ಯುಪಿಎಸ್‌ಸಿ ಪರೀಕ್ಷೆಗೆ ಆಡುತ್ತಾ ಅಣಿಯಾಗಿ; ಆ್ಯಪ್ ಸಿದ್ಧಪಡಿಸಿದ ಕನ್ನಡಿಗ

ಬೆಂಗಳೂರು: ಕೇಂದ್ರ ಲೋಕಸೇವಾ ಆಯೋಗ (ಯುಪಿಎಸ್ಸಿ) ನಡೆಸುವ ನಾಗರಿಕ ಸೇವಾ ಪರೀಕ್ಷೆಗಳಿಗೆ ಸಿದ್ಧತೆ ನಡೆಸುವವರಿಗಾಗಿ ಹಾಸನದ ಎಚ್.ಪಿ.ಮೋನಿಶ್ ಅವರು ‘ಐಎಎಸ್ ಆ್ಯಲಿ’ ಎಂಬ ಮೊಬೈಲ್ ಆ್ಯಪ್ ಅಭಿವೃದ್ಧಿಪಡಿಸಿದ್ದಾರೆ. ವರ್ಷಾನುಗಟ್ಟಲೆ ಪೂರ್ವಸಿದ್ಧತೆ ನಡೆಸುವ ಅಭ್ಯರ್ಥಿಗಳಿಗೆ ಎಲ್ಲೂ ಏಕತಾನತೆ ಕಾಡದೇ ಆಡುತ್ತಾ ಕಲಿಯಲು ನೆರವಾಗುವುದು ಈ ಆ್ಯಪ್ನ ವಿಶೇಷತೆ.

. ಯುಪಿಎಸ್ಸಿಪರೀಕ್ಷೆಗಳಿಗೆ ಸಿದ್ಧತೆ ನಡೆಸುತ್ತಿರುವ ಇತರ ಅಭ್ಯರ್ಥಿಗಳ ಜೊತೆ ಸಂವಾದ ನಡೆಸಲು ಈ ಆ್ಯಪ್ ಅವಕಾಶ ಕಲ್ಪಿಸುತ್ತದೆ. ಕಲಿಕಾ ಆಟದ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಾ ಹುರುಪಿನಿಂದ ಜ್ಞಾನದ ಮಟ್ಟ ಸುಧಾರಿಸಿಕೊಳ್ಳಲೂ ಇದು ಸಹಕಾರಿ.

. ‘ಕಲಿಯಬೇಕಾದ ಪಠ್ಯಗಳನ್ನು ಕತೆಗಳ ರೂಪದಲ್ಲಿ ಹಾಗೂ ಉದಾಹರಣೆ ಸಹಿತ ನಿರೂಪಿಸಿದ್ದೇವೆ. ಇದರ ಮೂಲಕ ಕಲಿಕೆ ಆಟದಂತಿರುತ್ತದೆ. ತಯಾರಿ ನಡೆಸುತ್ತಿರುವ ಇತರರ ಜೊತೆ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಾ, ಕಲಿಕಾ ಮಟ್ಟ ತುಲನೆ ಮಾಡುತ್ತ ಅಧ್ಯಯನದಲ್ಲಿ ತೊಡಗಲು ಇದು ಪ್ರಯೋಜನಕಾರಿ’ ಎಂದು ಮೋನಿಶ್ ‘ಪ್ರಜಾವಾಣಿ’ಗೆ ವಿವರಿಸಿದರು.

. ‘ಈ ಆ್ಯಪ್ನಲ್ಲಿ ಪ್ರತಿಯೊಬ್ಬ ಅಭ್ಯರ್ಥಿಗೆ ಪ್ರತ್ಯೇಕ ಪ್ರೊಫೈಲ್ ಇರುತ್ತದೆ. ಯಾವೆಲ್ಲ ವಿಚಾರಗಳನ್ನು ಕಲಿತೆ, ಎಷ್ಟು ಪ್ರಶ್ನೆಗಳಿಗೆ ಸರಿಯಾಗಿ ಉತ್ತರಿಸಿದೆ, ಎಲ್ಲಿ ಎಡವಿದೆ, ಉತ್ತರಿಸಲು ಎಷ್ಟು ಸಮಯ ತೆಗೆದುಕೊಂಡೆ, ಸುಧಾರಣೆಯಾಗಬೇಕಾದುದೆಲ್ಲಿ ಎಂಬುದನ್ನು ಅಭ್ಯರ್ಥಿಯೇ ಸ್ವಯಂ ವಿಶ್ಲೇಷಣೆ ನಡೆಸಲು ಇದು ನೆರವಾಗುತ್ತದೆ. ನಾವು ಪ್ರಚಲಿತ ವಿದ್ಯಮಾನಗಳನ್ನು ಈ ಆ್ಯಪ್ಗೆ ಸೇರ್ಪಡೆಗೊಳಿಸುತ್ತಾ ಸಾಗುತ್ತೇವೆ. ಪಠ್ಯ ಸಾಮಾಗ್ರಿಗಳನ್ನೂ ಕಾಲಕಾಲಕ್ಕೆ ಮಾರ್ಪಾಡು ಮಾಡುತ್ತೇವೆ’ ಎಂದರು.

. ‘ಗೂಗಲ್ ಪ್ಲೇಸ್ಟೋರ್ನಲ್ಲಿ ಈ ಆ್ಯಪನ್ನು ಉಚಿತವಾಗಿ ಡೌನ್ಲೋಡ್ ಮಾಡಿಕೊಳ್ಳಬಹುದು. ಆ್ಯಂಡ್ರಾಯ್ಡ್ ಮೊಬೈಲ್ನಲ್ಲಿ ಬಳಸಬಹುದು. ಆ್ಯಪಲ್ ಮೊಬೈಲ್ನಲ್ಲಿ ಬಳಸುವ ಆವೃತ್ತಿ ಶೀಘ್ರವೇ ಬಿಡುಗಡೆಯಾಗಲಿದೆ. ಐಎಎಸ್ ತರಬೇತಿ ನೀಡುವ ಸಂಸ್ಥೆಗಳು ಅಭ್ಯರ್ಥಿಗಳಿಗೆ ಲಕ್ಷಗಟ್ಟಲೆ ಶುಲ್ಕ ವಿಧಿಸುತ್ತವೆ. ಈ ಆ್ಯಪನ್ನು 21 ದಿನ ಉಚಿತವಾಗಿ ಇದನ್ನು ಬಳಸಬಹುದು. ನಂತರ ದಿನಕ್ಕೆ ಒಂದು ರೂಪಾಯಿಯಂತೆ ವರ್ಷಕ್ಕೆ ₹ 365 ಶುಲ್ಕ ವಿಧಿಸುತ್ತೇವೆ. ಈ ವರ್ಷ ಬಿಡುಗಡೆಯಾದ ಈ ಆ್ಯಪನ್ನು ಈಗಾಗಲೇ 11ಸಾವಿರ ಮಂದಿ ಬಳಸುತ್ತಿದ್ದಾರೆ. ಕೋವಿಡ್ ಕಾಣಿಸಿಕೊಂಡ ಬಳಿಕ ಬೇಡಿಕೆ ಮತ್ತಷ್ಟು ಹೆಚ್ಚಾಗಿದೆ’ ಎಂದು ತಿಳಿಸಿದರು.

. ‘ಐಎಎಸ್ ಪರೀಕ್ಷೆಯಲ್ಲಿ ಸಂದರ್ಶನದ ಹಂತದವರೆಗೆ ತಲುಪಿದ್ದೆ. ಆ ಅನುಭವದಿಂದ ಗ್ರಾಮೀಣ ವಿದ್ಯಾರ್ಥಿಗಳಿಗೆ ಅನುಕೂಲ ಆಗಲಿ ಎಂಬ ಉದ್ದೇಶದಿಂದ ಆ್ಯಪ್ ರೂಪಿಸುವ ಸಾಹಸಕ್ಕೆ ಕೈಹಾಕಿದೆ. ಪತ್ನಿ ಆರ್.ಶ್ರುತಿ ಆ್ಯಪ್ ವಿನ್ಯಾಸ ರೂಪಿಸಲು ನೆರವಾದರು. ಪಠ್ಯ ಸಿದ್ಧಪಡಿಸಲು ಪ್ರತ್ಯೇಕ ತಂಡವಿದೆ. ಸದ್ಯ ಪಠ್ಯಗಳು ಇಂಗ್ಲಿಷ್ನಲ್ಲಿವೆ. ಕನ್ನಡದಲ್ಲೂ ಪಠ್ಯ ಸಿದ್ಧಪಡಿಸಲಾಗುತ್ತದೆ’ ಎಂದರು.

. ** ಐಎಎಸ್ ಆ್ಯಲಿ ಆಪ್ ಅನ್ನು 21 ದಿನ ಉಚಿತವಾಗಿ ಬಳಸಿದ ಬಳಿಕ ಇದು ಪ್ರಯೋಜನಕಾರಿ ಹೌದೋ ಅಲ್ಲವೋ ಎಂಬುದು ಅಭ್ಯರ್ಥಿಗಳಿಗೇ ಮನದಟ್ಟಾಗುತ್ತದೆ. 21 ದಿನ ಬಳಸಿದ ವಿದ್ಯಾರ್ಥಿಗಳಲ್ಲಿ ಹೆಚ್ಚಿನವರು ವರ್ಷಕ್ಕೆ ₹ 365 ರೂ ನೀಡಿ ಈ ಆ್ಯಪ್ ಬಳಕೆ ಮುಂದುವರಿಸುತ್ತಿದ್ದಾರೆ. -ಪಿ.ಎಚ್.ಮೋನಿಶ್, ಆ್ಯಪ್ ಅಭಿವೃದ್ಧಿಪಡಿಸಿದವರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯುಪಿಎಸ್‌ಸಿ ಪರೀಕ್ಷೆಗೆ ಆಡುತ್ತಾ ಅಣಿಯಾಗಿ; ಆ್ಯಪ್ ಸಿದ್ಧಪಡಿಸಿದ ಕನ್ನಡಿಗ

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ದಿನ ಭವಿಷ್ಯ | ಈ ರಾಶಿಯ ಕಥೆ ಬರಹಗಾರರಿಗೆ ಶುಭ ದಿನ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಆಸ್ಟ್ರೇಲಿಯಾ ಸರಣಿಯಲ್ಲಿ ಕೊಹ್ಲಿ ಫಾರ್ಮ್‌ಗೆ ಮರಳುತ್ತಾರೆ: ರವಿ ಶಾಸ್ತ್ರಿ

ಮಹಿಳೆಯರ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಗೋಲುಮಳೆಗರೆದ ಭಾರತ

ರಣಜಿಯಲ್ಲಿ ದಾಖಲೆ ಜೊತೆಯಾಟ; ಸ್ನೇಹಲ್‌, ಕಶ್ಯಪ್‌ ತ್ರಿಶತಕ: ಗೋವಾಕ್ಕೆ ಜಯ

Ranji Trophy | ಶ್ರೀಜಿತ್‌ ಶತಕ, ಪರಂತಾಪ್ ಪ್ರತಾಪ; ಕರ್ನಾಟಕ ಮೇಲುಗೈ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ದಿನ ಭವಿಷ್ಯ | ಈ ರಾಶಿಯ ಕಥೆ ಬರಹಗಾರರಿಗೆ ಶುಭ ದಿನ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024