ಕೋವಿಡ್-19: ಕರಗಿದ ಕುಬೇರರ ಸಂಪತ್ತು

ಬೆಂಗಳೂರು : ಕುಂಠಿತ ಆರ್ಥಿಕ ಪ್ರಗತಿ ಜತೆ ಕೋವಿಡ್ ದಿಗ್ಬಂಧನದ ಪ್ರತಿಕೂಲ ಪರಿಣಾಮಗಳಿಂದಾಗಿ ದೇಶದ ಆಗರ್ಭ ಶ್ರೀಮಂತರ ಸಂಖ್ಯೆ ಮತ್ತು ಅವರ ಪಾಲಿನ ಸಂಪತ್ತಿನ ಪ್ರಮಾಣವು ಈ ವರ್ಷ ಕಡಿಮೆಯಾಗಿದೆ.

. ದೇಶದ ಅತ್ಯಂತ ಶ್ರೀಮಂತ ಉದ್ಯಮಿ ಎನ್ನುವ ಹೆಗ್ಗಳಿಕೆಯನ್ನು ರಿಲಯನ್ಸ್ ಇಂಡಸ್ಟ್ರೀಸ್ನ ಮುಖ್ಯಸ್ಥ ಮುಕೇಶ್ ಅಂಬಾನಿ ಅವರು ಉಳಿಸಿಕೊಂಡಿದ್ದಾರೆ. ವರ್ಷದ ಹಿಂದಿನ ಸಂಪತ್ತಿಗೆ ಹೋಲಿಸಿದರೆ ₹ 99 ಸಾವಿರ ಕೋಟಿ ಕಡಿಮೆಯಾಗಿದ್ದರೂ, ₹ 2.76 ಲಕ್ಷ ಕೋಟಿ ಮೊತ್ತದ ನಿವ್ವಳ ಸಂಪತ್ತಿನೊಂದಿಗೆ ಇವರು ಮೊದಲ ಸ್ಥಾನದಲ್ಲಿ ಇದ್ದಾರೆ.

. ಅನೇಕ ಪ್ರತಿಕೂಲತೆಗಳ ಮಧ್ಯೆ, ಡಿಮಾರ್ಟ್ ಸೂಪರ್ಮಾರ್ಕೆಟ್ನ ಮಾಲೀಕ ರಾಧಾಕಿಷನ್ ದಮಾನಿ ಅವರ ಸಂಪತ್ತು ಹೆಚ್ಚಳಗೊಂಡು ₹ 1.03 ಲಕ್ಷ ಕೋಟಿಗೆ ತಲುಪಿದೆ. ಹೀಗಾಗಿ ಅವರು ದೇಶದ ಎರಡನೇ ಅತ್ಯಂತ ಸಿರಿವಂತ ಉದ್ಯಮಿಯಾಗಿದ್ದಾರೆ.

. 12 ಹೊಸಬರ ಸೇರ್ಪಡೆ: ಕುಬೇರರ ಒಟ್ಟು ಸಂಖ್ಯೆ ಕಡಿಮೆಯಾಗಿದ್ದರೂ, 12 ಹೊಸ ಕುಬೇರರು ದೇಶಿ ಸಿರಿವಂತರ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿದ್ದಾರೆ.

. ಶಿಕ್ಷಣ – ತಂತ್ರಜ್ಞಾನದ ನವೋದ್ಯಮ ಸ್ಥಾಪಕ ಬೈಜು ರವೀಂದ್ರನ್ (39) ಅವರು ₹ 13,500 ಕೋಟಿ ಸಂಪತ್ತಿನ ಒಡೆಯರಾಗಿ ಕುಬೇರರ ಪಟ್ಟಿಗೆ ಸೇರಿದ ಅತ್ಯಂತ ಕಿರಿಯ ವಯಸ್ಸಿನವರಾಗಿದ್ದಾರೆ.

. ಫೋರ್ಬ್ಸ್ ನಿಯತಕಾಲಿಕೆ ಪ್ರಕಾರ, 2019ರಲ್ಲಿದ್ದ 106 ಕುಬೇರರ ಸಂಖ್ಯೆ 2020ರ ಮಾರ್ಚ್ ಕೊನೆ ವಾರದಲ್ಲಿ 102ಕ್ಕೆ ಇಳಿದಿದೆ. ಈ ಎಲ್ಲ ಸಿರಿವಂತರ ಒಟ್ಟು ಸಂಪತ್ತು ಶೇ 23ರಷ್ಟು ಕಡಿಮೆಯಾಗಿ ₹ 23.47 ಲಕ್ಷ ಕೋಟಿಗೆ ಇಳಿದಿದೆ. ವಿಪ್ರೊದ ಅಜೀಂ ಪ್ರೇಮ್ಜಿ ಅವರು ಕಂಪನಿಯಲ್ಲಿನ ತಮ್ಮ ದೊಡ್ಡ ಪಾಲನ್ನು ತಮ್ಮ ಶಿಕ್ಷಣ ಫೌಂಡೇಷನ್ಗೆ ದಾನವಾಗಿ ನೀಡಿರುವುದೂ ಶ್ರೀಮಂತರ ಒಟ್ಟು ಸಂಪತ್ತು ಕಡಿಮೆಯಾಗಲು ಕಾರಣವಾಗಿದೆ.

. ವಿಶ್ವ ಕುಬೇರರ ಶೇ 51ರಷ್ಟು ಸಂಪತ್ತು ನಷ್ಟ ವಿಶ್ವದ ಅತ್ಯಂತ ಸಿರಿವಂತರೂ ಕೋವಿಡ್ ಪಿಡುಗಿನಿಂದ ಆರ್ಥಿಕ ನಷ್ಟಕ್ಕೆ ಗುರಿಯಾಗಿದ್ದಾರೆ. ಯುರೋಪ್, ಅಮೆರಿಕದಲ್ಲಿ ಕೋವಿಡ್ ಪಿಡುಗು ವ್ಯಾಪಕವಾಗಿ ಹರಡಿದ್ದರಿಂದ ಜಾಗತಿಕ ಷೇರುಪೇಟೆಗಳ ವಹಿವಾಟು ಕುಸಿದಿದೆ. ಇದರಿಂದ ಜಾಗತಿಕ ಕುಬೇರರ ಸಂಪತ್ತು ಕರಗಿದೆ.

. ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಈ ವರ್ಷದ ಮಾರ್ಚ್ 18ರ ವೇಳೆಗೆ ಶೇ 51ರಷ್ಟು ಕುಬೇರರ ಸಂಪತ್ತು ಕರಗಿದೆ. ಒಟ್ಟಾರೆ ₹ 52.50 ಲಕ್ಷ ಕೋಟಿ ಮೊತ್ತದ ಸಂಪತ್ತು ಕಡಿಮೆಯಾಗಿ ಒಟ್ಟು ಸಂಪತ್ತು ₹ 600 ಲಕ್ಷ ಕೋಟಿಗೆ ತಲುಪಿದೆ.

. ಅಮೆಜಾನ್ ಸಿಇಒ ಜೆಫ್ ಬಿಜೊಸ್ ಸತತ ಮೂರನೇ ವರ್ಷವೂ ವಿಶ್ವದ ಅತ್ಯಂತ ಸಿರಿವಂತ ಸ್ಥಾನ ಉಳಿಸಿಕೊಂಡಿದ್ದಾರೆ. ವಿವಾಹ ವಿಚ್ಛೇದನ ಇತ್ಯರ್ಥದ ರೂಪದಲ್ಲಿ ಮಾಜಿ ಪತ್ನಿಗೆ ₹ 2.70 ಲಕ್ಷ ಕೋಟಿ ಮೊತ್ತದ ಅಮೆಜಾನ್ ಷೇರುಗಳನ್ನು ನೀಡಿರುವುದರ ಹೊರತಾಗಿಯೂ ಅವರ ಸಂಪತ್ತು ₹ 8.47 ಲಕ್ಷ ಕೋಟಿಗಳಷ್ಟಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋವಿಡ್-19: ಕರಗಿದ ಕುಬೇರರ ಸಂಪತ್ತು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

ಚುರುಮುರಿ | ಬೊಂಬೆ ಆಡ್ಸೋನು...

ಬೆಟ್ಟಿಂಗ್‌ ತಡೆಗಾಗಿ ಯೋಗೇಶ್ವರ್ ಹೇಳಿಕೆ: ಡಿ.ಕೆ.ಸುರೇಶ್

ಎರಡನೇ ಮಗುವಿಗೆ ತಂದೆಯಾದ ರೋಹಿತ್; ಪರ್ತ್ ಟೆಸ್ಟ್ ಪಂದ್ಯದಲ್ಲಿ ಆಡುವ ಸಾಧ್ಯತೆ

Baby Boy: ಎರಡನೇ ಮಗುವಿನ ತಂದೆಯಾದ ರೋಹಿತ್ ಶರ್ಮಾ

ಸಂಜು–ತಿಲಕ್ ಆರ್ಭಟಕ್ಕೆ ಹರಿಣಗಳು ಹೈರಾಣ: ದಾಖಲೆಗಳ ಮೇಲೆ ದಾಖಲೆ ಬರೆದ ಭಾರತ

ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಚಾಂಪಿಯನ್ ಭಾರತಕ್ಕೆ ಚೀನಾ ಸವಾಲು ಇಂದು

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

ಚುರುಮುರಿ | ಬೊಂಬೆ ಆಡ್ಸೋನು...

ಬೆಟ್ಟಿಂಗ್‌ ತಡೆಗಾಗಿ ಯೋಗೇಶ್ವರ್ ಹೇಳಿಕೆ: ಡಿ.ಕೆ.ಸುರೇಶ್