸೋಲು ಮತದಾರರು ಕೊಟ್ಟ ತೀರ್ಪು, ಅದಕ್ಕೆ ನಾನು ಬದ್ಧ’ ಎಂದು ಚುಟುಕಾಗಿ ಹೇಳಿ ತೆರಳಿದರು.

. ಮತದಾರರ ಗೆಲುವು: ‘ಗ್ರಾಮೀಣ ಕ್ಷೇತ್ರದಲ್ಲಿ ಸೌಲಭ್ಯ ವಂಚಿತರಾದ ಮತದಾರರು ಈ ಸಲ ನನ್ನನ್ನು ಗೆಲ್ಲಿಸಿದ್ದಾರೆ. ಅವರಿಗೆ ನಿರಾಸೆ ಮಾಡುವುದಿಲ್ಲ. ಇದು ಮತದಾರರ ಗೆಲುವು’ ಎಂದು ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಲಕ್ಷ್ಮಿ ಹೆಬ್ಬಾಳಕರ ಪ್ರತಿಕ್ರಿಯಿಸಿದರು.

. ಜನರೊಂದಿಗೆ ಇರುತ್ತೇನೆ: ‘ಜನಪರ ಕೆಲಸ ಮಾಡಲು ಮತದಾರರು ಅವಕಾಶ ನೀಡಿದ್ದಾರೆ. ಅವರ ಜತೆಯಲ್ಲಿದ್ದು ಕೆಲಸ ಮಾಡುತ್ತೇನೆ’ ಎಂದು ಬೆಳಗಾವಿ ದಕ್ಷಿಣ ಕ್ಷೇತ್ರದ ಅಭಯ ಪಾಟೀಲ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿಷೇಧಾಜ್ಞೆ ನಡುವೆಯೂ ವಿಜಯೋತ್ಸವ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!