ಪರಿಷ್ಕೃತ ದರ ಜಾರಿ: ಲಾಲ್‌ಬಾಗ್‌ ಪ್ರವಾಸಿಗರ ಜೇಬಿಗೆ ಕತ್ತರಿ

ಬೆಂಗಳೂರು: ಲಾಲ್ಬಾಗ್ ಸಸ್ಯೋದ್ಯಾನದ ಪ್ರವೇಶ ಶುಲ್ಕ, ವಾಹನ ನಿಲುಗಡೆ ಶುಲ್ಕ ಹಾಗೂ ಕ್ಯಾಮೆರಾ ಶುಲ್ಕಗಳನ್ನು ಏಕಾಏಕಿ ಹೆಚ್ಚಳ ಮಾಡುವ ಮೂಲಕ ತೋಟಗಾರಿಕಾ ಇಲಾಖೆ ಪ್ರವಾಸಿಗರ ಜೇಬಿಗೆ ಕತ್ತರಿ ಹಾಕಿದೆ.

. ಉದ್ಯಾನ ಸುತ್ತುವ ಜೋಡಿಗಳು, ಮಾನಸಿಕ ಒತ್ತಡ ತಣಿಸಿಕೊಳ್ಳಲು ಉದ್ಯಾನಕ್ಕೆ ಬರುವವರು, ಕುಟುಂಬದೊಂದಿಗೆ ಭೇಟಿ ನೀಡುವ ಪ್ರವಾಸಿಗರು ಹೆಚ್ಚಿನ ಶುಲ್ಕ ಭರಿಸುವುದು ಈಗ ಅನಿವಾರ್ಯ.

. ಪ್ರವೇಶ ಶುಲ್ಕ ಹೆಚ್ಚಳಕ್ಕೆ ತೋಟಗಾರಿಕಾ ಇಲಾಖೆಯು ಸುವರ್ಣ ಕರ್ನಾಟಕ ಉದ್ಯಾನಗಳ ಪ್ರತಿಷ್ಠಾನದ ಮುಂದೆ ಕಳೆದ ಅಕ್ಟೋಬರ್ನಲ್ಲಿ ಪ್ರಸ್ತಾವ ಇಟ್ಟಿತ್ತು. ಇದಕ್ಕೆ ಪ್ರತಿಷ್ಠಾನವು ಸಮ್ಮತಿ ಸೂಚಿಸಿದ್ದು, ಪ್ರವೇಶ ಶುಲ್ಕವನ್ನು ₹20 ರಿಂದ ₹25ಕ್ಕೆ ಏರಿಕೆ ಮಾಡಲಾಗಿದೆ.

. ಉದ್ಯಾನಕ್ಕೆ ಮೊದಲ ಬಾರಿ ಪ್ರವೇಶ ಶುಲ್ಕ ವಿಧಿಸಲು ಆರಂಭಿಸಿದಾಗ ಪ್ರವಾಸಿಗರು ₹ 5 ತೆರಬೇಕಿತ್ತು. 2010ರಲ್ಲಿ ಇದನ್ನು ₹10ಕ್ಕೆ ಹಾಗೂ 2016 ರಲ್ಲಿ ₹20ಕ್ಕೆ ಹೆಚ್ಚಿಸಲಾಗಿತ್ತು.

. ‘ಪ್ರವೇಶ ಶುಲ್ಕ ಮತ್ತು ಪಾರ್ಕಿಂಗ್ ಶುಲ್ಕ ಸಂಗ್ರಹದಹಳೆ ಟೆಂಡರ್ನ ಅವಧಿ ಕಳೆದ ಫೆಬ್ರುವರಿಯಲ್ಲಿ ಕೊನೆಗೊಂಡಿದೆ. ಮಾರ್ಚ್ 1ರಿಂದ ಹೊಸ ಟೆಂಡರ್ ಪ್ರಕಾರ ಶುಲ್ಕ ಸಂಗ್ರಹಿಸಲಾಗುತ್ತಿದೆ’ ಎಂದು ತೋಟಗಾರಿಕೆ ಇಲಾಖೆ (ಲಾಲ್ಬಾಗ್) ಉಪ ನಿರ್ದೇಶಕ ಚಂದ್ರಶೇಖರ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಮೊದಲ ಮೂರು ಗಂಟೆಗಳಿಗೆ ಒಂದು ದರ ಹಾಗೂ ನಂತರದ ಅವಧಿಗಳಿಗೆ ಪ್ರತ್ಯೇಕ ದರಗಳನ್ನು ವಿಧಿಸಲಾಗುತ್ತಿದೆ. ಈ ಎಲ್ಲ ದರಗಳನ್ನೂ ಪರಿಷ್ಕರಿಸಲಾಗಿದೆ. ಅನಗತ್ಯವಾಗಿ ಕೆಲವರು ಇಲ್ಲಿ ವಾಹನ ನಿಲ್ಲಿಸುತ್ತಾರೆ. ಇದನ್ನು ನಿಯಂತ್ರಿಸುವ ದೃಷ್ಟಿಯಿಂದ ಈ ಕ್ರಮ ವಹಿಸಿದ್ದೇವೆ’ ಎಂದರು.

. ಪ್ರತಿನಿತ್ಯ ಉದ್ಯಾನಕ್ಕೆ ಸರಾಸರಿ 5 ಸಾವಿರ ಜನ ಭೇಟಿ ನೀಡುತ್ತಾರೆ. ವಾರಾಂತ್ಯಗಳಲ್ಲಿ ಪ್ರವಾಸಿಗರ ಸಂಖ್ಯೆ ಎಂದಿಗಿಂತ ಸುಮಾರು 3 ಸಾವಿರದಷ್ಟು ಹೆಚ್ಚಾಗುತ್ತದೆ. ವಿಶೇಷ ರಜಾ ದಿನಗಳಲ್ಲಿ 10,000 ದಿಂದ 15,000 ಮಂದಿ ಸಸ್ಯಕಾಶಿಗೆ ಭೇಟಿ ನೀಡುತ್ತಾರೆ.

. ಶುಲ್ಕ: ಯಾವುದಕ್ಕೆ, ಎಷ್ಟು? (ರೂಪಾಯಿಗಳಲ್ಲಿ) ಪ್ರವೇಶ ಕ್ಯಾಮೆರಾ ದ್ವಿಚಕ್ರ ವಾಹನ ನಾಲ್ಕು ಚಕ್ರಗಳ ವಾಹನ ಬಸ್ ವ್ಯಾನ್ ಹಳೆ ದರ 20 50 20 25 100 50 ಪರಿಷ್ಕೃತ ದರ 25 60 25 30 120 60 . 3 ಗಂಟೆ ನಂತರದ ಅವಧಿಯ ಪಾರ್ಕಿಂಗ್ ಶುಲ್ಕ (ಪ್ರತಿ ಗಂಟೆಗೆ)

. ದ್ವಿಚಕ್ರ ವಾಹನ; 5

. ನಾಲ್ಕು ಚಕ್ರದ ವಾಹನ; 10

. ಬಸ್, ಟೆಂಪೊ; 20

. ***

. ಪ್ರವೇಶ ಶುಲ್ಕದಲ್ಲಿ ₹5 ಹೆಚ್ಚಳ ಮಾಡಿರುವುದರಿಂದ ಪ್ರವಾಸಿಗರಿಗೆ ಹೆಚ್ಚೇನೂ ಹೊರೆಯಾಗುವುದಿಲ್ಲ. ಸಸ್ಯೋದ್ಯಾನದ ಅಭಿವೃದ್ಧಿ ದೃಷ್ಟಿಯಿಂದ ಶುಲ್ಕ ಪರಿಷ್ಕರಣೆ ಅನಿವಾರ್ಯ

. -ಚಂದ್ರಶೇಖರ್, ಲಾಲ್ಬಾಗ್ ಉಪನಿರ್ದೇಶಕ

. ಪ್ರವೇಶ ಶುಲ್ಕ ಏರಿಕೆಯು ಶ್ರೀಮಂತ ವರ್ಗದವರಿಗೆ ಹೊರೆ ಎನಿಸುವುದಿಲ್ಲ. ಆದರೆ, ನಮ್ಮಂತಹ ಮಧ್ಯಮ ಮತ್ತು ಸಾಮಾನ್ಯ ವರ್ಗವರಿಗೆ ಇದು ಖಂಡಿತಾ ಹೊರೆಯಾಗಲಿದೆ

. -ಕಮಲಮ್ಮ, ಪ್ರವಾಸಿ ಮಹಿಳೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪರಿಷ್ಕೃತ ದರ ಜಾರಿ: ಲಾಲ್‌ಬಾಗ್‌ ಪ್ರವಾಸಿಗರ ಜೇಬಿಗೆ ಕತ್ತರಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

Perth Test:ಆಸ್ಟ್ರೇಲಿಯಾಕ್ಕೆ ಬೂಮ್ರಾ ಪಡೆ ತಿರುಗೇಟು;ಮೊದಲ ದಿನ 17 ವಿಕೆಟ್‌ ಪತನ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು