<p><strong>ಬೆಂಗಳೂರು:</strong> ‘ಗಿರೀಶ ಕಾರ್ನಾಡರನ್ನು ಕನ್ನಡ ಚಿತ್ರರಂಗ ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳಲಿಲ್ಲ. ಅವರನ್ನು ಹೊರಗೆ ಇಟ್ಟಿದ್ದು ದುರಂತ. ಈ ಬಗ್ಗೆ ಚಿತ್ರರಂಗ ಆತ್ಮಾವಲೋಕನ ಮಾಡಿಕೊಳ್ಳಬೇಕು’ ಎಂದು ಚಲನಚಿತ್ರ ನಿರ್ದೇಶಕ ಗಿರೀಶ ಕಾಸರವಳ್ಳಿ ಹೇಳಿದರು.</p>.<p>ಕರ್ನಾಟಕ ಚಲನಚಿತ್ರ ಅಕಾಡೆಮಿ ಮತ್ತು ವಾರ್ತಾ ಇಲಾಖೆ ವತಿಯಿಂದ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ‘ಕಾರ್ನಾಡರ ಸ್ಮರಣೆ’ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಕನ್ನಡ ಚಿತ್ರರಂಗ ಕಾರ್ನಾಡರಿಗೆ ಸೂಕ್ತ ಪ್ರಶಸ್ತಿಯನ್ನೂ ನೀಡಲಿಲ್ಲ’ ಎಂದರು.</p>.<p>‘ಕಾರ್ನಾಡರಷ್ಟು ಪ್ರಖರ ಜ್ಞಾನವಿದ್ದವರು ಇರಲಿಲ್ಲ. ಈಗಲೂ ಇಲ್ಲ. ಅವರು ಕೊಡುತ್ತಿದ್ದ ಒಳನೋಟ, ವ್ಯಾಖ್ಯಾನ ಆರೋಗ್ಯಕರವಾಗಿತ್ತು ಮತ್ತು ಸಮಾಜಕ್ಕೆ ಅವಶ್ಯವಾಗಿತ್ತು’ ಎಂದು ಅವರು ಅಭಿಪ್ರಾಯಪಟ್ಟರು.</p>.<p>‘ನಾಟಕಕಾರ, ಸಣ್ಣಕತೆಗಾರ, ವೈಚಾರಿಕ ಲೇಖಕ, ನಟ–ನಿರ್ದೇಶಕನಾಗಿ ಹಲವು ಸ್ತರಗಳಲ್ಲಿ ನಾವು ಕಾರ್ನಾಡರನ್ನು ಕಾಣಬಹುದು. ಸೈದ್ಧಾಂತಿಕವಾಗಿ ನಮ್ಮಿಬ್ಬರ ನಡುವೆ ಒಡಕಿತ್ತು. ನನ್ನ ಮೊದಲ ಸಿನಿಮಾ ಬಿಡುಗಡೆಯಾದ ಬಳಿಕ ಅವರು ಆಪ್ತರಾದರು. ರಾಜಕೀಯ ಮತ್ತು ತಾತ್ವಿಕ ಒಳನೋಟ ಅವರಿಗಿತ್ತು’ ಎಂದು ಕಾಸರವಳ್ಳಿ ಸ್ಮರಿಸಿದರು.</p>.<p>‘ಪ್ರತಿಯೊಂದನ್ನೂ ಪ್ರಶ್ನಿಸಬೇಕು ಎಂಬುದು ಅವರ ಕೃತಿಗಳಲ್ಲಿ ಎದ್ದು ಕಾಣುತ್ತದೆ. ಚಳವಳಿಗೆ ಬರುವವರು ಅವರ ಲೇಖನಗಳನ್ನು ಓದಿಕೊಂಡು ಹೋರಾಟಕ್ಕೆ ಇಳಿಯಬೇಕು. ಅದ ರಲ್ಲಿಯೂ, ಕಾರ್ನಾಡರು ಸತ್ತಾಗ ಸಂಭ್ರಮಿಸಿದವರು, ಅವರ ಸಾಹಿತ್ಯವನ್ನು ಓದಿಕೊಳ್ಳಬೇಕಾದ ಅಗತ್ಯವಿದೆ’ ಎಂದರು.</p>.<p>ಚಿತ್ರನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ, ‘ನಾಟಕ ಹಾಗೂ ಚಿತ್ರರಂಗದಲ್ಲಿ ಹೊಸ ಬದಲಾವಣೆ ತರುವ ಪ್ರಯತ್ನವನ್ನು ಕಾರ್ನಾಡ ಮಾಡಿದ್ದರು’ ಎಂದು ಸ್ಮರಿಸಿದರು.</p>.<p><strong>ನಾಟಕ ವಾಚನ–ಗಾಯನ:</strong> ಹಿರಿಯ ನಾಟಕಕಾರ ಗಿರೀಶ ಕಾರ್ನಾಡರ ಕೃತಿಗಳನ್ನು, ನಾಟಕಗಳನ್ನು ವಾಚಿಸುವ, ರಂಗಗೀತೆಗಳನ್ನು ಹಾಡುವ ಮೂಲಕ ಅವರನ್ನು ರಂಗಶಂಕರದಲ್ಲಿ ವಿಭಿನ್ನವಾಗಿ ಸ್ಮರಿಸಲಾಯಿತು.</p>.<p>ರಂಗಶಂಕರದ ಮುಖ್ಯಸ್ಥರಾದ ಅರುಂಧತಿ ನಾಗ್ ಅವರು ಕಾರ್ನಾಡರ ಕೊಡುಗೆ ಕುರಿತು ಮಾತನಾಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಹಿರಿಯ ರಂಗಕರ್ಮಿಗಳು, ನಟ–ನಟಿಯರು, ನಿರ್ದೇಶಕರು ಕಾರ್ನಾಡರ ನಾಟಕಗಳ ಆಯ್ದ ದೃಶ್ಯಗಳನ್ನು ವಾಚಿಸಿ, ಆ ಸಂದರ್ಭಗಳನ್ನು ವಿವರಿಸಿದರು.</p>.<p>ತುಘಲಕ್, ಹಯವದನ, ಯಯಾತಿ, ಟಿಪ್ಪುವಿನ ಕನಸುಗಳು ಸೇರಿದಂತೆ ಕಾರ್ನಾಡರ ನಾಟಕಗಳಲ್ಲಿ ಇತಿಹಾಸವನ್ನು ನೋಡಿರುವ ದೃಷ್ಟಿಕೋನ, ಅವುಗಳಲ್ಲಿನ ಸಾಮಾಜಿಕ ಒಳನೋಟ, ಸಾಹಿತ್ಯ ರಚನೆ ಕೌಶಲಗಳ ಬಗ್ಗೆ, ಅವರ ಕೃತಿಗಳಲ್ಲಿನ ವೈವಿಧ್ಯ ಕುರಿತು ನಿರ್ದೇಶಕ ಬಿ.ಸುರೇಶ, ಕೆ.ಎಂ. ಚೈತನ್ಯ ಸೇರಿದಂತೆ ಹಲವರು ಮಾತನಾಡಿದರು.</p>.<p>ನಿರ್ದೇಶಕ ಟಿ.ಎಸ್. ನಾಗಾಭರಣ ನೇತೃತ್ವದ ಬೆನಕ ತಂಡ ‘ಹಯವದನ’ ನಾಟಕದಲ್ಲಿನ ದೃಶ್ಯಗಳನ್ನು ವಾಚಿಸಿತು. ಬಿ. ಜಯಶ್ರೀ ಮತ್ತು ಎಂ.ಡಿ. ಪಲ್ಲವಿ ರಂಗಗೀತೆಗಳನ್ನು ಹಾಡುವ ಮೂಲಕ ಕಾರ್ನಾಡರನ್ನು ಸ್ಮರಿಸಿದರು.</p>.<p>ಕವಿ ಜಯಂತ ಕಾಯ್ಕಿಣಿ, ರಂಗಭೂಮಿ, ಕಿರುತೆರೆ ಹಾಗೂ ಹಿರಿತೆರೆಯ ನಟ–ನಟಿಯರು ಹಾಜರಿದ್ದರು. ಕಾರ್ನಾಡರು ರಚಿಸಿದ ನಾಟಕಗಳು ಮತ್ತು ಕೃತಿಗಳು ಹಾಗೂ ಕಾರ್ನಾಡರ ಕುರಿತು ರಚಿಸಿದ ಪುಸ್ತಕಗಳನ್ನು ಪ್ರದರ್ಶನಕ್ಕೆ ಇಡಲಾಗಿತ್ತು.`</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ಗಿರೀಶ ಕಾರ್ನಾಡರನ್ನು ಕನ್ನಡ ಚಿತ್ರರಂಗ ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳಲಿಲ್ಲ. ಅವರನ್ನು ಹೊರಗೆ ಇಟ್ಟಿದ್ದು ದುರಂತ. ಈ ಬಗ್ಗೆ ಚಿತ್ರರಂಗ ಆತ್ಮಾವಲೋಕನ ಮಾಡಿಕೊಳ್ಳಬೇಕು’ ಎಂದು ಚಲನಚಿತ್ರ ನಿರ್ದೇಶಕ ಗಿರೀಶ ಕಾಸರವಳ್ಳಿ ಹೇಳಿದರು.</p>.<p>ಕರ್ನಾಟಕ ಚಲನಚಿತ್ರ ಅಕಾಡೆಮಿ ಮತ್ತು ವಾರ್ತಾ ಇಲಾಖೆ ವತಿಯಿಂದ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ‘ಕಾರ್ನಾಡರ ಸ್ಮರಣೆ’ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಕನ್ನಡ ಚಿತ್ರರಂಗ ಕಾರ್ನಾಡರಿಗೆ ಸೂಕ್ತ ಪ್ರಶಸ್ತಿಯನ್ನೂ ನೀಡಲಿಲ್ಲ’ ಎಂದರು.</p>.<p>‘ಕಾರ್ನಾಡರಷ್ಟು ಪ್ರಖರ ಜ್ಞಾನವಿದ್ದವರು ಇರಲಿಲ್ಲ. ಈಗಲೂ ಇಲ್ಲ. ಅವರು ಕೊಡುತ್ತಿದ್ದ ಒಳನೋಟ, ವ್ಯಾಖ್ಯಾನ ಆರೋಗ್ಯಕರವಾಗಿತ್ತು ಮತ್ತು ಸಮಾಜಕ್ಕೆ ಅವಶ್ಯವಾಗಿತ್ತು’ ಎಂದು ಅವರು ಅಭಿಪ್ರಾಯಪಟ್ಟರು.</p>.<p>‘ನಾಟಕಕಾರ, ಸಣ್ಣಕತೆಗಾರ, ವೈಚಾರಿಕ ಲೇಖಕ, ನಟ–ನಿರ್ದೇಶಕನಾಗಿ ಹಲವು ಸ್ತರಗಳಲ್ಲಿ ನಾವು ಕಾರ್ನಾಡರನ್ನು ಕಾಣಬಹುದು. ಸೈದ್ಧಾಂತಿಕವಾಗಿ ನಮ್ಮಿಬ್ಬರ ನಡುವೆ ಒಡಕಿತ್ತು. ನನ್ನ ಮೊದಲ ಸಿನಿಮಾ ಬಿಡುಗಡೆಯಾದ ಬಳಿಕ ಅವರು ಆಪ್ತರಾದರು. ರಾಜಕೀಯ ಮತ್ತು ತಾತ್ವಿಕ ಒಳನೋಟ ಅವರಿಗಿತ್ತು’ ಎಂದು ಕಾಸರವಳ್ಳಿ ಸ್ಮರಿಸಿದರು.</p>.<p>‘ಪ್ರತಿಯೊಂದನ್ನೂ ಪ್ರಶ್ನಿಸಬೇಕು ಎಂಬುದು ಅವರ ಕೃತಿಗಳಲ್ಲಿ ಎದ್ದು ಕಾಣುತ್ತದೆ. ಚಳವಳಿಗೆ ಬರುವವರು ಅವರ ಲೇಖನಗಳನ್ನು ಓದಿಕೊಂಡು ಹೋರಾಟಕ್ಕೆ ಇಳಿಯಬೇಕು. ಅದ ರಲ್ಲಿಯೂ, ಕಾರ್ನಾಡರು ಸತ್ತಾಗ ಸಂಭ್ರಮಿಸಿದವರು, ಅವರ ಸಾಹಿತ್ಯವನ್ನು ಓದಿಕೊಳ್ಳಬೇಕಾದ ಅಗತ್ಯವಿದೆ’ ಎಂದರು.</p>.<p>ಚಿತ್ರನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ, ‘ನಾಟಕ ಹಾಗೂ ಚಿತ್ರರಂಗದಲ್ಲಿ ಹೊಸ ಬದಲಾವಣೆ ತರುವ ಪ್ರಯತ್ನವನ್ನು ಕಾರ್ನಾಡ ಮಾಡಿದ್ದರು’ ಎಂದು ಸ್ಮರಿಸಿದರು.</p>.<p><strong>ನಾಟಕ ವಾಚನ–ಗಾಯನ:</strong> ಹಿರಿಯ ನಾಟಕಕಾರ ಗಿರೀಶ ಕಾರ್ನಾಡರ ಕೃತಿಗಳನ್ನು, ನಾಟಕಗಳನ್ನು ವಾಚಿಸುವ, ರಂಗಗೀತೆಗಳನ್ನು ಹಾಡುವ ಮೂಲಕ ಅವರನ್ನು ರಂಗಶಂಕರದಲ್ಲಿ ವಿಭಿನ್ನವಾಗಿ ಸ್ಮರಿಸಲಾಯಿತು.</p>.<p>ರಂಗಶಂಕರದ ಮುಖ್ಯಸ್ಥರಾದ ಅರುಂಧತಿ ನಾಗ್ ಅವರು ಕಾರ್ನಾಡರ ಕೊಡುಗೆ ಕುರಿತು ಮಾತನಾಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಹಿರಿಯ ರಂಗಕರ್ಮಿಗಳು, ನಟ–ನಟಿಯರು, ನಿರ್ದೇಶಕರು ಕಾರ್ನಾಡರ ನಾಟಕಗಳ ಆಯ್ದ ದೃಶ್ಯಗಳನ್ನು ವಾಚಿಸಿ, ಆ ಸಂದರ್ಭಗಳನ್ನು ವಿವರಿಸಿದರು.</p>.<p>ತುಘಲಕ್, ಹಯವದನ, ಯಯಾತಿ, ಟಿಪ್ಪುವಿನ ಕನಸುಗಳು ಸೇರಿದಂತೆ ಕಾರ್ನಾಡರ ನಾಟಕಗಳಲ್ಲಿ ಇತಿಹಾಸವನ್ನು ನೋಡಿರುವ ದೃಷ್ಟಿಕೋನ, ಅವುಗಳಲ್ಲಿನ ಸಾಮಾಜಿಕ ಒಳನೋಟ, ಸಾಹಿತ್ಯ ರಚನೆ ಕೌಶಲಗಳ ಬಗ್ಗೆ, ಅವರ ಕೃತಿಗಳಲ್ಲಿನ ವೈವಿಧ್ಯ ಕುರಿತು ನಿರ್ದೇಶಕ ಬಿ.ಸುರೇಶ, ಕೆ.ಎಂ. ಚೈತನ್ಯ ಸೇರಿದಂತೆ ಹಲವರು ಮಾತನಾಡಿದರು.</p>.<p>ನಿರ್ದೇಶಕ ಟಿ.ಎಸ್. ನಾಗಾಭರಣ ನೇತೃತ್ವದ ಬೆನಕ ತಂಡ ‘ಹಯವದನ’ ನಾಟಕದಲ್ಲಿನ ದೃಶ್ಯಗಳನ್ನು ವಾಚಿಸಿತು. ಬಿ. ಜಯಶ್ರೀ ಮತ್ತು ಎಂ.ಡಿ. ಪಲ್ಲವಿ ರಂಗಗೀತೆಗಳನ್ನು ಹಾಡುವ ಮೂಲಕ ಕಾರ್ನಾಡರನ್ನು ಸ್ಮರಿಸಿದರು.</p>.<p>ಕವಿ ಜಯಂತ ಕಾಯ್ಕಿಣಿ, ರಂಗಭೂಮಿ, ಕಿರುತೆರೆ ಹಾಗೂ ಹಿರಿತೆರೆಯ ನಟ–ನಟಿಯರು ಹಾಜರಿದ್ದರು. ಕಾರ್ನಾಡರು ರಚಿಸಿದ ನಾಟಕಗಳು ಮತ್ತು ಕೃತಿಗಳು ಹಾಗೂ ಕಾರ್ನಾಡರ ಕುರಿತು ರಚಿಸಿದ ಪುಸ್ತಕಗಳನ್ನು ಪ್ರದರ್ಶನಕ್ಕೆ ಇಡಲಾಗಿತ್ತು.`</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
