<p><strong>ಬೆಂಗಳೂರು</strong>: ‘ಸೂರ್ಯನ ಬಗ್ಗೆ ಅನಾದಿ ಕಾಲದಿಂದಲೂ ಅನೇಕ ಸಂಶೋಧನೆಗಳು ನಡೆದರೂ ಕೂಡ ತಿಳಿದುಕೊಳ್ಳುವುದು ಇನ್ನೂ ಬೇಕಾದಷ್ಟಿದೆ’ ಎಂದು ವಿಜ್ಞಾನಿ ಯು.ಆರ್.ರಾವ್ ಅಭಿಪ್ರಾಯಪಟ್ಟರು.<br /> <br /> ಸೋಮವಾರ ನೆಹರೂ ತಾರಾಲಯದಲ್ಲಿ ಆಯೋಜಿಸಿದ್ದ ‘ಸೂರ್ಯ– ನಮ್ಮ ನಕ್ಷತ್ರ’ ಎಂಬ ಕಿರುಚಿತ್ರ ಪ್ರದರ್ಶನದ ಇಂಗ್ಲಿಷ್ ಅವತರಣಿಕೆಗೆ ಚಾಲನೆ ನೀಡಿ ಮಾತನಾಡಿದರು.<br /> <br /> ‘ಸೂರ್ಯನ ಬಗೆಗೆ ವಿಜ್ಞಾನಿಗಳು ಮಂಡಿಸಿರುವ ವಿವಿಧ ಸಿದ್ಧಾಂತಗಳು ಸೂರ್ಯನಲ್ಲಾಗುವ ಆಂತರಿಕ ಬದಲಾವಣೆಗಳಿಂದ ಕಾಲಕಾಲಕ್ಕೆ ಹೊಸರೂಪ ಪಡೆದುಕೊಂಡು ಹುಟ್ಟಿಕೊಳ್ಳುತ್ತವೆ. ಹಾಗಾಗಿ ಸೂರ್ಯನ ಕುರಿತು ನಾವು ತಿಳಿದುಕೊಂಡಿರುವುದು ಕೇವಲ ಶೇ 10 ರಷ್ಟು ಮಾತ್ರ’ ಎಂದು ಅವರು ತಿಳಿಸಿದರು.<br /> <br /> ‘ಗುರುತ್ವಾಕರ್ಷಣ ಶಕ್ತಿಯೇ ಸೂರ್ಯನ ಉಗಮಕ್ಕೆ, ಅಸ್ತಿತ್ವಕ್ಕೆ ಮತ್ತು ಅವಸಾನಕ್ಕೆ ಕಾರಣವಾಗುವ ಪ್ರಮುಖ ಸತ್ಯ. ಸೂರ್ಯನ ಆಳವಾದ ಅಧ್ಯಯನದಿಂದ ಇತರ ನಕ್ಷತ್ರಗಳ ಸೈದ್ಧಾಂತಿಕ ಅಧ್ಯಯನ ಕೂಡ ಮಾಡಬಹುದು’ ಎಂದು ತಿಳಿಸಿದರು.<br /> <br /> ‘ಬೆಂಗಳೂರಿನ ನೆಹರೂ ತಾರಾಲಯ ಅತಿದೊಡ್ಡ ತಾರಾಲಯವಾಗಿದ್ದು ಶಾಲಾ ಮಕ್ಕಳು ಇದರ ಸದುಪಯೋಗ ಹೆಚ್ಚೆಚ್ಚು ಪಡೆದುಕೊಳ್ಳಬೇಕು. ಆ ಮೂಲಕ ಬಾಹ್ಯಾಕಾಶ ವಿಜ್ಞಾನದ ಬೆಳವಣಿಗೆಗೆ ಕಾರಣವಾಗಬೇಕು’ ಎಂದು ಸಲಹೆ ನೀಡಿದರು.<br /> <br /> ಭಾರತೀಯ ಖಭೌತ ಸಂಸ್ಥೆಯ ನಿರ್ದೇಶಕ ಪಿ.ಶ್ರೀಕುಮಾರ್ ಮಾತನಾಡಿ, ‘ಸೂರ್ಯನ ಮೇಲ್ಭಾಗದ ಬಗ್ಗೆ ಈಗಾಗಲೇ ಸಾಕಷ್ಟು ತಿಳಿದುಕೊಂಡಿದ್ದೇವೆ. ಆದರೆ ಸೂರ್ಯನ ಆಂತರಿಕ ಪ್ರಕ್ರಿಯೆಗಳ ಬಗ್ಗೆ ಇನ್ನೂ ಹೆಚ್ಚು ತಿಳಿದುಕೊಳ್ಳುವುದು ಅವಶ್ಯಕವಿದೆ’ ಎಂದರು.<br /> <br /> ‘ಬೆಂಗಳೂರಿನ ಹೊರಗಿನವರು ಸಹ ತಾರಾಲಯದ ಸದುಪಯೋಗ ಪಡೆದುಕೊಳ್ಳುವಂತಾಗಬೇಕು’ ಎಂದು ಹೇಳಿದರು.<br /> <br /> <strong>ಪ್ರದರ್ಶನದ ವಿವಿರ: ನೆ</strong>ಹರೂ ತಾರಾಲಯವು ಮಂಗಳವಾರದಿಂದ (ಆಗಸ್ಟ್ 25) ‘ಸೂರ್ಯ- ನಮ್ಮ ನಕ್ಷತ್ರ’ ಕಿರುಚಿತ್ರ ಪ್ರದರ್ಶನವನ್ನು ಶಾಲಾಮಕ್ಕಳಿಗೆ ಮತ್ತು ಸಾರ್ವಜನಿಕರಿಗೆ ಆಯೋಜಿಸಿದೆ.<br /> <br /> ಇದು ಸೂರ್ಯನ ಕುರಿತು ಸಾಂಸ್ಕೃತಿಕ, ಐತಿಹಾಸಿಕ ಮತ್ತು ವೈಜ್ಞಾನಿಕ ಅಂಶಗಳನ್ನು ಒಳಗೊಂಡಿರುವ ಹಾಗೂ ರಾತ್ರಿ ಆಕಾಶಕಾಯ ಪರಿಚಯದ ವಿಶೇಷ ಅನುಭವ ನೀಡುವ ಕಿರುಚಿತ್ರವಾಗಿದೆ.<br /> <br /> ಪ್ರದರ್ಶನದ ಅವಧಿ 40 ನಿಮಿಷಗಳು. ಕನ್ನಡ ಅವತರಣಿಕೆಯ ಪ್ರದರ್ಶನ ಮಧ್ಯಾಹ್ನ 3.30ಕ್ಕೆ. ಇಂಗ್ಲಿಷ್ ಅವತರಣಿಕೆ ಪ್ರತಿ ದಿನ ಸಂಜೆ 4.30ಕ್ಕೆ. ಪ್ರತಿ ಸೋಮವಾರ ಮತ್ತು ತಿಂಗಳ ಎರಡನೇ ಮಂಗಳವಾರ ತಾರಾಲಯಕ್ಕೆ ರಜೆ ಇರುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ‘ಸೂರ್ಯನ ಬಗ್ಗೆ ಅನಾದಿ ಕಾಲದಿಂದಲೂ ಅನೇಕ ಸಂಶೋಧನೆಗಳು ನಡೆದರೂ ಕೂಡ ತಿಳಿದುಕೊಳ್ಳುವುದು ಇನ್ನೂ ಬೇಕಾದಷ್ಟಿದೆ’ ಎಂದು ವಿಜ್ಞಾನಿ ಯು.ಆರ್.ರಾವ್ ಅಭಿಪ್ರಾಯಪಟ್ಟರು.<br /> <br /> ಸೋಮವಾರ ನೆಹರೂ ತಾರಾಲಯದಲ್ಲಿ ಆಯೋಜಿಸಿದ್ದ ‘ಸೂರ್ಯ– ನಮ್ಮ ನಕ್ಷತ್ರ’ ಎಂಬ ಕಿರುಚಿತ್ರ ಪ್ರದರ್ಶನದ ಇಂಗ್ಲಿಷ್ ಅವತರಣಿಕೆಗೆ ಚಾಲನೆ ನೀಡಿ ಮಾತನಾಡಿದರು.<br /> <br /> ‘ಸೂರ್ಯನ ಬಗೆಗೆ ವಿಜ್ಞಾನಿಗಳು ಮಂಡಿಸಿರುವ ವಿವಿಧ ಸಿದ್ಧಾಂತಗಳು ಸೂರ್ಯನಲ್ಲಾಗುವ ಆಂತರಿಕ ಬದಲಾವಣೆಗಳಿಂದ ಕಾಲಕಾಲಕ್ಕೆ ಹೊಸರೂಪ ಪಡೆದುಕೊಂಡು ಹುಟ್ಟಿಕೊಳ್ಳುತ್ತವೆ. ಹಾಗಾಗಿ ಸೂರ್ಯನ ಕುರಿತು ನಾವು ತಿಳಿದುಕೊಂಡಿರುವುದು ಕೇವಲ ಶೇ 10 ರಷ್ಟು ಮಾತ್ರ’ ಎಂದು ಅವರು ತಿಳಿಸಿದರು.<br /> <br /> ‘ಗುರುತ್ವಾಕರ್ಷಣ ಶಕ್ತಿಯೇ ಸೂರ್ಯನ ಉಗಮಕ್ಕೆ, ಅಸ್ತಿತ್ವಕ್ಕೆ ಮತ್ತು ಅವಸಾನಕ್ಕೆ ಕಾರಣವಾಗುವ ಪ್ರಮುಖ ಸತ್ಯ. ಸೂರ್ಯನ ಆಳವಾದ ಅಧ್ಯಯನದಿಂದ ಇತರ ನಕ್ಷತ್ರಗಳ ಸೈದ್ಧಾಂತಿಕ ಅಧ್ಯಯನ ಕೂಡ ಮಾಡಬಹುದು’ ಎಂದು ತಿಳಿಸಿದರು.<br /> <br /> ‘ಬೆಂಗಳೂರಿನ ನೆಹರೂ ತಾರಾಲಯ ಅತಿದೊಡ್ಡ ತಾರಾಲಯವಾಗಿದ್ದು ಶಾಲಾ ಮಕ್ಕಳು ಇದರ ಸದುಪಯೋಗ ಹೆಚ್ಚೆಚ್ಚು ಪಡೆದುಕೊಳ್ಳಬೇಕು. ಆ ಮೂಲಕ ಬಾಹ್ಯಾಕಾಶ ವಿಜ್ಞಾನದ ಬೆಳವಣಿಗೆಗೆ ಕಾರಣವಾಗಬೇಕು’ ಎಂದು ಸಲಹೆ ನೀಡಿದರು.<br /> <br /> ಭಾರತೀಯ ಖಭೌತ ಸಂಸ್ಥೆಯ ನಿರ್ದೇಶಕ ಪಿ.ಶ್ರೀಕುಮಾರ್ ಮಾತನಾಡಿ, ‘ಸೂರ್ಯನ ಮೇಲ್ಭಾಗದ ಬಗ್ಗೆ ಈಗಾಗಲೇ ಸಾಕಷ್ಟು ತಿಳಿದುಕೊಂಡಿದ್ದೇವೆ. ಆದರೆ ಸೂರ್ಯನ ಆಂತರಿಕ ಪ್ರಕ್ರಿಯೆಗಳ ಬಗ್ಗೆ ಇನ್ನೂ ಹೆಚ್ಚು ತಿಳಿದುಕೊಳ್ಳುವುದು ಅವಶ್ಯಕವಿದೆ’ ಎಂದರು.<br /> <br /> ‘ಬೆಂಗಳೂರಿನ ಹೊರಗಿನವರು ಸಹ ತಾರಾಲಯದ ಸದುಪಯೋಗ ಪಡೆದುಕೊಳ್ಳುವಂತಾಗಬೇಕು’ ಎಂದು ಹೇಳಿದರು.<br /> <br /> <strong>ಪ್ರದರ್ಶನದ ವಿವಿರ: ನೆ</strong>ಹರೂ ತಾರಾಲಯವು ಮಂಗಳವಾರದಿಂದ (ಆಗಸ್ಟ್ 25) ‘ಸೂರ್ಯ- ನಮ್ಮ ನಕ್ಷತ್ರ’ ಕಿರುಚಿತ್ರ ಪ್ರದರ್ಶನವನ್ನು ಶಾಲಾಮಕ್ಕಳಿಗೆ ಮತ್ತು ಸಾರ್ವಜನಿಕರಿಗೆ ಆಯೋಜಿಸಿದೆ.<br /> <br /> ಇದು ಸೂರ್ಯನ ಕುರಿತು ಸಾಂಸ್ಕೃತಿಕ, ಐತಿಹಾಸಿಕ ಮತ್ತು ವೈಜ್ಞಾನಿಕ ಅಂಶಗಳನ್ನು ಒಳಗೊಂಡಿರುವ ಹಾಗೂ ರಾತ್ರಿ ಆಕಾಶಕಾಯ ಪರಿಚಯದ ವಿಶೇಷ ಅನುಭವ ನೀಡುವ ಕಿರುಚಿತ್ರವಾಗಿದೆ.<br /> <br /> ಪ್ರದರ್ಶನದ ಅವಧಿ 40 ನಿಮಿಷಗಳು. ಕನ್ನಡ ಅವತರಣಿಕೆಯ ಪ್ರದರ್ಶನ ಮಧ್ಯಾಹ್ನ 3.30ಕ್ಕೆ. ಇಂಗ್ಲಿಷ್ ಅವತರಣಿಕೆ ಪ್ರತಿ ದಿನ ಸಂಜೆ 4.30ಕ್ಕೆ. ಪ್ರತಿ ಸೋಮವಾರ ಮತ್ತು ತಿಂಗಳ ಎರಡನೇ ಮಂಗಳವಾರ ತಾರಾಲಯಕ್ಕೆ ರಜೆ ಇರುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
