ಅಂಟಾರ್ಕ್ಟಿಕದಲ್ಲಿ ದೊಡ್ಡ ಓಝೋನ್‌ ರಂಧ್ರ

ನವದೆಹಲಿ : ದಕ್ಷಿಣ ಧ್ರುವದ ಅಂಟಾರ್ಕ್ಟಿಕ ಭಾಗದ ವಾಯುಮಂಡಲದಲ್ಲಿರುವ ಓಝೋನ್ ಪದರದ ರಂಧ್ರವು ಈ ಮೊದಲು ಗ್ರಹಿಸಿದ್ದಕ್ಕಿಂತ ದೊಡ್ಡದೇ ಇದೆ. ಅದರಲ್ಲೂ, ಕಳೆದ ಮೂರು ವರ್ಷಗಳ ಅವಧಿಯಲ್ಲಿ ದಾಖಲಾಗಿರುವ ರಂಧ್ರಗಳ ಪೈಕಿ, ಇದೇ ದೊಡ್ಡದು ಎಂದು ಹೊಸ ಸಂಶೋಧನೆಯಿಂದ ತಿಳಿದುಬಂದಿದೆ.

. ಅಂಟಾರ್ಕ್ಟಿಕ ಭಾಗದಲ್ಲಿರುವ ಈ ಓಝೋನ್ ಪದರ ದೊಡ್ಡದು ಮಾತ್ರವಲ್ಲ, ಕಳೆದ ನಾಲ್ಕು ವರ್ಷಗಳಿಂದಲೂ ಅಸ್ತಿತ್ವದಲ್ಲಿದೆ ಎಂದು ನ್ಯೂಜಿಲೆಂಡ್ನ ಒಟಾಗೊ ವಿಶ್ವವಿದ್ಯಾಲಯದ ಸಂಶೋಧಕ ಹನ್ನ್ಹಾ ಕೆಸೆನಿಕ್ ನೇತೃತ್ವದ ತಂಡ ಕೈಗೊಂಡಿರುವ ಅಧ್ಯಯನದಿಂದ ತಿಳಿದುಬಂದಿದೆ.

. ಈ ಅಧ್ಯಯನ ವರದಿಯು ವೈಜ್ಞಾನಿಕ ನಿಯತಕಾಲಿಕ ‘ನೇಚರ್ ಕಮ್ಯುನಿಕೇಷನ್ಸ್ ’ನಲ್ಲಿ ಪ್ರಕಟವಾಗಿದೆ.

. 19 ವರ್ಷಗಳ ಹಿಂದಿನ ಪ್ರಮಾಣಕ್ಕೆ ಹೋಲಿಸಿದಲ್ಲಿ, ಈಗ ಇಲ್ಲಿ ಕಡಿಮೆ ಪ್ರಮಾಣದ ಓಝೋನ್ ಇರುವುದು ಕಂಡುಬಂದಿದೆ ಎಂದು ಸಂಶೋಧಕರು ಹೇಳಿದ್ದಾರೆ.

. ಓಝೋನ್ ಪದರ ಸವಕಳಿಯಾಗುವುದಕ್ಕೆ ಕ್ಲೋರೊಫ್ಲೋರೊಕಾರ್ಬನ್ ರಾಸಾಯನಿಕಗಳು (ಸಿಎಫ್ಸಿ) ಮಾತ್ರ ಕಾರಣವಲ್ಲ ಎಂದು ಸಂಶೋಧಕರು ಹೇಳಿದ್ದಾರೆ.

. ‘ಅಂಟಾರ್ಕ್ಟಿಕ ಭಾಗದ ವಾಯುಮಂಡಲದಲ್ಲಿರುವ ಓಝೋನ್ ಪ್ರಮಾಣದಲ್ಲಿನ ಸವಕಳಿ ಹಾಗೂ ಧ್ರುವ ಪ್ರದೇಶದಲ್ಲಿನ ಗಾಳಿಯಲ್ಲಿನ ಬದಲಾವಣೆಗಳ ನಡುವಿನ ಸಂಬಂಧ ಕುರಿತು ಅಧ್ಯಯನ ನಡೆಸಲಾಯಿತು. ಸಿಎಫ್ಸಿಗಳಿಂದಾಗಿಯೇ ದೊಡ್ಡ ಪ್ರಮಾಣದ ಓಝೋನ್ ರಂಧ್ರ ಸೃಷ್ಟಿಯಾಗಿರಲಿಕ್ಕಿಲ್ಲ ಎಂಬುದರತ್ತ ಈ ಅಧ್ಯಯನ ಬೊಟ್ಟು ಮಾಡಿದೆ’ ಎಂದು ಕೆಸೆನಿಕ್ ಹೇಳಿದ್ದಾರೆ.

. ಅಧ್ಯಯನದ ಪ್ರಮುಖ ಅಂಶಗಳು

* 2004ರಿಂದ 2022ರ ವರೆಗೆ ವಿವಿಧ ಅಕ್ಷಾಂಶ ಮತ್ತು ರೇಖಾಂಶಗಳಲ್ಲಿ ದಿನವಹಿ ಹಾಗೂ ತಿಂಗಳಲ್ಲಿ ಓಝೋನ್ನಲ್ಲಿ ಕಂಡುಬಂದ ಬದಲಾವಣೆಗಳ ಅಧ್ಯಯನ

* ದಕ್ಷಿಣ ಗೋಳಾರ್ಧದ ಹವಾಮಾನ ವಿಷಯದಲ್ಲಿ ಓಝೋನ್ ಪದರ ಮಹತ್ವದ ಪಾತ್ರ ವಹಿಸುತ್ತದೆ. ಹೀಗಾಗಿ ಅಂಟಾರ್ಕ್ಟಿಕ ಭಾಗದಲ್ಲಿ ಓಝೋನ್ ಪದರದಲ್ಲಿ ಆಗುವ ವ್ಯತ್ಯಾಸದ ಅಧ್ಯಯನ ಅಗತ್ಯ

* ಇತ್ತೀಚೆಗೆ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ನಲ್ಲಿ ಕಂಡಬಂದ ಕಾಳ್ಗಿಚ್ಚುಗಳು ಚಂಡಮಾರುತಗಳು ಹಾಗೂ ಅಂಟಾರ್ಕ್ಟಿಕ ಭಾಗದ ಓಝೋನ್ ರಂಧ್ರದ ಸವಕಳಿಯು ಹವಾಮಾನ ಬದಲಾವಣೆ ಪರಿಣಾಮ ಕುರಿತು ಹೊಸ ಹೊಳಹು ನೀಡುತ್ತವೆ

* ಸೂರ್ಯನಿಂದ ಬರುವ ಹಾನಿಕಾರಕ ವಿಕಿರಣಗಳಿಂದ ನಮ್ಮನ್ನು ರಕ್ಷಿಸುವ ಓಝೋನ್ ಅನಿಲ ಪದರವು ಹಾಳಾದಲ್ಲಿ ಅಂಟಾರ್ಕ್ಟಿಕದ ಮೇಲ್ಮೈನಲ್ಲಿ ವಿಕಿರಣಗಳ ಮಟ್ಟ ಹೆಚ್ಚುವುದು ಮಾತ್ರವಲ್ಲ ಅಲ್ಲಿನ ವಾತಾವರಣದಲ್ಲಿನ ತಾಪಮಾನದ ಮೇಲೂ ಭಾರಿ ಪರಿಣಾಮವನ್ನುಂಟು ಮಾಡುತ್ತದೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಂಟಾರ್ಕ್ಟಿಕದಲ್ಲಿ ದೊಡ್ಡ ಓಝೋನ್‌ ರಂಧ್ರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು