<p><strong>ಬೆಂಗಳೂರು</strong>: ‘ನಮ್ಮ ಮೆಟ್ರೊ’ ಎರಡನೇ ಹಂತದಲ್ಲಿನ ಕೆ.ಆರ್. ಪುರ ಮತ್ತು ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ (ಕೆಐಎ) ಭೂಸ್ವಾಧೀನ ಕಾರ್ಯ ಪೂರ್ಣಗೊಂಡಿದೆ. ಭವಿಷ್ಯದಲ್ಲಿ ಈ ಮಾರ್ಗವೂ ಸೇರಿದಂತೆ ಎಲ್ಲ ಹೊಸ ಮಾರ್ಗದಲ್ಲಿ ಚಾಲಕ ರಹಿತ ವ್ಯವಸ್ಥೆ ಅಳವಡಿಸಲು ಬೆಂಗಳೂರು ಮೆಟ್ರೊ ರೈಲು ನಿಗಮ (ಬಿಎಂಆರ್ಸಿಎಲ್) ಮುಂದಾಗಿದೆ.</p>.<p>‘ಕೆ.ಆರ್.ಪುರದಿಂದ –ವಿಮಾನ ನಿಲ್ದಾಣ (2ಬಿ) ಮಾರ್ಗದಲ್ಲಿ ಬೆಟ್ಟಹಲಸೂರು ನಿಲ್ದಾಣ ನಿರ್ಮಾಣಕ್ಕಾಗಿ ಹೆಚ್ಚುವರಿ ಜಾಗ ಬೇಕಾಗಿತ್ತು. ಇದಕ್ಕಾಗಿ 9,424 ಚ.ಮೀ. ನಷ್ಟು ಭೂಮಿ ಸ್ವಾಧೀನಪಡಿಸಿಕೊಳ್ಳಲು ರಾಜ್ಯಸರ್ಕಾರ ಒಪ್ಪಿಗೆ ನೀಡಿದೆ. ಇದು ಪೂರ್ಣವಾದರೆ, ಈ ಮಾರ್ಗದಲ್ಲಿನ ಭೂಸ್ವಾಧೀನ ಕಾರ್ಯ ಮುಕ್ತಾಯವಾಗುತ್ತದೆ’ ಎಂದು ಬಿಎಂಆರ್ಸಿಎಲ್ನ ಭೂಸ್ವಾಧೀನ ವಿಭಾಗದ ಪ್ರಧಾನ ವ್ಯವಸ್ಥಾಪಕ ಚೆನ್ನಪ್ಪಗೌಡರ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಸಿಲ್ಕ್ಬೋರ್ಡ್ನಿಂದ ಕೆ.ಆರ್. ಪುರ (2ಎ) ಮಾರ್ಗದ ಭೂಸ್ವಾಧೀನ ಕಾರ್ಯ ಪೂರ್ಣಗೊಂಡಿದೆ. 2ಬಿಯಲ್ಲಿಈವರೆಗೆ 238 ಕಟ್ಟಡಗಳನ್ನು ಸ್ವಾಧೀನ ಪಡಿಸಿಕೊಳ್ಳಲಾಗಿದೆ. ಈ ಕಟ್ಟಡ ಮಾಲೀಕರಿಗೆ ₹200 ಕೋಟಿಯವರೆಗೆ ಪರಿಹಾರ ನೀಡಲಾಗಿದ್ದು, ಎನ್ಎಚ್ಎಐಗೂ ₹340 ಕೋಟಿ ಪರಿಹಾರ ನೀಡಲಾಗಿದೆ’ ಎಂದು ಅವರು ತಿಳಿಸಿದರು.</p>.<p>ಈಗ 2ಎ ಮಾರ್ಗದ ಸಿವಿಲ್ ಕಾಮಗಾರಿಗಳಿಗಾಗಿ ಟೆಂಡರ್ ಕರೆಯಲಾಗಿದ್ದು, ಅವುಗಳ ಮೌಲ್ಯಮಾಪನ ಕಾರ್ಯಪ್ರಗತಿಯಲ್ಲಿದೆ. 2ಬಿ ಮಾರ್ಗದ ಕಾಮಗಾರಿಗೆ ಟೆಂಡರ್ಗಳನ್ನು ಆಹ್ವಾನಿಸಲಾಗಿದೆ.</p>.<p class="Subhead"><strong>ಚಾಲಕ ರಹಿತ ವ್ಯವಸ್ಥೆ: </strong>ಎರಡನೇ ಹಂತದಲ್ಲಿ ಹೊಸದಾಗಿ ನಿರ್ಮಾಣವಾಗುತ್ತಿರುವ ಮಾರ್ಗಗಳಲ್ಲಿ ಸಿಗ್ನಲಿಂಗ್ ವ್ಯವಸ್ಥೆ ಬದಲಾಗಲಿದೆ. ಸದ್ಯ, ಡಿಟಿಜಿ (ಡಿಸ್ಟೇನ್ಸ್ ಟು ಗೊ) ವ್ಯವಸ್ಥೆಯನ್ನು ಅಳವಡಿಸಲಾಗುತ್ತಿದೆ. ಮುಂದೆ, ಸಂವಹನ ಆಧಾರಿತ ರೈಲು ನಿಯಂತ್ರಣ ವ್ಯವಸ್ಥೆ (ಸಿಟಿಬಿಸಿ) ಅಳವಡಿಸಲಾಗುತ್ತದೆ.</p>.<p>‘ಇದು ಚಾಲಕರಹಿತ ವ್ಯವಸ್ಥೆ. ತ್ವರಿತ ರೈಲು ಸಂಚಾರ ಇದರಿಂದ ಸಾಧ್ಯವಾಗಲಿದೆ. ದಟ್ಟಣೆಯ ಅವಧಿಯಲ್ಲಿ ನಾಲ್ಕು ನಿಮಿಷಕ್ಕೊಂದು, ಉಳಿದ ಸಂದರ್ಭದಲ್ಲಿ 7ರಿಂದ 8 ನಿಮಿಷಕ್ಕೆ ಒಂದು ರೈಲು ಸಂಚರಿಸಲಿದೆ’ ಎಂದು ನಿಗಮದ ಅಧಿಕಾರಿಯೊಬ್ಬರು ಹೇಳಿದರು.</p>.<p>ಸದ್ಯ, ಡಿಟಿಜಿವ್ಯವಸ್ಥೆ ಆಧಾರದಲ್ಲಿಯೇ ಕಾರ್ಯನಿರ್ವಹಿಸಲಿರುವ ಬೈಯಪ್ಪನಹಳ್ಳಿ ಡಿಪೊ ಮುಂದೆ ಸಿಟಿಬಿಸಿ ವ್ಯವಸ್ಥೆ ಅಳವಡಿಸಿಕೊಳ್ಳಲಿದೆ. ನೇರಳೆ ಮಾರ್ಗದ ರೈಲುಗಳ ಬದಲಾಗಿ, ನೀಲಿ ಮಾರ್ಗದ ರೈಲುಗಳು (2ಎ ಮತ್ತು 2ಬಿ) ಈ ಡಿಪೊದಿಂದ ಕಾರ್ಯಾಚರಣೆ ನಡೆಸಲಿವೆ.</p>.<p>ಕೆ.ಆರ್.ಪುರ ಮೆಟ್ರೊ ನಿಲ್ದಾಣದಿಂದ 2.5 ಕಿ.ಮೀ. ಪಾರ್ಶ್ವ ಮಾರ್ಗ ನಿರ್ಮಾಣವಾಗಲಿದ್ದು,<br />ಬೈಯಪ್ಪನಹಳ್ಳಿ ಡಿಪೊವನ್ನು ಸಂಪರ್ಕಿಸಲಿದೆ. ಆ ಮೂಲಕ ಹೊಸದಾಗಿ ನಿರ್ಮಾಣವಾಗಲಿರುವ ಮಾರ್ಗದ ರೈಲುಗಳೂ ಈ ಡಿಪೊವನ್ನು ಬಳಸಬಹುದಾಗಿದೆ. ಇದರಿಂದ ಹೊಸ ಮೆಟ್ರೊ ನಿಲ್ದಾಣ ಮತ್ತು ಡಿಪೊ ನಿರ್ಮಾಣದ ವೆಚ್ಚ ಉಳಿಯಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ‘ನಮ್ಮ ಮೆಟ್ರೊ’ ಎರಡನೇ ಹಂತದಲ್ಲಿನ ಕೆ.ಆರ್. ಪುರ ಮತ್ತು ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ (ಕೆಐಎ) ಭೂಸ್ವಾಧೀನ ಕಾರ್ಯ ಪೂರ್ಣಗೊಂಡಿದೆ. ಭವಿಷ್ಯದಲ್ಲಿ ಈ ಮಾರ್ಗವೂ ಸೇರಿದಂತೆ ಎಲ್ಲ ಹೊಸ ಮಾರ್ಗದಲ್ಲಿ ಚಾಲಕ ರಹಿತ ವ್ಯವಸ್ಥೆ ಅಳವಡಿಸಲು ಬೆಂಗಳೂರು ಮೆಟ್ರೊ ರೈಲು ನಿಗಮ (ಬಿಎಂಆರ್ಸಿಎಲ್) ಮುಂದಾಗಿದೆ.</p>.<p>‘ಕೆ.ಆರ್.ಪುರದಿಂದ –ವಿಮಾನ ನಿಲ್ದಾಣ (2ಬಿ) ಮಾರ್ಗದಲ್ಲಿ ಬೆಟ್ಟಹಲಸೂರು ನಿಲ್ದಾಣ ನಿರ್ಮಾಣಕ್ಕಾಗಿ ಹೆಚ್ಚುವರಿ ಜಾಗ ಬೇಕಾಗಿತ್ತು. ಇದಕ್ಕಾಗಿ 9,424 ಚ.ಮೀ. ನಷ್ಟು ಭೂಮಿ ಸ್ವಾಧೀನಪಡಿಸಿಕೊಳ್ಳಲು ರಾಜ್ಯಸರ್ಕಾರ ಒಪ್ಪಿಗೆ ನೀಡಿದೆ. ಇದು ಪೂರ್ಣವಾದರೆ, ಈ ಮಾರ್ಗದಲ್ಲಿನ ಭೂಸ್ವಾಧೀನ ಕಾರ್ಯ ಮುಕ್ತಾಯವಾಗುತ್ತದೆ’ ಎಂದು ಬಿಎಂಆರ್ಸಿಎಲ್ನ ಭೂಸ್ವಾಧೀನ ವಿಭಾಗದ ಪ್ರಧಾನ ವ್ಯವಸ್ಥಾಪಕ ಚೆನ್ನಪ್ಪಗೌಡರ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಸಿಲ್ಕ್ಬೋರ್ಡ್ನಿಂದ ಕೆ.ಆರ್. ಪುರ (2ಎ) ಮಾರ್ಗದ ಭೂಸ್ವಾಧೀನ ಕಾರ್ಯ ಪೂರ್ಣಗೊಂಡಿದೆ. 2ಬಿಯಲ್ಲಿಈವರೆಗೆ 238 ಕಟ್ಟಡಗಳನ್ನು ಸ್ವಾಧೀನ ಪಡಿಸಿಕೊಳ್ಳಲಾಗಿದೆ. ಈ ಕಟ್ಟಡ ಮಾಲೀಕರಿಗೆ ₹200 ಕೋಟಿಯವರೆಗೆ ಪರಿಹಾರ ನೀಡಲಾಗಿದ್ದು, ಎನ್ಎಚ್ಎಐಗೂ ₹340 ಕೋಟಿ ಪರಿಹಾರ ನೀಡಲಾಗಿದೆ’ ಎಂದು ಅವರು ತಿಳಿಸಿದರು.</p>.<p>ಈಗ 2ಎ ಮಾರ್ಗದ ಸಿವಿಲ್ ಕಾಮಗಾರಿಗಳಿಗಾಗಿ ಟೆಂಡರ್ ಕರೆಯಲಾಗಿದ್ದು, ಅವುಗಳ ಮೌಲ್ಯಮಾಪನ ಕಾರ್ಯಪ್ರಗತಿಯಲ್ಲಿದೆ. 2ಬಿ ಮಾರ್ಗದ ಕಾಮಗಾರಿಗೆ ಟೆಂಡರ್ಗಳನ್ನು ಆಹ್ವಾನಿಸಲಾಗಿದೆ.</p>.<p class="Subhead"><strong>ಚಾಲಕ ರಹಿತ ವ್ಯವಸ್ಥೆ: </strong>ಎರಡನೇ ಹಂತದಲ್ಲಿ ಹೊಸದಾಗಿ ನಿರ್ಮಾಣವಾಗುತ್ತಿರುವ ಮಾರ್ಗಗಳಲ್ಲಿ ಸಿಗ್ನಲಿಂಗ್ ವ್ಯವಸ್ಥೆ ಬದಲಾಗಲಿದೆ. ಸದ್ಯ, ಡಿಟಿಜಿ (ಡಿಸ್ಟೇನ್ಸ್ ಟು ಗೊ) ವ್ಯವಸ್ಥೆಯನ್ನು ಅಳವಡಿಸಲಾಗುತ್ತಿದೆ. ಮುಂದೆ, ಸಂವಹನ ಆಧಾರಿತ ರೈಲು ನಿಯಂತ್ರಣ ವ್ಯವಸ್ಥೆ (ಸಿಟಿಬಿಸಿ) ಅಳವಡಿಸಲಾಗುತ್ತದೆ.</p>.<p>‘ಇದು ಚಾಲಕರಹಿತ ವ್ಯವಸ್ಥೆ. ತ್ವರಿತ ರೈಲು ಸಂಚಾರ ಇದರಿಂದ ಸಾಧ್ಯವಾಗಲಿದೆ. ದಟ್ಟಣೆಯ ಅವಧಿಯಲ್ಲಿ ನಾಲ್ಕು ನಿಮಿಷಕ್ಕೊಂದು, ಉಳಿದ ಸಂದರ್ಭದಲ್ಲಿ 7ರಿಂದ 8 ನಿಮಿಷಕ್ಕೆ ಒಂದು ರೈಲು ಸಂಚರಿಸಲಿದೆ’ ಎಂದು ನಿಗಮದ ಅಧಿಕಾರಿಯೊಬ್ಬರು ಹೇಳಿದರು.</p>.<p>ಸದ್ಯ, ಡಿಟಿಜಿವ್ಯವಸ್ಥೆ ಆಧಾರದಲ್ಲಿಯೇ ಕಾರ್ಯನಿರ್ವಹಿಸಲಿರುವ ಬೈಯಪ್ಪನಹಳ್ಳಿ ಡಿಪೊ ಮುಂದೆ ಸಿಟಿಬಿಸಿ ವ್ಯವಸ್ಥೆ ಅಳವಡಿಸಿಕೊಳ್ಳಲಿದೆ. ನೇರಳೆ ಮಾರ್ಗದ ರೈಲುಗಳ ಬದಲಾಗಿ, ನೀಲಿ ಮಾರ್ಗದ ರೈಲುಗಳು (2ಎ ಮತ್ತು 2ಬಿ) ಈ ಡಿಪೊದಿಂದ ಕಾರ್ಯಾಚರಣೆ ನಡೆಸಲಿವೆ.</p>.<p>ಕೆ.ಆರ್.ಪುರ ಮೆಟ್ರೊ ನಿಲ್ದಾಣದಿಂದ 2.5 ಕಿ.ಮೀ. ಪಾರ್ಶ್ವ ಮಾರ್ಗ ನಿರ್ಮಾಣವಾಗಲಿದ್ದು,<br />ಬೈಯಪ್ಪನಹಳ್ಳಿ ಡಿಪೊವನ್ನು ಸಂಪರ್ಕಿಸಲಿದೆ. ಆ ಮೂಲಕ ಹೊಸದಾಗಿ ನಿರ್ಮಾಣವಾಗಲಿರುವ ಮಾರ್ಗದ ರೈಲುಗಳೂ ಈ ಡಿಪೊವನ್ನು ಬಳಸಬಹುದಾಗಿದೆ. ಇದರಿಂದ ಹೊಸ ಮೆಟ್ರೊ ನಿಲ್ದಾಣ ಮತ್ತು ಡಿಪೊ ನಿರ್ಮಾಣದ ವೆಚ್ಚ ಉಳಿಯಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
