ಐಟಿಎಫ್‌ ಟೆನಿಸ್‌: ಕರಣ್‌, ಪ್ರಜ್ವಲ್‌ ದೇವ್‌, ಸುಲ್ತಾನೋವ್‌ ಪ್ರಿಕ್ವಾರ್ಟರ್‌ಗೆ

ಕಲಬುರಗಿ: ಭಾರತದ ಪ್ರಜ್ವಲ್ ದೇವ್, ಕರಣ್ ಸಿಂಗ್, ಉಜ್ಬೇಕಿಸ್ತಾನದ ಖುಮೋಯುನ್ ಸುಲ್ತಾನೋವ್, ರಷ್ಯಾದ ಬಾಗ್ದಾನ್ ಬಾಬ್ರೋವ್ ಅವರು ಇಲ್ಲಿ ನಡೆಯುತ್ತಿರುವ ಪುರುಷರ ಐಟಿಎಫ್ ಟೆನಿಸ್ ಟೂರ್ನಿಯ ಸಿಂಗಲ್ಸ್ ಪ್ರಿಕ್ವಾರ್ಟರ್ಫೈನಲ್ ಪ್ರವೇಶಿಸಿದರು. ಆದರೆ ಮೂರನೇ ಶ್ರೇಯಾಂಕದ ಇಗೊರ್ ಅಗಾಫೋನೊವ್ ಗಾಯಗೊಂಡು ಟೂರ್ನಿಯಿಂದ ಹೊರಬಿದ್ದರು.

. ಬುಧವಾರ ಮೊದಲ ಸುತ್ತಿನ ಪಂದ್ಯದಲ್ಲಿ ಕನ್ನಡಿಗ ಎಸ್.ಡಿ. ಪ್ರಜ್ವಲ್ ದೇವ್ ಅವರು 6–2, 6–3 ರಿಂದ ಜಪಾನಿನ ಕಜುಕಿ ನಿಶಿವಾಕಿ ಅವರನ್ನು ಪರಾಭವಗೊಳಿಸಿದರು. ನಾಲ್ಕನೇ ಶ್ರೇಯಾಂಕದ ಕರಣ್ ಸಿಂಗ್ 7–6, 6–0 ಯಿಂದ ಆದಿತ್ಯ ಬಾಲಶೇಖರ ವಿರುದ್ಧ ಸುಲಭ ಜಯ ಸಾಧಿಸಿದರು.

. ಅಗ್ರ ಶೇಯಾಂಕದ ಸುಲ್ತಾನೋವ್ ಅವರು 7–6, 6–1ರಿಂದ ಭಾರತದ ವಿಷ್ಣುವರ್ಧನ್ ವಿರುದ್ಧ ಗೆಲುವು ಪಡೆದರೆ, ಎರಡನೇ ಶ್ರೇಯಾಂಕಿತ ಬಾಗ್ದಾನ್ ಬಾಬ್ರೋವ್ 6–2, 6–0ಯಿಂದ ಭಾರತದ ಮನಸ್ ಧಾಮ್ನೆ ವಿರುದ್ಧ ನೇರ ಸೆಟ್ಗಳ ಜಯ ಸಾಧಿಸಿದರು.

. ಭಾರತದ ಸಿದ್ಧಾರ್ಥ್ ರಾವತ್ ಅವರು 6–2, 2–0ಯಿಂದ ಮೂರನೇ ಶ್ರೇಯಾಂಕದ ರಷ್ಯಾದ ಇಗೋರ್ ಅಗಾಫೋನೊವ್ ವಿರುದ್ಧ ಮುನ್ನಡೆಯಲ್ಲಿದ್ದರು. ಈ ವೇಳೆ ಅಗಾಫೋನೊವ್ ಅವರು ಗಾಯಗೊಂಡು ಪಂದ್ಯದಿಂದ ನಿವೃತ್ತರಾಗಬೇಕಾಯಿತು.

. ಇತರ ಪಂದ್ಯಗಳಲ್ಲಿ ಅಮೆರಿಕದ ನಿಕ್ ಚಾಪೆಲ್ 5–7, 6–3, 6–2ರಿಂದ ಪ್ರಣವ್ ಕಾರ್ತಿಕ್ ಅವರನ್ನು, ಇಂಡೋನೇಷ್ಯಾದ ಅಂಥೋನಿ ಸುಸಾಂತೊ 6–1, 6–7, 7–6 ರಿಂದ ಭಾರತದ ಪ್ರಿಯಾಂಶು ಚೌಧರಿ ವಿರುದ್ಧ ಗೆಲುವು ಸಾಧಿಸಿದರು.

. ವೈಲ್ಡ್ ಕಾರ್ಡ್ ಪ್ರವೇಶ ಪಡೆದಿದ್ದ ಕರ್ನಾಟಕದ ರಿಷಿ ರೆಡ್ಡಿ ಅವರು ರಷ್ಯಾದ ಮ್ಯಾಕ್ಸಿಮ್ ಝುಕೊ ಎದುರು 2–6, 5–7 ರಿಂದ ಹಿಮ್ಮೆಟ್ಟಿದರು.

. ಮೊದಲ ಸುತ್ತಿನ ಇತರ ಪಂದ್ಯಗಳಲ್ಲಿ ಇಂಡೋನೇಷ್ಯಾದ ಎಂ.ಆರ್. ಫಿತ್ರಿಯಾದಿ 6–1, 6–4 ರಿಂದ ಭಾರತದ ಯುವಾನ್ ನಂದಾಳ್ ಅವರನ್ನು; ಭಾರತದ ರಿಷಭ್ ಅಗರವಾಲ್ 6–3, 5–7, 6–3ರಿಂದ ಆದಿಲ್ ಕಲ್ಯಾಣಪುರ ಅವರನ್ನು, ಆದಿತ್ಯ ಗಣೇಶನ್ ಅವರು 6–0, 6–1ರಿಂದ ಮಾನ್ ಕೇಶರ್ವಾನಿ ಅವರನ್ನು; ನಿತಿನ್ ಕುಮಾರ್ ಸಿನ್ಹಾ 6–3, 6–4 ರಿಂದ ಆರ್.ಜೈಸಿಂಘಾನಿ ಅವರನ್ನು ಸೋಲಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಐಟಿಎಫ್‌ ಟೆನಿಸ್‌: ಕರಣ್‌, ಪ್ರಜ್ವಲ್‌ ದೇವ್‌, ಸುಲ್ತಾನೋವ್‌ ಪ್ರಿಕ್ವಾರ್ಟರ್‌ಗೆ

ಚಿನಕುರುಳಿ | ಬುಧವಾರ, ನವೆಂಬರ್ 20 2024

Exit Poll 2024: ಮಹಾರಾಷ್ಟ್ರದಲ್ಲಿ NDA ಪರ, ಜಾರ್ಖಂಡ್‌ನಲ್ಲಿ ಪ್ರಬಲ ಪೈಪೋಟಿ

ಚುರುಮುರಿ: ಖುಷಿ ಮೇಳ

ರಾಧಿಕಾ ಕುಮಾರಸ್ವಾಮಿ HDKಗೆ ಕರಿಯ ಅಂದಾಗ ತೊಂದರೆಯಾಗಿರಲಿಲ್ಲ: ತೇಜಸ್ವಿನಿ ಗೌಡ

IND vs AUS | ಮೊದಲ ಟೆಸ್ಟ್‌ಗೆ ಆಡುವ 11ರ ಬಳಗ ಅಂತಿಮಗೊಳಿಸಲಾಗಿದೆ: ಬೂಮ್ರಾ

ಕಲಬುರಗಿ | ಪುರುಷರ ಐಟಿಎಫ್‌ ಟೆನಿಸ್‌: ಸೋತರೂ ಪ್ರೇಕ್ಷಕರ ಮನಗೆದ್ದ ಪ್ರಣವ್‌

ಪ್ರೊ ಕಬಡ್ಡಿ: ಗುಜರಾತ್‌– ಡೆಲ್ಲಿ ಪಂದ್ಯ ರೋಚಕ ಟೈ