<p><strong>ಬೆಂಗಳೂರು:</strong> ‘ನೀವೇ ಬಿರಿಯಾನಿ ತಿನ್ನದಿದ್ದರೆ ಹೇಗೆ. ನಮ್ಮಂಥವರ ಗತಿಯೇನು’ ಎಂದು ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಅವರನ್ನು ವಿಧಾನಸಭಾಧ್ಯಕ್ಷ ಕೆ.ಆರ್.ರಮೇಶ್ ಕುಮಾರ್ ಛೇಡಿಸಿದರು.</p>.<p>ವಿಧಾನಸಭೆಯಲ್ಲಿ ಸೋಮವಾರ ವಿಶ್ವಾಸಮತ ನಿರ್ಣಯದ ಮೇಲಿನ ಚರ್ಚೆ ವೇಳೆ ಈ ಬಗ್ಗೆ ಸ್ವಾರಸ್ಯಕರ ಚರ್ಚೆ ನಡೆಯಿತು. 46 ಸಾವಿರ ಬಡ ಜನರಿಗೆ ಮೋಸ ಮಾಡಿದ ಕಂಪನಿಯ ಜತೆಗೆ ರಾಜೀನಾಮೆ ನೀಡಿದ ಶಾಸಕರೊಬ್ಬರು ನಂಟು ಹೊಂದಿದ್ದಾರೆ. ಈ ಶಾಸಕರು ₹450 ಕೋಟಿ ಪಡೆದಿದ್ದಾರೆ ಎಂದು ಕಂಪನಿಯ ಮಾಲೀಕರು ಹೇಳಿದ್ದಾರೆ’ ಎಂದು ಗ್ರಾಮೀಣಾಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಹೇಳಿದರು.</p>.<p>ಮಧ್ಯಪ್ರವೇಶಿಸಿದ ಬಿಜೆಪಿಯ ಸಿ.ಟಿ.ರವಿ, ‘46 ಸಾವಿರ ಬಡ ಜನರಿಗೆ ಅನ್ಯಾಯ ಮಾಡಿದ ಸಂಸ್ಥೆಯ ಮಾಲೀಕರ ಜತೆಗೆ ಇಲ್ಲಿರುವವರು ಬಿರಿಯಾನಿ ತಿಂದಿದ್ದಾರೆ. ತಪ್ಪು ಮಾಡಿದವರನ್ನು ನೇಣಿಗೆ ಹಾಕಬೇಕು’ ಎಂದರು.</p>.<p>ಆಗ ಎದ್ದು ನಿಂತ ಕುಮಾರಸ್ವಾಮಿ, ‘ರವಿ ಅವರು ನನ್ನನ್ನು ಉಲ್ಲೇಖಿಸಿಯೇ ಈ ಮಾತು ಹೇಳಿದ್ದಾರೆ. ರಾಜೀನಾಮೆ ನೀಡಿರುವ ಶಾಸಕರು ಒಂದು ಸಲ ಕಂಪನಿಯ ಮಾಲೀಕನನ್ನು ಕರೆದುಕೊಂಡು ಬಂದಿದ್ದರು. ಇಫ್ತಾರ್ ಕೂಟಕ್ಕೆ ಬರುವಂತೆ ಒತ್ತಾಯಿಸಿದ್ದರು. ಹೀಗಾಗಿ, ಆ ಕೂಟಕ್ಕೆ ಹೋಗಿದ್ದೆ. ಅಲ್ಲಿ ಬಿರಿಯಾನಿ ತಿಂದಿರಲಿಲ್ಲ. ಖರ್ಜೂರದ ಚೂರೊಂದನ್ನು ಬಾಯಿಗೆ ಹಾಕಿಕೊಂಡಿದ್ದೆ. ಎರಡನೇ ಸಲ ಹೃದಯ ಶಸ್ತ್ರಚಿಕಿತ್ಸೆಯಾದ ಬಳಿಕ ಮಾಂಸ ತಿನ್ನುವುದನ್ನು ಬಿಟ್ಟಿದ್ದೇನೆ’ ಎಂದರು.</p>.<p>‘ಅಯ್ಯೋ, ನೀವೇ ಮಾಂಸ ತಿನ್ನದಿದ್ದರೆ ಹೇಗೆ. ನಾಟಿ ಕೋಳಿ, ಫಿಶ್ ಆದರೂ ತಿನ್ನಿ. ಅಮ್ಮನಿಗೆ ಹೇಳುತ್ತೇನೆ ಬಿಡಿ’ ಎಂದು ರಮೇಶ್ ಕುಮಾರ್ ಹೇಳಿದಾಗ ಸಭೆ ನಗೆಗಡಲಲ್ಲಿ ತೇಲಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ನೀವೇ ಬಿರಿಯಾನಿ ತಿನ್ನದಿದ್ದರೆ ಹೇಗೆ. ನಮ್ಮಂಥವರ ಗತಿಯೇನು’ ಎಂದು ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಅವರನ್ನು ವಿಧಾನಸಭಾಧ್ಯಕ್ಷ ಕೆ.ಆರ್.ರಮೇಶ್ ಕುಮಾರ್ ಛೇಡಿಸಿದರು.</p>.<p>ವಿಧಾನಸಭೆಯಲ್ಲಿ ಸೋಮವಾರ ವಿಶ್ವಾಸಮತ ನಿರ್ಣಯದ ಮೇಲಿನ ಚರ್ಚೆ ವೇಳೆ ಈ ಬಗ್ಗೆ ಸ್ವಾರಸ್ಯಕರ ಚರ್ಚೆ ನಡೆಯಿತು. 46 ಸಾವಿರ ಬಡ ಜನರಿಗೆ ಮೋಸ ಮಾಡಿದ ಕಂಪನಿಯ ಜತೆಗೆ ರಾಜೀನಾಮೆ ನೀಡಿದ ಶಾಸಕರೊಬ್ಬರು ನಂಟು ಹೊಂದಿದ್ದಾರೆ. ಈ ಶಾಸಕರು ₹450 ಕೋಟಿ ಪಡೆದಿದ್ದಾರೆ ಎಂದು ಕಂಪನಿಯ ಮಾಲೀಕರು ಹೇಳಿದ್ದಾರೆ’ ಎಂದು ಗ್ರಾಮೀಣಾಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಹೇಳಿದರು.</p>.<p>ಮಧ್ಯಪ್ರವೇಶಿಸಿದ ಬಿಜೆಪಿಯ ಸಿ.ಟಿ.ರವಿ, ‘46 ಸಾವಿರ ಬಡ ಜನರಿಗೆ ಅನ್ಯಾಯ ಮಾಡಿದ ಸಂಸ್ಥೆಯ ಮಾಲೀಕರ ಜತೆಗೆ ಇಲ್ಲಿರುವವರು ಬಿರಿಯಾನಿ ತಿಂದಿದ್ದಾರೆ. ತಪ್ಪು ಮಾಡಿದವರನ್ನು ನೇಣಿಗೆ ಹಾಕಬೇಕು’ ಎಂದರು.</p>.<p>ಆಗ ಎದ್ದು ನಿಂತ ಕುಮಾರಸ್ವಾಮಿ, ‘ರವಿ ಅವರು ನನ್ನನ್ನು ಉಲ್ಲೇಖಿಸಿಯೇ ಈ ಮಾತು ಹೇಳಿದ್ದಾರೆ. ರಾಜೀನಾಮೆ ನೀಡಿರುವ ಶಾಸಕರು ಒಂದು ಸಲ ಕಂಪನಿಯ ಮಾಲೀಕನನ್ನು ಕರೆದುಕೊಂಡು ಬಂದಿದ್ದರು. ಇಫ್ತಾರ್ ಕೂಟಕ್ಕೆ ಬರುವಂತೆ ಒತ್ತಾಯಿಸಿದ್ದರು. ಹೀಗಾಗಿ, ಆ ಕೂಟಕ್ಕೆ ಹೋಗಿದ್ದೆ. ಅಲ್ಲಿ ಬಿರಿಯಾನಿ ತಿಂದಿರಲಿಲ್ಲ. ಖರ್ಜೂರದ ಚೂರೊಂದನ್ನು ಬಾಯಿಗೆ ಹಾಕಿಕೊಂಡಿದ್ದೆ. ಎರಡನೇ ಸಲ ಹೃದಯ ಶಸ್ತ್ರಚಿಕಿತ್ಸೆಯಾದ ಬಳಿಕ ಮಾಂಸ ತಿನ್ನುವುದನ್ನು ಬಿಟ್ಟಿದ್ದೇನೆ’ ಎಂದರು.</p>.<p>‘ಅಯ್ಯೋ, ನೀವೇ ಮಾಂಸ ತಿನ್ನದಿದ್ದರೆ ಹೇಗೆ. ನಾಟಿ ಕೋಳಿ, ಫಿಶ್ ಆದರೂ ತಿನ್ನಿ. ಅಮ್ಮನಿಗೆ ಹೇಳುತ್ತೇನೆ ಬಿಡಿ’ ಎಂದು ರಮೇಶ್ ಕುಮಾರ್ ಹೇಳಿದಾಗ ಸಭೆ ನಗೆಗಡಲಲ್ಲಿ ತೇಲಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
