<p>ಕೇಂದ್ರ ಹಣಕಾಸು ಸಚಿವಾಲಯವು ಸಾರ್ವಜನಿಕ ಭವಿಷ್ಯ ನಿಧಿಗೆ (ಪಿಪಿಎಫ್) ಸಂಬಂಧಿಸಿದಂತೆ ಹೊಸ ನಿಯಮ ರಚಿಸಿ ಇತ್ತೀಚೆಗೆ (ಡಿ. 12) ಅಧಿಸೂಚನೆ ಹೊರಡಿಸಿದೆ. ಈ ಹೊಸ ನಿಯಮ ಜಾರಿಯಿಂದ ಈ ಹಿಂದೆ, ಪಿಪಿಎಫ್ಗೆ ಸಂಬಂಧಿಸಿದಂತೆ ಇದ್ದ ಎಲ್ಲ ನಿಯಮಗಳು ರದ್ದಾಗಲಿವೆ. ಪಿಪಿಎಫ್ನಲ್ಲಿ ಆಗಿರುವ ಪ್ರಮುಖ ಬದಲಾವಣೆಗಳ ಒಳನೋಟ ಇಲ್ಲಿದೆ.</p>.<p class="Subhead">ಪಿಪಿಎಫ್ ಹೂಡಿಕೆ ಮೇಲಿನ ಸಾಲಕ್ಕೆ ಬಡ್ಡಿ ಕಡಿತ: ಪಿಪಿಎಫ್ ಖಾತೆ ಆರಂಭಿಸಿದ ಮೂರನೇ ಹಣಕಾಸು ವರ್ಷದಲ್ಲಿ ಹೂಡಿಕೆ ಮಾಡಿದ ಹಣದ ಮೇಲೆ ಶೇ 25 ರಷ್ಟು ಸಾಲ ಪಡೆಯಬಹುದಾಗಿದೆ. ಹೀಗೆ ಪಡೆಯುವ ಸಾಲಕ್ಕೆ ಈ ಹಿಂದೆ ಪಿಪಿಎಫ್ಗೆ ನಿಗದಿ ಮಾಡಿರುವ ಬಡ್ಡಿ ಮೇಲೆ ಶೇ 2 ರಷ್ಟು ಬಡ್ಡಿ ವಿಧಿಸಲಾಗುತ್ತಿತ್ತು. ಆದರೆ, ಹೊಸ ನಿಯಮದಂತೆ ಶೇ 1 ರಷ್ಟು ಬಡ್ಡಿಯನ್ನು ಮಾತ್ರ ನಿಗದಿ ಮಾಡಲಾಗುತ್ತದೆ. ಉದಾಹರಣೆಗೆ ಈ ಹಿಂದೆ ಪಿಪಿಎಫ್ ದರ ಶೇ 8 ರಷ್ಟಿದ್ದಾಗ ನೀವು ಶೇ 10 ರಷ್ಟು ಬಡ್ಡಿ ಪಾವತಿ ಮಾಡಬೇಕಾಗುತ್ತಿತ್ತು. ಆದರೆ ಇನ್ನು ಮುಂದೆ ಪಿಪಿಎಫ್ ಬಡ್ಡಿ ದರ ಶೇ 8 ರಷ್ಟಿದ್ದರೆ ನೀವು ಶೇ 9 ರಷ್ಟು ಬಡ್ಡಿ ಮಾತ್ರ ಪಾವತಿಸಬೇಕಾಗುತ್ತದೆ.</p>.<p class="Subhead"><strong>ಇದನ್ನೂ ಓದಿ:</strong><a href="https://www.prajavani.net/business/personal-finance/ppf-saving-scheme-tax-saver-personal-finance-691025.html" target="_blank">ಗಳಿಕೆಗೆ ತೆರಿಗೆ ಇಲ್ಲ, ಹೂಡಿಕೆಗೆ ತೆರಿಗೆ ಅನುಕೂಲ; ಗುರಿ ಸಾಧನೆಗೆಪಿಪಿಎಫ್ ಹಾದಿ</a></p>.<p>ಅವಧಿಗೆ ಮುನ್ನ ಖಾತೆ ಸ್ಥಗಿತಕ್ಕೆ ಹೆಚ್ಚುವರಿ ಅವಕಾಶ: ಕೆಲ ನಿರ್ದಿಷ್ಟ ಕಾರಣಗಳಿಗೆ ಅವಧಿಗೆ ಮುನ್ನ ಪಿಪಿಎಫ್ ಖಾತೆ ಮುಚ್ಚಲು ಸರ್ಕಾರ ಈ ಹಿಂದೆಯೇ ಅವಕಾಶ ಕಲ್ಪಿಸಿತ್ತು. ಗಂಭೀರ ಅನಾರೋಗ್ಯದ ಕಾರಣಗಳಿಗೆ ಮತ್ತು ಮಕ್ಕಳ ಉನ್ನತ ಶಿಕ್ಷಣದ ಉದ್ದೇಶಕ್ಕೆ ಅವಧಿಗೆ ಮೊದಲು ಖಾತೆ ಮುಚ್ಚಲು ಅವಕಾಶವಿತ್ತು. ಈಗ ಅವಧಿಗೆ ಮುನ್ನ ಪಿಪಿಎಫ್ ಖಾತೆ ಮುಚ್ಚಲು ಹೆಚ್ಚುವರಿಯಾಗಿ ಇನ್ನೊಂದು ಅವಕಾಶ ಕಲ್ಪಿಸಲಾಗಿದೆ.</p>.<p>ಪಿಪಿಎಫ್ ಹೂಂದಿರುವ ವ್ಯಕ್ತಿಯು ವಿದೇಶದಲ್ಲಿ ನೆಲೆಸಿರುವಂತಹ ಸಂದರ್ಭವಿದ್ದಲ್ಲಿ , ಪಾಸ್ಪೋರ್ಟ್, ವೀಸಾ ಅಥವಾ ಇನ್ಕಮ್ ಟ್ಯಾಕ್ಸ್ ರಿಟರ್ನ್ಸ್ ದಾಖಲೆ ಸಲ್ಲಿಸಿ ಅವಧಿಗೆ ಮುನ್ನ ಪಿಪಿಎಫ್ ಖಾತೆ ಸ್ಥಗಿತಗೊಳಿಸಬಹುದಾಗಿದೆ. ಆದರೆ, ಇಂತಹ ಸಂದರ್ಭದಲ್ಲಿ ಪಿಪಿಎಫ್ ಖಾತೆದಾರ ಪಡೆಯುವ ಒಟ್ಟು ಬಡ್ಡಿ ಲಾಭದಲ್ಲಿ ಶೇ 1 ರಷ್ಟನ್ನು ಕಡಿತ ಮಾಡಲಾಗುವುದು.</p>.<p class="Subhead">ಹೂಡಿಕೆಗೆ 12 ಕಂತು ಮಾತ್ರ ಎನ್ನುವ ನಿಯಮ ರದ್ದು: ಈ ಹಿಂದೆ ಪಿಪಿಎಫ್ನಲ್ಲಿ ವರ್ಷಕ್ಕೆ 12 ಕಂತುಗಳಲ್ಲಿ ಮಾತ್ರ ಹೂಡಿಕೆ ಮಾಡಲು ಅವಕಾಶವಿತ್ತು. ಆದರೆ ಈಗ ಅದನ್ನು ರದ್ದು ಮಾಡಲಾಗಿದ್ದು ₹ 50 ರಿಂದ ಹೂಡಿಕೆ ಸಾಧ್ಯವಿದೆ. ₹ 50, ₹ 100, ₹ 150, ₹ 200ರಂತೆ ಹೀಗೆ ವರ್ಷದಲ್ಲಿ ಎಷ್ಟು ಬಾರಿಯಾದರೂ ಪಿಪಿಎಫ್ನಲ್ಲಿ ಹಣ ತೊಡಗಿಸಬಹುದಾಗಿದೆ. ಆದರೆ, ವಾರ್ಷಿಕ ಹೂಡಿಕೆ ₹ 1.5 ಲಕ್ಷ ಮೀರುವಂತಿಲ್ಲ.</p>.<p class="Subhead">ಮಕ್ಕಳ ಹೆಸರಿನಲ್ಲಿ ಪ್ರತ್ಯೇಕ ಖಾತೆಗೆ ಅವಕಾಶ: ಹೊಸ ನಿಯಮದಂತೆ ವ್ಯಕ್ತಿಯು ತನ್ನ ಹೆಸರಿನಲ್ಲಿ ಒಂದು ಪಿಪಿಎಫ್ ಖಾತೆ ತೆಗೆಯುವ ಜತೆಗೆ ಕಿರಿಯ ವಯಸ್ಸಿನ ಮಗ ಅಥವಾ ಮಗಳ ಹೆಸರಿನಲ್ಲಿ ಒಂದು ಪ್ರತ್ಯೇಕ ಪಿಪಿಎಫ್ ಖಾತೆ ತೆರೆಯಲು ಅವಕಾಶ ಕಲ್ಪಿಸಲಾಗಿದೆ. ಆದರೆ ಈ ಎರಡೂ ಪಿಪಿಎಫ್ ಖಾತೆಗಳ ಒಟ್ಟು ಹೂಡಿಕೆ ವರ್ಷಕ್ಕೆ ₹ 1.5 ಲಕ್ಷ ಮೀರುವಂತಿಲ್ಲ.</p>.<p class="Subhead">ಶೇ 50 ರಷ್ಟು ಹಣ ಹಿಂಪಡೆಯಲು ಅವಕಾಶ: ಪಿಪಿಎಫ್ ಖಾತೆ ಆರಂಭಿಸಿ 5 ವರ್ಷ ತುಂಬಿದ ಬಳಿಕ ಇನ್ನು ಮುಂದೆ ಶೇ 50 ರಷ್ಟು ಹಣವನ್ನು ಪಡೆಯಲು ಅವಕಾಶವಿದೆ. ಈ ಹಿಂದೆ 7 ವರ್ಷಗಳ ಬಳಿಕ ಶೇ 25 ರಷ್ಟು ಹಣ ಹಿಂಪಡೆಯಲು ಅವಕಾಶವಿತ್ತು.</p>.<p class="Subhead">ಪಿಪಿಎಫ್ ಹೂಡಿಕೆದಾರನಿಗೆ ಮತ್ತಷ್ಟು ಬಲ: ಪಿಪಿಎಫ್ ಖಾತೆಯಲ್ಲಿನ ಹಣವು ಯಾವುದೇ ನ್ಯಾಯಾಲಯದ ಆದೇಶ ಅಥವಾ ತೀರ್ಪಿಗೆ ಒಳಪಡುವುದಿಲ್ಲ. ಸುಸ್ತಿ ಸಾಲ ಅಥವಾ ಮುಂತಾದ ಕಾರಣಗಳನ್ನು ನೀಡಿ ಪಿಪಿಎಫ್ ಹಣವನ್ನು ಹಣಕಾಸು ಸಂಸ್ಥೆಗಳು ಪಡೆದುಕೊಳ್ಳಲು ಸಾಧ್ಯವಿಲ್ಲ.</p>.<p>(ಲೇಖಕ, ಸುವಿಷನ್ ಹೋಲ್ಡಿಂಗ್ಸ್ನ ಸಂಶೋಧನಾ ವಿಭಾಗದ ಮುಖ್ಯಸ್ಥ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೇಂದ್ರ ಹಣಕಾಸು ಸಚಿವಾಲಯವು ಸಾರ್ವಜನಿಕ ಭವಿಷ್ಯ ನಿಧಿಗೆ (ಪಿಪಿಎಫ್) ಸಂಬಂಧಿಸಿದಂತೆ ಹೊಸ ನಿಯಮ ರಚಿಸಿ ಇತ್ತೀಚೆಗೆ (ಡಿ. 12) ಅಧಿಸೂಚನೆ ಹೊರಡಿಸಿದೆ. ಈ ಹೊಸ ನಿಯಮ ಜಾರಿಯಿಂದ ಈ ಹಿಂದೆ, ಪಿಪಿಎಫ್ಗೆ ಸಂಬಂಧಿಸಿದಂತೆ ಇದ್ದ ಎಲ್ಲ ನಿಯಮಗಳು ರದ್ದಾಗಲಿವೆ. ಪಿಪಿಎಫ್ನಲ್ಲಿ ಆಗಿರುವ ಪ್ರಮುಖ ಬದಲಾವಣೆಗಳ ಒಳನೋಟ ಇಲ್ಲಿದೆ.</p>.<p class="Subhead">ಪಿಪಿಎಫ್ ಹೂಡಿಕೆ ಮೇಲಿನ ಸಾಲಕ್ಕೆ ಬಡ್ಡಿ ಕಡಿತ: ಪಿಪಿಎಫ್ ಖಾತೆ ಆರಂಭಿಸಿದ ಮೂರನೇ ಹಣಕಾಸು ವರ್ಷದಲ್ಲಿ ಹೂಡಿಕೆ ಮಾಡಿದ ಹಣದ ಮೇಲೆ ಶೇ 25 ರಷ್ಟು ಸಾಲ ಪಡೆಯಬಹುದಾಗಿದೆ. ಹೀಗೆ ಪಡೆಯುವ ಸಾಲಕ್ಕೆ ಈ ಹಿಂದೆ ಪಿಪಿಎಫ್ಗೆ ನಿಗದಿ ಮಾಡಿರುವ ಬಡ್ಡಿ ಮೇಲೆ ಶೇ 2 ರಷ್ಟು ಬಡ್ಡಿ ವಿಧಿಸಲಾಗುತ್ತಿತ್ತು. ಆದರೆ, ಹೊಸ ನಿಯಮದಂತೆ ಶೇ 1 ರಷ್ಟು ಬಡ್ಡಿಯನ್ನು ಮಾತ್ರ ನಿಗದಿ ಮಾಡಲಾಗುತ್ತದೆ. ಉದಾಹರಣೆಗೆ ಈ ಹಿಂದೆ ಪಿಪಿಎಫ್ ದರ ಶೇ 8 ರಷ್ಟಿದ್ದಾಗ ನೀವು ಶೇ 10 ರಷ್ಟು ಬಡ್ಡಿ ಪಾವತಿ ಮಾಡಬೇಕಾಗುತ್ತಿತ್ತು. ಆದರೆ ಇನ್ನು ಮುಂದೆ ಪಿಪಿಎಫ್ ಬಡ್ಡಿ ದರ ಶೇ 8 ರಷ್ಟಿದ್ದರೆ ನೀವು ಶೇ 9 ರಷ್ಟು ಬಡ್ಡಿ ಮಾತ್ರ ಪಾವತಿಸಬೇಕಾಗುತ್ತದೆ.</p>.<p class="Subhead"><strong>ಇದನ್ನೂ ಓದಿ:</strong><a href="https://www.prajavani.net/business/personal-finance/ppf-saving-scheme-tax-saver-personal-finance-691025.html" target="_blank">ಗಳಿಕೆಗೆ ತೆರಿಗೆ ಇಲ್ಲ, ಹೂಡಿಕೆಗೆ ತೆರಿಗೆ ಅನುಕೂಲ; ಗುರಿ ಸಾಧನೆಗೆಪಿಪಿಎಫ್ ಹಾದಿ</a></p>.<p>ಅವಧಿಗೆ ಮುನ್ನ ಖಾತೆ ಸ್ಥಗಿತಕ್ಕೆ ಹೆಚ್ಚುವರಿ ಅವಕಾಶ: ಕೆಲ ನಿರ್ದಿಷ್ಟ ಕಾರಣಗಳಿಗೆ ಅವಧಿಗೆ ಮುನ್ನ ಪಿಪಿಎಫ್ ಖಾತೆ ಮುಚ್ಚಲು ಸರ್ಕಾರ ಈ ಹಿಂದೆಯೇ ಅವಕಾಶ ಕಲ್ಪಿಸಿತ್ತು. ಗಂಭೀರ ಅನಾರೋಗ್ಯದ ಕಾರಣಗಳಿಗೆ ಮತ್ತು ಮಕ್ಕಳ ಉನ್ನತ ಶಿಕ್ಷಣದ ಉದ್ದೇಶಕ್ಕೆ ಅವಧಿಗೆ ಮೊದಲು ಖಾತೆ ಮುಚ್ಚಲು ಅವಕಾಶವಿತ್ತು. ಈಗ ಅವಧಿಗೆ ಮುನ್ನ ಪಿಪಿಎಫ್ ಖಾತೆ ಮುಚ್ಚಲು ಹೆಚ್ಚುವರಿಯಾಗಿ ಇನ್ನೊಂದು ಅವಕಾಶ ಕಲ್ಪಿಸಲಾಗಿದೆ.</p>.<p>ಪಿಪಿಎಫ್ ಹೂಂದಿರುವ ವ್ಯಕ್ತಿಯು ವಿದೇಶದಲ್ಲಿ ನೆಲೆಸಿರುವಂತಹ ಸಂದರ್ಭವಿದ್ದಲ್ಲಿ , ಪಾಸ್ಪೋರ್ಟ್, ವೀಸಾ ಅಥವಾ ಇನ್ಕಮ್ ಟ್ಯಾಕ್ಸ್ ರಿಟರ್ನ್ಸ್ ದಾಖಲೆ ಸಲ್ಲಿಸಿ ಅವಧಿಗೆ ಮುನ್ನ ಪಿಪಿಎಫ್ ಖಾತೆ ಸ್ಥಗಿತಗೊಳಿಸಬಹುದಾಗಿದೆ. ಆದರೆ, ಇಂತಹ ಸಂದರ್ಭದಲ್ಲಿ ಪಿಪಿಎಫ್ ಖಾತೆದಾರ ಪಡೆಯುವ ಒಟ್ಟು ಬಡ್ಡಿ ಲಾಭದಲ್ಲಿ ಶೇ 1 ರಷ್ಟನ್ನು ಕಡಿತ ಮಾಡಲಾಗುವುದು.</p>.<p class="Subhead">ಹೂಡಿಕೆಗೆ 12 ಕಂತು ಮಾತ್ರ ಎನ್ನುವ ನಿಯಮ ರದ್ದು: ಈ ಹಿಂದೆ ಪಿಪಿಎಫ್ನಲ್ಲಿ ವರ್ಷಕ್ಕೆ 12 ಕಂತುಗಳಲ್ಲಿ ಮಾತ್ರ ಹೂಡಿಕೆ ಮಾಡಲು ಅವಕಾಶವಿತ್ತು. ಆದರೆ ಈಗ ಅದನ್ನು ರದ್ದು ಮಾಡಲಾಗಿದ್ದು ₹ 50 ರಿಂದ ಹೂಡಿಕೆ ಸಾಧ್ಯವಿದೆ. ₹ 50, ₹ 100, ₹ 150, ₹ 200ರಂತೆ ಹೀಗೆ ವರ್ಷದಲ್ಲಿ ಎಷ್ಟು ಬಾರಿಯಾದರೂ ಪಿಪಿಎಫ್ನಲ್ಲಿ ಹಣ ತೊಡಗಿಸಬಹುದಾಗಿದೆ. ಆದರೆ, ವಾರ್ಷಿಕ ಹೂಡಿಕೆ ₹ 1.5 ಲಕ್ಷ ಮೀರುವಂತಿಲ್ಲ.</p>.<p class="Subhead">ಮಕ್ಕಳ ಹೆಸರಿನಲ್ಲಿ ಪ್ರತ್ಯೇಕ ಖಾತೆಗೆ ಅವಕಾಶ: ಹೊಸ ನಿಯಮದಂತೆ ವ್ಯಕ್ತಿಯು ತನ್ನ ಹೆಸರಿನಲ್ಲಿ ಒಂದು ಪಿಪಿಎಫ್ ಖಾತೆ ತೆಗೆಯುವ ಜತೆಗೆ ಕಿರಿಯ ವಯಸ್ಸಿನ ಮಗ ಅಥವಾ ಮಗಳ ಹೆಸರಿನಲ್ಲಿ ಒಂದು ಪ್ರತ್ಯೇಕ ಪಿಪಿಎಫ್ ಖಾತೆ ತೆರೆಯಲು ಅವಕಾಶ ಕಲ್ಪಿಸಲಾಗಿದೆ. ಆದರೆ ಈ ಎರಡೂ ಪಿಪಿಎಫ್ ಖಾತೆಗಳ ಒಟ್ಟು ಹೂಡಿಕೆ ವರ್ಷಕ್ಕೆ ₹ 1.5 ಲಕ್ಷ ಮೀರುವಂತಿಲ್ಲ.</p>.<p class="Subhead">ಶೇ 50 ರಷ್ಟು ಹಣ ಹಿಂಪಡೆಯಲು ಅವಕಾಶ: ಪಿಪಿಎಫ್ ಖಾತೆ ಆರಂಭಿಸಿ 5 ವರ್ಷ ತುಂಬಿದ ಬಳಿಕ ಇನ್ನು ಮುಂದೆ ಶೇ 50 ರಷ್ಟು ಹಣವನ್ನು ಪಡೆಯಲು ಅವಕಾಶವಿದೆ. ಈ ಹಿಂದೆ 7 ವರ್ಷಗಳ ಬಳಿಕ ಶೇ 25 ರಷ್ಟು ಹಣ ಹಿಂಪಡೆಯಲು ಅವಕಾಶವಿತ್ತು.</p>.<p class="Subhead">ಪಿಪಿಎಫ್ ಹೂಡಿಕೆದಾರನಿಗೆ ಮತ್ತಷ್ಟು ಬಲ: ಪಿಪಿಎಫ್ ಖಾತೆಯಲ್ಲಿನ ಹಣವು ಯಾವುದೇ ನ್ಯಾಯಾಲಯದ ಆದೇಶ ಅಥವಾ ತೀರ್ಪಿಗೆ ಒಳಪಡುವುದಿಲ್ಲ. ಸುಸ್ತಿ ಸಾಲ ಅಥವಾ ಮುಂತಾದ ಕಾರಣಗಳನ್ನು ನೀಡಿ ಪಿಪಿಎಫ್ ಹಣವನ್ನು ಹಣಕಾಸು ಸಂಸ್ಥೆಗಳು ಪಡೆದುಕೊಳ್ಳಲು ಸಾಧ್ಯವಿಲ್ಲ.</p>.<p>(ಲೇಖಕ, ಸುವಿಷನ್ ಹೋಲ್ಡಿಂಗ್ಸ್ನ ಸಂಶೋಧನಾ ವಿಭಾಗದ ಮುಖ್ಯಸ್ಥ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
