ಸಿರುಗುಪ್ಪ: ಮುತ್ತುಗದ ಎಲೆ ಬದುಕು ತೋರಿಸಿತು!

ಸಿರುಗುಪ್ಪ (ಬಳ್ಳಾರಿ ಜಿಲ್ಲೆ): ಅರಣ್ಯದಲ್ಲಿ ಸಿಗುವ ಮುತ್ತುಗದ ಎಲೆಯಿಂದ ಊಟದ ಹಾಳೆಗಳನ್ನು ತಯಾರಿಸುವ ಮೂಲಕ, ತಾಲ್ಲೂಕಿನ ಇಬ್ರಾಂಪುರ ಗ್ರಾಮದ ಕೃಷಿ ಕುಟುಂಬವೊಂದು ಸ್ವಾವಲಂಬನೆ ಸಾಧಿಸಿದೆ.

. ಹತ್ತು ವರ್ಷದ ಹಿಂದೆ ಗ್ರಾಮದ ಎಸ್.ಮಂಜುನಾಥಗೌಡರು ಮದುವೆಯೊಂದಕ್ಕೆ ಹೋಗಿದ್ದಾಗ ಊಟದ ಸಮಯದಲ್ಲಿ ಬಳಸಿದ್ದ ಎಲೆಯೇ ಅವರಿಗೆ ಪ್ರೇರಣೆಯಾಗಿದ್ದು ವಿಶೇಷ. ಈಗ ಅವರ ಕಿರು ಉದ್ಯಮಕ್ಕೆ ದಶಕದ ಸಂಭ್ರಮ.

. ‘ಆಂಧ್ರ ಮತ್ತು ಒರಿಸ್ಸಾ ರಾಜ್ಯ ಗಡಿಭಾಗದ ಅರಣ್ಯಗಳಲ್ಲಿ ದೊರಕುವ ಮುತ್ತುಗದ ಎಲೆಗಳನ್ನು ಖರೀದಿಸಿ ಮನೆಯಲ್ಲಿಯೇ ಚಿಕ್ಕದಾಗಿ ಊಟದ ಹಾಳೆ ತಯಾರಿಸಲಾರಂಭಿದ ಅವರು, ಅದಕ್ಕಾಗಿ, ಪ್ರಧಾನ್ ಮಂತ್ರಿ ಉದ್ಯೋಗ ಸೃಜನೆ ಯೋಜನೆಯಡಿ, ಸ್ಥಳೀಯ ಸಿಂಡಿಕೇಟ್ ಬ್ಯಾಂಕಿನಲ್ಲಿ ₹10 ಲಕ್ಷ ನೆರವು ಪಡೆದರು.

. ಬೆಂಗಳೂರು, ಹೈದ್ರಾಬಾದ್ ನಗರದಿಂದ ಊಟದ ಹಾಳೆ ತಯಾರಿಸುವ ಯಂತ್ರಗಳನ್ನು ತಂದು ಮನೆಯಲ್ಲಿಯೇ ಘಟಕ ಸ್ಥಾಪಿಸಿದರು. ಆಂಧ್ರದಿಂದ ಕಚ್ಚಾ ಮುತ್ತುಗದ ಎಲೆ ಮತ್ತು 4 ರಿಂದ 5 ಟನ್ ಪೇಪರ್ ಅನ್ನು ಅವರು ಖರೀದಿಸುತ್ತಾರೆ. ಉದ್ಯಮದಲ್ಲಿ ಅವರ ಪತ್ನಿ ನೀರಜಾ ಸಹಕರಿಸುತ್ತಿದ್ದಾರೆ.

. ಸದ್ಯ ಅವರು, ಆರು ಮಂದಿ ಕೆಲಸದವರೊಂದಿಗೆ ನಿತ್ಯ 2 ಸಾವಿರದಿಂದ 4 ಸಾವಿರವರೆಗೆ ಊಟದ ಹಾಳೆಗಳನ್ನು ಸಿದ್ಧಪಡಿಸಿ, ತಲಾ 25, 20 ಮತ್ತು 15 ರಂತೆ ಕಂತೆಗಳನ್ನು ಮಾಡಿ ಗ್ರಾಹಕರಿಗೆ ಪೂರೈಸುತ್ತಿದ್ದಾರೆ.

. ಒಂದು ಕಂತೆಗೆ ₹55 ರಿಂದ ₹60 ದರ ನಿಗದಿ ಮಾಡಿದ್ದು, ಅವರ ಮನೆ ಬಾಗಿಲಿಗೇ ವರ್ತಕರು ಬಂದು ಖರೀದಿಸುತ್ತಾರೆ. ಸಿರುಗುಪ್ಪ ಸುತ್ತಮುತ್ತಲಿನ ಗ್ರಾಮಗಳಿಗೆ ಅವರೇ ತೆರಳಿ ಅಂಗಡಿಗಳಿಗೆ ನೇರವಾಗಿ ಕಂತೆಗಳನ್ನು ಮಾರಾಟ ಮಾಡುತ್ತಿದ್ದಾರೆ.

. ಊಟ ಹಾಳೆ ಮಾರಾಟದಿಂದ ಬಂದ ಆದಾಯದಲ್ಲಿ, ನಾಲ್ಕು ವರ್ಷದೊಳಗೆ ಅವರು ಸಾಲ ಮರುಪಾವತಿ ಮಾಡಿ, ಮತ್ತೆ ಅದೇ ಬ್ಯಾಂಕಿನಲ್ಲಿ ₹5 ಲಕ್ಷ ಪಡೆದಿರುವುದು ವಿಶೇಷ. ‘ಈ ಯೋಜನೆಯಲ್ಲಿ ಪಡೆದ ಆರ್ಥಿಕ ನೆರವಿನಲ್ಲಿ ₹2.60 ಲಕ್ಷ ಸಹಾಯಧನ ದೊರಕಿದೆ’ ಎಂದು ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಈ ಉದ್ಯಮದಲ್ಲಿಯೇ ಲಾಭಗಳಿಸಿ ಮನೆ ಕಟ್ಟಿಕೊಂಡಿದ್ದೇನೆ, ಮಗಳ ಮದುವೆ ಮಾಡಿರುವೆ, ಮಗನ ವಿದ್ಯಾಭ್ಯಾಸ ಮಾಡಿಸಿ ಆತನಿಗೆ ಸ್ವಯಂ ಉದ್ಯೋಗಕ್ಕಾಗಿ ಅಂಗಡಿಯೊಂದನ್ನು ಸ್ಥಾಪಿಸಿಕೊಟ್ಟು ವ್ಯಾಪಾರ ಮಾಡಲು ಅವಕಾಶ ಮಾಡಿಕೊಟ್ಟಿರುವೆ, ಪ್ರತಿಯೊಂದು ಹಳ್ಳಿಯಲ್ಲಿ ಇಂಥ ಉದ್ಯಮ ಸ್ಥಾಪಿಸಿಕೊಳ್ಳಲು ಆಸಕ್ತಿಯುಳ್ಳವರಿಗೆ ಮಾರ್ಗದರ್ಶನ ಮಾಡಲೂ ಸಿದ್ಧ’ ಎಂದರು.

. ಸಂಪರ್ಕಕ್ಕೆ: 9945798848.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಿರುಗುಪ್ಪ: ಮುತ್ತುಗದ ಎಲೆ ಬದುಕು ತೋರಿಸಿತು!

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

ಸೈಯ್ಯದ್ ಮುಷ್ತಾಕ್ ಅಲಿ ಕ್ರಿಕೆಟ್‌: ಯುವರಾಜ್ ಆಟಕ್ಕೆ ಕರ್ನಾಟಕ ಸುಸ್ತು

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ