ಕನ್ನಡಕದಲ್ಲಿ ಕಂಡೀರಾ ಇಷ್ಟೆಲ್ಲಾ ವಿಧ?

ಕಣ್ಣಿನ ಸಮಸ್ಯೆ ಇರುವವರು ಮಾತ್ರ ಕನ್ನಡ ಧರಿಸಬೇಕು ಎನ್ನುವ ಕಾಲವೊಂದಿತ್ತು. ಆದರೆ ಇತ್ತೀಚೆಗೆ ಕನ್ನಡಕ ಧರಿಸುವುದೇ ಟ್ರೆಂಡ್ ಆಗಿದೆ. ಕಣ್ಣಿಗೆ ಹಿತವಾದ, ಸ್ಟೈಲಿಷ್ ಲುಕ್ ನೀಡುವ ಕನ್ನಡಕಗಳು ಯುವ ಜನರಿಗೆ ಅಚ್ಚುಮೆಚ್ಚು.

. ಸಂದರ್ಭಗಳಿಗೆ ಅನುಸಾರವಾಗಿ ಉಡುಪಿಗೊಪ್ಪುವ ಕನ್ನಡ ಧರಿಸಿ ಒಂದು ಫೋಟೊ ಕ್ಲಿಕ್ಕಿಸಿಕೊಂಡರೆ ಖುಷಿ. ನಿಮಗೆ ಗೊತ್ತಾ ಕನ್ನಡಕದಲ್ಲೂ ಹಲವು ವಿಧಗಳಿವೆ. ಫ್ಯಾಷನ್ಗೆ ಸರಿಹೊಂದುವಂತಹ ಗ್ಲಾಸ್ ಧರಿಸಿ ಕಣ್ಣುಗಳನ್ನೂ ರಕ್ಷಿಸಿಕೊಳ್ಳಬಹುದು.

. ನೀಲಿ ಬೆಳಕನ್ನು ತಡೆಯುವ ಕನ್ನಡಕ

. ಡಿಜಿಟಲ್ ಸಾಧನಗಳಿಂದ ಹೊರಸೂಸುವ ನೀಲಿ ಬೆಳಕನ್ನು ಫಿಲ್ಟರ್ ಮಾಡುವ ಮೂಲಕ ಒತ್ತಡವನ್ನು ಕಡಿಮೆ ಮಾಡಲು ಮತ್ತು ನಿದ್ರೆಯ ಗುಣಮಟ್ಟವನ್ನು ಸುಧಾರಿಸಲು ಈ ಕನ್ನಡಕ ಸಹಾಯ ಮಾಡುತ್ತದೆ. ಬೇರೆ ಬೇರೆ ಆಕಾರದಲ್ಲಿ ಸಿಗುವ ಈ ಕನ್ನಡಕ ಸದಾ ಗಣಕಯಂತ್ರ ಕುಟ್ಟುವ, ಮೊಬೈಲ್ ನೋಡುವವರಿಗೆ ಉತ್ತಮ ಗೆಳೆಯ. ಹೀಗಾಗಿ ಕಚೇರಿಗಳಿಗೆ ತೆರಳುವವರಿಗೆ ಗುಡ್ ಲುಕ್ ನೀಡುತ್ತದೆ.

. ಝೀರೋ ಲೆನ್ಸ್ ಕನ್ನಡಕ

. ವೈದ್ಯರ ಸಲಹೆ ಇಲ್ಲದೆಯೇ ಫ್ಯಾಷನ್ಗಾಗಿಯೇ ಕನ್ನಡಕಗಳನ್ನು ಧರಿಸುತ್ತಾರೆ. ಅಂತಹವರಿಗೆ ಝೀರೊ ಲೆನ್ಸ್ ಕನ್ನಡಕ ಉತ್ತಮ. ವೃತ್ತಾಕಾರಾದ ಗ್ಲಾಸ್ಗಳು, ಬಣ್ಣದ ಬಣ್ಣದ ಫ್ರೇಮ್ಗಳನ್ನು ಹೊಂದಿರುವ ಕನ್ನಡಕಗಳು ಹೊಸ ಲುಕ್ ನೀಡುತ್ತವೆ.

. ಪೋಲರೈಸ್ಡ್ ಗ್ಲಾಸ್

. ಈ ವಿಶೇಷ ಕನ್ನಡ ನೀರು ಅಥವಾ ರಸ್ತೆಯ ಮೇಲೈಗಳು ಹೊಳೆಯುವಂತೆ ಕಾಣುವುದನ್ನು ಕಡಿಮೆ ಮಾಡುತ್ತದೆ. ಹೀಗಾಗಿ ಬೇಸಿಗೆ ಕಾಲದಲ್ಲಿ ಇದು ಉತ್ತಮ ಆಯ್ಕೆಯಾಗಿದೆ. ಅಲ್ಲದೆ ವಾಹನ ಚಾಲನೆ ಮಾಡುವವರಿಗೆ ಇದು ಹೇಳಿ ಮಾಡಿಸಿದ ಕನ್ನಡಕ. ಸ್ಟೈಲಿಷ್ ಆಗಿಯೂ, ಕಣ್ಣಿಗೆ ಹಿತವಾಗಿಯೂ ಇರುತ್ತದೆ.

. ವೇಫೇರರ್ ಸನ್ಗ್ಲಾಸ್

. ಕಣ್ಣುಗಳನ್ನು ಪೂರ್ತಿಯಾಗಿ ಸುತ್ತುವರಿಯುವ ಈ ಕನ್ನಡಕಗಳು ಮುಖಕ್ಕೆ ಹೊಸ ಲುಕ್ ನೀಡುತ್ತದೆ. ತ್ರಿಕೋನ ಅಥವಾ ವೃತ್ತಾಕಾರದ ಮುಖ ಇರುವವರಿಗೆ ಈ ವೇಫೇರರ್ ಶೈಲಿಯ ಸನ್ಗ್ಲಾಸ್ಗಳು ಹೇಳಿ ಮಾಡಿಸಿದಂತವು.

. ಮಿರರ್ ಸನ್ಗ್ಲಾಸ್

. ನೀವೇನಾದರೂ ಟ್ರೆಂಡಿ ಸನ್ಗ್ಲಾಸ್ ಹುಡುಕುತ್ತಿದ್ದರೆ ಮಿರರ್ ಸನ್ಗ್ಲಾಸ್ ಉತ್ತಮ ಆಯ್ಕೆಯಾಗಿದೆ. ಗಾಢ ಬೆಳಕಿನಿಂದ ಕಣ್ಣನ್ನು ರಕ್ಷಿಸಿ, ಆರಾಮದಾಯಕ ಅನುಭವ ನೀಡುತ್ತದೆ. ಸಮುದ್ರ ತೀರಗಳು, ಚಾರಣಕ್ಕೆ ಹೋಗುವಾಗ ಈ ಕನ್ನಡಕ ನೆರವಾಗುತ್ತದೆ.

. ಏವಿಯೇಟರ್ ಕನ್ನಡ

. ಇದನ್ನು ಸಾಮಾನ್ಯವಾಗಿ ಪೈಲಟ್ಗಳು ಬಳಸುತ್ತಾರೆ. ಇದು ಪೋಲರೈಸ್ಡ್ ಗ್ಲಾಸ್ನಂತೆ ಇದ್ದು, ಹೊಳೆಯುವ ಬೆಳಕಿನ ಕಿರಣಗಳಿಂದ ಕಣ್ಣುಗಳನ್ನು ರಕ್ಷಿಸುತ್ತವೆ.

. ಏವಿಯೇಟರ್ ಕನ್ನಡಕಗಳನ್ನು ಓಡುವಾಗ, ಆಟವಾಡುವಾಗ, ಹೊರಾಂಗಣಕ್ಕೆ ಹೋದಾಗ ಧರಿಸಬಹುದು. ಈ ಕನ್ನಡದಲ್ಲಿ ಕಪ್ಪು, ನೀಲಿ, ಕೇಸರಿ, ಹಳದಿ ಸೇರಿ ಹಲವು ಬಣ್ಣಗಳ ಗ್ಲಾಸ್ ಪಡೆಯಬಹುದು. ಹೀಗಾಗಿ ಫ್ಯಾಷನ್ ಪ್ರಿಯರಿಗೆ ಇದು ಬೆಸ್ಟ್

. ವಿವಿಧ ಫ್ರೇಮ್ಗಳ ಕನ್ನಡಕಗಳು

. ಗ್ಲಾಸ್ಗಳ ಸುತ್ತಲೂ ಚೌಕಟ್ಟಿರುವ ಕನ್ನಡಕವನ್ನು ಫುಲ್ ರಿಮ್ ಗ್ಲಾಸ್ ಎನ್ನುತ್ತಾರೆ ಇವುಗಳಲ್ಲಿ ವೃತ್ತಾಕಾರದ ದೊಡ್ಡದಾದ ಕನ್ನಡಕಗಳೂ ಸಿಗುತ್ತವೆ. ಬಾಲಿವುಡ್ ನಟ ಕರಣ ಜೋಹರ್ ಧರಿಸುತ್ತಾರಲ್ಲ ಆ ರೀತಿಯದ್ದು.

. ಇನ್ನು, ಗ್ಲಾಸ್ಗಳ ಮೇಲ್ಭಾಗದಲ್ಲಿ ಮಾತ್ರ ಚೌಕಟ್ಟಿರುವ ಸೆಮಿ ರಿಮ್, ಗ್ಲಾಸ್ಗಳಿಗೆ ಚೌಕಟ್ಟಿಲ್ಲದ ರಿಮ್ಲೆಸ್ ಕನ್ನಡಕಗಳು, ಬೆಕ್ಕಿನ ಕಣ್ಣುಗಳ ಆಕಾರದಲ್ಲಿರುವ ಕನ್ನಡಕಗಳೂ ದೊರೆಯುತ್ತವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕನ್ನಡಕದಲ್ಲಿ ಕಂಡೀರಾ ಇಷ್ಟೆಲ್ಲಾ ವಿಧ?

ಚಿನಕುರುಳಿ | ಬುಧವಾರ, ನವೆಂಬರ್ 20 2024

Exit Poll 2024: ಮಹಾರಾಷ್ಟ್ರದಲ್ಲಿ NDA ಪರ, ಜಾರ್ಖಂಡ್‌ನಲ್ಲಿ ಪ್ರಬಲ ಪೈಪೋಟಿ

ರಾಧಿಕಾ ಕುಮಾರಸ್ವಾಮಿ HDKಗೆ ಕರಿಯ ಅಂದಾಗ ತೊಂದರೆಯಾಗಿರಲಿಲ್ಲ: ತೇಜಸ್ವಿನಿ ಗೌಡ

ಚುರುಮುರಿ: ಖುಷಿ ಮೇಳ

IND vs AUS | ಮೊದಲ ಟೆಸ್ಟ್‌ಗೆ ಆಡುವ 11ರ ಬಳಗ ಅಂತಿಮಗೊಳಿಸಲಾಗಿದೆ: ಬೂಮ್ರಾ

ಕಲಬುರಗಿ | ಪುರುಷರ ಐಟಿಎಫ್‌ ಟೆನಿಸ್‌: ಸೋತರೂ ಪ್ರೇಕ್ಷಕರ ಮನಗೆದ್ದ ಪ್ರಣವ್‌

ಪ್ರೊ ಕಬಡ್ಡಿ: ಗುಜರಾತ್‌– ಡೆಲ್ಲಿ ಪಂದ್ಯ ರೋಚಕ ಟೈ

ಐಟಿಎಫ್‌ ಟೆನಿಸ್‌: ಕರಣ್‌, ಪ್ರಜ್ವಲ್‌ ದೇವ್‌, ಸುಲ್ತಾನೋವ್‌ ಪ್ರಿಕ್ವಾರ್ಟರ್‌ಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಬುಧವಾರ, ನವೆಂಬರ್ 20 2024

Exit Poll 2024: ಮಹಾರಾಷ್ಟ್ರದಲ್ಲಿ NDA ಪರ, ಜಾರ್ಖಂಡ್‌ನಲ್ಲಿ ಪ್ರಬಲ ಪೈಪೋಟಿ

ರಾಧಿಕಾ ಕುಮಾರಸ್ವಾಮಿ HDKಗೆ ಕರಿಯ ಅಂದಾಗ ತೊಂದರೆಯಾಗಿರಲಿಲ್ಲ: ತೇಜಸ್ವಿನಿ ಗೌಡ

ಚುರುಮುರಿ: ಖುಷಿ ಮೇಳ