ಉಚ್ಚಂಗಿದುರ್ಗ | ಗುರು ಪೂರ್ಣಿಮೆ: ಬಸ್ ಸೀಟಿಗೆ ಮುಗಿಬಿದ್ದ ಭಕ್ತರು

ಉಚ್ಚಂಗೆಮ್ಮ ದೇವಿಯ ಉಪ ಸನ್ನಿಧಿ ತೋಪಿನ ಹಾಲಮ್ಮ ದೇವಿ ಹಾಗೂ ಪಾದಗಟ್ಟೆ ದೇವಸ್ಥಾನ ಮುಜರಾಯಿ ಇಲಾಖೆ ಒಳಪಟ್ಟು ನಡೆದ ವಿಶೇಷ ಹುಣ್ಣಿಮೆ ಇದಾಗಿದ್ದು ಇಲಾಖೆಯಿಂದ ಸೂಕ್ತ ವ್ಯವಸ್ಥೆ ಕಲ್ಪಿಸಲಾಗಿತ್ತು. ದೇವಸ್ಥಾನಕ್ಕೆ ಬರುವ ಭಕ್ತರ ದಟ್ಟಣೆ ನಿಯಂತ್ರಣಕ್ಕೆ ಸರತಿ ಸಾಲು ನಿರ್ಮಿಸಿ ಹೆಚ್ಚುವರಿ ಸಿಬ್ಬಂದಿಯನ್ನು ನಿಯೋಜಿಸಲಾಗಿತ್ತು. ಬೆಟ್ಟದ ಉಚ್ಚಂಗೆಮ್ಮ ದರ್ಶನಕ್ಕೆ ಸಾಧ್ಯವಾಗದ ಭಕ್ತರು ತೋಪಿನ ಹಾಲಮ್ಮ ಪಾದಗಟ್ಟೆ ಉಚ್ಚಂಗೆಮ್ಮ ದೇವಿ ದರ್ಶನ ಪಡೆಯುತ್ತಾರೆ. ಮೂಲ ಸೌಕರ್ಯ ಒದಗಿಸಿ ಅಭಿವೃದ್ಧಿಗೆ ಕ್ರಮ ಕೈಗೊಳ್ಳಲಾಗಿದೆ ಎಂದು ದೇವಸ್ಥಾನ ಕಾರ್ಯನಿರ್ವಾಹಣಾಧಿಕಾರಿ ಮಲ್ಲಪ್ಪ ತಿಳಿಸಿದರು.