<p><strong>ಬೆಂಗಳೂರು</strong>: ಅತಿಯಾದ ಕಂಪನಕ್ಕೆ ನಿಮ್ಮ ಐಫೋನ್ ಸದಾ ಸಿಲುಕುತ್ತಿದ್ದರೆ ಅದರ ಕ್ಯಾಮರಾಗೆ ಹಾನಿಯಾಗುವ ಸಾಧ್ಯತೆಯಿದೆ.. ಹೀಗೊಂದು ಎಚ್ಚರಿಕೆಯನ್ನು ಆ್ಯಪಲ್ ತನ್ನ <a href="https://support.apple.com/en-us/HT212803">ಸಪೋರ್ಟ್ ಪೇಜ್</a>ನಲ್ಲಿ ಪ್ರಕಟಿಸಿದೆ.</p>.<p>ಹೆಚ್ಚಿನ ಕಂಪನ ಹೊಂದಿರುವ ವಾಹನಗಳಲ್ಲಿ ತೆರಳುವ ಸಂದರ್ಭ ಮತ್ತು ಗರಿಷ್ಠ ಸಿಸಿ ಸಾಮರ್ಥ್ಯದ ಮೋಟಾರ್ಬೈಕ್ ಬಳಸುವಾಗ, ಐಫೋನ್ನ ಕ್ಯಾಮರಾ ವಿನ್ಯಾಸಕ್ಕೆ ಧಕ್ಕೆಯಾಗಬಹುದು. ಅದರಿಂದ ಫೋಟೊ ಮತ್ತು ವಿಡಿಯೊ ಮೇಲೆ ಪರಿಣಾಮ ಉಂಟಾಗುವ ಸಾಧ್ಯತೆಯಿದೆ ಎಂದು ಆ್ಯಪಲ್ ಹೇಳಿದೆ.</p>.<p>ಈ ಬಗ್ಗೆ ವಿವರಣೆ ಮತ್ತು ಸಾಧ್ಯತೆ ಕುರಿತು ಆ್ಯಪಲ್ ಗ್ರಾಹಕರಿಗೆ ಎಚ್ಚರಿಸಿದೆ. ಹೊಸ ಐಫೋನ್ ಮಾದರಿಗಳಲ್ಲಿ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಷನ್ ತಂತ್ರಜ್ಞಾನ ಮತ್ತು ಲೂಪ್ ಅಟೋಫೋಕಸ್ ಬಳಸಲಾಗುತ್ತದೆ. ಇದರಿಂದ ಫೋಟೊ-ವಿಡಿಯೊ ಚಿತ್ರೀಕರಿಸುವಾಗ ಕೈ ನಡುಕ ಉಂಟಾದರೂ, ಸೂಕ್ತ ಫ್ರೇಮ್ ಹೊಂದಿಸುವುದು ಸಾಧ್ಯವಾಗದಿದ್ದರೂ, ಉತ್ತಮ ಚಿತ್ರ ಮೂಡಿಬರಲು ಸಹಕಾರಿಯಾಗುತ್ತದೆ. ಆದರೆ ನಿಮ್ಮ ಐಫೋನ್ ಹೆಚ್ಚಾಗಿ ಗರಿಷ್ಠ ಕಂಪನಕ್ಕೆ ಸಿಲುಕುತ್ತಿದ್ದರೆ, ಕ್ಯಾಮರಾ ತಂತ್ರಜ್ಞಾನಕ್ಕೆ ಹಾನಿಯಾಗಬಹುದು. ಇದರಿಂದ ಫೋಟೊ-ವಿಡಿಯೊ ಮೇಲೆ ಪ್ರಭಾವ ಬೀರಬಹುದು ಎಂದು ಆ್ಯಪಲ್ ಹೇಳಿದೆ.</p>.<p>ಫೋಟೊ-ವಿಡಿಯೊ ಬ್ಲರ್ ಆಗುವುದು ಮತ್ತು ಶೇಕ್ ಆಗುವುದನ್ನು ತಡೆಯಲು ಆ್ಯಪಲ್ ಈ ತಂತ್ರಜ್ಞಾನ ಪರಿಚಯಿಸಿದೆ. ಆದರೆ ಐಫೋನ್, ನೇರವಾಗಿ ಹೆಚ್ಚಿನ ಕಂಪನಕ್ಕೆ ಸಿಕ್ಕಾಗ, ಈ ವಿನ್ಯಾಸಕ್ಕೆ ಧಕ್ಕೆಯಾಗಬಹುದು. ಜತೆಗೆ ಐಫೋನ್ಗಳನ್ನು ಹೆಚ್ಚಿನ ಅಲುಗಾಟ, ಕಂಪನ ಹೊಂದಿರುವ ಸ್ಕೂಟರ್, ಬೈಕ್, ಇತರ ಯಂತ್ರ, ವಾಹನಗಳಲ್ಲಿ ಅಳವಡಿಸಿದರೆ, ಅದರಲ್ಲೂ ಸಮಸ್ಯೆಯಾಗುವ ಸಾಧ್ಯತೆ ಇದೆ ಎಂದು ಆ್ಯಪಲ್ ಸಪೋರ್ಟ್ ಹೇಳಿದೆ.</p>.<p><a href="https://www.prajavani.net/technology/gadget-news/apple-announces-apple-event-on-sept-14-and-new-iphone-13-series-and-watch-series-and-airpods-865875.html" itemprop="url">iPhone 13: ಸೆ. 14ರಂದು ಆ್ಯಪಲ್ ಇವೆಂಟ್, ಹೊಸ ಐಫೋನ್ ಬಿಡುಗಡೆಗೆ ಸಿದ್ಧತೆ </a></p>.<p>ಅಂತಹ ಅವಶ್ಯಕತೆಯಿದ್ದಲ್ಲಿ, ಕಂಪನ ತಡೆಯುವ ಸ್ಟ್ಯಾಂಡ್, ಮೌಂಟ್ ಬಳಸುವುದರಿಂದ, ಕ್ಯಾಮರಾಗೆ ಹಾನಿಯಾಗುವುದನ್ನು ತಡೆಯಬಹುದು ಎಂಬ ಸಲಹೆಯನ್ನು ಆ್ಯಪಲ್ ನೀಡಿದೆ.</p>.<p><a href="https://www.prajavani.net/technology/technology-news/delhi-police-and-department-of-telecommunications-to-block-the-imei-numbers-of-stolen-and-missing-849291.html" itemprop="url">ಕಳವಾದ ಫೋನ್ಗಳ ಐಎಂಇಐ ಬ್ಲಾಕ್: ದೆಹಲಿ ಪೊಲೀಸ್ ಹೊಸ ತಂತ್ರ </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಅತಿಯಾದ ಕಂಪನಕ್ಕೆ ನಿಮ್ಮ ಐಫೋನ್ ಸದಾ ಸಿಲುಕುತ್ತಿದ್ದರೆ ಅದರ ಕ್ಯಾಮರಾಗೆ ಹಾನಿಯಾಗುವ ಸಾಧ್ಯತೆಯಿದೆ.. ಹೀಗೊಂದು ಎಚ್ಚರಿಕೆಯನ್ನು ಆ್ಯಪಲ್ ತನ್ನ <a href="https://support.apple.com/en-us/HT212803">ಸಪೋರ್ಟ್ ಪೇಜ್</a>ನಲ್ಲಿ ಪ್ರಕಟಿಸಿದೆ.</p>.<p>ಹೆಚ್ಚಿನ ಕಂಪನ ಹೊಂದಿರುವ ವಾಹನಗಳಲ್ಲಿ ತೆರಳುವ ಸಂದರ್ಭ ಮತ್ತು ಗರಿಷ್ಠ ಸಿಸಿ ಸಾಮರ್ಥ್ಯದ ಮೋಟಾರ್ಬೈಕ್ ಬಳಸುವಾಗ, ಐಫೋನ್ನ ಕ್ಯಾಮರಾ ವಿನ್ಯಾಸಕ್ಕೆ ಧಕ್ಕೆಯಾಗಬಹುದು. ಅದರಿಂದ ಫೋಟೊ ಮತ್ತು ವಿಡಿಯೊ ಮೇಲೆ ಪರಿಣಾಮ ಉಂಟಾಗುವ ಸಾಧ್ಯತೆಯಿದೆ ಎಂದು ಆ್ಯಪಲ್ ಹೇಳಿದೆ.</p>.<p>ಈ ಬಗ್ಗೆ ವಿವರಣೆ ಮತ್ತು ಸಾಧ್ಯತೆ ಕುರಿತು ಆ್ಯಪಲ್ ಗ್ರಾಹಕರಿಗೆ ಎಚ್ಚರಿಸಿದೆ. ಹೊಸ ಐಫೋನ್ ಮಾದರಿಗಳಲ್ಲಿ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಷನ್ ತಂತ್ರಜ್ಞಾನ ಮತ್ತು ಲೂಪ್ ಅಟೋಫೋಕಸ್ ಬಳಸಲಾಗುತ್ತದೆ. ಇದರಿಂದ ಫೋಟೊ-ವಿಡಿಯೊ ಚಿತ್ರೀಕರಿಸುವಾಗ ಕೈ ನಡುಕ ಉಂಟಾದರೂ, ಸೂಕ್ತ ಫ್ರೇಮ್ ಹೊಂದಿಸುವುದು ಸಾಧ್ಯವಾಗದಿದ್ದರೂ, ಉತ್ತಮ ಚಿತ್ರ ಮೂಡಿಬರಲು ಸಹಕಾರಿಯಾಗುತ್ತದೆ. ಆದರೆ ನಿಮ್ಮ ಐಫೋನ್ ಹೆಚ್ಚಾಗಿ ಗರಿಷ್ಠ ಕಂಪನಕ್ಕೆ ಸಿಲುಕುತ್ತಿದ್ದರೆ, ಕ್ಯಾಮರಾ ತಂತ್ರಜ್ಞಾನಕ್ಕೆ ಹಾನಿಯಾಗಬಹುದು. ಇದರಿಂದ ಫೋಟೊ-ವಿಡಿಯೊ ಮೇಲೆ ಪ್ರಭಾವ ಬೀರಬಹುದು ಎಂದು ಆ್ಯಪಲ್ ಹೇಳಿದೆ.</p>.<p>ಫೋಟೊ-ವಿಡಿಯೊ ಬ್ಲರ್ ಆಗುವುದು ಮತ್ತು ಶೇಕ್ ಆಗುವುದನ್ನು ತಡೆಯಲು ಆ್ಯಪಲ್ ಈ ತಂತ್ರಜ್ಞಾನ ಪರಿಚಯಿಸಿದೆ. ಆದರೆ ಐಫೋನ್, ನೇರವಾಗಿ ಹೆಚ್ಚಿನ ಕಂಪನಕ್ಕೆ ಸಿಕ್ಕಾಗ, ಈ ವಿನ್ಯಾಸಕ್ಕೆ ಧಕ್ಕೆಯಾಗಬಹುದು. ಜತೆಗೆ ಐಫೋನ್ಗಳನ್ನು ಹೆಚ್ಚಿನ ಅಲುಗಾಟ, ಕಂಪನ ಹೊಂದಿರುವ ಸ್ಕೂಟರ್, ಬೈಕ್, ಇತರ ಯಂತ್ರ, ವಾಹನಗಳಲ್ಲಿ ಅಳವಡಿಸಿದರೆ, ಅದರಲ್ಲೂ ಸಮಸ್ಯೆಯಾಗುವ ಸಾಧ್ಯತೆ ಇದೆ ಎಂದು ಆ್ಯಪಲ್ ಸಪೋರ್ಟ್ ಹೇಳಿದೆ.</p>.<p><a href="https://www.prajavani.net/technology/gadget-news/apple-announces-apple-event-on-sept-14-and-new-iphone-13-series-and-watch-series-and-airpods-865875.html" itemprop="url">iPhone 13: ಸೆ. 14ರಂದು ಆ್ಯಪಲ್ ಇವೆಂಟ್, ಹೊಸ ಐಫೋನ್ ಬಿಡುಗಡೆಗೆ ಸಿದ್ಧತೆ </a></p>.<p>ಅಂತಹ ಅವಶ್ಯಕತೆಯಿದ್ದಲ್ಲಿ, ಕಂಪನ ತಡೆಯುವ ಸ್ಟ್ಯಾಂಡ್, ಮೌಂಟ್ ಬಳಸುವುದರಿಂದ, ಕ್ಯಾಮರಾಗೆ ಹಾನಿಯಾಗುವುದನ್ನು ತಡೆಯಬಹುದು ಎಂಬ ಸಲಹೆಯನ್ನು ಆ್ಯಪಲ್ ನೀಡಿದೆ.</p>.<p><a href="https://www.prajavani.net/technology/technology-news/delhi-police-and-department-of-telecommunications-to-block-the-imei-numbers-of-stolen-and-missing-849291.html" itemprop="url">ಕಳವಾದ ಫೋನ್ಗಳ ಐಎಂಇಐ ಬ್ಲಾಕ್: ದೆಹಲಿ ಪೊಲೀಸ್ ಹೊಸ ತಂತ್ರ </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
