<p><strong>ನವದೆಹಲಿ:</strong> ಸಗಟು ದರ ಆಧಾರಿತ ಹಣದುಬ್ಬರವು ಮಾರ್ಚ್ನಲ್ಲಿ ನಾಲ್ಕು ತಿಂಗಳ ಗರಿಷ್ಠವಾದ ಶೇಕಡ 14.55ಕ್ಕೆ ತಲುಪಿದೆ. ಕಚ್ಚಾ ತೈಲ ಹಾಗೂ ಆಹಾರೇತರ ವಸ್ತುಗಳ ದರದಲ್ಲಿನ ಏರಿಕೆಯಿಂದ ಹಣದುಬ್ಬರ ಹೆಚ್ಚಳ ಕಂಡಿದೆ.</p>.<p>2021ರ ಏಪ್ರಿಲ್ನಿಂದ ಸತತ 12 ತಿಂಗಳು ಸಗಟು ಹಣದುಬ್ಬರವು ಎರಡಂಕಿ ಮಟ್ಟದಲ್ಲಿಯೇ ಇರುವುದು ಕೇಂದ್ರ ಸರ್ಕಾರದ ಮಾಹಿತಿಯಿಂದ ತಿಳಿದು ಬಂದಿದೆ.</p>.<p>2021ರ ನವೆಂಬರ್ನಲ್ಲಿ ಸಗಟು ಹಣದುಬ್ಬರವು ಶೇಕಡ 14 ದಾಟಿ, ಶೇಕಡ 14.87ರಷ್ಟು ಮುಟ್ಟಿತ್ತು. ಕಳೆದ ವರ್ಷ ಮಾರ್ಚ್ನಲ್ಲಿ ಸಗಟು ಹಣದುಬ್ಬರವು ಶೇಕಡ 7.89ರಷ್ಟಿತ್ತು ಹಾಗೂ ಫೆಬ್ರುವರಿಯಲ್ಲಿ ಶೇಕಡ 13.11ರಷ್ಟು ದಾಖಲಾಗಿತ್ತು.</p>.<p>ಆಹಾರ ವಸ್ತುಗಳ ಹಣದುಬ್ಬರ ಪ್ರಮಾಣವು ಫೆಬ್ರುವರಿಯಲ್ಲಿ ಶೇಕಡ 8.19ರಷ್ಟು ಇದ್ದಿದ್ದು, ಮಾರ್ಚ್ನಲ್ಲಿ ಶೇಕಡ 8.06ಕ್ಕೆ ಇಳಿದಿದೆ. ತರಕಾರಿ ಹಣದುಬ್ಬರವು ಶೇಕಡ 26.93ರಿಂದ ಶೇಕಡ 19.88ಕ್ಕೆ ಇಳಿಕೆಯಾಗಿದೆ.</p>.<p><strong>ಇದನ್ನೂ ಓದಿ</strong>–<a href="https://www.prajavani.net/business/stockmarket/it-stocks-crash-infosys-hits-8-month-low-sensex-nifty-lower-929418.html" itemprop="url">ವಹಿವಾಟು ಆರಂಭದಲ್ಲೇ 1,000 ಅಂಶ ಕುಸಿದ ಸೆನ್ಸೆಕ್ಸ್; ಐಟಿ ಷೇರುಗಳಲ್ಲಿ ತಲ್ಲಣ </a></p>.<p>ರಷ್ಯಾ ಮತ್ತು ಉಕ್ರೇನ್ ಸಂಘರ್ಷದಿಂದಾಗಿ ಜಾಗತಿಕವಾಗಿ ಪೂರೈಕೆ ಜಾಲದಲ್ಲಿ ವ್ಯತ್ಯಯ ಉಂಟಾಗಿದ್ದು, ಕಚ್ಚಾ ತೈಲ ಮತ್ತು ನೈಸರ್ಗಿಕ ಅನಿಲ, ಖನಿಜ ತೈಲ ಸೇರಿದಂತೆ ಹಲವು ವಸ್ತುಗಳ ಬೆಲೆಯಲ್ಲಿ ಏರಿಕೆಯಾಗಿದೆ. ಆ ಕಾರಣಗಳಿಂದಾಗಿ 2022ರ ಮಾರ್ಚ್ನಲ್ಲಿ ಹಣದುಬ್ಬರ ಹೆಚ್ಚಳವಾಗಿರುವುದಾಗಿ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯವು ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ತಯಾರಿಕಾ ವಸ್ತುಗಳ ಹಣದುಬ್ಬರವು ಶೇಕಡ 9.84ರಿಂದ ಶೇಕಡ 10.71ಕ್ಕೆ ಹೆಚ್ಚಳವಾಗಿದೆ. ಇಂಧನ ಮತ್ತು ವಿದ್ಯುತ್ ಬೆಲೆ ಏರಿಕೆಯು ಶೇಕಡ 34.52ರಷ್ಟಿದೆ. ಕಚ್ಚಾ ತೈಲ ದರ ಏರಿಕೆಯಿಂದಾಗಿ ಕಚ್ಚಾ ಪೆಟ್ರೋಲಿಯಂ ಹಣದುಬ್ಬರವು ಶೇಕಡ 55.17ರಿಂದ ಶೇಕಡ 83.56ಕ್ಕೆ ತಲುಪಿದೆ.</p>.<p>ಗ್ರಾಹಕ ಬೆಲೆ ಸೂಚ್ಯಂಕವು ಆರ್ಬಿಐನ ವಿಧಿಸಿದ್ದ ಶೇಕಡ 6ರ ಮಿತಿಯನ್ನು ದಾಟಿದ್ದು, ಚಿಲ್ಲರೆ ಹಣದುಬ್ಬರವು ಮಾರ್ಚ್ನಲ್ಲಿ ಶೇಕಡ 6.95ರಷ್ಟಾಗಿದೆ. ಆರ್ಬಿಐ ರೆಪೋ ದರವನ್ನು ಸತತ 11ನೇ ಬಾರಿಗೆ ಯಥಾಸ್ಥಿತಿ ಕಾಯ್ದುಕೊಂಡಿದ್ದು, ಶೇಕಡ 4ರಷ್ಟು ಮುಂದುವರಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಸಗಟು ದರ ಆಧಾರಿತ ಹಣದುಬ್ಬರವು ಮಾರ್ಚ್ನಲ್ಲಿ ನಾಲ್ಕು ತಿಂಗಳ ಗರಿಷ್ಠವಾದ ಶೇಕಡ 14.55ಕ್ಕೆ ತಲುಪಿದೆ. ಕಚ್ಚಾ ತೈಲ ಹಾಗೂ ಆಹಾರೇತರ ವಸ್ತುಗಳ ದರದಲ್ಲಿನ ಏರಿಕೆಯಿಂದ ಹಣದುಬ್ಬರ ಹೆಚ್ಚಳ ಕಂಡಿದೆ.</p>.<p>2021ರ ಏಪ್ರಿಲ್ನಿಂದ ಸತತ 12 ತಿಂಗಳು ಸಗಟು ಹಣದುಬ್ಬರವು ಎರಡಂಕಿ ಮಟ್ಟದಲ್ಲಿಯೇ ಇರುವುದು ಕೇಂದ್ರ ಸರ್ಕಾರದ ಮಾಹಿತಿಯಿಂದ ತಿಳಿದು ಬಂದಿದೆ.</p>.<p>2021ರ ನವೆಂಬರ್ನಲ್ಲಿ ಸಗಟು ಹಣದುಬ್ಬರವು ಶೇಕಡ 14 ದಾಟಿ, ಶೇಕಡ 14.87ರಷ್ಟು ಮುಟ್ಟಿತ್ತು. ಕಳೆದ ವರ್ಷ ಮಾರ್ಚ್ನಲ್ಲಿ ಸಗಟು ಹಣದುಬ್ಬರವು ಶೇಕಡ 7.89ರಷ್ಟಿತ್ತು ಹಾಗೂ ಫೆಬ್ರುವರಿಯಲ್ಲಿ ಶೇಕಡ 13.11ರಷ್ಟು ದಾಖಲಾಗಿತ್ತು.</p>.<p>ಆಹಾರ ವಸ್ತುಗಳ ಹಣದುಬ್ಬರ ಪ್ರಮಾಣವು ಫೆಬ್ರುವರಿಯಲ್ಲಿ ಶೇಕಡ 8.19ರಷ್ಟು ಇದ್ದಿದ್ದು, ಮಾರ್ಚ್ನಲ್ಲಿ ಶೇಕಡ 8.06ಕ್ಕೆ ಇಳಿದಿದೆ. ತರಕಾರಿ ಹಣದುಬ್ಬರವು ಶೇಕಡ 26.93ರಿಂದ ಶೇಕಡ 19.88ಕ್ಕೆ ಇಳಿಕೆಯಾಗಿದೆ.</p>.<p><strong>ಇದನ್ನೂ ಓದಿ</strong>–<a href="https://www.prajavani.net/business/stockmarket/it-stocks-crash-infosys-hits-8-month-low-sensex-nifty-lower-929418.html" itemprop="url">ವಹಿವಾಟು ಆರಂಭದಲ್ಲೇ 1,000 ಅಂಶ ಕುಸಿದ ಸೆನ್ಸೆಕ್ಸ್; ಐಟಿ ಷೇರುಗಳಲ್ಲಿ ತಲ್ಲಣ </a></p>.<p>ರಷ್ಯಾ ಮತ್ತು ಉಕ್ರೇನ್ ಸಂಘರ್ಷದಿಂದಾಗಿ ಜಾಗತಿಕವಾಗಿ ಪೂರೈಕೆ ಜಾಲದಲ್ಲಿ ವ್ಯತ್ಯಯ ಉಂಟಾಗಿದ್ದು, ಕಚ್ಚಾ ತೈಲ ಮತ್ತು ನೈಸರ್ಗಿಕ ಅನಿಲ, ಖನಿಜ ತೈಲ ಸೇರಿದಂತೆ ಹಲವು ವಸ್ತುಗಳ ಬೆಲೆಯಲ್ಲಿ ಏರಿಕೆಯಾಗಿದೆ. ಆ ಕಾರಣಗಳಿಂದಾಗಿ 2022ರ ಮಾರ್ಚ್ನಲ್ಲಿ ಹಣದುಬ್ಬರ ಹೆಚ್ಚಳವಾಗಿರುವುದಾಗಿ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯವು ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ತಯಾರಿಕಾ ವಸ್ತುಗಳ ಹಣದುಬ್ಬರವು ಶೇಕಡ 9.84ರಿಂದ ಶೇಕಡ 10.71ಕ್ಕೆ ಹೆಚ್ಚಳವಾಗಿದೆ. ಇಂಧನ ಮತ್ತು ವಿದ್ಯುತ್ ಬೆಲೆ ಏರಿಕೆಯು ಶೇಕಡ 34.52ರಷ್ಟಿದೆ. ಕಚ್ಚಾ ತೈಲ ದರ ಏರಿಕೆಯಿಂದಾಗಿ ಕಚ್ಚಾ ಪೆಟ್ರೋಲಿಯಂ ಹಣದುಬ್ಬರವು ಶೇಕಡ 55.17ರಿಂದ ಶೇಕಡ 83.56ಕ್ಕೆ ತಲುಪಿದೆ.</p>.<p>ಗ್ರಾಹಕ ಬೆಲೆ ಸೂಚ್ಯಂಕವು ಆರ್ಬಿಐನ ವಿಧಿಸಿದ್ದ ಶೇಕಡ 6ರ ಮಿತಿಯನ್ನು ದಾಟಿದ್ದು, ಚಿಲ್ಲರೆ ಹಣದುಬ್ಬರವು ಮಾರ್ಚ್ನಲ್ಲಿ ಶೇಕಡ 6.95ರಷ್ಟಾಗಿದೆ. ಆರ್ಬಿಐ ರೆಪೋ ದರವನ್ನು ಸತತ 11ನೇ ಬಾರಿಗೆ ಯಥಾಸ್ಥಿತಿ ಕಾಯ್ದುಕೊಂಡಿದ್ದು, ಶೇಕಡ 4ರಷ್ಟು ಮುಂದುವರಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
