<p><strong>ಚಾಮರಾಜನಗರ:</strong> ಫೆಬ್ರುವರಿ 15ರಂದು ಆರಂಭಗೊಂಡ ಜಿಲ್ಲೆಯ ಮೊಟ್ಟ ಮೊದಲ ಪಾಸ್ಪಾರ್ಟ್ ಸೇವಾ ಕೇಂದ್ರಕ್ಕೆ ಜನರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ.</p>.<p>ಎರಡೂವರೆ ತಿಂಗಳ ಅವಧಿಯಲ್ಲಿ (ಏಪ್ರಿಲ್ 26ರ ವರೆಗೆ) 1,641 ಮಂದಿಯ ಪಾಸ್ಪೋರ್ಟ್ ಅರ್ಜಿಗಳನ್ನು ಸೇವಾ ಕೇಂದ್ರ ವಿಲೇವಾರಿ ಮಾಡಿದೆ.</p>.<p>ಜಿಲ್ಲೆಯಲ್ಲಿ ಪಾಸ್ಪೋರ್ಟ್ ಕೇಂದ್ರ ಆಗಬೇಕು ಎಂಬುದು ಜಿಲ್ಲೆಯ ಜನರ ಬಹುದಿನಗಳ ಬೇಡಿಕೆಯಾಗಿತ್ತು. ಸಂಸದ ಆರ್.ಧ್ರುವನಾರಾಯಣ ಅವರ ಪ್ರಯತ್ನದ ಫಲವಾಗಿ ಕೊನೆಗೂ ಸೇವಾಕೇಂದ್ರ ಮಂಜೂರು ಆಗಿತ್ತು. ಅಂಚೆ ಇಲಾಖೆಯ ಮೇಲುಸ್ತುವಾರಿಯಲ್ಲಿ ಕಾರ್ಯನಿರ್ವಹಿಸಲಿರುವ ಕೇಂದ್ರವನ್ನು ಜಿಲ್ಲಾ ಕೇಂದ್ರದಲ್ಲಿ ಸ್ಥಾಪಿಸಲು ವಿದೇಶಾಂಗ ಇಲಾಖೆ ಒಪ್ಪಿತ್ತು.</p>.<p>ಚಾಮರಾಜನಗರದಲ್ಲಿರುವ ಮುಖ್ಯ ಅಂಚೆ ಕಚೇರಿಯ ಆವರಣದಲ್ಲಿ ಪಾಸ್ಪೋರ್ಟ್ ಸೇವಾ ಕೇಂದ್ರವನ್ನು ಸ್ಥಾಪಿಸಲು ನಿರ್ಧರಿಸಿ, ಫೆಬ್ರುವರಿ 15ರಂದು ಅಧಿಕೃತವಾಗಿಕೇಂದ್ರಕ್ಕೆ ಚಾಲನೆ ನೀಡಲಾಗಿತ್ತು.</p>.<p class="Subhead">ಉತ್ತಮ ಸ್ಪಂದನೆ: ಇದುವರೆಗೂ ಜಿಲ್ಲೆಯ ಜನ ಪಾಸ್ಪೋರ್ಟ್ ಮಾಡಿಸಿಕೊಳ್ಳಲು ಮೈಸೂರು ಇಲ್ಲವೇ ಬೆಂಗಳೂರಿಗೆ ಹೋಗಬೇಕಿತ್ತು. ಅದಕ್ಕಾಗಿ ಸಾಕಷ್ಟು ದಿನಗಳು ಕಾಯಬೇಕಿತ್ತು. ಜಿಲ್ಲೆಯಲ್ಲೇ ಕೇಂದ್ರ ಆರಂಭವಾಗಿರುವುದರಿಂದ ಜನರಿಗೆ ಸಾಕಷ್ಟು ಅನುಕೂಲವಾಗಿದೆ.ಆರಂಭವಾದಾಗಿನಿಂದ ಇಲ್ಲಿವರೆಗಿನ ಅಂಕಿ ಅಂಶಗಳೇ ಅದನ್ನು ಹೇಳುತ್ತವೆ.</p>.<p>ಪೆಬ್ರುವರಿ 15ರಿಂದ 28ರ ವರೆಗಿನ 14 ದಿನಗಳ ಅವಧಿಯಲ್ಲಿ 358 ಜನರು ಸಲ್ಲಿಸಿರುವ ಅರ್ಜಿಗಳನ್ನು ಕೇಂದ್ರ ವಿಲೇವಾರಿ ಮಾಡಿದೆ. ಮಾರ್ಚ್ ತಿಂಗಳಲ್ಲಿ 716 ಅರ್ಜಿಗಳು ಮತ್ತು ಏಪ್ರಿಲ್ನಲ್ಲಿ 26ರ ವರೆಗೆ 567 ಅರ್ಜಿಗಳನ್ನು ಸೇವಾಕೇಂದ್ರವು ಇತ್ಯರ್ಥಪಡಿಸಿ ಬೆಂಗಳೂರಿಗೆ ರವಾನಿಸಿದೆ.</p>.<p>ಅಂಚೆ ಇಲಾಖೆಯ ಇಬ್ಬರು ಸಿಬ್ಬಂದಿ ಈ ಕೇಂದ್ರದಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.</p>.<p>‘ಪ್ರತಿ ದಿನ 40 ಟೋಕನ್ಗಳನ್ನು ಕೊಡುತ್ತೇವೆ. ಬಹುತೇಕ ಎಲ್ಲರ ಅರ್ಜಿಗಳು ಸ್ವೀಕಾರ ಆಗುತ್ತವೆ. ದಾಖಲೆಗಳು ಸರಿ ಇಲ್ಲದ ಸಂದರ್ಭದಲ್ಲಿ ಎರಡು– ಮೂರು ಅರ್ಜಿಗಳು ತಿರಸ್ಕೃತ ಆಗಬಹುದು’ ಎಂದು ಪೋಸ್ಟ್ ಮಾಸ್ಟರ್ ಟಿ.ವೆಂಕಟೇಶ್ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಪಾಸ್ಪೋರ್ಟ್ಗೆ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವ ಸಂದರ್ಭದಲ್ಲಿ ಸೇವಾಕೇಂದ್ರಕ್ಕೆ ಭೇಟಿ ನೀಡಬೇಕಾದ ಸಮಯವನ್ನು ಮೊದಲೇ ಸೂಚಿಸಲಾಗುತ್ತದೆ. ಅದೇ ಸಮಯಕ್ಕೆ ಅರ್ಜಿದಾರರು ಸೇವಾ ಕೇಂದ್ರಕ್ಕೆ ಬಂದರೆ ಸಾಕು. ಪ್ರತಿ ದಿನ 35ರಿಂದ 40 ಜನರಿಗೆ ಅವಕಾಶ ನೀಡಲಾಗುತ್ತಿದೆ’ ಎಂದು ಅವರು ಹೇಳಿದರು.</p>.<p>‘ಜನರು ನೀಡಿರುವ ಅರ್ಜಿಗಳನ್ನು, ದಾಖಲೆಗಳನ್ನು ಪರಿಶೀಲಿಸಿ ಅವರ ಫೋಟೊ, ಬೆರಳಚ್ಚು ಎಲ್ಲ ತೆಗೆದು ಬೆಂಗಳೂರಿನ ಪಾಸ್ಪೋರ್ಟ್ ಕಚೇರಿಗೆ ರವಾನಿಸುತ್ತೇವೆ. ನಂತರದ ಪ್ರಕ್ರಿಯೆಯನ್ನು ಅವರು ನೋಡಿಕೊಳ್ಳುತ್ತಾರೆ’ ಎಂದು ಕೇಂದ್ರದ ಸಿಬ್ಬಂದಿಯೊಬ್ಬರು ಮಾಹಿತಿ ನೀಡಿದರು.</p>.<p>ಎಲ್ಲ ದಾಖಲೆಗಳನ್ನು ಪರಿಶೀಲಿಸಿದ ನಂತರವೇ ಅರ್ಜಿಯನ್ನು ಸ್ವೀಕರಿಸಿ ಬೆಂಗಳೂರಿಗೆ ರವಾನಿಸುವುದರಿಂದ ಎಲ್ಲರಿಗೂ ಪಾಸ್ಪೋರ್ಟ್ ಬರಬಹುದು ಎಂದು ಅವರು ಹೇಳಿದರು.</p>.<p class="Briefhead"><strong>ಅರ್ಜಿ ಸಲ್ಲಿಕೆ ಹೇಗೆ?</strong></p>.<p>ಪಾಸ್ಪೋರ್ಟ್ ಸೇವಾ ವೆಬ್ಸೈಟ್ನಲ್ಲಿ (portal2.passportindia.gov.in) ನೋಂದಣಿ ಮಾಡಿಕೊಂಡು, ಆನ್ಲೈನ್ ಅರ್ಜಿಯನ್ನು ತುಂಬಿ ಶುಲ್ಕ ಸಮೇತ ಸಲ್ಲಿಸಬೇಕು.ಆ ಬಳಿಕ ಆ ವೆಬ್ಸೈಟ್ ಸೇವಾ ಕೇಂದ್ರಕ್ಕೆ ದಾಖಲೆಗಳೊಂದಿಗೆ ಭೇಟಿ ನೀಡಬೇಕಾದ ದಿನ ಹಾಗೂ ಸಮಯವನ್ನು ಸೂಚಿಸುತ್ತದೆ (ಅಪಾಂಯಿಟ್ಮೆಂಟ್). ನಿಗದಿತ ದಿನದ ನೀಡಲಾದ ಸಮಯಕ್ಕೆ ಅರ್ಜಿದಾರರು ಸೂಚಿಸಲಾದ ಅಗತ್ಯ ದಾಖಲೆಗಳೊಂದಿಗೆ ಸೇವಾಕೇಂದ್ರಕ್ಕೆ ಭೇಟಿ ನೀಡಬೇಕು.</p>.<p>ಈಗ ಪಾಸ್ಪೋರ್ಟ್ ನೀಡುವ ಪ್ರಕ್ರಿಯೆ ತುಂಬಾ ಸರಳವಾಗಿದ್ದು,10 ದಿನಗಳ ಒಳಗಾಗಿ ಸಿಗುತ್ತದೆ ಎಂದು ಹೇಳುತ್ತಾರೆ ಅಧಿಕಾರಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಮರಾಜನಗರ:</strong> ಫೆಬ್ರುವರಿ 15ರಂದು ಆರಂಭಗೊಂಡ ಜಿಲ್ಲೆಯ ಮೊಟ್ಟ ಮೊದಲ ಪಾಸ್ಪಾರ್ಟ್ ಸೇವಾ ಕೇಂದ್ರಕ್ಕೆ ಜನರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ.</p>.<p>ಎರಡೂವರೆ ತಿಂಗಳ ಅವಧಿಯಲ್ಲಿ (ಏಪ್ರಿಲ್ 26ರ ವರೆಗೆ) 1,641 ಮಂದಿಯ ಪಾಸ್ಪೋರ್ಟ್ ಅರ್ಜಿಗಳನ್ನು ಸೇವಾ ಕೇಂದ್ರ ವಿಲೇವಾರಿ ಮಾಡಿದೆ.</p>.<p>ಜಿಲ್ಲೆಯಲ್ಲಿ ಪಾಸ್ಪೋರ್ಟ್ ಕೇಂದ್ರ ಆಗಬೇಕು ಎಂಬುದು ಜಿಲ್ಲೆಯ ಜನರ ಬಹುದಿನಗಳ ಬೇಡಿಕೆಯಾಗಿತ್ತು. ಸಂಸದ ಆರ್.ಧ್ರುವನಾರಾಯಣ ಅವರ ಪ್ರಯತ್ನದ ಫಲವಾಗಿ ಕೊನೆಗೂ ಸೇವಾಕೇಂದ್ರ ಮಂಜೂರು ಆಗಿತ್ತು. ಅಂಚೆ ಇಲಾಖೆಯ ಮೇಲುಸ್ತುವಾರಿಯಲ್ಲಿ ಕಾರ್ಯನಿರ್ವಹಿಸಲಿರುವ ಕೇಂದ್ರವನ್ನು ಜಿಲ್ಲಾ ಕೇಂದ್ರದಲ್ಲಿ ಸ್ಥಾಪಿಸಲು ವಿದೇಶಾಂಗ ಇಲಾಖೆ ಒಪ್ಪಿತ್ತು.</p>.<p>ಚಾಮರಾಜನಗರದಲ್ಲಿರುವ ಮುಖ್ಯ ಅಂಚೆ ಕಚೇರಿಯ ಆವರಣದಲ್ಲಿ ಪಾಸ್ಪೋರ್ಟ್ ಸೇವಾ ಕೇಂದ್ರವನ್ನು ಸ್ಥಾಪಿಸಲು ನಿರ್ಧರಿಸಿ, ಫೆಬ್ರುವರಿ 15ರಂದು ಅಧಿಕೃತವಾಗಿಕೇಂದ್ರಕ್ಕೆ ಚಾಲನೆ ನೀಡಲಾಗಿತ್ತು.</p>.<p class="Subhead">ಉತ್ತಮ ಸ್ಪಂದನೆ: ಇದುವರೆಗೂ ಜಿಲ್ಲೆಯ ಜನ ಪಾಸ್ಪೋರ್ಟ್ ಮಾಡಿಸಿಕೊಳ್ಳಲು ಮೈಸೂರು ಇಲ್ಲವೇ ಬೆಂಗಳೂರಿಗೆ ಹೋಗಬೇಕಿತ್ತು. ಅದಕ್ಕಾಗಿ ಸಾಕಷ್ಟು ದಿನಗಳು ಕಾಯಬೇಕಿತ್ತು. ಜಿಲ್ಲೆಯಲ್ಲೇ ಕೇಂದ್ರ ಆರಂಭವಾಗಿರುವುದರಿಂದ ಜನರಿಗೆ ಸಾಕಷ್ಟು ಅನುಕೂಲವಾಗಿದೆ.ಆರಂಭವಾದಾಗಿನಿಂದ ಇಲ್ಲಿವರೆಗಿನ ಅಂಕಿ ಅಂಶಗಳೇ ಅದನ್ನು ಹೇಳುತ್ತವೆ.</p>.<p>ಪೆಬ್ರುವರಿ 15ರಿಂದ 28ರ ವರೆಗಿನ 14 ದಿನಗಳ ಅವಧಿಯಲ್ಲಿ 358 ಜನರು ಸಲ್ಲಿಸಿರುವ ಅರ್ಜಿಗಳನ್ನು ಕೇಂದ್ರ ವಿಲೇವಾರಿ ಮಾಡಿದೆ. ಮಾರ್ಚ್ ತಿಂಗಳಲ್ಲಿ 716 ಅರ್ಜಿಗಳು ಮತ್ತು ಏಪ್ರಿಲ್ನಲ್ಲಿ 26ರ ವರೆಗೆ 567 ಅರ್ಜಿಗಳನ್ನು ಸೇವಾಕೇಂದ್ರವು ಇತ್ಯರ್ಥಪಡಿಸಿ ಬೆಂಗಳೂರಿಗೆ ರವಾನಿಸಿದೆ.</p>.<p>ಅಂಚೆ ಇಲಾಖೆಯ ಇಬ್ಬರು ಸಿಬ್ಬಂದಿ ಈ ಕೇಂದ್ರದಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.</p>.<p>‘ಪ್ರತಿ ದಿನ 40 ಟೋಕನ್ಗಳನ್ನು ಕೊಡುತ್ತೇವೆ. ಬಹುತೇಕ ಎಲ್ಲರ ಅರ್ಜಿಗಳು ಸ್ವೀಕಾರ ಆಗುತ್ತವೆ. ದಾಖಲೆಗಳು ಸರಿ ಇಲ್ಲದ ಸಂದರ್ಭದಲ್ಲಿ ಎರಡು– ಮೂರು ಅರ್ಜಿಗಳು ತಿರಸ್ಕೃತ ಆಗಬಹುದು’ ಎಂದು ಪೋಸ್ಟ್ ಮಾಸ್ಟರ್ ಟಿ.ವೆಂಕಟೇಶ್ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಪಾಸ್ಪೋರ್ಟ್ಗೆ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವ ಸಂದರ್ಭದಲ್ಲಿ ಸೇವಾಕೇಂದ್ರಕ್ಕೆ ಭೇಟಿ ನೀಡಬೇಕಾದ ಸಮಯವನ್ನು ಮೊದಲೇ ಸೂಚಿಸಲಾಗುತ್ತದೆ. ಅದೇ ಸಮಯಕ್ಕೆ ಅರ್ಜಿದಾರರು ಸೇವಾ ಕೇಂದ್ರಕ್ಕೆ ಬಂದರೆ ಸಾಕು. ಪ್ರತಿ ದಿನ 35ರಿಂದ 40 ಜನರಿಗೆ ಅವಕಾಶ ನೀಡಲಾಗುತ್ತಿದೆ’ ಎಂದು ಅವರು ಹೇಳಿದರು.</p>.<p>‘ಜನರು ನೀಡಿರುವ ಅರ್ಜಿಗಳನ್ನು, ದಾಖಲೆಗಳನ್ನು ಪರಿಶೀಲಿಸಿ ಅವರ ಫೋಟೊ, ಬೆರಳಚ್ಚು ಎಲ್ಲ ತೆಗೆದು ಬೆಂಗಳೂರಿನ ಪಾಸ್ಪೋರ್ಟ್ ಕಚೇರಿಗೆ ರವಾನಿಸುತ್ತೇವೆ. ನಂತರದ ಪ್ರಕ್ರಿಯೆಯನ್ನು ಅವರು ನೋಡಿಕೊಳ್ಳುತ್ತಾರೆ’ ಎಂದು ಕೇಂದ್ರದ ಸಿಬ್ಬಂದಿಯೊಬ್ಬರು ಮಾಹಿತಿ ನೀಡಿದರು.</p>.<p>ಎಲ್ಲ ದಾಖಲೆಗಳನ್ನು ಪರಿಶೀಲಿಸಿದ ನಂತರವೇ ಅರ್ಜಿಯನ್ನು ಸ್ವೀಕರಿಸಿ ಬೆಂಗಳೂರಿಗೆ ರವಾನಿಸುವುದರಿಂದ ಎಲ್ಲರಿಗೂ ಪಾಸ್ಪೋರ್ಟ್ ಬರಬಹುದು ಎಂದು ಅವರು ಹೇಳಿದರು.</p>.<p class="Briefhead"><strong>ಅರ್ಜಿ ಸಲ್ಲಿಕೆ ಹೇಗೆ?</strong></p>.<p>ಪಾಸ್ಪೋರ್ಟ್ ಸೇವಾ ವೆಬ್ಸೈಟ್ನಲ್ಲಿ (portal2.passportindia.gov.in) ನೋಂದಣಿ ಮಾಡಿಕೊಂಡು, ಆನ್ಲೈನ್ ಅರ್ಜಿಯನ್ನು ತುಂಬಿ ಶುಲ್ಕ ಸಮೇತ ಸಲ್ಲಿಸಬೇಕು.ಆ ಬಳಿಕ ಆ ವೆಬ್ಸೈಟ್ ಸೇವಾ ಕೇಂದ್ರಕ್ಕೆ ದಾಖಲೆಗಳೊಂದಿಗೆ ಭೇಟಿ ನೀಡಬೇಕಾದ ದಿನ ಹಾಗೂ ಸಮಯವನ್ನು ಸೂಚಿಸುತ್ತದೆ (ಅಪಾಂಯಿಟ್ಮೆಂಟ್). ನಿಗದಿತ ದಿನದ ನೀಡಲಾದ ಸಮಯಕ್ಕೆ ಅರ್ಜಿದಾರರು ಸೂಚಿಸಲಾದ ಅಗತ್ಯ ದಾಖಲೆಗಳೊಂದಿಗೆ ಸೇವಾಕೇಂದ್ರಕ್ಕೆ ಭೇಟಿ ನೀಡಬೇಕು.</p>.<p>ಈಗ ಪಾಸ್ಪೋರ್ಟ್ ನೀಡುವ ಪ್ರಕ್ರಿಯೆ ತುಂಬಾ ಸರಳವಾಗಿದ್ದು,10 ದಿನಗಳ ಒಳಗಾಗಿ ಸಿಗುತ್ತದೆ ಎಂದು ಹೇಳುತ್ತಾರೆ ಅಧಿಕಾರಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>