ದೇಶಾದ್ಯಂತ ಮಹಾ ಶಿವರಾತ್ರಿಯ ಸಂಭ್ರಮ, ಸಡಗರ. ಶಿವ ಎಂಬ ತತ್ವದ ಹಿನ್ನೆಲೆ, ದೈವೀ ತತ್ವದ ಪಾರಮ್ಯ ಮತ್ತು ನಟರಾಜನೆಂಬ ಶಿವನ ಬಗೆಗೆ ಬೆಳಕು ಚೆಲ್ಲಿದ್ದಾರೆ ಶ್ರೀ ಶ್ರೀ ರವಿಶಂಕರ್ ಗುರೂಜಿ.
ಶಿವನಲ್ಲಿ ಐದು ಕಾರ್ಯಗಳಿವೆ:
ಸೃಷ್ಟಿ - ಸೃಷ್ಟಿ ಮಾಡುವುದು, ಸ್ಥಿತಿ - ಸಂರಕ್ಷಣೆ, ಸಂಹಾರಲಯ,ಅನುಗ್ರಹ – ಆಶೀರ್ವಾದ, ಕೃಪೆ, ಕರುಣೆ ಮತ್ತು ತಿರೋಭಾವ ಎಂದರೆ ಅಡಗಿಕೊಳ್ಳುವುದು, ಪರದೆಯೊಳಗಿರುವುದು. ಪ್ರಕಟವಾಗುವುದು ಮತ್ತು ಪರದೆಯ ಹಿಂದೆ ಅಡಗಿರುವುದು. ಇವು 'ಪಂಚಕೃತ್ಯ ಪರಾಯಣ' ಚೈತನ್ಯದಲ್ಲಿ ನಡೆಯುವ ಐದು ಕೃತ್ಯಗಳು, ಕಾರ್ಯಗಳು.
