ಇಳಕಲ್ | ‘ಪ್ರತಿಧ್ವನಿ’ಸುವ ರಂಗಮಂದಿರ; ಬಳಕೆಗೆ ಅನುಪಯುಕ್ತ

2006ರಲ್ಲಿ ಸುವರ್ಣ ಕರ್ನಾಟಕ ವರ್ಷಾಚರಣೆ ಸಂದರ್ಭದಲ್ಲಿ ರಂಗಭೂಮಿಯಲ್ಲಿ ಹೆಸರು ಮಾಡಿದ್ದ ಇಳಕಲ್‌ ನಗರಕ್ಕೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸುವರ್ಣ ರಂಗಮಂದಿರ ಮಂಜೂರು ಮಾಡಿತ್ತು. ವಿವಿಧ ಕಾರಣಗಳಿಗಾಗಿ ಅನೇಕ ವರ್ಷ ಕಾಮಗಾರಿ ಆರಂಭವಾಗಲಿಲ್ಲ. ಕೊನೆಗೆ 15 ವರ್ಷಗಳ ನಂತರ ₹2.5 ಕೋಟಿ ಅನುದಾನದಲ್ಲಿ ಸುವರ್ಣ ರಂಗಮಂದಿರ ನಿರ್ಮಾಣಗೊಂಡು 2021ರ ಸೆ.27ರಂದು ಲೋಕಾರ್ಪಣೆಗೊಂಡಿತು. ರಂಗಮಂದಿರದ ನಿರ್ವಹಣೆಯ ಬಗ್ಗೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸ್ಪಷ್ಟ ಮಾರ್ಗಸೂಚಿ ನೀಡಲಿಲ್ಲ. ವರ್ಷದ ಹಿಂದಷ್ಟೇ ನಗರಸಭೆಗೆ ರಂಗಮಂದಿರ ಹಸ್ತಾಂತರವಾಗಿದೆ.