ರಕ್ತ ಸುಟ್ಟು ಬಸವಧರ್ಮ ಪೀಠ ಕಟ್ಟಿದ್ದೇವೆ: ಮಾತೆ ಗಂಗಾದೇವಿ

ಬಸವಕಲ್ಯಾಣ (ಬೀದರ್): ‘ಲಿಂಗಾನಂದ ಸ್ವಾಮೀಜಿ ಮತ್ತು ಮಾತೆ ಮಹಾದೇವಿ ಅವರೊಂದಿಗೆ ನಾನು ಸಹ ಬಸವಧರ್ಮ ಪೀಠಕ್ಕೆ ಅಡಿಪಾಯ ಹಾಕಿ 51 ವರ್ಷಗಳಿಂದ ನಿರಂತರ ಶ್ರಮಿಸಿ ರಕ್ತಸುಟ್ಟು ಅದನ್ನು ಕಟ್ಟಿದ್ದೇವೆ’ ಎಂದು ಬಸವಕಲ್ಯಾಣ- ಕೂಡಲಸಂಗಮ ಬಸವಧರ್ಮ ಪೀಠಾಧ್ಯಕ್ಷೆ ಮಾತೆ ಗಂಗಾದೇವಿ ಹೇಳಿದರು.

ನಗರದ ಬಸವ ಮಹಾಮನೆಯಲ್ಲಿ ಮಂಗಳವಾರ ಬಸವಧರ್ಮ ಪೀಠದ ಟ್ರಸ್ಟಿಗಳಾದ ಸ್ವಾಮೀಜಿಯವರ ಸಭೆಯ ನಂತರ ಸುದ್ದಿಗೋಷ್ಠಿ ನಡೆಸಿ ಅವರು ದಾಖಲೆಗಳನ್ನು ಪ್ರದರ್ಶಿಸಿ ಮಾತನಾಡಿದರು.

‘ನಗರದಲ್ಲಿ ಸ್ವಾಭಿಮಾನಿ ಕಲ್ಯಾಣ ಪರ್ವ ನಡೆಸಿದ ಚನ್ನಬಸವಾನಂದ ಸ್ವಾಮೀಜಿಯವರು ಬಸವಧರ್ಮ ಪೀಠದ ಅಧ್ಯಕ್ಷ ನಾನೇ ಎಂದು ಸ್ವತಃ ಹೇಳಿಕೊಂಡಿರುವುದು ಹಾಸ್ಯಾಸ್ಪದ ಮತ್ತು ಖಂಡನೀಯ. ಲಿಂಗದೇವ ಬದಲಾಗಿ ಬಸವಣ್ಣನವರ ಮೂಲ ಅಂಕಿತನಾಮ ಕೂಡಲಸಂಗಮದೇವ ಬಳಸುವ ಬಗ್ಗೆ ಸ್ಪಷ್ಟೀಕರಣ ನೀಡಿದಾಗ ಅದನ್ನು ಅವರು ಬಹಿರಂಗವಾಗಿ ವಿರೋಧಿಸಿದರು. ಅಲ್ಲದೆ ಪೀಠದ ಅಧ್ಯಕ್ಷರಾಗಿ ನೇಮಕವಾಗುವ ಹುನ್ನಾರ ನಡೆಸಿದ್ದರಿಂದ ಅವರನ್ನು ಟ್ರಸ್ಟ್ ನಿಂದ ಉಚ್ಛಾಟಿಸಲಾಗಿದೆ. ಅದರ ನಂತರವೂ ಈ ರೀತಿ ಭಕ್ತರ ದಿಕ್ಕು ತಪ್ಪಿಸುವಲ್ಲಿ ಅವರು ನಿರತರಾಗಿದ್ದಾರೆ’ ಎಂದರು.

‘ನಾನು ಚೆಕ್ ಪಡೆದು ಕಾರ್ಯಕ್ರಮ ಮಾಡಿಲ್ಲ. ಪ್ರವಚನ ಹೇಳಿ ಲಕ್ಷಾಂತರ ಹಣ ಸಂಗ್ರಹಿಸಿ ಮಾತೆ ಮಹಾದೇವಿ ಅವರಿಗೆ ಕೊಟ್ಟಿದ್ದೇನೆ. ಅಧ್ಯಕ್ಷರಾಗಲು ಭಾಷಾ ಪಾಂಡಿತ್ಯ ಅಲ್ಲ, ಭಕ್ತಿ, ಜ್ಞಾನ ಮತ್ತು ವೈರಾಗ್ಯದ ಅಗತ್ಯವಿದೆ. ಧಾರವಾಡದ ಅಕ್ಕಮಹಾದೇವಿ ಅನುಭಾವ ಪೀಠಕ್ಕೂ ಅನ್ಯರು ಹೆಸರು ಘೋಷಿಸಿಕೊಂಡಿರುವುದು ಕಾನೂನು ಬಾಹಿರವಾಗಿದೆ. ನಮ್ಮಲ್ಲಿ ಕಾನೂನಿನ ಪ್ರಕಾರ ಎಲ್ಲ ದಾಖಲೆಗಳಿದ್ದು ಎಲ್ಲ ಅಂಗ ಸಂಸ್ಥೆಗಳ ಪದಾಧಿಕಾರಿಗಳು ನಮ್ಮೊಂದಿಗಿದ್ದಾರೆ. ಹೀಗಿದ್ದಾಗ ನಮ್ಮನ್ನು ಅಲ್ಲಾಡಿಸಲು ಬರುವುದಿಲ್ಲ’ ಎಂದರು.

ಅಲ್ಲಮಪ್ರಭು ಶೂನ್ಯ ಪೀಠಾಧ್ಯಕ್ಷ ಸಿದ್ದರಾಮೇಶ್ವರ ಸ್ವಾಮೀಜಿ, ಅಲ್ಲಮಗಿರಿಯ ಬಸವಕುಮಾರ ಸ್ವಾಮೀಜಿ, ಮಾದೇಶ್ವರ ಸ್ವಾಮೀಜಿ, ಮಾತೆ ಜ್ಞಾನೇಶ್ವರಿ, ಮಾತೆ ದಾನೇಶ್ವರಿ ಪಾಲ್ಗೊಂಡಿದ್ದರು.

‘ಮಾತೆ ಮಹಾದೇವಿಯಿಂದಲೇ ಗಂಗಾದೇವಿ ನೇಮಕ’

ಅಲ್ಲಮಪ್ರಭು ಶೂನ್ಯ ಪೀಠಾಧ್ಯಕ್ಷ ಸಿದ್ದರಾಮೇಶ್ವರ ಸ್ವಾಮೀಜಿ ಮಾತನಾಡಿ, ‘ಲಿಂಗೈಕ್ಯ ಮಾತೆ ಮಹಾದೇವಿ ಅವರಿಂದಲೇ ಮಾತೆ ಗಂಗಾದೇವಿ ಅವರನ್ನು 2012 ರಲ್ಲೇ ಬಸವಧರ್ಮ ಪೀಠದ ಅಧ್ಯಕ್ಷರನ್ನಾಗಿ ನೇಮಿಸಲಾಗಿತ್ತು. ಮಾತಾಜಿಯವರು ಲಿಂಗೈಕ್ಯರಾದ ನಂತರ ಎಲ್ಲ ಟ್ರಸ್ಟಿಗಳ ಅನುಮತಿ ಮೇರೆಗೆ ಲಕ್ಷಾಂತರ ಜನರ ಎದುರಲ್ಲಿ ಇವರ ಪೀಠಾರೋಹಣ ನಡೆದಿದೆ. ಈ ಕಾರ್ಯಕ್ರಮದಲ್ಲಿ ಚನ್ನಬಸವಾನಂದ ಸ್ವಾಮೀಜಿಯೂ ಹಾಜರಿದ್ದರು. ಈಗ ಕ್ಷುಲ್ಲಕ ಕಾರಣಕ್ಕಾಗಿ ಅವರೇ ವಿರೋಧಿಸುತ್ತಿರುವುದು ಸರಿಯಲ್ಲ’ ಎಂದರು.

‘ಬಸವ ಮಹಾಮನೆ ಚಾರಿಟಬಲ್ ಟ್ರಸ್ಟ್, ವಿಶ್ವಕಲ್ಯಾಣ ಮಿಷನ್ ಚಾರಿಟಬಲ್ ಟ್ರಸ್ಟ್, ರಾಷ್ಟ್ರೀಯ ಬಸವದಳ, ಲಿಂಗಾಯತ ಧರ್ಮ ಮಹಾಸಭಾ, ಜಗನ್ಮಾತೆ ಅಕ್ಕಮಹಾದೇವಿ ಅನುಭಾವ ಪೀಠ, ಜಗದ್ಗುರು ಅಲ್ಲಮ ಪ್ರಭುದೇವರ ಪೀಠ, ಅಕ್ಕನಾಗಲಾಂಬಿಕಾ ಪೀಠ, ಅಲ್ಲಮಪ್ರಭು ಶೂನ್ಯ ಪೀಠ ಮತ್ತು ನವದೆಹಲಿಯ ಮಾತಾ ಆಶ್ರಮ ಬಸವಮಂಟಪ ಇವೆಲ್ಲ ಬಸವಧರ್ಮ ಪೀಠದ ಅಂಗ ಸಂಸ್ಥೆಗಳಾಗಿವೆ. ಹೀಗಾಗಿ ಈ ಪೀಠದ ಅಧ್ಯಕ್ಷರೇ ಇದರ ಪದಾಧಿಕಾರಿಗಳನ್ನು ನೇಮಿಸುತ್ತಾರೆ. ಹೀಗಿದ್ದಾಗ ರಾಷ್ಟ್ರೀಯ ಬಸವದಳ ಮತ್ತು ಅಕ್ಕ ಮಹಾದೇವಿ ಅನುಭಾವ ಪೀಠಾಧ್ಯಕ್ಷರ ನೇಮಕ ಮಾಡುವ ಅಧಿಕಾರ ಚನ್ನಬಸವಾನಂದ ಸ್ವಾಮೀಜಿ ಅವರಿಗೆ ಎಲ್ಲಿಂದ ಬಂತು’ ಎಂದು ಪ್ರಶ್ನಿಸಿದರು.

‘ಮಾನಹಾನಿ ಮೊಕದ್ದಮೆ ದಾಖಲು’

ಅಲ್ಲಮಗಿರಿಯ ಬಸವಕುಮಾರ ಸ್ವಾಮೀಜಿ ಮಾತನಾಡಿ, ‘22 ವರ್ಷಗಳಿಂದ ನಗರದಲ್ಲಿ ಆಯೋಜಿಸುತ್ತಿರುವ ಕಲ್ಯಾಣ ಪರ್ವದ ಹೆಸರನ್ನೇ ಸ್ವಾಭಿಮಾನಿ ಕಲ್ಯಾಣ ಪರ್ವ ಎಂದು ಇಟ್ಟು ಅದೇ ದಿನಾಂಕಕ್ಕೆ ಕಾರ್ಯಕ್ರಮ ಆಯೋಜಿಸುತ್ತಿರುವ ಕಾರಣಕ್ಕೆ ಚನ್ನಬಸವಾನಂದ ಸ್ವಾಮೀಜಿ ಅವರ ವಿರುದ್ಧ ಮಾನಹಾನಿ ಮೊಕದ್ದಮೆ ದಾಖಲಿಸಲಾಗುವುದು. ಸೇವೆಗೈದು ಸ್ಥಾನ ಪಡೆಯಬೇಕು. ಮಾತೆ ಗಂಗಾದೇವಿಯವರು ಅಧ್ಯಕ್ಷರಾಗಿರಲು ಎಲ್ಲರ ಬೆಂಬಲವಿದೆ. ಬಸವಣ್ಣನವರ ವಚನಗಳ ಮೂಲ ವಚನಾಂಕಿತ ಬಳಕೆ ಬಗ್ಗೆ ಅವರು ತೆಗೆದುಕೊಂಡ ನಿರ್ಧಾರಕ್ಕೆ ಚನ್ನಬಸವಾನಂದ ಸ್ವಾಮೀಜಿ ವಿರೋಧಿಸಿರುವುದು ಸರಿಯೇ? ಬಸವಧರ್ಮ ಪೀಠದಲ್ಲಿ ಒಡಕು ಹುಟ್ಟಿಸುವ ಬದಲು ಅನ್ಯ ಸ್ವಾಮೀಜಿಯವರಂತೆ ಇವರು ಸಹ ಸ್ವಂತ ಮಠ ಕಟ್ಟಿಕೊಳ್ಳುವುದು ಒಳಿತು’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಕ್ತ ಸುಟ್ಟು ಬಸವಧರ್ಮ ಪೀಠ ಕಟ್ಟಿದ್ದೇವೆ: ಮಾತೆ ಗಂಗಾದೇವಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು