ಮಧ್ಯಾಹ್ನದ ಬೆಳಕಿನಲ್ಲೂ ಚಿತ್ರ

ನಾಯಿಮರಿಯನ್ನು ಹೋಲುವ ಗೊಂಬೆಯೊಂದಿಗೆ ಮುದ್ದಾದ ಮಗುವಿನ ‘ಖಾಸಗಿ’ಯಾದ ಈ ಸುಂದರ ಕ್ಷಣವೊಂದನ್ನು ಇತ್ತೀಚೆಗೊಂದು ಮಧ್ಯಾಹ್ನ ಕಬ್ಬನ್ ಪಾರ್ಕ್ನ ಹಸಿರು ಹುಲ್ಲು ಹಾಸಿನಮೇಲೆ ಕ್ಯಾಮೆರಾದಲ್ಲಿ ಸೆರೆಹಿಡಿದವರು ಜಯನಗರದ 9ನೇ ಬ್ಲಾಕ್ ನಿವಾಸಿ, ಐ.ಬಿ.ಎಂ ಇಂಡಿಯಾ ಸಂಸ್ಥೆಯಲ್ಲಿ ಸೈಬರ್ ಸೆಕ್ಯೂರಿಟಿ ಇನ್ವೆಸ್ಟಿಗೇಟರ್ ಆಗಿರುವ ರಾಘವೇಂದ್ರ ಪ್ರಸಾದ್.

. ಎಚ್. ಪಿ. ವೈವಿಧ್ಯ ಆಯಾಮದ ಫೋಟೋ ಜರ್ನಲಿಸಂ, ಕ್ಯಾಂಡಿಡ್, ಭಾವಪೂರ್ಣ ಅಭಿವ್ಯಕ್ತಿಯ ಮಕ್ಕಳ ಪೋರ್ಟ್ರೇಟ್, ಇತ್ಯಾದಿ ಛಾಯಾಗ್ರಹಣ ವಿಭಾಗಗಳಲ್ಲಿ ಹವ್ಯಾಸವನ್ನು ಹಿಂದಿನ ಫಿಲ್ಂ ಕಾಲದಿಂದಲೂ ಬೆಳೆಸಿಕೊಂಡಿರುವ ಅವರು, ಇಲ್ಲಿ ಬಳಸಿದ ಕ್ಯಾಮೆರಾ, ನಿಕಾನ್ ಡಿ 3100 ಜೊತೆಗೆ 70 -300 ಎಂ.ಎಂ. ಜೂಂ ಲೆನ್ಸ್ . ಅವರ ಕ್ಯಾಮೆರಾದ ಎಕ್ಸ್ಪೋಶರ್ ವಿವರ ಇಂತಿವೆ: 155 ಎಂ.ಎಂ. ಫೋಕಲ್ ಲೆಂಗ್ತ್ ನಲ್ಲಿ ಅಪರ್ಚರ್ ಎಫ್ 5.6 ಶಟರ್ ವೇಗ 1/ 500 ಸೆಕೆಂಡ್, ಐ.ಎಸ್.ಒ. 220 , ಫ್ಲಾಶ್ ಮತ್ತು ಟ್ರೈಪಾಡ್ ಬಳಸಿಲ್ಲ.

. ಈ ಚಿತ್ರದೊಂದಿಗೆ ತಾಂತ್ರಿಕ ಮತ್ತು ಕಲಾತ್ಮಕ ಅಂಶಗಳ ವಿಶ್ಲೇಷಣೆ ಇಂತಿದೆ: ಅಪರ ಮಧ್ಯಾಹ್ನದ ಸೂರ್ಯನ ಬೆಳಕಿನ ಸಂದರ್ಭಕ್ಕೆ ಪೂರಕವಾದ ಕ್ಯಾಮೆರಾ ಎಕಪೋಶರ್ ನ ತಾಂತ್ರಿಕ ಅಳವಡಿಕೆಗಳೆಲ್ಲವೂ ದೃಶ್ಯ ದಾಖಲೆಯ ದೃಷ್ಟಿಯಿಂದ ಇಲ್ಲಿ ಸಮರ್ಪಕವಾಗಿವೆ. ದೊಡ್ಡಳತೆಯ ಅಪಾರ್ಚರ್ ಮತ್ತು ಉತ್ತಮ ಜೂಂ ಫೋಕಲ್ ಲೆಂಗ್ತ್ ದೆಸೆಯಿಂದ ಮುಖ್ಯವಸ್ತು ಸ್ಫುಟವಾಗಿ ಫೋಕಸ್ಗೊಂಡು ಹಿನ್ನೆಲೆಯು ಮಂದವಾಗಿ ಮೂಡಿರುವುದು ಪರಿಣಾಮಕಾರಿಯಾಗಿದೆ.

. ಆದರೆ ಮೇಲಿನಿಂದ ಬೀಳುತ್ತಿರುವ ನೇರವಾದ ಪ್ರಧಾನ ಬೆಳಕು ( ಕೀ ಲೈಟ್) ಪ್ರಖರವಾಗಿರುವುದರಿಂದ (ಹಾರ್ಷ್), ಮಗುವಿನ ಕಣ್ಣು, ಗಲ್ಲ ಇತ್ಯಾದಿ ಭಾಗಗಳು ಕಡು ನೆರಳಿನಿಂದ (ಡಾರ್ಕ್ ಶೇಡ್) ಕೂಡಿದ್ದು, ಆ ಭಾಗಗಳನ್ನು ಕೊಂಚವಾದರೂ ಕಾಣಿಸುವಂತೆ ಮೂಡಿಸಲು ಬೆಳಕು ಇತರ ಭಾಗಗಳಿಂದ , ಮುಖ್ಯವಾಗಿ ಹುಲ್ಲುಹಾಸಿನಿಂದ ಪ್ರತಿಫಲನವಾಗಿ (ರಿಫ್ಲೆಕ್ಲೆಡ್ ಲೈಟ್) ಬಾರದಿರುವುದರಿಂದ, ಚಿತ್ರ ಅತಿ ಹೆಚ್ಚಿನ ಕಾಂತಿ ವೈದೃಶ್ಯವನ್ನು (ಕಾಂಟ್ರಾಸ್ಟ್) ಹೊಂದುವಂತಾಗಿದೆ. ಹಾಗಾಗಿ, ನೋಡುಗನ ಕಣ್ಣಿಗೆ , ಮುಗುವಿನ ಮಧುರವಾದ ಭಾವನೆಗಳನ್ನು ಗುರುತಿಸಬಲ್ಲ ಸಾಧ್ಯತೆ ಊಹೆಗಷ್ಟೇ ಹೆಚ್ಚು ಸೀಮಿತವಾಗಿದೆ.

. ಸಂಜೆ ಅಥವಾ ಮುಂಜಾನೆಯ ಸೂರ್ಯನ ಓರೆಯಾದ ಬೆಳಕು ಈ ಬಗೆಯ ಚಿತ್ರಣಕ್ಕೆ ಹೆಚ್ಚು ಸಹಕಾರಿ. ಅಥವಾ ಆಚೀಚೆ ನೆರಳಿನ ಜಾಗ( ಶೇಡೆಡ್ ) ಹುಡುಕಿ ಮಗುವನ್ನು ಅಲ್ಲಿ ಆಡಲು ಬಿಟ್ಟು, ಸರಿಯಾದ ವರ್ಣ ಪ್ರಸರಣವನ್ನು ( ಟೋನಲ್ ಡಿಸ್ಟ್ರಿಬ್ಯೂಶನ್) ಚೌಕಟ್ಟಿನಿಡೀ ಮೂಡಿಸುವಂತೆ ದೂರದಿಂದ ಟ್ರೈಪಾಡ್ ಬಳಸಿ ಕ್ಯಾಮೆರಾದಲ್ಲಿ ಸೆರೆಹಿಡಿಯುವುದು ಉತ್ತಮವಾದ ಕ್ರಮ.

. ಅಲ್ಲಿ ಮಗುವನ್ನು ಕುಳ್ಳಿರಿಸಿದಂತಾಗಿ, ಅದು ಅಸಹಜವೆಂದೆನಿಸುವ ಅಪಾಯ ತಪ್ಪಿದ್ದಲ್ಲ. ಈ ಚಿತ್ರದಲ್ಲಿ ಮಗುವಿನ ಹತ್ತಿರದಲ್ಲಿ ಹಿಂದೆ ಯಾರೋ ಕುಳಿತಂತಿದೆ ಮತ್ತು ತುಸು ದೂರದಲ್ಲಿ ಜನರ ಸಂಚಾರವೂ ಕಾಣಿಸುತ್ತಿದೆ. ಹಾಗಾಗಿ ಸಹಜತೆಗೆ ( ಕ್ಯಾಂಡಿಡ್ ) ತುಸು ಹತ್ತಿರವಾದ ಪ್ರಯತ್ನ ಇದಾಗಿದೆಯೆನ್ನ ಬಹುದು.

. ಕಲಾತ್ಮಕವಾದ ಅಂಶವನ್ನು ಗಮನಿಸುವುದಾದರೆ, ಬಿಚ್ಚು ಕಣ್ಣಿನ ನಾಯಿಮರಿ-ಬೊಂಬೆಯೊಂದಿಗೆ ಆತ್ಮೀಯವಾಗಿ ದೃಷ್ಟಿ ನೆಟ್ಟು ಏನೋ ಮಾತನಾಡುತ್ತ ಸಂವಹನದಲ್ಲಿ ತನ್ನದೇ ಲೋಕದಲ್ಲಿ ತೊಡಗಿರುವಂತಹ ಮಧುರ ಭಾವನೆಗಳನ್ನು ನೋಡುಗನ ಮನದಲ್ಲಿ ಮೂಡಿಸುವಲ್ಲಿ ಈ ಚಿತ್ರ ಉತ್ತಮ ಸಂಯೋಜನೆಯಿಂದ ಸಫಲವಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಧ್ಯಾಹ್ನದ ಬೆಳಕಿನಲ್ಲೂ ಚಿತ್ರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಸಂಪುಟ ಸರ್ಜರಿ!

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಸಂಪುಟ ಸರ್ಜರಿ!