ಪ್ರಜಾವಾಣಿ ಸಂದರ್ಶನ | ಸತತ ಓದಿನಿಂದ ಯುಪಿಎಸ್ಸಿಯಲ್ಲಿ ಯಶಸ್ಸು: ಲಖನ್ ಸಿಂಗ್

ಲಖನ್ ಸಿಂಗ್ ರಾಠೋರ್ ಬಸವಕಲ್ಯಾಣ ನಗರಸಭೆಯಲ್ಲಿ ಕಂದಾಯ ನಿರೀಕ್ಷಕರ ಹುದ್ದೆಯಲ್ಲಿದ್ದು ನಿವೃತ್ತಿ ಹೊಂದಿದ ದಿಲದಾರಸಿಂಗ್ ರಾಠೋರ್ ಅವರ ಎರಡನೇ ಮಗ. ತಂದೆ ಎರಡು ವರ್ಷದ ಹಿಂದೆ ನಿಧನರಾದರು. ಇವರು ತಾಯಿ ಸೀಮಾ ಪತ್ನಿ ಮಾಧುರಿ ಸಹೋದರರಾದ ಡಾ.ಚೇತನ್ ಸಿಂಗ್ ಭೂಷಣಸಿಂಗ್ ಅವರೊಂದಿಗೆ ಬಸವಕಲ್ಯಾಣದ ಶಿವಾಜಿನಗರ ಓಣಿಯಲ್ಲಿ ಸ್ವಂತ ಮನೆಯಲ್ಲಿ ವಾಸಿಸುತ್ತಾರೆ. ಪ್ರಾಥಮಿಕ ಪ್ರೌಢ ಮತ್ತು ಪಿಯುಸಿವರೆಗಿನ ಶಿಕ್ಷಣ ಲಾತೂರ್‌ನಲ್ಲಿ ಪೊರೈಸಿದ್ದು ಬೀದರ್‌ನ ಲಿಂಗರಾಜಪ್ಪ ಅಪ್ಪ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಸಿವಿಲ್ ಎಂಜಿನಿಯರಿಂಗ್ ಪದವಿ ಪಡೆದರು. ಯುಪಿಎಸ್ಸಿ ಪರೀಕ್ಷೆಗಾಗಿ ದೆಹಲಿಯ ವಾಜೀರಾಮ್ ಅ್ಯಂಡ್ ರವಿ ಸೆಂಟರ್‌ನಲ್ಲಿ ಒಂದು ವರ್ಷ ಕೋಚಿಂಗ್ ಪಡೆದರು. ಐದು ವರ್ಷ ಮನೆಯಲ್ಲಿಯೇ ಓದಿದರು.