<p>ನಿನ್ನ ನೆನೆದರೆ, ನಾನು ಒರಟು ಶಿಲೆಯೆನಿಸುತ್ತದೆ<br />ಒಳಗೊಳಗೆ ಅಳುಕು ಅಲುಗಾಡಿ ನಾಚುತ್ತೇನೆ<br />ಹೇಗೆ ಸಾಧ್ಯವಾಯಿತು ನಿನಗೆ ಆ ಪ್ರೀತಿ, ಆ ಶಾಂತಿ?<br />ಹೀಗೆ ಈಗಿನ ಹಾಗೆ ಇರಲಿಲ್ಲವೆ ಆ ನಿನ್ನ ಕಾಲ?<br />ಇಲ್ಲ ಇದ್ದಿರಲಾರದು ಈ ಹೊಗೆ, ಈ ಹಗೆ, ಈ ದಗೆ<br />ನಂಬಿಸಿ ಕರುಳ ಕೊರಳ ಕೊಯ್ವ ಸ್ವಾರ್ಥದ ಈ ಬಗೆ<br />ಪುರುಷೋತ್ತಮ ರಾಮನೂ ದಾಳವಾಗುತ್ತಾನೆ ಇಲ್ಲಿ<br />ಶಕುನಿ ಸತ್ಯ ಹರಿಶ್ಚಂದ್ರನ ಅಪರಾವತಾರವಾಗುತ್ತಾನೆ<br />ಬೀದಿ ಬೀದಿಗಳಲ್ಲಿ, ಸಂದುಗೊಂದುಗಳಲ್ಲಿ ಅವನದೆ ಭಜನೆ<br />ಚಪ್ಪಾಳೆ, ಕೇಕೆ, ಜ್ಯೋತಿ, ಜಾಗಟೆ, ಶಂಖ, ಪಂಡಿತರ ಪರಾಕು!<br />ಕೆಸರ ಕಾಸಾರ, ಕಣ್ಣು ಕುರುಡಾಗಿಸುವ ಜವುಗು ಜೊಂಡು</p>.<p>ಬುದ್ಧ ನಿನ್ನ ನೆನೆದಾಗಲೆಲ್ಲ ಮಾತಿಲ್ಲದಾಗುತ್ತೇನೆ<br />ಬೆಕ್ಕಸ ಬೆರಗಾಗಿ ಮರುಳನಂತೆ ಬೆದಕಾಡುತ್ತೇನೆ<br />ಅದು ಹೇಗೆ ಅರಳಿತು ನಿನ್ನಲ್ಲಿ ಆ ಸಹನೆ, ಆ ದಯೆ?<br />ತುಂಬಿ ತುಳುಕಾಡುತ್ತಿದೆ ಇಲ್ಲಿ ಈಗಲೂ ದುಃಖ ದುಮ್ಮಾನ<br />ಬೆವರಿಗೆ ಬೆಲೆಯಿಲ್ಲ, ಧರ್ಮಾಂಧತೆಗೆ ಎಣೆಯಿಲ್ಲ,<br />ಬೂಟಾಟಿಕೆಯ ದೇಶಭಕ್ತಿ, ಮನೆಮನೆಯಲೂ ಧ್ವಜಾರೋಹಣ<br />ನೀ ತಡೆದ ಯಜ್ಞ ಯಾಗಗಳು ವಿಜೃಂಭಿಸುತ್ತಿವೆ<br />ನಿನ್ನ ಅಹಿಂಸೆ ಧ್ವನಿವರ್ಧಕಗಳಲಿ ಅನುರಣಿಸುತ್ತಿದೆ!<br />ಭಾರತದ ಪರಂಪರೆಯ ಶಂಖವಾದ್ಯ ಮೊಳಗುತ್ತಿದೆ<br />ಮಾನವತೆಯ ಮಳೆ ಬಾರದುದಾಗಿದೆ ಈ ಭರತ ಭೂಮಿಗೆ<br />ಸಹೃದಯತೆಯ ಆ ನಿನ್ನ ಮಂದಹಾಸ ಮೊಳೆದೀತು ಹೇಗೆ!<br />‘ತನ್ನಂತೆ ಪರರ ಬಗೆದು’ ಸಿದ್ಧಾರ್ಥ ನೀನಾದೆ ಬುದ್ಧ<br />ಬೋಧಿ ಬಿಂದುವಿನಿಂದ ಜಗಕೆಲ್ಲ ಹರಡಿತು ಪ್ರೇಮ ಸುಗಂಧ!<br />ಅಂದು, ಈ ಸೃಷ್ಟಿ ಆರಂಭದಂದು<br />ದೇವರುಗಳೆಲ್ಲ ಸೇರಿ ಮಾಡಿದರಂತೆ ಮಹದ್ಯಜ್ಞ<br />‘ಪುರುಷ’ಪಶುವನ್ನೆ ಕಟ್ಟಿದರಂತೆ ಬಲಿಗಂಬಕ್ಕೆ<br />ಹೋಮಿಸಿದರು ವಸಂತ, ಗ್ರೀಷ್ಮ, ಶರದೃತುಗಳನ್ನೆ<br />ಸೃಷ್ಟಿಯಾಯಿತಂತೆ ಆಗ ಈ ವಿಸ್ಮಯದ ಬ್ರಹ್ಮಾಂಡ<br />‘ಪುರುಷ ಸೂಕ್ತ’ ಹಾಡುತ್ತದೆ ಹಾಗೆಂದು<br />ಬಲಿಷ್ಠರುಗಳು ಸೇರಿ ಹೂಡಿದ್ದಾರೆ ಇಂದು ರಹಸ್ಯ ಯಜ್ಞ<br />ಬಿಗಿಯಲಾಗಿದೆ ಯೂಪಸ್ತಂಭಕ್ಕೆ ಮನುಷ್ಯತ್ವವನ್ನೆ<br />ಹೋಮಿಸುತ್ತಿದ್ದಾರೆ ಸಹಿಷ್ಣುತೆ, ಸತ್ಯ, ಪ್ರೇಮ, ಅಹಿಂಸೆಗಳನ್ನೆ<br />ಹೇಳು, ಬುದ್ಧದೇವ ಇದು ಲಯದ ಪೀಠಿಕೆಯೆ?<br />ಬರಲೇಬೇಕು ನೀನೀಗ ಎಂದು ಹಂಬಲಿಸುತ್ತಿದೆ ಮನ</p>.<p>ಆದರೆ ...<br />ಮರಳಿ ಬಾರದಿರು ತಂದೆ ಈ ಕಡೆಗೆ<br />ಹೇಗೋ ಬದುಕಿ ಸಾಯುತ್ತೇವೆ ನಾವು ಹೀಗೆಯೇ ಇಲ್ಲಿ<br />ಹಾದಿ ತಪ್ಪಿ ಬಂದೆಯಾದರೆ ನೀನು ನಮ್ಮೀ ಮನೆಗೆ<br />‘ದೇಶದ್ರೋಹಿ’, ಎಂದು ತಳ್ಳುವರು ನಿನ್ನನೂ ಒಳಗೆ !<br /></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಿನ್ನ ನೆನೆದರೆ, ನಾನು ಒರಟು ಶಿಲೆಯೆನಿಸುತ್ತದೆ<br />ಒಳಗೊಳಗೆ ಅಳುಕು ಅಲುಗಾಡಿ ನಾಚುತ್ತೇನೆ<br />ಹೇಗೆ ಸಾಧ್ಯವಾಯಿತು ನಿನಗೆ ಆ ಪ್ರೀತಿ, ಆ ಶಾಂತಿ?<br />ಹೀಗೆ ಈಗಿನ ಹಾಗೆ ಇರಲಿಲ್ಲವೆ ಆ ನಿನ್ನ ಕಾಲ?<br />ಇಲ್ಲ ಇದ್ದಿರಲಾರದು ಈ ಹೊಗೆ, ಈ ಹಗೆ, ಈ ದಗೆ<br />ನಂಬಿಸಿ ಕರುಳ ಕೊರಳ ಕೊಯ್ವ ಸ್ವಾರ್ಥದ ಈ ಬಗೆ<br />ಪುರುಷೋತ್ತಮ ರಾಮನೂ ದಾಳವಾಗುತ್ತಾನೆ ಇಲ್ಲಿ<br />ಶಕುನಿ ಸತ್ಯ ಹರಿಶ್ಚಂದ್ರನ ಅಪರಾವತಾರವಾಗುತ್ತಾನೆ<br />ಬೀದಿ ಬೀದಿಗಳಲ್ಲಿ, ಸಂದುಗೊಂದುಗಳಲ್ಲಿ ಅವನದೆ ಭಜನೆ<br />ಚಪ್ಪಾಳೆ, ಕೇಕೆ, ಜ್ಯೋತಿ, ಜಾಗಟೆ, ಶಂಖ, ಪಂಡಿತರ ಪರಾಕು!<br />ಕೆಸರ ಕಾಸಾರ, ಕಣ್ಣು ಕುರುಡಾಗಿಸುವ ಜವುಗು ಜೊಂಡು</p>.<p>ಬುದ್ಧ ನಿನ್ನ ನೆನೆದಾಗಲೆಲ್ಲ ಮಾತಿಲ್ಲದಾಗುತ್ತೇನೆ<br />ಬೆಕ್ಕಸ ಬೆರಗಾಗಿ ಮರುಳನಂತೆ ಬೆದಕಾಡುತ್ತೇನೆ<br />ಅದು ಹೇಗೆ ಅರಳಿತು ನಿನ್ನಲ್ಲಿ ಆ ಸಹನೆ, ಆ ದಯೆ?<br />ತುಂಬಿ ತುಳುಕಾಡುತ್ತಿದೆ ಇಲ್ಲಿ ಈಗಲೂ ದುಃಖ ದುಮ್ಮಾನ<br />ಬೆವರಿಗೆ ಬೆಲೆಯಿಲ್ಲ, ಧರ್ಮಾಂಧತೆಗೆ ಎಣೆಯಿಲ್ಲ,<br />ಬೂಟಾಟಿಕೆಯ ದೇಶಭಕ್ತಿ, ಮನೆಮನೆಯಲೂ ಧ್ವಜಾರೋಹಣ<br />ನೀ ತಡೆದ ಯಜ್ಞ ಯಾಗಗಳು ವಿಜೃಂಭಿಸುತ್ತಿವೆ<br />ನಿನ್ನ ಅಹಿಂಸೆ ಧ್ವನಿವರ್ಧಕಗಳಲಿ ಅನುರಣಿಸುತ್ತಿದೆ!<br />ಭಾರತದ ಪರಂಪರೆಯ ಶಂಖವಾದ್ಯ ಮೊಳಗುತ್ತಿದೆ<br />ಮಾನವತೆಯ ಮಳೆ ಬಾರದುದಾಗಿದೆ ಈ ಭರತ ಭೂಮಿಗೆ<br />ಸಹೃದಯತೆಯ ಆ ನಿನ್ನ ಮಂದಹಾಸ ಮೊಳೆದೀತು ಹೇಗೆ!<br />‘ತನ್ನಂತೆ ಪರರ ಬಗೆದು’ ಸಿದ್ಧಾರ್ಥ ನೀನಾದೆ ಬುದ್ಧ<br />ಬೋಧಿ ಬಿಂದುವಿನಿಂದ ಜಗಕೆಲ್ಲ ಹರಡಿತು ಪ್ರೇಮ ಸುಗಂಧ!<br />ಅಂದು, ಈ ಸೃಷ್ಟಿ ಆರಂಭದಂದು<br />ದೇವರುಗಳೆಲ್ಲ ಸೇರಿ ಮಾಡಿದರಂತೆ ಮಹದ್ಯಜ್ಞ<br />‘ಪುರುಷ’ಪಶುವನ್ನೆ ಕಟ್ಟಿದರಂತೆ ಬಲಿಗಂಬಕ್ಕೆ<br />ಹೋಮಿಸಿದರು ವಸಂತ, ಗ್ರೀಷ್ಮ, ಶರದೃತುಗಳನ್ನೆ<br />ಸೃಷ್ಟಿಯಾಯಿತಂತೆ ಆಗ ಈ ವಿಸ್ಮಯದ ಬ್ರಹ್ಮಾಂಡ<br />‘ಪುರುಷ ಸೂಕ್ತ’ ಹಾಡುತ್ತದೆ ಹಾಗೆಂದು<br />ಬಲಿಷ್ಠರುಗಳು ಸೇರಿ ಹೂಡಿದ್ದಾರೆ ಇಂದು ರಹಸ್ಯ ಯಜ್ಞ<br />ಬಿಗಿಯಲಾಗಿದೆ ಯೂಪಸ್ತಂಭಕ್ಕೆ ಮನುಷ್ಯತ್ವವನ್ನೆ<br />ಹೋಮಿಸುತ್ತಿದ್ದಾರೆ ಸಹಿಷ್ಣುತೆ, ಸತ್ಯ, ಪ್ರೇಮ, ಅಹಿಂಸೆಗಳನ್ನೆ<br />ಹೇಳು, ಬುದ್ಧದೇವ ಇದು ಲಯದ ಪೀಠಿಕೆಯೆ?<br />ಬರಲೇಬೇಕು ನೀನೀಗ ಎಂದು ಹಂಬಲಿಸುತ್ತಿದೆ ಮನ</p>.<p>ಆದರೆ ...<br />ಮರಳಿ ಬಾರದಿರು ತಂದೆ ಈ ಕಡೆಗೆ<br />ಹೇಗೋ ಬದುಕಿ ಸಾಯುತ್ತೇವೆ ನಾವು ಹೀಗೆಯೇ ಇಲ್ಲಿ<br />ಹಾದಿ ತಪ್ಪಿ ಬಂದೆಯಾದರೆ ನೀನು ನಮ್ಮೀ ಮನೆಗೆ<br />‘ದೇಶದ್ರೋಹಿ’, ಎಂದು ತಳ್ಳುವರು ನಿನ್ನನೂ ಒಳಗೆ !<br /></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
