<p><strong>ನವದೆಹಲಿ</strong>:ಕರೆ ಮಾಡುವ ಹಾಗೂ ಸಂದೇಶ ರವಾನೆ ಸೇವೆ ಒದಗಿಸುವ ವಾಟ್ಸ್ಆ್ಯಪ್, ಜೂಮ್, ಗೂಗಲ್ ಡ್ಯುಒ ಹಾಗೂ ಈ ಮಾದರಿಯ ಇತರ ಆ್ಯಪ್ಗಳು ದೇಶದಲ್ಲಿ ಚಟುವಟಿಕೆ ನಡೆಸಲು ಪರವಾನಗಿ ಪಡೆಯಬೇಕು ಎಂದು ಕರಡು ದೂರಸಂಪರ್ಕ ಮಸೂದೆ 2022ರಲ್ಲಿ ಹೇಳಲಾಗಿದೆ.</p>.<p>ಒಟಿಟಿ ವೇದಿಕೆಗಳು ಕೂಡ ದೂರಸಂಪರ್ಕ ಸೇವೆಯ ಭಾಗ ಎಂದು ಕರಡು ಮಸೂದೆಯು ಹೇಳುತ್ತದೆ. ‘ದೂರಸಂಪರ್ಕ ಸೇವೆಗಳು ಮತ್ತು ದೂರಸಂಪರ್ಕ ಜಾಲಕ್ಕಾಗಿ ಸಂಸ್ಥೆ, ಕಂಪನಿಗಳು ಪರವಾನಗಿಯನ್ನು ಪಡೆದುಕೊಳ್ಳಬೇಕಾಗುತ್ತದೆ’ ಎಂದು ಕರಡು ಮಸೂದೆಯಲ್ಲಿ ಹೇಳಲಾಗಿದೆ. ಇದನ್ನು ಬುಧವಾರ ಸಂಜೆ ಪ್ರಕಟಿಸಲಾಗಿದೆ.</p>.<p>ದೂರಸಂಪರ್ಕ ಮತ್ತು ಇಂಟರ್ನೆಟ್ ಸೇವಾ ಕಂಪನಿಗಳ ಶುಲ್ಕ ಮತ್ತು ದಂಡವನ್ನು ಮನ್ನಾ ಮಾಡುವ ಅಂಶವನ್ನು ಕೂಡ ಕೇಂದ್ರ ಸರ್ಕಾರವು ಮಸೂದೆಯಲ್ಲಿ ಸೇರಿಸಿದೆ. ದೂರಸಂಪರ್ಕ ಅಥವಾ ಇಂಟರ್ನೆಟ್ ಸೇವಾ ಕಂಪನಿಯು ತನ್ನ ಪರವಾನಗಿಯನ್ನು ವಾಪಸ್ ಮಾಡಿದರೆ, ಆ ಕಂಪನಿ ಪಾವತಿಸಿದ್ದ ಶುಲ್ಕವನ್ನು ಹಿಂದಿರುಗಿಸುವ ಪ್ರಸ್ತಾವ ಕೂಡ ಕರಡು ಮಸೂದೆಯಲ್ಲಿ ಇದೆ.</p>.<p>‘ಕರಡು ಮಸೂದೆಯ ಬಗ್ಗೆ ಅಭಿಪ್ರಾಯ ಸಲ್ಲಿಸಬೇಕು’ ಎಂದು ದೂರಸಂಪರ್ಕ ಸಚಿವ ಅಶ್ವಿನಿ ವೈಷ್ಣವ್ ಅವರು ಸಾಮಾಜಿಕ ಜಾಲತಾಣಗಳ ಮೂಲಕ ತಿಳಿಸಿದ್ದಾರೆ. ಇದಕ್ಕೆ ಸಾರ್ವಜನಿಕರು ಅಕ್ಟೋಬರ್ 20ಕ್ಕೆ ಮೊದಲು ಅಭಿಪ್ರಾಯ ತಿಳಿಸಬೇಕಿದೆ.</p>.<p>ಕೇಂದ್ರ ಸರ್ಕಾರ ಅಥವಾ ರಾಜ್ಯ ಸರ್ಕಾರದ ಮಾನ್ಯತೆ ಪಡೆದಿರುವ ಮಾಧ್ಯಮ ಪ್ರತಿನಿಧಿಗಳು, ಭಾರತದಲ್ಲಿ ಸುದ್ದಿ ಪ್ರಕಟಿಸುವ ಉದ್ದೇಶದಿಂದ ರವಾನಿಸುವ ಸಂದೇಶವನ್ನು ತಡೆಯವಂತೆ ಇಲ್ಲ ಎಂದು ಕರಡಿನಲ್ಲಿ ಹೇಳಲಾಗಿದೆ.</p>.<p>ಆದರೆ ಸಾರ್ವಜನಿಕ ತುರ್ತು ಸಂದರ್ಭಗಳಲ್ಲಿ ಅಥವಾ ಸಾರ್ವಜನಿಕ ರಕ್ಷಣೆ, ದೇಶದ ಸಾರ್ವಭೌಮತ್ವ, ಏಕತೆ ಅಥವಾ ಭದ್ರತೆ, ವಿದೇಶಗಳೊಂದಿಗಿನ ಸ್ನೇಹ ಸಂಬಂಧ ಕಾಪಾಡುವ ಉದ್ದೇಶದಿಂದ ಸಂದೇಶವನ್ನು ತಡೆಹಿಡಿಯಲು ಅವಕಾಶ ಇರುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>:ಕರೆ ಮಾಡುವ ಹಾಗೂ ಸಂದೇಶ ರವಾನೆ ಸೇವೆ ಒದಗಿಸುವ ವಾಟ್ಸ್ಆ್ಯಪ್, ಜೂಮ್, ಗೂಗಲ್ ಡ್ಯುಒ ಹಾಗೂ ಈ ಮಾದರಿಯ ಇತರ ಆ್ಯಪ್ಗಳು ದೇಶದಲ್ಲಿ ಚಟುವಟಿಕೆ ನಡೆಸಲು ಪರವಾನಗಿ ಪಡೆಯಬೇಕು ಎಂದು ಕರಡು ದೂರಸಂಪರ್ಕ ಮಸೂದೆ 2022ರಲ್ಲಿ ಹೇಳಲಾಗಿದೆ.</p>.<p>ಒಟಿಟಿ ವೇದಿಕೆಗಳು ಕೂಡ ದೂರಸಂಪರ್ಕ ಸೇವೆಯ ಭಾಗ ಎಂದು ಕರಡು ಮಸೂದೆಯು ಹೇಳುತ್ತದೆ. ‘ದೂರಸಂಪರ್ಕ ಸೇವೆಗಳು ಮತ್ತು ದೂರಸಂಪರ್ಕ ಜಾಲಕ್ಕಾಗಿ ಸಂಸ್ಥೆ, ಕಂಪನಿಗಳು ಪರವಾನಗಿಯನ್ನು ಪಡೆದುಕೊಳ್ಳಬೇಕಾಗುತ್ತದೆ’ ಎಂದು ಕರಡು ಮಸೂದೆಯಲ್ಲಿ ಹೇಳಲಾಗಿದೆ. ಇದನ್ನು ಬುಧವಾರ ಸಂಜೆ ಪ್ರಕಟಿಸಲಾಗಿದೆ.</p>.<p>ದೂರಸಂಪರ್ಕ ಮತ್ತು ಇಂಟರ್ನೆಟ್ ಸೇವಾ ಕಂಪನಿಗಳ ಶುಲ್ಕ ಮತ್ತು ದಂಡವನ್ನು ಮನ್ನಾ ಮಾಡುವ ಅಂಶವನ್ನು ಕೂಡ ಕೇಂದ್ರ ಸರ್ಕಾರವು ಮಸೂದೆಯಲ್ಲಿ ಸೇರಿಸಿದೆ. ದೂರಸಂಪರ್ಕ ಅಥವಾ ಇಂಟರ್ನೆಟ್ ಸೇವಾ ಕಂಪನಿಯು ತನ್ನ ಪರವಾನಗಿಯನ್ನು ವಾಪಸ್ ಮಾಡಿದರೆ, ಆ ಕಂಪನಿ ಪಾವತಿಸಿದ್ದ ಶುಲ್ಕವನ್ನು ಹಿಂದಿರುಗಿಸುವ ಪ್ರಸ್ತಾವ ಕೂಡ ಕರಡು ಮಸೂದೆಯಲ್ಲಿ ಇದೆ.</p>.<p>‘ಕರಡು ಮಸೂದೆಯ ಬಗ್ಗೆ ಅಭಿಪ್ರಾಯ ಸಲ್ಲಿಸಬೇಕು’ ಎಂದು ದೂರಸಂಪರ್ಕ ಸಚಿವ ಅಶ್ವಿನಿ ವೈಷ್ಣವ್ ಅವರು ಸಾಮಾಜಿಕ ಜಾಲತಾಣಗಳ ಮೂಲಕ ತಿಳಿಸಿದ್ದಾರೆ. ಇದಕ್ಕೆ ಸಾರ್ವಜನಿಕರು ಅಕ್ಟೋಬರ್ 20ಕ್ಕೆ ಮೊದಲು ಅಭಿಪ್ರಾಯ ತಿಳಿಸಬೇಕಿದೆ.</p>.<p>ಕೇಂದ್ರ ಸರ್ಕಾರ ಅಥವಾ ರಾಜ್ಯ ಸರ್ಕಾರದ ಮಾನ್ಯತೆ ಪಡೆದಿರುವ ಮಾಧ್ಯಮ ಪ್ರತಿನಿಧಿಗಳು, ಭಾರತದಲ್ಲಿ ಸುದ್ದಿ ಪ್ರಕಟಿಸುವ ಉದ್ದೇಶದಿಂದ ರವಾನಿಸುವ ಸಂದೇಶವನ್ನು ತಡೆಯವಂತೆ ಇಲ್ಲ ಎಂದು ಕರಡಿನಲ್ಲಿ ಹೇಳಲಾಗಿದೆ.</p>.<p>ಆದರೆ ಸಾರ್ವಜನಿಕ ತುರ್ತು ಸಂದರ್ಭಗಳಲ್ಲಿ ಅಥವಾ ಸಾರ್ವಜನಿಕ ರಕ್ಷಣೆ, ದೇಶದ ಸಾರ್ವಭೌಮತ್ವ, ಏಕತೆ ಅಥವಾ ಭದ್ರತೆ, ವಿದೇಶಗಳೊಂದಿಗಿನ ಸ್ನೇಹ ಸಂಬಂಧ ಕಾಪಾಡುವ ಉದ್ದೇಶದಿಂದ ಸಂದೇಶವನ್ನು ತಡೆಹಿಡಿಯಲು ಅವಕಾಶ ಇರುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
