<p><strong>ನವದೆಹಲಿ:</strong> ‘ಪುರುಷರಿಗಾಗಿ ಸಿದ್ಧಪಡಿಸಿರುವ ಗರ್ಭನಿರೋಧಕ ಚುಚ್ಚುಮದ್ದಿನ ಪ್ರಾಯೋಗಿಕ ಪರೀಕ್ಷೆ ಜಗತ್ತಿನಲ್ಲೇ ಮೊದಲ ಬಾರಿಗೆ ನಡೆದಿದ್ದು, ಯಾವುದೇ ಅಡ್ಡ ಪರಿಣಾಮಗಳಿಲ್ಲದ ಇದು ಹೆಚ್ಚು ಪರಿಣಾಮಕಾರಿ’ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಸಂಸ್ಥೆ (ಐಸಿಎಂಆರ್) ಹೇಳಿದೆ.</p><p>ಚುಚ್ಚುಮದ್ದಿನ ಮೂರನೇ ಹಂತರ ಕ್ಲಿನಿಕಲ್ ಟ್ರಯಲ್ನಲ್ಲಿ 25ರಿಂದ 40ರ ವಯೋಮಾನದ 303 ಅಭ್ಯರ್ಥಿಗಳು ಪಾಲ್ಗೊಂಡಿದ್ದರು. ಈ ಕುರಿತು ಸಂಶೋಧನಾ ವರದಿ ಆ್ಯಂಡ್ರಾಲಜಿ ಎಂಬ ಅಂತರರಾಷ್ಟ್ರೀಯ ನಿಯತಕಾಲಿಕೆಯಲ್ಲಿ ಪ್ರಕಟಗೊಂಡಿದೆ.</p><p>ಐಸಿಎಂಆರ್ ಸಹಯೋಗದಲ್ಲಿ ನವದೆಹಲಿ, ಉಧಮ್ಪುರ್, ಲುಧಿಯಾನ, ಜೈಪುರ ಹಾಗೂ ಖರಗ್ಪುರದ ಆಯ್ದ ಆಸ್ಪತ್ರೆಗಳಲ್ಲಿ ಈ ಮೂರನೇ ಹಂತದ ಪ್ರಯೋಗ ನಡೆಸಲಾಗಿದೆ. ಪ್ರಯೋಗ ನಡೆಸಲು ಭಾರತೀಯ ಔಷಧ ನಿಯಂತ್ರಕ ಜನರಲ್ (ಡಿಸಿಜಿಐ) ಅನುಮತಿಸಿತ್ತು.</p><p>ಪ್ರಸ್ತುತ ರೂಢಿಯಲ್ಲಿರುವ ವ್ಯಾಸೆಕ್ಟಮಿ, ಪರಿಣಾಮಕಾರಿಯಾದ ಗರ್ಭ ನಿರೋಧಕ ವಿಧಾನವಾಗಿದೆ. ಆದರೆ, ಈ ವಿಧಾನದಲ್ಲಿಯೂ ಹಲವು ಮಿತಿಗಳಿರುವುದರಿಂದ ಸುಧಾರಿತ ಗರ್ಭ ನಿರೋಧಕ ಔಷಧಿಯನ್ನು ಅಭಿವೃದ್ಧಿಪಡಿಸಬೇಕಾಯಿತು. ಒಂದು ಬಾರಿ ನೀಡಲಾಗುವ ಈ ಇಂಜೆಕ್ಷನ್ ದೀರ್ಘಕಾಲದ ವರೆಗೆ ಪರಿಣಾಮವನ್ನು ಹೊಂದಿರುತ್ತದೆ. ಜೊತೆಗೆ ನಿರ್ಲಕ್ಷಿಸಬಹುದಾದಷ್ಟು ಅಡ್ಡ ಪರಿಣಾಮಗಳು ಕಂಡುಬರುತ್ತವೆ ಎಂದೂ ಐಸಿಎಂಆರ್ ಹೇಳಿದೆ.</p><p>ಕುಟುಂಬ ಯೋಜನೆ ಕ್ಲಿನಿಕ್ಗಳಿಗೆ ಬಂದ ಹಾಗೂ ಪ್ರಯೋಗಕ್ಕೆ ಒಪ್ಪಿಗೆ ಸೂಚಿಸಿದ ಆರೋಗ್ಯವಂತ ದಂಪತಿ ಈ ಪರೀಕ್ಷೆಗೆ ಒಳಪಟ್ಟರು. ಪುರುಷರಿಗೆ 60 ಮಿಲಿ ಗ್ರಾಂ ಔಷಧವುಳ್ಳ ಚುಚ್ಚುಮದ್ದನ್ನು ನೀಡಲಾಯಿತು. ಇದು ವೀರ್ಯದ ಹಿಮ್ಮುಖ ಪ್ರತಿಬಂಧದ ಕಾರ್ಯ ಮಾಡಲಿದೆ. ಚುಚ್ಚುಮದ್ದು ಪಡೆದವರಲ್ಲಿ ಶೇ 99.02ರಷ್ಟು ಗರ್ಭ ನಿಯಂತ್ರಣ ಯಶಸ್ವಿಯಾಗಿದೆ ಎಂದು ಅಧ್ಯಯನ ಹೇಳಿದೆ.</p><p>‘ಗರ್ಭಧಾರಣೆ ತಡೆಯಲು ಪುರುಷರಿಗಾಗಿ ಚುಚ್ಚುಮದ್ದು ಸಿದ್ಧಪಡಿಸುವ ಗುರಿಯು ಸಾಕಾರಗೊಂಡಂತಾಗಿದೆ. ಇದು ಹಾರ್ಮೊನುಗಳ ಮೇಲೆ ಯಾವುದೇ ಪರಿಣಾಮ ಬೀರದು’ ಎಂದು ಅಧ್ಯಯನ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ‘ಪುರುಷರಿಗಾಗಿ ಸಿದ್ಧಪಡಿಸಿರುವ ಗರ್ಭನಿರೋಧಕ ಚುಚ್ಚುಮದ್ದಿನ ಪ್ರಾಯೋಗಿಕ ಪರೀಕ್ಷೆ ಜಗತ್ತಿನಲ್ಲೇ ಮೊದಲ ಬಾರಿಗೆ ನಡೆದಿದ್ದು, ಯಾವುದೇ ಅಡ್ಡ ಪರಿಣಾಮಗಳಿಲ್ಲದ ಇದು ಹೆಚ್ಚು ಪರಿಣಾಮಕಾರಿ’ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಸಂಸ್ಥೆ (ಐಸಿಎಂಆರ್) ಹೇಳಿದೆ.</p><p>ಚುಚ್ಚುಮದ್ದಿನ ಮೂರನೇ ಹಂತರ ಕ್ಲಿನಿಕಲ್ ಟ್ರಯಲ್ನಲ್ಲಿ 25ರಿಂದ 40ರ ವಯೋಮಾನದ 303 ಅಭ್ಯರ್ಥಿಗಳು ಪಾಲ್ಗೊಂಡಿದ್ದರು. ಈ ಕುರಿತು ಸಂಶೋಧನಾ ವರದಿ ಆ್ಯಂಡ್ರಾಲಜಿ ಎಂಬ ಅಂತರರಾಷ್ಟ್ರೀಯ ನಿಯತಕಾಲಿಕೆಯಲ್ಲಿ ಪ್ರಕಟಗೊಂಡಿದೆ.</p><p>ಐಸಿಎಂಆರ್ ಸಹಯೋಗದಲ್ಲಿ ನವದೆಹಲಿ, ಉಧಮ್ಪುರ್, ಲುಧಿಯಾನ, ಜೈಪುರ ಹಾಗೂ ಖರಗ್ಪುರದ ಆಯ್ದ ಆಸ್ಪತ್ರೆಗಳಲ್ಲಿ ಈ ಮೂರನೇ ಹಂತದ ಪ್ರಯೋಗ ನಡೆಸಲಾಗಿದೆ. ಪ್ರಯೋಗ ನಡೆಸಲು ಭಾರತೀಯ ಔಷಧ ನಿಯಂತ್ರಕ ಜನರಲ್ (ಡಿಸಿಜಿಐ) ಅನುಮತಿಸಿತ್ತು.</p><p>ಪ್ರಸ್ತುತ ರೂಢಿಯಲ್ಲಿರುವ ವ್ಯಾಸೆಕ್ಟಮಿ, ಪರಿಣಾಮಕಾರಿಯಾದ ಗರ್ಭ ನಿರೋಧಕ ವಿಧಾನವಾಗಿದೆ. ಆದರೆ, ಈ ವಿಧಾನದಲ್ಲಿಯೂ ಹಲವು ಮಿತಿಗಳಿರುವುದರಿಂದ ಸುಧಾರಿತ ಗರ್ಭ ನಿರೋಧಕ ಔಷಧಿಯನ್ನು ಅಭಿವೃದ್ಧಿಪಡಿಸಬೇಕಾಯಿತು. ಒಂದು ಬಾರಿ ನೀಡಲಾಗುವ ಈ ಇಂಜೆಕ್ಷನ್ ದೀರ್ಘಕಾಲದ ವರೆಗೆ ಪರಿಣಾಮವನ್ನು ಹೊಂದಿರುತ್ತದೆ. ಜೊತೆಗೆ ನಿರ್ಲಕ್ಷಿಸಬಹುದಾದಷ್ಟು ಅಡ್ಡ ಪರಿಣಾಮಗಳು ಕಂಡುಬರುತ್ತವೆ ಎಂದೂ ಐಸಿಎಂಆರ್ ಹೇಳಿದೆ.</p><p>ಕುಟುಂಬ ಯೋಜನೆ ಕ್ಲಿನಿಕ್ಗಳಿಗೆ ಬಂದ ಹಾಗೂ ಪ್ರಯೋಗಕ್ಕೆ ಒಪ್ಪಿಗೆ ಸೂಚಿಸಿದ ಆರೋಗ್ಯವಂತ ದಂಪತಿ ಈ ಪರೀಕ್ಷೆಗೆ ಒಳಪಟ್ಟರು. ಪುರುಷರಿಗೆ 60 ಮಿಲಿ ಗ್ರಾಂ ಔಷಧವುಳ್ಳ ಚುಚ್ಚುಮದ್ದನ್ನು ನೀಡಲಾಯಿತು. ಇದು ವೀರ್ಯದ ಹಿಮ್ಮುಖ ಪ್ರತಿಬಂಧದ ಕಾರ್ಯ ಮಾಡಲಿದೆ. ಚುಚ್ಚುಮದ್ದು ಪಡೆದವರಲ್ಲಿ ಶೇ 99.02ರಷ್ಟು ಗರ್ಭ ನಿಯಂತ್ರಣ ಯಶಸ್ವಿಯಾಗಿದೆ ಎಂದು ಅಧ್ಯಯನ ಹೇಳಿದೆ.</p><p>‘ಗರ್ಭಧಾರಣೆ ತಡೆಯಲು ಪುರುಷರಿಗಾಗಿ ಚುಚ್ಚುಮದ್ದು ಸಿದ್ಧಪಡಿಸುವ ಗುರಿಯು ಸಾಕಾರಗೊಂಡಂತಾಗಿದೆ. ಇದು ಹಾರ್ಮೊನುಗಳ ಮೇಲೆ ಯಾವುದೇ ಪರಿಣಾಮ ಬೀರದು’ ಎಂದು ಅಧ್ಯಯನ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
