<p><strong>ಬೆಂಗಳೂರು: </strong>‘ಹವ್ಯಾಸಿ ರಂಗಭೂಮಿ ನವ್ಯ ಸಾಹಿತ್ಯದ ಚಳವಳಿಯಾಗಿ ಬೆಳೆಯಿತೆ ವಿನಾ, ರಂಗ ಚಳವಳಿಯಾಗಲಿಲ್ಲ’ ಎಂದು ಸಾಹಿತಿ ಚಂದ್ರಶೇಖರ ಕಂಬಾರ ಹೇಳಿದರು.<br /> <br /> ಅಂಬಾ ಪ್ರಕಾಶನ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ರಂಗಕರ್ಮಿ ಗೋಪಾಲ ವಾಜಪೇಯಿ ಅವರ ‘ರಂಗದ ಒಳ- ಹೊರಗೆ’ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಅವರು ಮಾತನಾಡಿದರು.<br /> <br /> ‘ಪ್ರೇಕ್ಷಕರ ಹಂಗಿಲ್ಲದ ಹವ್ಯಾಸಿ ರಂಗಭೂಮಿ ಇದೀಗ ಉಳಿದಿಲ್ಲ. ಅದು ಪ್ರವರ್ಧನಮಾನದಲ್ಲಿದ್ದ ಕಾಲಘಟ್ಟದಲ್ಲಿ ನಮ್ಮ ಸಾಹಿತ್ಯ ಕ್ಷೇತ್ರಕ್ಕೆ ಹೊಸ ಚೈತನ್ಯ ಬಂತು. ತುಂಬಾ ಮೌಲಿಕ ಕಾರ್ಯಗಳು ನಡೆದವು ಮತ್ತು ನೋಡುವ ದೃಷ್ಟಿಕೋನ ಕೂಡ ಬದಲಾಯಿತು’ ಎಂದು ಅವರು ಹೇಳಿದರು.<br /> <br /> ‘ರಂಗದ ಒಳಗೆ ಮತ್ತು ಹೊರಗೆ ಕೆಲಸ ಮಾಡುವ ಮೂಲಕ ಆಮೂಲಾಗ್ರವಾದ ಅನುಭವ ಶ್ರೀಮಂತಿಕೆ ಗಳಿಸಿರುವ ಗೋಪಾಲ ಅವರ ಈ ಕೃತಿ ಅಪೂರ್ವವಾದ ರಂಗಭೂಮಿಯ ಇತಿಹಾಸವನ್ನು ಕಟ್ಟಿಕೊಡುತ್ತದೆ’ ಎಂದು ತಿಳಿಸಿದರು.<br /> <br /> ಪತ್ರಕರ್ತ ಜಿ.ಎನ್. ಮೋಹನ್ ಅವರು ಮಾತನಾಡಿ, ‘ರಂಗಭೂಮಿ, ಚಲನಚಿತ್ರ, ಪತ್ರಿಕೋದ್ಯಮ, ಸಾಹಿತ್ಯ ಹೀಗೆ ಹಲವಾರು ಕ್ಷೇತ್ರಗಳಲ್ಲಿ ಗೋಪಾಲ ತಮ್ಮನ್ನು ತೊಡಗಿಸಿಕೊಂಡರೂ ರಂಗಭೂಮಿಯನ್ನು ಹೃದಯಕ್ಕೆ ಹತ್ತಿರವಾಗಿಟ್ಟುಕೊಂಡರು’ ಎಂದು ಹೇಳಿದರು.<br /> <br /> ಲೇಖಕ ಗೋಪಾಲ ವಾಜಪೇಯಿ ಅವರು ಮಾತನಾಡಿ, ‘ನಾಲ್ಕು ವರ್ಷದವನಿದ್ದಾಗಲೇ ತಂದೆಯನ್ನು ಕಳೆದುಕೊಂಡ ನನಗೆ ಚಿಕ್ಕಂದಿನಿಂದ ಏನನ್ನಾದರೂ ಸಾಧಿಸಬೇಕೆಂಬ ಹಂಬಲವಿತ್ತು. ಆದರೆ ಬೆಂಬಲವಿರಲಿಲ್ಲ. ಅನೇಕರ ಸಹಾಯ, ಸಹಕಾರದಿಂದ ನಾನು ಈ ಮಟ್ಟಕ್ಕೆ ತಲುಪಿರುವೆ’ ಎಂದು ಹಳೆಯ ದಿನಗಳ ಮೆಲುಕು ಹಾಕಿದರು.<br /> <br /> ‘ನನಗೆ ನಿರ್ದಿಷ್ಟ ಶೈಲಿಯ ಬರವಣಿಗೆ ಗೊತ್ತಿಲ್ಲ. ತಿಳಿದದ್ದನ್ನು ಬರೆಯುತ್ತ ಹೋದೆ. ಜನರಿಗೆ ಅದು ಇಷ್ಟವಾಯಿತು’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>‘ಹವ್ಯಾಸಿ ರಂಗಭೂಮಿ ನವ್ಯ ಸಾಹಿತ್ಯದ ಚಳವಳಿಯಾಗಿ ಬೆಳೆಯಿತೆ ವಿನಾ, ರಂಗ ಚಳವಳಿಯಾಗಲಿಲ್ಲ’ ಎಂದು ಸಾಹಿತಿ ಚಂದ್ರಶೇಖರ ಕಂಬಾರ ಹೇಳಿದರು.<br /> <br /> ಅಂಬಾ ಪ್ರಕಾಶನ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ರಂಗಕರ್ಮಿ ಗೋಪಾಲ ವಾಜಪೇಯಿ ಅವರ ‘ರಂಗದ ಒಳ- ಹೊರಗೆ’ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಅವರು ಮಾತನಾಡಿದರು.<br /> <br /> ‘ಪ್ರೇಕ್ಷಕರ ಹಂಗಿಲ್ಲದ ಹವ್ಯಾಸಿ ರಂಗಭೂಮಿ ಇದೀಗ ಉಳಿದಿಲ್ಲ. ಅದು ಪ್ರವರ್ಧನಮಾನದಲ್ಲಿದ್ದ ಕಾಲಘಟ್ಟದಲ್ಲಿ ನಮ್ಮ ಸಾಹಿತ್ಯ ಕ್ಷೇತ್ರಕ್ಕೆ ಹೊಸ ಚೈತನ್ಯ ಬಂತು. ತುಂಬಾ ಮೌಲಿಕ ಕಾರ್ಯಗಳು ನಡೆದವು ಮತ್ತು ನೋಡುವ ದೃಷ್ಟಿಕೋನ ಕೂಡ ಬದಲಾಯಿತು’ ಎಂದು ಅವರು ಹೇಳಿದರು.<br /> <br /> ‘ರಂಗದ ಒಳಗೆ ಮತ್ತು ಹೊರಗೆ ಕೆಲಸ ಮಾಡುವ ಮೂಲಕ ಆಮೂಲಾಗ್ರವಾದ ಅನುಭವ ಶ್ರೀಮಂತಿಕೆ ಗಳಿಸಿರುವ ಗೋಪಾಲ ಅವರ ಈ ಕೃತಿ ಅಪೂರ್ವವಾದ ರಂಗಭೂಮಿಯ ಇತಿಹಾಸವನ್ನು ಕಟ್ಟಿಕೊಡುತ್ತದೆ’ ಎಂದು ತಿಳಿಸಿದರು.<br /> <br /> ಪತ್ರಕರ್ತ ಜಿ.ಎನ್. ಮೋಹನ್ ಅವರು ಮಾತನಾಡಿ, ‘ರಂಗಭೂಮಿ, ಚಲನಚಿತ್ರ, ಪತ್ರಿಕೋದ್ಯಮ, ಸಾಹಿತ್ಯ ಹೀಗೆ ಹಲವಾರು ಕ್ಷೇತ್ರಗಳಲ್ಲಿ ಗೋಪಾಲ ತಮ್ಮನ್ನು ತೊಡಗಿಸಿಕೊಂಡರೂ ರಂಗಭೂಮಿಯನ್ನು ಹೃದಯಕ್ಕೆ ಹತ್ತಿರವಾಗಿಟ್ಟುಕೊಂಡರು’ ಎಂದು ಹೇಳಿದರು.<br /> <br /> ಲೇಖಕ ಗೋಪಾಲ ವಾಜಪೇಯಿ ಅವರು ಮಾತನಾಡಿ, ‘ನಾಲ್ಕು ವರ್ಷದವನಿದ್ದಾಗಲೇ ತಂದೆಯನ್ನು ಕಳೆದುಕೊಂಡ ನನಗೆ ಚಿಕ್ಕಂದಿನಿಂದ ಏನನ್ನಾದರೂ ಸಾಧಿಸಬೇಕೆಂಬ ಹಂಬಲವಿತ್ತು. ಆದರೆ ಬೆಂಬಲವಿರಲಿಲ್ಲ. ಅನೇಕರ ಸಹಾಯ, ಸಹಕಾರದಿಂದ ನಾನು ಈ ಮಟ್ಟಕ್ಕೆ ತಲುಪಿರುವೆ’ ಎಂದು ಹಳೆಯ ದಿನಗಳ ಮೆಲುಕು ಹಾಕಿದರು.<br /> <br /> ‘ನನಗೆ ನಿರ್ದಿಷ್ಟ ಶೈಲಿಯ ಬರವಣಿಗೆ ಗೊತ್ತಿಲ್ಲ. ತಿಳಿದದ್ದನ್ನು ಬರೆಯುತ್ತ ಹೋದೆ. ಜನರಿಗೆ ಅದು ಇಷ್ಟವಾಯಿತು’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
