ಹಂಪನಾ ಬರೆದ ಕವಿತೆ: ಸಮನ್ವಯಗೀತೆ

ತನ್ನ ಮಾತೇ ಮಾತು ತನ್ನ ದೈವವೇ ದೈವ

. ತನ್ನ ಮತವೇ ಮತವೆಂಬ ಹಮ್ಮು ಹಠದಲಿ

. ಕಳೆದುಕೊಂಡಿತು ನಾಡು ಅಪಾರ ಸುಖ ಬಲಿ

. ಮೇಲು ಕೀಳೆಂಬ ತಾರತಮ್ಯದ ಅಸಹ್ಯ ಕೆಂಡ

. ಬಲು ನೊಂದು ಮನೆ ಮಠ ಬೆಂದು ಕಣ್ಣೀರನುಂಡ

. ಮಂದಿಯ ಕೇಳುವವರಾರು ಸಂಕಟ ಪ್ರಚಂಡ

. ಹಿಂಸೆಯಲಿ ನೆತ್ತರಲಿ ನಿಟ್ಟುಸಿರಿನಲಿ ಎಲ್ಲಿದೆ ದಾರಿ

. ಸುಖ ಶಾಂತಿ ನೆಮ್ಮದಿಯು ಬಿಸಿಲುಗುದುರೆ ಸವಾರಿ

. ಶೈವ ವೈಷ್ಣವರು ಶರಣರು ಶ್ರಮಣರು ಸಿಖ್ಖರು

. ಮಹಮದೀಯರು ಕ್ರೈಸ್ತರು ಬೌದ್ಧರು ಎಲ್ಲರು

. ಅವರವರ ಗುಡಿಯಲವರ ಪ್ರಾರ್ಥನೆ ಸಲಿಸುತಿರಲಿ

. ಭಾರತಾಂಬೆಯ ಪೂಜಿಸಲು ಎಂದೂ ಮರೆಯದಿರಲಿ

. ಕೋಪತಾಪಗಳಿಂದ ಈರ್ಷ್ಯೆ ದ್ವೇಷಗಳಿಂದಲಿ

. ಮುಕ್ತರಾಗುತ ಸೇರಿ ನಾಡತೇರನು ಎಳೆಯುತಿರಲಿ

. ಹಿಂದೂ ದೇಶವಿದು ಎಂದೂ ಹೋಳಾಗದಿರಲಿ

. ವಂದೇ ಮಾತರಂ ಆಸೇತು ಮೊಳಗುತಿರಲಿ

. ಧರ್ಮ ಯಾವುದೆ ಇರಲಿ ಹತ್ತು ಮತ್ತೆ ಬರಲಿ

. ಸಮನ್ವಯದ ಹಣತೆಯದು ನಿತ್ಯ ಬೆಳಗುತಿರಲಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.