ವ್ಯಾಪಾರ ವಿಸ್ತರಣೆ ಭಾಗವಾಗಿ 5,000 ಜನರನ್ನು ನೇಮಿಸಿಕೊಳ್ಳಲಿದೆ ಮೆಕ್‌ಡೊನಾಲ್ಡ್ಸ್

ಬೆಂಗಳೂರು: ಅಮೆರಿಕದ ಫಾಸ್ಟ್ ಫುಡ್ ಸಂಸ್ಥೆ ‘ಮೆಕ್ಡೊನಾಲ್ಡ್ಸ್ಇಂಡಿಯಾ ಭವಿಷ್ಯದಲ್ಲಿ ಸುಮಾರು 5,000 ಸಿಬ್ಬಂದಿಯನ್ನು ನೇಮಿಸಿಕೊಳ್ಳುವುದಾಗಿ ಸೋಮವಾರ ಹೇಳಿದೆ.

. ಮುಂದಿನ ಮೂರು ವರ್ಷಗಳಲ್ಲಿ ದೇಶದ ಉತ್ತರ ಮತ್ತು ಪೂರ್ವ ಭಾಗದಲ್ಲಿ 300 ರೆಸ್ಟೋರೆಂಟ್ಗಳನ್ನು ಆರಂಭಿಸಲು ಮೆಕ್ಡೊನಾಲ್ಡ್ಸ್ ಯೋಜಿಸಿದೆ. ಈ ಮೂಲಕ ಔಟ್ಲೆಟ್ಗಳ ಸಂಖ್ಯೆಯನ್ನು ದ್ವಿಗುಣಗೊಳಿಸುವತ್ತ ದೃಷ್ಟಿಹರಿಸಿದೆ ಎಂದು ಅದರ ಅಧಿಕಾರಿಗಳು ಸೋಮವಾರ ಹೇಳಿದರು.

. ಇದರ ಭಾಗವಾಗಿ ಮೆಕ್ಡೊನಾಲ್ಡ್ಸ್ ಸೋಮವಾರ ಗುವಾಹಟಿಯಲ್ಲಿ ಭಾರತದ ಅತಿ ದೊಡ್ಡ ರೆಸ್ಟೋರೆಂಟ್ ಅನ್ನು ಆರಂಭಿಸಿತು. ಈ ರೆಸ್ಟೋರೆಂಟ್ 6,700 ಚದರ ಅಡಿಗಳಷ್ಟು ವಿಶಾಲವಾಗಿದ್ದು, ಏಕಕಾಲದಲ್ಲಿ 220 ಜನರು ಕುಳಿತು ಆಹಾರ ಸೇವಿಸಬಹುದಾಗಿದೆ.

. ಸುದ್ದಿ ಸಂಸ್ಥೆ ಪಿಟಿಐ ಜತೆಗೆ ಮಾತನಾಡಿರುವ ಮೆಕ್ಡೊನಾಲ್ಡ್ಸ್ಇಂಡಿಯಾ (ಉತ್ತರ ಮತ್ತು ಪೂರ್ವ) ವ್ಯವಸ್ಥಾಪಕ ನಿರ್ದೇಶಕ ರಾಜೀವ್ ರಂಜನ್, ‘ಕಂಪನಿಯು ತ್ವರಿತ ಬೆಳವಣಿಗೆಯ ಹಾದಿಯಲ್ಲಿದೆ. ಹಲವು ರಾಜ್ಯಗಳಲ್ಲಿ ವಿಸ್ತರಣೆಯತ್ತ ಗಮನ ಹರಿಸುತ್ತಿದೆ. ಸಮಸ್ಯೆಗಳನ್ನೆಲ್ಲ ಬದಿಗಿರಿಸಿ ವ್ಯವಹಾರವನ್ನು ಬೆಳೆಸುವತ್ತ ಗಮನಹರಿಸಿದ್ದೇವೆ’ ಎಂದು ತಿಳಿಸಿದರು. ಮೆಕ್ಡೊನಾಲ್ಡ್ಸ್ನ ಈ ಹಿಂದಿನ ಪಾಲುದಾರರೊಂದಿಗಿನ ಕಾನೂನು ಸಂಘರ್ಷಕ್ಕೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಉತ್ತರಿಸುತ್ತಾ ಅವರು ಹೀಗೆ ಹೇಳಿದರು.

. ಮೆಕ್ಡೊನಾಲ್ಡ್ಸ್ 2020 ರಲ್ಲಿ ಎಂಎಂಜಿ ಗ್ರೂಪ್ನ ಅಧ್ಯಕ್ಷ ಸಂಜೀವ್ ಅಗರವಾಲ್ ಅವರನ್ನು ತನ್ನ ಪಾಲುದಾರರನ್ನಾಗಿ ಆರಿಸಿಕೊಂಡಿತು. ಉತ್ತರ ಮತ್ತು ಪೂರ್ವ ಭಾರತದಲ್ಲಿನ ಔಟ್ಲೆಟ್ಗಳ ನಿರ್ವಹಣೆಯ ಹೊಣೆಯನ್ನೂ ಅವರಿಗೆ ನೀಡಿದೆ.

. ಮೆಕ್ಡೊನಾಲ್ಡ್ಸ್ ಭಾರತದಲ್ಲಿ ಇಬ್ಬರು ಫ್ರಾಂಚೈಸಿಗಳನ್ನು ಹೊಂದಿದೆ. ಉತ್ತರ ಮತ್ತು ಪೂರ್ವ ಭಾರತದ ರೆಸ್ಟೋರೆಂಟ್ಗಳನ್ನು ಸಂಜೀವ್ ಅಗರವಾಲ್ ನೇತೃತ್ವದ ‘ಎಂಎಂಜಿ ಗ್ರೂಪ್’ ಮೇಲ್ವಿಚಾರಣೆ ನಡೆಸುತ್ತಿದ್ದರೆ, ಪಶ್ಚಿಮ ಮತ್ತು ದಕ್ಷಿಣ ಭಾಗದಲ್ಲಿ ಬಿಎಲ್ ಜಟಿಯಾ ನೇತೃತ್ವದ ‘ವೆಸ್ಟ್ಲೈಫ್ ಗ್ರೂಪ್’ ಉಸ್ತುವಾರಿ ವಹಿಸಿದೆ.

. ಕಂಪನಿಯು ಪ್ರಸ್ತುತ ಉತ್ತರ ಮತ್ತು ಪೂರ್ವ ಭಾರತದಲ್ಲಿ 156 ರೆಸ್ಟೋರೆಂಟ್ಗಳನ್ನು ನಿರ್ವಹಿಸುತ್ತಿದೆ.

. ಉದ್ಯೋಗಿಗಳ ಸಾಮರ್ಥ್ಯ ಮತ್ತು ಭವಿಷ್ಯದ ನೇಮಕಾತಿಗಳ ಕುರಿತು ಕೇಳಲಾದ ಪ್ರಶ್ನೆಗೆ ಉತ್ತರಿಸಿರುವ ರಾಜೀವ್ ರಂಜನ್, ‘ಸದ್ಯ ನಮ್ಮ ಬಳಿ 5,000ಕ್ಕೂ ಹೆಚ್ಚು ಉದ್ಯೋಗಿಗಳಿದ್ದಾರೆ. ಉದ್ಯಮ ವಿಸ್ತರಣೆಯಾದಂತೆಲ್ಲ ಉದ್ಯೋಗಿಗಳನ್ನು ನೇಮಿಸಿಕೊಳ್ಳುತ್ತೇವೆ. ಉದ್ಯೋಗಿಗಳ ಸಂಖ್ಯೆ ಮೂರು ವರ್ಷಗಳಲ್ಲಿ ದ್ವಿಗುಣಗೊಳ್ಳಲಿದೆ’ ಎಂದು ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವ್ಯಾಪಾರ ವಿಸ್ತರಣೆ ಭಾಗವಾಗಿ 5,000 ಜನರನ್ನು ನೇಮಿಸಿಕೊಳ್ಳಲಿದೆ ಮೆಕ್‌ಡೊನಾಲ್ಡ್ಸ್

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು