ಗುರುವಾರ ಕೃಷ್ಣಾ ನದಿ ಅಪಾಯ ಮಟ್ಟದಲ್ಲಿ ಹರಿಯುತ್ತಿದ್ದು, ಕೂಡಲಸಂಗಮ ಅಭಿವೃದ್ಧಿ ಮಂಡಳಿ ಭದ್ರತಾ ಸಿಬ್ಬಂದಿ ನದಿಯ ದಡಕ್ಕೆ ಪ್ರವಾಸಿಗರು ಹೋಗದಂತೆ ತಡೆಯುವ ಕಾರ್ಯ ಮಾಡುತ್ತಿದ್ದಾರೆ. ಗುರುವಾರ ಬೆಳಿಗ್ಗೆ ಸಂಗಮೇಶ್ವರ ದೇವಾಲಯ ಪ್ರವೇಶಿಸಲು 10 ಮೆಟ್ಟಿಲು ಇದ್ದು ಸಂಜೆ 6 ಗಂಟೆ ಸುಮಾರಿಗೆ 6 ಮೆಟ್ಟಿಲು ಬಾಕಿ ಇವೆ. ಬೆಳಗ್ಗೆಯಿಂದ ಸಾಯಂಕಾಲದ ಅವಧಿಯಲ್ಲಿಯೇ ನಾಲ್ಕು ಮೆಟ್ಟಿಲು ನೀರು ಅಧಿಕಗೊಂಡಿದೆ. ಇದೇ ಪ್ರಮಾಣದಲ್ಲಿ ನೀರು ಬಂದರೆ ಕೂಡಲಸಂಗಮ ಸುತ್ತಮುತ್ತಲ್ಲಿನ ಕೃಷ್ಣಾ, ಮಲಪ್ರಭಾ ನದಿ ದಡದ ಗ್ರಾಮಗಳಿಗೆ ಮುಳುಗಲಿವೆ.
