ಸಿರುಗುಪ್ಪ: ಭತ್ತದ ಗದ್ದೆಗಳು ಖಾಲಿ ಖಾಲಿ

ಸಿರುಗುಪ್ಪ: ಭತ್ತದ ಕಣಜವೆಂದೇ ಹೆಸರಾದ ತಾಲ್ಲೂಕಿನಲ್ಲಿ ಮಳೆ ಮತ್ತು ನೀರಿನ ಕೊರತೆಯಿಂದ ಭತ್ತದ ಕೃಷಿ ಚಟುವಟಿಕೆ ಇಲ್ಲದೇ ರೈತರು ಅತಂತ್ರ ಸ್ಥಿತಿಯಲ್ಲಿದ್ದಾರೆ.

. ಮುಂಗಾರು ಮಳೆಯ ವೈಫಲ್ಯ ಮತ್ತು ನದಿ, ಹಳ್ಳಗಳಲ್ಲಿ ಜಲ ಸಂಪನ್ಮೂಲ ಕ್ಷೀಣಿಸಿ ಈ ವರ್ಷದ ಮಳೆಗಾಲದ ಸುಗ್ಗಿ ಸೋನಾ ಮಸೂರಿ ಭತ್ತದ ಕೃಷಿಗೆ ತೀವ್ರ ಹಿನ್ನಡೆಯಾಗಿದೆ.

. ಪ್ರತಿ ವರ್ಷ ಸಾಮಾನ್ಯವಾಗಿ ನೀರಾವರಿ ಅಚ್ಚುಕಟ್ಟು ಪ್ರದೇಶದಲ್ಲಿ ಜೂನ್ ಹಾಗೂ ಜುಲೈನಲ್ಲಿ ಸೋನಾಮಸೂರಿ ಭತ್ತದ ನಾಟಿ ಪ್ರಕ್ರಿಯೆ ನಡೆಯುತ್ತಿತ್ತು. ಮಿಕ್ಕುಳಿದವರು ಆಗಸ್ಟ್ ಮೂರನೇ ವಾರದ ವರೆಗೂ ಅಲ್ಪಾವಧಿ ತಳಿಯ ಭತ್ತವನ್ನು ನಾಟಿ ಮಾಡುತ್ತಿದ್ದರು.

. ಆದರೆ, ಈ ವರ್ಷ ಮಳೆಯ ಕೊರತೆಯಿಂದ ತುಂಗಭದ್ರಾ ಜಲಾಶಯದಲ್ಲಿ ಸಾಕಷ್ಟು ನೀರು ಹರಿದು ಬಂದಿಲ್ಲ. ಹೀಗಾಗಿ ಕಾಲುವೆ ಮತ್ತು ನದಿಗೆ ನೀರಿನ ಭಾಗ್ಯವಿಲ್ಲದೇ ಭತ್ತದ ಗದ್ದೆಗಳು ಬಿಕೋ ಎನ್ನುತ್ತಿವೆ. ಜುಲೈ ಮುಗಿದರೂ ಭತ್ತದ ನಾಟಿ ಬಿಡಿ, ಸಸಿ ಮಡಿಗಳೂ ಕಾಣುತ್ತಿಲ್ಲ.

. ಭತ್ತ ಬೆಳೆಗಾರರಿಗೆ ಮುಂದೇನು ಎಂಬ ಚಿಂತೆ ಕಾಡತೊಡಗಿದೆ. ಭತ್ತ ಬೆಳೆಯಲು ಭೂಮಿಯನ್ನು ಸಮತಟ್ಟು ಮಾಡಿರುವುದರಿಂದ ಪರ್ಯಾಯ ಬೆಳೆಗಳನ್ನು ಬೆಳೆಯಲು ಅಸಾಧ್ಯ ಎನ್ನುತ್ತಾರೆ ಭತ್ತ ಬೆಳೆಗಾರರು.

. ‘ನಾವು ಇದುವರೆಗೆ ಭತ್ತ ಬಿಟ್ಟರೆ ಬೇರೇನು ಬೆಳೆದಿಲ್ಲ. ಐದಾರು ವರ್ಷಗಳಿಂದ ವರ್ಷಕ್ಕೆ ಒಂದೇ ಬೆಳೆ ಬೆಳೆಯಲು ಸಾಧ್ಯವಾಗುತ್ತಿದೆ. ಈ ಬಾರಿ ಭತ್ತ ಬೆಳೆಯುತ್ತೇವೆ ಎಂಬ ಭರವಸೆಯೇ ಇಲ್ಲದಂತಾಗಿದೆ. ಅವಧಿ ಮೀರಿ ಭತ್ತ ನಾಟಿ ಮಾಡಿದರೆ ನಷ್ಟ ಖಚಿತ’ ಎಂದು ಭತ್ತ ಬೆಳೆಗಾರ ಇಬ್ರಾಂಪುರ ಗ್ರಾಮದ ಬೇವೂರು ಬಸವರಾಜಗೌಡ ಹತಾಶೆ ವ್ಯಕ್ತಪಡಿಸಿದರು.

. ‘ಆಗಸ್ಟ್ನಲ್ಲಿ ಮಳೆಯಾದರೆ, ಜಲಾಶಯಕ್ಕೆ ನೀರು ಹರಿದು ಬಂದು ಕಾಲುವೆ ಮತ್ತು ನದಿಗೆ ನೀರು ಹರಿಸಿದರೆ ಮಾತ್ರ ಅಲ್ಪಾವಧಿ ಭತ್ತ ಬೆಳೆಯಬಹುದು. ವರುಣನ ಕೃಪೆ ಮೇಲೆ ಭತ್ತ ಬೆಳೆಗಾರರ ಭವಿಷ್ಯ ನಿಂತಿದೆ’ ಎನ್ನುತ್ತಾರೆ ದೇವಿನಗರದ ರೈತ ಪ್ರತಾಪಚೌದ್ರಿ.

. ಗುರಿ ಸಾಧನೆ ಶೂನ್ಯ: ‘ತಾಲ್ಲೂಕಿನ ಒಟ್ಟು ಮುಂಗಾರು ಹಂಗಾಮಿನಲ್ಲಿ 28,100 ಹೆಕ್ಟೇರ್ ಪ್ರದೇಶದಲ್ಲಿ ಭತ್ತ, ಜೋಳ 1,650 ಹೆಕ್ಟೇರ್, ಮೆಕ್ಕೆಜೋಳ 300 ಹೆಕ್ಟೇರ್ನಲ್ಲಿ ಬೆಳೆಯುವ ಗುರಿ ಇತ್ತು. ಆದರೆ, ಗುರಿ ಸಾಧನೆಯಲ್ಲಿ ಶೂನ್ಯದಲ್ಲಿದ್ದೇವೆ’ ಎಂದು ಸಹಾಯಕ ಕೃಷಿ ನಿರ್ದೇಶಕ ನಜೀರ್ ಅಹ್ಮದ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಿರುಗುಪ್ಪ: ಭತ್ತದ ಗದ್ದೆಗಳು ಖಾಲಿ ಖಾಲಿ

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ

Pro Kabaddi: ಅರ್ಜುನ್‌ ಅಬ್ಬರಕ್ಕೆ ಬೆದರಿದ ಬುಲ್ಸ್

ಬಾರ್ಡರ್‌–ಗಾವಸ್ಕರ್ ಟ್ರೋಫಿ: ‘ವೇಗಾಸ್ತ್ರ’ ಪ್ರಯೋಗಕ್ಕೆ ಪರ್ತ್ ವೇದಿಕೆ ಸಿದ್ಧ

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್ ಚೆಸ್‌ ಟೂರ್ನಿ: ಅರವಿಂದ್‌ ಮುಡಿಗೆ ಕಿರೀಟ

ಪಾಕ್‌ನಲ್ಲಿ ಅಂಧರ ಟಿ20 wc: ವಿದೇಶಾಂಗ ಸಚಿವಾಲಯದ ಅನುಮತಿಗಾಗಿ ಕಾದಿರುವ ಭಾರತ ತಂಡ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ