ಬಳ್ಳಾರಿ | ಗ್ಯಾರಂಟಿ ಯೋಜನೆ ಸಮೀಕ್ಷೆ: ಅಂಗನವಾಡಿ ನೌಕರರಿಗೆ ಹೊಣೆ

ಸಮೀಕ್ಷೆಯಿಂದ ಎದುರಾದ ಸಮಸ್ಯೆ ಮತ್ತು ಪ್ರೋತ್ಸಾಹ ಧನ ಕಡಿಮೆ ಎಂಬುದರ ಬಗ್ಗೆ ಅಂಗನವಾಡಿ ನೌಕರರ ಆರು ಸಂಘಟನೆಗಳ ಪ್ರಮುಖರು ಸಮಾಜ ಕಲ್ಯಾಣ ಇಲಾಖೆಯ ಸಚಿವರು ಪ್ರಧಾನ ಕಾರ್ಯದರ್ಶಿ ನಿರ್ದೇಶಕರಿಗೆ ಫೆಬ್ರುವರಿ 28ರಂದು ಮನವಿ ಸಲ್ಲಿಸಿದ್ದರು. ಇದಕ್ಕೆ ಉತ್ತರಿಸಿದ ಸಮಾಜ ಕಲ್ಯಾಣ ಇಲಾಖೆ ನಿರ್ದೇಶಕರು ‘ಸಮೀಕ್ಷೆ ಕಾರ್ಯದಲ್ಲಿ ಬೇಜವಾಬ್ದಾರಿತನ‘ ತೋರದೇ ನಿಷ್ಠೆಯಿಂದ ತಮಗೆ ವಹಿಸಿರುವ ಕೆಲಸವನ್ನು ಮಾಡಬೇಕಾಗಿ ಕೋರಿಕೆ’ ಎಂದು ಪತ್ರ ಬರೆದಿದ್ದಾರೆ. ಇದಕ್ಕೆ ಸಂಘಟನೆಗಳ ಪ್ರಮುಖರು ‘ಇದು ಅಧಿಕಾರಿಗಳ ಅತ್ಯಂತ ಉದ್ಧಟತನದ ಪ್ರತಿಕ್ರಿಯೆ’ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.