ಜೊಮಾಟೊ ಕಂಪನಿ ತೊರೆದ ಸಹಸಂಸ್ಥಾಪಕಿ ಆಕೃತಿ ಚೋಪ್ರಾ

ಬೆಂಗಳೂರು: ಆನ್‌ಲೈನ್ ಫುಡ್‌ ಆರ್ಡರ್ ಮತ್ತು ಡೆಲಿವರಿ ಕಂಪನಿಯಾದ ಜೊಮಾಟೊದ ಸಹ ಸಂಸ್ಥಾಪಕಿ ಆಕೃತಿ ಚೋಪ್ರಾ ಅವರು ಕಂಪನಿ ತೊರೆದಿದ್ದಾರೆ.

ಸೆಪ್ಟೆಂಬರ್ 27ರಂದು ಅವರ ರಾಜೀನಾಮೆ ಅಂಗೀಕಾರಗೊಂಡಿದೆ ಎಂದು ಕಂಪನಿಯ ವಕ್ತಾರರು ತಿಳಿಸಿದ್ದಾರೆ.

ಬೇರೆ ಕ್ಷೇತ್ರಗಳಲ್ಲಿ ತೊಡಗಿಸಿಕೊಳ್ಳುವ ಉದ್ದೇಶದಿಂದ ಆಕೃತಿ ಚೋಪ್ರಾ ಅವರು ಈ ನಿರ್ಧಾರ ಕೈಗೊಂಡಿದ್ದಾರೆ. ಅವರ ಸೇವೆಯನ್ನು ಕಂಪನಿ ಸ್ಮರಿಸುತ್ತದೆ ಎಂದು ಹೇಳಿದ್ದಾರೆ.

ಕಳೆದ 13 ವರ್ಷದಿಂದ ಜೊಮಾಟೊ ಜೊತೆ ಇದ್ದ ಆಕೃತಿ ಅವರು, ಕಂಪನಿಯ ಹಣಕಾಸು ಹಾಗೂ ಕಾನೂನು ವ್ಯವಹಾರಗಳನ್ನು ಯಶಸ್ವಿಯಾಗಿ ಮುನ್ನಡೆಸಿಕೊಂಡು ಬಂದಿದ್ದರು.