<p><strong>ಬೆಂಗಳೂರು: </strong>ಸ್ವಯಂಚಾಲನೆಯಂತಹ ಹೊಸ ತಂತ್ರಜ್ಞಾನ ಕ್ಷೇತ್ರಗಳಲ್ಲಿ ಪರಿಣತರಿಗೆ ಹೆಚ್ಚುತ್ತಿರುವ ಬೇಡಿಕೆಯಿಂದಾಗಿ ಐ.ಟಿ ಕ್ಷೇತ್ರದಲ್ಲಿ ಉದ್ಯೋಗ ಅವಕಾಶಗಳು ಹೆಚ್ಚುತ್ತಿವೆ.</p>.<p>ಐ.ಟಿ ಕ್ಷೇತ್ರದ ಮುಂಚೂಣಿ ಸಂಸ್ಥೆಗಳಾದ ಟಿಸಿಎಸ್, ಇನ್ಫೊಸಿಸ್, ವಿಪ್ರೊ, ಎಚ್ಸಿಎಲ್ ಮತ್ತು ಟೆಕ್ ಮಹೀಂದ್ರಾ ಸಂಸ್ಥೆಗಳಲ್ಲಿ 2018–19ರಲ್ಲಿ ಒಟ್ಟಾರೆ 90,964 ತಂತ್ರಜ್ಞರನ್ನು ಹೊಸದಾಗಿ ನೇಮಿಸಿಕೊಳ್ಳಲಾಗಿದೆ. ನೇಮಕಾತಿಗಳ ವಾರ್ಷಿಕ ಏರಿಕೆಯು ಶೇ 9.2ರಷ್ಟು ದಾಖಲಾಗಿದೆ.</p>.<p>2017–18ರಲ್ಲಿನ ಉದ್ಯೋಗ ಅವಕಾಶಗಳಿಗೆ ಹೋಲಿಸಿದರೆ ಈ ಬಾರಿಯದು ಗಮನಾರ್ಹ ಚೇತರಿಕೆಯಾಗಿದೆ.</p>.<p>ದೇಶದ ಅತಿದೊಡ್ಡ ಐ.ಟಿ ಸಂಸ್ಥೆಯಾಗಿರುವ ಟಿಸಿಎಸ್, ಹಿಂದಿನ ವರ್ಷ 29,287 ತಂತ್ರಜ್ಞರನ್ನು ನೇಮಿಸಿಕೊಂಡಿದೆ. ಇನ್ಫೊಸಿಸ್ಗೆ 24,016 ತಂತ್ರಜ್ಞರು ಸೇರ್ಪಡೆಗೊಂಡಿದ್ದಾರೆ. ಇದು ಹಿಂದಿನ ವರ್ಷದ ನೇಮಕಕ್ಕೆ ಹೋಲಿಸಿದರೆ 10 ಪಟ್ಟು ಹೆಚ್ಚಳ ದಾಖಲಿಸಿದೆ.</p>.<p>ವಿಪ್ರೊ ಮತ್ತು ಟೆಕ್ ಮಹೀಂದ್ರಾ ಸಂಸ್ಥೆಗಳು 2017–18ರಲ್ಲಿ ಹೊಸ ನೇಮಕಾತಿಗೆ ಕಡಿವಾಣ ವಿಧಿಸಿದ್ದವು. 2018–19ರಲ್ಲಿ ಈ ಎರಡೂ ಸಂಸ್ಥೆಗಳು ಹೊಸ ನೇಮಕಾತಿಗೆ ಆದ್ಯತೆ ನೀಡಿ ಕ್ರಮವಾಗಿ 11,502 ಮತ್ತು 8,275 ಹೊಸಬರನ್ನು ನೇಮಕ ಮಾಡಿಕೊಂಡಿವೆ.</p>.<p>‘ತಂತ್ರಜ್ಞಾನವು ತ್ವರಿತವಾಗಿ ಬದಲಾಗುತ್ತಿದೆ. ಇದರಿಂದಾಗಿ 15 ರಿಂದ 18 ತಿಂಗಳಲ್ಲಿ ಎಂಜಿನಿಯರ್ಗಳ ಅಗತ್ಯ ಹೆಚ್ಚಾಗಿದೆ’ ಎಂದು ಕ್ವೆಸ್ ಕಾರ್ಪನ ಜಾಗತಿಕ ಸೇವೆಯ ಸಿಇಒ ಗುರುಪ್ರಸಾದ್ ಶ್ರೀನಿವಾಸನ್ ಹೇಳಿದ್ದಾರೆ.</p>.<p>ಹೊಸ ಉದ್ಯೋಗ ಅವಕಾಶಗಳಲ್ಲಿನ ಶೇ 60ರಷ್ಟು ಬೇಡಿಕೆಯು ಆಟೊಮೇಷನ್ನಂತಹ ಹೊಸ ತಂತ್ರಜ್ಞಾನದಿಂದ ಬರುತ್ತಿದೆ. ಈ ಕ್ಷೇತ್ರದಲ್ಲಿನ ಪರಿಣತರ ಬೇಡಿಕೆಯು, ತಂತ್ರಜ್ಞರ ಲಭ್ಯತೆಗಿಂತ (ಪೂರೈಕೆ) ಹೆಚ್ಚಿಗೆ ಇದೆ. ಇದು ವೇತನ ಹೆಚ್ಚಳಕ್ಕೂ ಕಾರಣವಾಗುತ್ತಿದೆ.</p>.<p>‘ಹೊಸ ವೃತ್ತಿ ಕೌಶಲಗಳನ್ನು ಕರಗತ ಮಾಡಿಕೊಂಡ ತಂತ್ರಜ್ಞರು, ಸಾಂಪ್ರದಾಯಿಕ ಐ.ಟಿ ಕೌಶಲದ ಐದಾರು ವರ್ಷದ ಅನುಭವಿ ಎಂಜಿನಿಯರುಗಳಿಗಿಂತ ಹೆಚ್ಚಿನ ಸಂಬಳ ಪಡೆಯುತ್ತಿದ್ದಾರೆ. ಈ ಎರಡೂ ಗುಂಪಿನಲ್ಲಿ ಕೆಲಸ ಮಾಡುವ ತಂತ್ರಜ್ಞರ ವೇತನ ಅಂತರವು ಶೇ 15 ರಿಂದ ಶೇ 20ರಷ್ಟಿದೆ’ ಎಂದು ಶ್ರೀನಿವಾಸನ್ ಹೇಳುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಸ್ವಯಂಚಾಲನೆಯಂತಹ ಹೊಸ ತಂತ್ರಜ್ಞಾನ ಕ್ಷೇತ್ರಗಳಲ್ಲಿ ಪರಿಣತರಿಗೆ ಹೆಚ್ಚುತ್ತಿರುವ ಬೇಡಿಕೆಯಿಂದಾಗಿ ಐ.ಟಿ ಕ್ಷೇತ್ರದಲ್ಲಿ ಉದ್ಯೋಗ ಅವಕಾಶಗಳು ಹೆಚ್ಚುತ್ತಿವೆ.</p>.<p>ಐ.ಟಿ ಕ್ಷೇತ್ರದ ಮುಂಚೂಣಿ ಸಂಸ್ಥೆಗಳಾದ ಟಿಸಿಎಸ್, ಇನ್ಫೊಸಿಸ್, ವಿಪ್ರೊ, ಎಚ್ಸಿಎಲ್ ಮತ್ತು ಟೆಕ್ ಮಹೀಂದ್ರಾ ಸಂಸ್ಥೆಗಳಲ್ಲಿ 2018–19ರಲ್ಲಿ ಒಟ್ಟಾರೆ 90,964 ತಂತ್ರಜ್ಞರನ್ನು ಹೊಸದಾಗಿ ನೇಮಿಸಿಕೊಳ್ಳಲಾಗಿದೆ. ನೇಮಕಾತಿಗಳ ವಾರ್ಷಿಕ ಏರಿಕೆಯು ಶೇ 9.2ರಷ್ಟು ದಾಖಲಾಗಿದೆ.</p>.<p>2017–18ರಲ್ಲಿನ ಉದ್ಯೋಗ ಅವಕಾಶಗಳಿಗೆ ಹೋಲಿಸಿದರೆ ಈ ಬಾರಿಯದು ಗಮನಾರ್ಹ ಚೇತರಿಕೆಯಾಗಿದೆ.</p>.<p>ದೇಶದ ಅತಿದೊಡ್ಡ ಐ.ಟಿ ಸಂಸ್ಥೆಯಾಗಿರುವ ಟಿಸಿಎಸ್, ಹಿಂದಿನ ವರ್ಷ 29,287 ತಂತ್ರಜ್ಞರನ್ನು ನೇಮಿಸಿಕೊಂಡಿದೆ. ಇನ್ಫೊಸಿಸ್ಗೆ 24,016 ತಂತ್ರಜ್ಞರು ಸೇರ್ಪಡೆಗೊಂಡಿದ್ದಾರೆ. ಇದು ಹಿಂದಿನ ವರ್ಷದ ನೇಮಕಕ್ಕೆ ಹೋಲಿಸಿದರೆ 10 ಪಟ್ಟು ಹೆಚ್ಚಳ ದಾಖಲಿಸಿದೆ.</p>.<p>ವಿಪ್ರೊ ಮತ್ತು ಟೆಕ್ ಮಹೀಂದ್ರಾ ಸಂಸ್ಥೆಗಳು 2017–18ರಲ್ಲಿ ಹೊಸ ನೇಮಕಾತಿಗೆ ಕಡಿವಾಣ ವಿಧಿಸಿದ್ದವು. 2018–19ರಲ್ಲಿ ಈ ಎರಡೂ ಸಂಸ್ಥೆಗಳು ಹೊಸ ನೇಮಕಾತಿಗೆ ಆದ್ಯತೆ ನೀಡಿ ಕ್ರಮವಾಗಿ 11,502 ಮತ್ತು 8,275 ಹೊಸಬರನ್ನು ನೇಮಕ ಮಾಡಿಕೊಂಡಿವೆ.</p>.<p>‘ತಂತ್ರಜ್ಞಾನವು ತ್ವರಿತವಾಗಿ ಬದಲಾಗುತ್ತಿದೆ. ಇದರಿಂದಾಗಿ 15 ರಿಂದ 18 ತಿಂಗಳಲ್ಲಿ ಎಂಜಿನಿಯರ್ಗಳ ಅಗತ್ಯ ಹೆಚ್ಚಾಗಿದೆ’ ಎಂದು ಕ್ವೆಸ್ ಕಾರ್ಪನ ಜಾಗತಿಕ ಸೇವೆಯ ಸಿಇಒ ಗುರುಪ್ರಸಾದ್ ಶ್ರೀನಿವಾಸನ್ ಹೇಳಿದ್ದಾರೆ.</p>.<p>ಹೊಸ ಉದ್ಯೋಗ ಅವಕಾಶಗಳಲ್ಲಿನ ಶೇ 60ರಷ್ಟು ಬೇಡಿಕೆಯು ಆಟೊಮೇಷನ್ನಂತಹ ಹೊಸ ತಂತ್ರಜ್ಞಾನದಿಂದ ಬರುತ್ತಿದೆ. ಈ ಕ್ಷೇತ್ರದಲ್ಲಿನ ಪರಿಣತರ ಬೇಡಿಕೆಯು, ತಂತ್ರಜ್ಞರ ಲಭ್ಯತೆಗಿಂತ (ಪೂರೈಕೆ) ಹೆಚ್ಚಿಗೆ ಇದೆ. ಇದು ವೇತನ ಹೆಚ್ಚಳಕ್ಕೂ ಕಾರಣವಾಗುತ್ತಿದೆ.</p>.<p>‘ಹೊಸ ವೃತ್ತಿ ಕೌಶಲಗಳನ್ನು ಕರಗತ ಮಾಡಿಕೊಂಡ ತಂತ್ರಜ್ಞರು, ಸಾಂಪ್ರದಾಯಿಕ ಐ.ಟಿ ಕೌಶಲದ ಐದಾರು ವರ್ಷದ ಅನುಭವಿ ಎಂಜಿನಿಯರುಗಳಿಗಿಂತ ಹೆಚ್ಚಿನ ಸಂಬಳ ಪಡೆಯುತ್ತಿದ್ದಾರೆ. ಈ ಎರಡೂ ಗುಂಪಿನಲ್ಲಿ ಕೆಲಸ ಮಾಡುವ ತಂತ್ರಜ್ಞರ ವೇತನ ಅಂತರವು ಶೇ 15 ರಿಂದ ಶೇ 20ರಷ್ಟಿದೆ’ ಎಂದು ಶ್ರೀನಿವಾಸನ್ ಹೇಳುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
