<p>ಸ್ಯಾನ್ ಫ್ರಾನ್ಸಿಸ್ಕೊ: ಟ್ವಿಟರ್ ಕಂಪನಿಯನ್ನು ಖರೀದಿಸಿದ ಬಳಿಕ ಇಲಾನ್ ಮಸ್ಕ್ ಅವರು ವಜಾ ಮಾಡಿರುವ ಮೂವರು ಉನ್ನತ ಅಧಿಕಾರಿಗಳು ಒಟ್ಟು ₹1002 ಕೋಟಿ ಮೊತ್ತದ ಪರಿಹಾರ ಪಡೆಯುವ ನಿರೀಕ್ಷೆ ಇದೆ ಎಂದು ಸಂಶೋಧನಾ ಸಂಸ್ಥೆ ‘ಈಕ್ವಿಲರ್’ ಹೇಳಿದೆ.</p>.<p>ಟ್ವಿಟರ್ನ ಸಿಇಒ ಪರಾಗ್ ಅಗ್ರವಾಲ, ಸಿಎಫ್ಒ ನೆಡ್ ಸೆಗಲ್ ಹಾಗೂ ಕಾನೂನು ವ್ಯವಹಾರ ಮತ್ತು ನೀತಿ ವಿಭಾಗದ ಮುಖ್ಯಸ್ಥೆ ವಿಜಯಾ ಗದ್ದೆ ಅವರು ವಜಾ ಆಗಿರುವ ಪ್ರಮುಖರಾಗಿದ್ದಾರೆ.</p>.<p>ಈಕ್ವಿಲರ್ ಸಂಸ್ಥೆಯ ಪ್ರಕಾರ, ಪರಾಗ್ ಅವರಿಗೆ ಪರಿಹಾರ ರೂಪದಲ್ಲಿ ₹472 ಕೋಟಿ ಸಿಗಲಿದೆ. ಸೆಗಲ್ ₹366 ಕೋಟಿ ಹಾಗೂ ವಿಜಯಾ ಅವರು ₹164 ಕೋಟಿ ಪರಿಹಾರ ಮೊತ್ತ ಪಡೆಯಲಿದ್ದಾರೆ.</p>.<p>ಇಷ್ಟೇ ಅಲ್ಲದೆ, ಈ ಮೂವರು ಕಂಪನಿಯಲ್ಲಿ ಹೊಂದಿರುವ ಷೇರುಪಾಲಿಗೆ ಬದಲಾಗಿ ಇಲಾನ್ ಮಸ್ಕ್ ಅವರಿಂದ ಒಟ್ಟಾರೆ ₹535 ಕೋಟಿ ಮೊತ್ತವನ್ನೂ ಪಡೆಯಲಿದ್ದಾರೆ.</p>.<p>ಆದರೆ, ಈ ಕುರಿತು ಟ್ವಿಟರ್ ಪ್ರತಿನಿಧಿಗಳು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.</p>.<p>ವಿಜಯಾ ಅವರು ಕಂಪನಿಯಲ್ಲಿ ಹೊಂದಿರುವ ಷೇರುಗಳ ಮೌಲ್ಯವು ₹286 ಕೋಟಿ ಇದೆ. ಸೆಗಲ್ ಅವರು ₹181 ಕೋಟಿ ಹಾಗೂ ಪರಾಗ್ ಅವರು ₹69 ಕೋಟಿ ಮೌಲ್ಯದ ಷೇರುಗಳನ್ನು ಹೊಂದಿದ್ದಾರೆ.</p>.<p>ಟ್ವಿಟರ್ ಕಂಪನಿಯು ಷೇರುಪೇಟೆಗೆ ನೀಡಿರುವ ಮಾಹಿತಿಯ ಪ್ರಕಾರ, ಪರಾಗ್ ಅವರಿಗೆ 2021ರಲ್ಲಿ ₹250 ಕೋಟಿಯನ್ನು ಕಂಪನಿ ಪಾವತಿಸಿದೆ.</p>.<p><strong>‘ಪರಿಶೀಲನಾ ಸಮಿತಿ’: </strong>ಟ್ವಿಟರ್ ಕಂಪನಿಯು ವಿಷಯ ಪರಿಶೀಲನಾ ಸಮಿತಿ ರಚನೆ ಮಾಡಲಿದೆ ಎಂದು ಇಲಾನ್ ಮಸ್ಕ್ ತಿಳಿಸಿದ್ದಾರೆ.</p>.<p>ಟ್ವಿಟರ್ನಲ್ಲಿ ಪ್ರಕಟವಾಗುವ ಯಾವುದೇ ಪ್ರಮುಖ ವಿಷಯ ಅಥವಾ ಖಾತೆಯನ್ನು ಮರುಸ್ಥಾಪಿಸುವ ನಿರ್ಧಾರವು ಸಮಿತಿ ಸಭೆಯ ಬಳಿಕವೇ ಆಗಲಿದೆ ಎಂದು ಅವರು ಹೇಳಿದ್ದಾರೆ. ಆದರೆ, ಸಮಿತಿಯು ಹೇಗೆ ಕೆಲಸ ಮಾಡಲಿದೆ ಎನ್ನುವ ಕುರಿತು ಹೆಚ್ಚಿನ ಮಾಹಿತಿಯನ್ನು ಅವರು ನೀಡಿಲ್ಲ.</p>.<p>ಟ್ವಿಟರ್ನ ವಿಷಯ ಪರಿಶೀಲನಾ ನೀತಿಗಳಲ್ಲಿ ಸದ್ಯ ಯಾವುದೇ ರೀತಿಯ ಬದಲಾವಣೆಯನ್ನು ಮಾಡಲಾಗಿಲ್ಲ ಎಂದು ಸ್ಪಷ್ಟಪಡಿಸುತ್ತೇನೆ ಎಂದು ಮಸ್ಕ್ ತಿಳಿಸಿದ್ದಾರೆ.</p>.<p>ಟ್ವಿಟರ್ನಲ್ಲಿ ಪೇಯ್ಡ್ ಜಾಹೀರಾತು ನೀಡುವುದನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಎಂದು ಅಮೆರಿಕದ ಜನರಲ್ ಮೋಟರ್ಸ್ (ಜಿಎಂ) ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸ್ಯಾನ್ ಫ್ರಾನ್ಸಿಸ್ಕೊ: ಟ್ವಿಟರ್ ಕಂಪನಿಯನ್ನು ಖರೀದಿಸಿದ ಬಳಿಕ ಇಲಾನ್ ಮಸ್ಕ್ ಅವರು ವಜಾ ಮಾಡಿರುವ ಮೂವರು ಉನ್ನತ ಅಧಿಕಾರಿಗಳು ಒಟ್ಟು ₹1002 ಕೋಟಿ ಮೊತ್ತದ ಪರಿಹಾರ ಪಡೆಯುವ ನಿರೀಕ್ಷೆ ಇದೆ ಎಂದು ಸಂಶೋಧನಾ ಸಂಸ್ಥೆ ‘ಈಕ್ವಿಲರ್’ ಹೇಳಿದೆ.</p>.<p>ಟ್ವಿಟರ್ನ ಸಿಇಒ ಪರಾಗ್ ಅಗ್ರವಾಲ, ಸಿಎಫ್ಒ ನೆಡ್ ಸೆಗಲ್ ಹಾಗೂ ಕಾನೂನು ವ್ಯವಹಾರ ಮತ್ತು ನೀತಿ ವಿಭಾಗದ ಮುಖ್ಯಸ್ಥೆ ವಿಜಯಾ ಗದ್ದೆ ಅವರು ವಜಾ ಆಗಿರುವ ಪ್ರಮುಖರಾಗಿದ್ದಾರೆ.</p>.<p>ಈಕ್ವಿಲರ್ ಸಂಸ್ಥೆಯ ಪ್ರಕಾರ, ಪರಾಗ್ ಅವರಿಗೆ ಪರಿಹಾರ ರೂಪದಲ್ಲಿ ₹472 ಕೋಟಿ ಸಿಗಲಿದೆ. ಸೆಗಲ್ ₹366 ಕೋಟಿ ಹಾಗೂ ವಿಜಯಾ ಅವರು ₹164 ಕೋಟಿ ಪರಿಹಾರ ಮೊತ್ತ ಪಡೆಯಲಿದ್ದಾರೆ.</p>.<p>ಇಷ್ಟೇ ಅಲ್ಲದೆ, ಈ ಮೂವರು ಕಂಪನಿಯಲ್ಲಿ ಹೊಂದಿರುವ ಷೇರುಪಾಲಿಗೆ ಬದಲಾಗಿ ಇಲಾನ್ ಮಸ್ಕ್ ಅವರಿಂದ ಒಟ್ಟಾರೆ ₹535 ಕೋಟಿ ಮೊತ್ತವನ್ನೂ ಪಡೆಯಲಿದ್ದಾರೆ.</p>.<p>ಆದರೆ, ಈ ಕುರಿತು ಟ್ವಿಟರ್ ಪ್ರತಿನಿಧಿಗಳು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.</p>.<p>ವಿಜಯಾ ಅವರು ಕಂಪನಿಯಲ್ಲಿ ಹೊಂದಿರುವ ಷೇರುಗಳ ಮೌಲ್ಯವು ₹286 ಕೋಟಿ ಇದೆ. ಸೆಗಲ್ ಅವರು ₹181 ಕೋಟಿ ಹಾಗೂ ಪರಾಗ್ ಅವರು ₹69 ಕೋಟಿ ಮೌಲ್ಯದ ಷೇರುಗಳನ್ನು ಹೊಂದಿದ್ದಾರೆ.</p>.<p>ಟ್ವಿಟರ್ ಕಂಪನಿಯು ಷೇರುಪೇಟೆಗೆ ನೀಡಿರುವ ಮಾಹಿತಿಯ ಪ್ರಕಾರ, ಪರಾಗ್ ಅವರಿಗೆ 2021ರಲ್ಲಿ ₹250 ಕೋಟಿಯನ್ನು ಕಂಪನಿ ಪಾವತಿಸಿದೆ.</p>.<p><strong>‘ಪರಿಶೀಲನಾ ಸಮಿತಿ’: </strong>ಟ್ವಿಟರ್ ಕಂಪನಿಯು ವಿಷಯ ಪರಿಶೀಲನಾ ಸಮಿತಿ ರಚನೆ ಮಾಡಲಿದೆ ಎಂದು ಇಲಾನ್ ಮಸ್ಕ್ ತಿಳಿಸಿದ್ದಾರೆ.</p>.<p>ಟ್ವಿಟರ್ನಲ್ಲಿ ಪ್ರಕಟವಾಗುವ ಯಾವುದೇ ಪ್ರಮುಖ ವಿಷಯ ಅಥವಾ ಖಾತೆಯನ್ನು ಮರುಸ್ಥಾಪಿಸುವ ನಿರ್ಧಾರವು ಸಮಿತಿ ಸಭೆಯ ಬಳಿಕವೇ ಆಗಲಿದೆ ಎಂದು ಅವರು ಹೇಳಿದ್ದಾರೆ. ಆದರೆ, ಸಮಿತಿಯು ಹೇಗೆ ಕೆಲಸ ಮಾಡಲಿದೆ ಎನ್ನುವ ಕುರಿತು ಹೆಚ್ಚಿನ ಮಾಹಿತಿಯನ್ನು ಅವರು ನೀಡಿಲ್ಲ.</p>.<p>ಟ್ವಿಟರ್ನ ವಿಷಯ ಪರಿಶೀಲನಾ ನೀತಿಗಳಲ್ಲಿ ಸದ್ಯ ಯಾವುದೇ ರೀತಿಯ ಬದಲಾವಣೆಯನ್ನು ಮಾಡಲಾಗಿಲ್ಲ ಎಂದು ಸ್ಪಷ್ಟಪಡಿಸುತ್ತೇನೆ ಎಂದು ಮಸ್ಕ್ ತಿಳಿಸಿದ್ದಾರೆ.</p>.<p>ಟ್ವಿಟರ್ನಲ್ಲಿ ಪೇಯ್ಡ್ ಜಾಹೀರಾತು ನೀಡುವುದನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಎಂದು ಅಮೆರಿಕದ ಜನರಲ್ ಮೋಟರ್ಸ್ (ಜಿಎಂ) ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
