<p><strong>ನವದೆಹಲಿ:</strong> ಅರ್ಧ ಶತಮಾನದ ಹಿಂದೆ ನಡೆದ ಯುದ್ಧದಲ್ಲಿ ಪಾಕಿಸ್ತಾನ ಸೇನೆಯನ್ನು ಇನ್ನಿಲ್ಲದಂತೆ ಕಾಡಿದ್ದ ಭಾರತೀಯ ವಾಯುಪಡೆಯ ಮುಂಚೂಣಿ ಯುದ್ಧ ವಿಮಾನ ಮಿಗ್–21 ಈಗಲೂ ಆ ದೇಶವನ್ನು ದುಃಸ್ವಪ್ನದಂತೆ ಕಾಡುತ್ತಿವೆ.</p>.<p>1971ರಲ್ಲಿ ಪಾಕಿಸ್ತಾನ ವಿರುದ್ಧದ ಯುದ್ಧದಲ್ಲಿ ಭಾರತೀಯ ವಾಯುಪಡೆಯ ಮಿಗ್–21 ಯುದ್ಧ ವಿಮಾನ<br />ಗಳು ಢಾಕಾದ ಗವರ್ನರ್ ನಿವಾಸವನ್ನು ಸುತ್ತುವರಿದಿದ್ದವು. ಮಿಗ್ ವಿಧ್ವಂಸಕಾರಿ ದಾಳಿಗೆ ಬೆದರಿದ 93 ಸಾವಿರ ಯೋಧರ ಪಾಕಿಸ್ತಾನ ಭಾರತಕ್ಕೆ ಶರಣಾಗಿತ್ತು.</p>.<p>ಅಂದು ಪಾಕಿಸ್ತಾನದ ಜತೆಗಿನ ಯುದ್ಧದಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದ ರಷ್ಯಾ ನಿರ್ಮಿತ ಮಿಗ್ ಯುದ್ಧ ವಿಮಾನಗಳು ಸೇವೆಯಿಂದ ತೆರೆಯ ಮರೆಗೆ ಸರಿಯುವ ಕಾಲ ಸಮೀಪಿಸುತ್ತಿದ್ದರೂ ಅವುಗಳ ಮಾರಕ ಹೊಡೆತ, ದಾಳಿಯ ತೀವ್ರತೆ ಮತ್ತು ದಾಳಿಯ ಸಾಮರ್ಥ್ಯ ಇನ್ನೂ ಕಡಿಮೆಯಾಗಿಲ್ಲ.</p>.<p>ಮಿಗ್–21 ಯುದ್ಧ ವಿಮಾನಗಳು ಈಗಲೂ ನೆರೆಯ ರಾಷ್ಟ್ರವನ್ನು ಇನ್ನಿಲ್ಲದಂತೆ ಕಾಡುತ್ತಿವೆ. ಮಿಗ್–21 ಬೈಸನ್ (ಕಾಡುಕೋಣ) ಇತ್ತೀಚೆಗೆ ಪಾಕಿಸ್ತಾನದ ಅತ್ಯಾಧುನಿಕ ಎಫ್–16 ಯುದ್ಧ ವಿಮಾನವನ್ನು ಹೊಡೆದು ಉರುಳಿಸಿದೆ. ಅಲ್ಲಿ ದೊರೆತ ಅವಶೇಷಗಳು ಜಾಗತಿಕ ಮಟ್ಟದಲ್ಲಿ ಪಾಕಿಸ್ತಾನವನ್ನು ಕಟ್ಟಿ ಹಾಕಲು ಭಾರತಕ್ಕೆ ಸೂಕ್ತ ಪುರಾವೆ ಒದಗಿಸಲಿವೆ.</p>.<p>ಭಾರತ ಹೊಡೆದು ಉರುಳಿಸಿದ ಎಫ್–16 ಬತ್ತಳಿಕೆಯಲ್ಲಿದ್ದ ಅಮೆರಿಕ ನಿರ್ಮಿತ ಎಐಎಂ–120 ಸಿ–5 ಕ್ಷಿಪಣಿಯ ಚೂರುಗಳನ್ನು ಭಾರತೀಯ ಸೇನೆ ವಶಪಡಿಸಿಕೊಂಡಿದೆ.</p>.<p>ಜಮ್ಮು ಮತ್ತು ಕಾಶ್ಮೀರದ ರಜೌರಿ ಪೂರ್ವ ಭಾಗದಲ್ಲಿ ದೊರೆತ ಕ್ಷಿಪಣಿ ಅವಶೇಷ, ಎಲೆಕ್ಟ್ರಾನಿಕ್ ಚಿಪ್ ಬೋರ್ಡ್ ತುಂಡುಗಳನ್ನು ಭಾರತೀಯ ಸೇನೆ ವಶಪಡಿಸಿಕೊಂಡಿದೆ. ಎಎಂಆರ್ಎಎಎಂ ಕ್ಷಿಪಣಿಯನ್ನು ಪಾಕಿಸ್ತಾನದ ಎಫ್–16 ಯುದ್ಧ ವಿಮಾನಗಳು ಬಳಸುತ್ತವೆ.</p>.<p>ಭಯೋತ್ಪಾದಕರ ವಿರುದ್ಧದ ಹೋರಾಟಕ್ಕೆ ಬಳಸಬೇಕಾಗಿದ್ದ ಅಮೆರಿಕ ನಿರ್ಮಿತ ಯುದ್ಧ ವಿಮಾನಗಳನ್ನು ಪಾಕಿ<br />ಸ್ತಾನ ಸೇನೆಯು ಭಾರತದ ವಿರುದ್ಧ ಬಳಸುತ್ತಿದೆ ಎಂದು ನಿರೂಪಿಸಲು ಈ ಪುರಾವೆಗಳು ಸಹಾಯವಾಗಲಿವೆ. ಇದು ಸಾಧ್ಯವಾದದ್ದು ಮತ್ತದೇ ‘ಮಿಗ್–21’ನಿಂದ.</p>.<p>ಜಮ್ಮು ಮತ್ತು ಕಾಶ್ಮೀರದಲ್ಲಿ ಸೇನಾ ನೆಲೆಗಳನ್ನು ಗುರಿಯಾಗಿಸಿಕೊಂಡು ದಾಳಿಗೆ ಮುಂದಾಗಿದ್ದ ‘ಎಫ್–16’ ಮಹತ್ವದ ಎಲೆಕ್ಟ್ರಾನಿಕ್ ಹೆಗ್ಗುರುತುಗಳು ಭಾರತೀಯ ಸೇನೆಯ ವಶದಲ್ಲಿವೆ.</p>.<p>ಅಮೆರಿಕ ಮೊದಲ ಬಾರಿಗೆ 1990ರಲ್ಲಿ 40 ಎಫ್–16 ಅತ್ಯಾಧುನಿಕ ಯುದ್ಧ ವಿಮಾನಗಳನ್ನು ಪಾಕಿಸ್ತಾನಕ್ಕೆ ಪೂರೈಸಿತ್ತು. ಆಡಳಿತ ಎರಡನೇ ಹಂತದಲ್ಲಿ ಜಾರ್ಜ್ ಬುಷ್ 36 ಎಫ್–16 ಯುದ್ಧ ವಿಮಾನ ಮತ್ತು ಕ್ಷಿಪಣಿಗಳನ್ನು ಪೂರೈಸಿತ್ತು.</p>.<p>ಭಯೋತ್ಫಾದನೆಯನ್ನು ನಿಯಂತ್ರಿಸಲು ಮಾತ್ರ ಈ ಶಸ್ತಾಸ್ತ್ರಗಳನ್ನು ಬಳಸುವಂತೆ ಅಮೆರಿಕವು ಪಾಕಿಸ್ತಾನಕ್ಕೆ ಕಟ್ಟುನಿಟ್ಟಿನ ಷರತ್ತು ವಿಧಿಸಿತ್ತು. ಆದರೆ, ಈ ಷರತ್ತುಗಳನ್ನು ಉಲ್ಲಂಘಿಸಿರುವ ಪಾಕಿಸ್ತಾನವು ಭಾರತದ ಮೇಲಿನ ದಾಳಿಗೆ ಅಮೆರಿಕ ನಿರ್ಮಿತ ವಿಮಾನ, ಕ್ಷಿಪಣಿ ಮತ್ತು ಶಸ್ತ್ರಾಸ್ತ್ರಗಳನ್ನು ಬಳಸಿಕೊಳ್ಳುತ್ತಿದೆ.</p>.<p>ಭಾರತಕ್ಕೆ ಈ ಪುರಾವೆಗಳನ್ನು ಒದಗಿಸಿದ್ದು ಮಿಗ್–21 ಯುದ್ಧ ವಿಮಾನಗಳು.</p>.<p>ಮಿಗ್–21 ಬೈಸನ್ ಮತ್ತು ಎಫ್–16 ಯುದ್ಧ ವಿಮಾನಗಳ ನಡುವಿನ ವೈಮಾನಿಕ ಕಾಳಗದಲ್ಲಿ ಬಹುತೇಕ ಮಿಗ್ ಮೇಲುಗೈ ಸಾಧಿಸಿವೆ. ಅಮೆರಿಕ ನಿರ್ಮಿತ ಯುದ್ಧ ವಿಮಾನಗಳ ಮೇಲೆ ರಷ್ಯಾ ನಿರ್ಮಿತ ಯುದ್ಧ ವಿಮಾನಗಳು ಮೇಲುಗೈ ಸಾಧಿಸಿರುವ ನಿದರ್ಶನ ಇರುವುದು ಇದೊಂದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಅರ್ಧ ಶತಮಾನದ ಹಿಂದೆ ನಡೆದ ಯುದ್ಧದಲ್ಲಿ ಪಾಕಿಸ್ತಾನ ಸೇನೆಯನ್ನು ಇನ್ನಿಲ್ಲದಂತೆ ಕಾಡಿದ್ದ ಭಾರತೀಯ ವಾಯುಪಡೆಯ ಮುಂಚೂಣಿ ಯುದ್ಧ ವಿಮಾನ ಮಿಗ್–21 ಈಗಲೂ ಆ ದೇಶವನ್ನು ದುಃಸ್ವಪ್ನದಂತೆ ಕಾಡುತ್ತಿವೆ.</p>.<p>1971ರಲ್ಲಿ ಪಾಕಿಸ್ತಾನ ವಿರುದ್ಧದ ಯುದ್ಧದಲ್ಲಿ ಭಾರತೀಯ ವಾಯುಪಡೆಯ ಮಿಗ್–21 ಯುದ್ಧ ವಿಮಾನ<br />ಗಳು ಢಾಕಾದ ಗವರ್ನರ್ ನಿವಾಸವನ್ನು ಸುತ್ತುವರಿದಿದ್ದವು. ಮಿಗ್ ವಿಧ್ವಂಸಕಾರಿ ದಾಳಿಗೆ ಬೆದರಿದ 93 ಸಾವಿರ ಯೋಧರ ಪಾಕಿಸ್ತಾನ ಭಾರತಕ್ಕೆ ಶರಣಾಗಿತ್ತು.</p>.<p>ಅಂದು ಪಾಕಿಸ್ತಾನದ ಜತೆಗಿನ ಯುದ್ಧದಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದ ರಷ್ಯಾ ನಿರ್ಮಿತ ಮಿಗ್ ಯುದ್ಧ ವಿಮಾನಗಳು ಸೇವೆಯಿಂದ ತೆರೆಯ ಮರೆಗೆ ಸರಿಯುವ ಕಾಲ ಸಮೀಪಿಸುತ್ತಿದ್ದರೂ ಅವುಗಳ ಮಾರಕ ಹೊಡೆತ, ದಾಳಿಯ ತೀವ್ರತೆ ಮತ್ತು ದಾಳಿಯ ಸಾಮರ್ಥ್ಯ ಇನ್ನೂ ಕಡಿಮೆಯಾಗಿಲ್ಲ.</p>.<p>ಮಿಗ್–21 ಯುದ್ಧ ವಿಮಾನಗಳು ಈಗಲೂ ನೆರೆಯ ರಾಷ್ಟ್ರವನ್ನು ಇನ್ನಿಲ್ಲದಂತೆ ಕಾಡುತ್ತಿವೆ. ಮಿಗ್–21 ಬೈಸನ್ (ಕಾಡುಕೋಣ) ಇತ್ತೀಚೆಗೆ ಪಾಕಿಸ್ತಾನದ ಅತ್ಯಾಧುನಿಕ ಎಫ್–16 ಯುದ್ಧ ವಿಮಾನವನ್ನು ಹೊಡೆದು ಉರುಳಿಸಿದೆ. ಅಲ್ಲಿ ದೊರೆತ ಅವಶೇಷಗಳು ಜಾಗತಿಕ ಮಟ್ಟದಲ್ಲಿ ಪಾಕಿಸ್ತಾನವನ್ನು ಕಟ್ಟಿ ಹಾಕಲು ಭಾರತಕ್ಕೆ ಸೂಕ್ತ ಪುರಾವೆ ಒದಗಿಸಲಿವೆ.</p>.<p>ಭಾರತ ಹೊಡೆದು ಉರುಳಿಸಿದ ಎಫ್–16 ಬತ್ತಳಿಕೆಯಲ್ಲಿದ್ದ ಅಮೆರಿಕ ನಿರ್ಮಿತ ಎಐಎಂ–120 ಸಿ–5 ಕ್ಷಿಪಣಿಯ ಚೂರುಗಳನ್ನು ಭಾರತೀಯ ಸೇನೆ ವಶಪಡಿಸಿಕೊಂಡಿದೆ.</p>.<p>ಜಮ್ಮು ಮತ್ತು ಕಾಶ್ಮೀರದ ರಜೌರಿ ಪೂರ್ವ ಭಾಗದಲ್ಲಿ ದೊರೆತ ಕ್ಷಿಪಣಿ ಅವಶೇಷ, ಎಲೆಕ್ಟ್ರಾನಿಕ್ ಚಿಪ್ ಬೋರ್ಡ್ ತುಂಡುಗಳನ್ನು ಭಾರತೀಯ ಸೇನೆ ವಶಪಡಿಸಿಕೊಂಡಿದೆ. ಎಎಂಆರ್ಎಎಎಂ ಕ್ಷಿಪಣಿಯನ್ನು ಪಾಕಿಸ್ತಾನದ ಎಫ್–16 ಯುದ್ಧ ವಿಮಾನಗಳು ಬಳಸುತ್ತವೆ.</p>.<p>ಭಯೋತ್ಪಾದಕರ ವಿರುದ್ಧದ ಹೋರಾಟಕ್ಕೆ ಬಳಸಬೇಕಾಗಿದ್ದ ಅಮೆರಿಕ ನಿರ್ಮಿತ ಯುದ್ಧ ವಿಮಾನಗಳನ್ನು ಪಾಕಿ<br />ಸ್ತಾನ ಸೇನೆಯು ಭಾರತದ ವಿರುದ್ಧ ಬಳಸುತ್ತಿದೆ ಎಂದು ನಿರೂಪಿಸಲು ಈ ಪುರಾವೆಗಳು ಸಹಾಯವಾಗಲಿವೆ. ಇದು ಸಾಧ್ಯವಾದದ್ದು ಮತ್ತದೇ ‘ಮಿಗ್–21’ನಿಂದ.</p>.<p>ಜಮ್ಮು ಮತ್ತು ಕಾಶ್ಮೀರದಲ್ಲಿ ಸೇನಾ ನೆಲೆಗಳನ್ನು ಗುರಿಯಾಗಿಸಿಕೊಂಡು ದಾಳಿಗೆ ಮುಂದಾಗಿದ್ದ ‘ಎಫ್–16’ ಮಹತ್ವದ ಎಲೆಕ್ಟ್ರಾನಿಕ್ ಹೆಗ್ಗುರುತುಗಳು ಭಾರತೀಯ ಸೇನೆಯ ವಶದಲ್ಲಿವೆ.</p>.<p>ಅಮೆರಿಕ ಮೊದಲ ಬಾರಿಗೆ 1990ರಲ್ಲಿ 40 ಎಫ್–16 ಅತ್ಯಾಧುನಿಕ ಯುದ್ಧ ವಿಮಾನಗಳನ್ನು ಪಾಕಿಸ್ತಾನಕ್ಕೆ ಪೂರೈಸಿತ್ತು. ಆಡಳಿತ ಎರಡನೇ ಹಂತದಲ್ಲಿ ಜಾರ್ಜ್ ಬುಷ್ 36 ಎಫ್–16 ಯುದ್ಧ ವಿಮಾನ ಮತ್ತು ಕ್ಷಿಪಣಿಗಳನ್ನು ಪೂರೈಸಿತ್ತು.</p>.<p>ಭಯೋತ್ಫಾದನೆಯನ್ನು ನಿಯಂತ್ರಿಸಲು ಮಾತ್ರ ಈ ಶಸ್ತಾಸ್ತ್ರಗಳನ್ನು ಬಳಸುವಂತೆ ಅಮೆರಿಕವು ಪಾಕಿಸ್ತಾನಕ್ಕೆ ಕಟ್ಟುನಿಟ್ಟಿನ ಷರತ್ತು ವಿಧಿಸಿತ್ತು. ಆದರೆ, ಈ ಷರತ್ತುಗಳನ್ನು ಉಲ್ಲಂಘಿಸಿರುವ ಪಾಕಿಸ್ತಾನವು ಭಾರತದ ಮೇಲಿನ ದಾಳಿಗೆ ಅಮೆರಿಕ ನಿರ್ಮಿತ ವಿಮಾನ, ಕ್ಷಿಪಣಿ ಮತ್ತು ಶಸ್ತ್ರಾಸ್ತ್ರಗಳನ್ನು ಬಳಸಿಕೊಳ್ಳುತ್ತಿದೆ.</p>.<p>ಭಾರತಕ್ಕೆ ಈ ಪುರಾವೆಗಳನ್ನು ಒದಗಿಸಿದ್ದು ಮಿಗ್–21 ಯುದ್ಧ ವಿಮಾನಗಳು.</p>.<p>ಮಿಗ್–21 ಬೈಸನ್ ಮತ್ತು ಎಫ್–16 ಯುದ್ಧ ವಿಮಾನಗಳ ನಡುವಿನ ವೈಮಾನಿಕ ಕಾಳಗದಲ್ಲಿ ಬಹುತೇಕ ಮಿಗ್ ಮೇಲುಗೈ ಸಾಧಿಸಿವೆ. ಅಮೆರಿಕ ನಿರ್ಮಿತ ಯುದ್ಧ ವಿಮಾನಗಳ ಮೇಲೆ ರಷ್ಯಾ ನಿರ್ಮಿತ ಯುದ್ಧ ವಿಮಾನಗಳು ಮೇಲುಗೈ ಸಾಧಿಸಿರುವ ನಿದರ್ಶನ ಇರುವುದು ಇದೊಂದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
