<p><strong>ಚಾಮರಾಜನಗರ/ಮೈಸೂರು/ಮಂಡ್ಯ: </strong>ಮೈಸೂರು, ಮಂಡ್ಯ, ಚಾಮರಾಜನಗರ ಜಿಲ್ಲೆಗಳ ವ್ಯಾಪ್ತಿಗಳಲ್ಲಿ ತಿಂಗಳಿನಿಂದೀಚೆಗೆ ಮಣ್ಣಿನ ಇಟ್ಟಿಗೆಗಳ ದರ ಗಗನಮುಖಿಯಾಗಿದ್ದು, ಮನೆಗಳ ನಿರ್ಮಾಣದ ಮೇಲೆ ಪ್ರಭಾವ ಬೀರಿದೆ.</p>.<p>ಇಟ್ಟಿಗೆ ಸುಡಲು ಬಳಸುವ ಭತ್ತದ ಹೊಟ್ಟು, ಕಲ್ಲಿದ್ದಲು ಬೆಲೆ ಏರಿಕೆಯಾಗಿರುವುದರಿಂದ ಉತ್ಪಾದನಾ ವೆಚ್ಚ ಹೆಚ್ಚಿದ್ದು, ಕೆಲವೇ ವಾರದ ಅವಧಿಯಲ್ಲಿ ಇಟ್ಟಿಗೆಯೊಂದರ ಬೆಲೆ ₹ 4ರಿಂದ ₹ 5 ಜಾಸ್ತಿಯಾಗಿದ್ದು, ಉತ್ಪಾದನೆ ವೆಚ್ಚ ಜಾಸ್ತಿಯಾಗಿರುವುದರಿಂದ ಜಿಲ್ಲೆಯಲ್ಲಿ ಹಲವು ಇಟ್ಟಿಗೆ ಕಾರ್ಖಾನೆಗಳು ಉತ್ಪಾದನೆ ಸ್ಥಗಿತಗೊಳಿಸಿವೆ. ಇನ್ನೂ ಹಲವು ಕಾರ್ಖಾನೆಗಳು ಉತ್ಪಾದನೆ ಪ್ರಮಾಣ ಕಡಿಮೆ ಮಾಡಿವೆ.</p>.<p>ಇಟ್ಟಿಗೆ ಬೆಲೆ ಹೆಚ್ಚಳದಿಂದ ಕಂಗೆಟ್ಟಿರುವ ಗ್ರಾಹಕರು ಮನೆ ಹಾಗೂ ಇತರ ಕಟ್ಟಡ ನಿರ್ಮಾಣ ಯೋಜನೆಯನ್ನು ಮುಂದೂಡಿದ್ದಾರೆ. ಕೆಲವರು ಕೆಲಸವನ್ನು ಸ್ಥಗಿತಗೊಳಿಸಿದ್ದಾರೆ.</p>.<p>ಚಾಮರಾಜನಗರ, ಮಂಡ್ಯ ಜಿಲ್ಲೆಗಳ ಇಟ್ಟಿಗೆಗಳಿಗೆ ಜಿಲ್ಲಾ ವ್ಯಾಪ್ತಿಯಲ್ಲಿ ಮಾತ್ರವಲ್ಲದೆ ಸುತ್ತಮುತ್ತಲಿನ ಜಿಲ್ಲೆಗಳಲ್ಲೂ ಬೇಡಿಕೆ ಇದೆ. ಚಾಮರಾಜನಗರ ಜಿಲ್ಲೆಯಿಂದ ತಮಿಳುನಾಡಿಗೂ ಇಟ್ಟಿಗೆ ರವಾನೆಯಾಗುತ್ತದೆ. ಚಾಮರಾಜನಗರ ಜಿಲ್ಲೆಯಲ್ಲೇ 100ಕ್ಕೂ ಹೆಚ್ಚು ಇಟ್ಟಿಗೆ ಕಾರ್ಖಾನೆಗಳಿವೆ. ತಿಂಗಳ ಹಿಂದೆ ಒಂದು ಇಟ್ಟಿಗೆ ದರ ₹ 6.50ರಿಂದ ₹ 7ರವರೆಗೆ ಇತ್ತು. ಈಗ ₹ 10.50ರಿಂದ ₹11ರವರೆಗೆ ಆಗಿದೆ.</p>.<p>ಹಾಸನ ಜಿಲ್ಲೆಯಲ್ಲಿ ಇಟ್ಟಿಗೆ ಅಭಾವ ಉಂಟಾಗಿಲ್ಲ. ಆದರೆ, ದರದಲ್ಲಿ ಏರಿಕೆಯಾಗಿದೆ. ಕೆಲ ದಿನದ ಹಿಂದೆ ₹ 7.50ರಿಂದ ₹ 8ಕ್ಕೆ ಇಟ್ಟಿಗೆ ದೊರೆಯುತ್ತಿತ್ತು. ಈಗ ₹ 9 ಆಗಿದೆ.</p>.<p>‘ಎರಡು ಕೊಠಡಿ ನಿರ್ಮಿಸುವುದಕ್ಕಾಗಿ ಮೂರು ವಾರದ ಹಿಂದೆ ಇಟ್ಟಿಗೆ ಖರೀದಿಸಿದೆ. ಒಂದು ಇಟ್ಟಿಗೆಗೆ ₹ 10 ಅಸಲು ಬಿತ್ತು. ಈಗ ₹ 10.75 ಆಗಿದೆ. ಬೆಲೆ ಹೆಚ್ಚಳವಾಗಿದ್ದರಿಂದ ಕೊಠಡಿಗಳ ನಿರ್ಮಾಣ ವೆಚ್ಚ ನಿರೀಕ್ಷೆ ಮೀರಿದೆ’ ಎಂದು ಚಾಮರಾಜನಗರದ ಪುರುಷೋತ್ತಮ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p class="Subhead"><strong>ಬೇಡಿಕೆ ಹೆಚ್ಚಳ:</strong>ಮೈಸೂರು, ಚಾಮರಾಜನಗರ ಭಾಗದಲ್ಲಿ ಮಣ್ಣಿನ ಇಟ್ಟಿಗೆಗೆ ಕೊರತೆಯಾಗಿರುವ ಕಾರಣ ಮಂಡ್ಯದ ಗ್ರಾಮೀಣ ಪ್ರದೇಶದಲ್ಲಿರುವ ಇಟ್ಟಿಗೆ ಕಾರ್ಖಾನೆಗಳಿಗೆ ಬೇಡಿಕೆ ಹೆಚ್ಚಾಗಿದೆ.</p>.<p>ಗ್ರಾಮೀಣ ಭಾಗದಲ್ಲೇ ಹೆಚ್ಚು ಕಾರ್ಖಾನೆಗಳಿವೆ. ಶ್ರೀರಂಗಪಟ್ಟಣ ಭಾಗದಿಂದ ಮೈಸೂರಿಗೆ ಹೆಚ್ಚು ಇಟ್ಟಿಗೆ ರವಾನೆಯಾಗುತ್ತಿದೆ. ಪ್ರತಿ ಇಟ್ಟಿಗೆ ₹ 10.50ಕ್ಕೆ ಮಾರಾಟವಾಗುತ್ತಿದೆ. ಕಳೆದ ವರ್ಷ ₹ 6.50 ಇತ್ತು.</p>.<p class="Subhead"><strong>ಅಸಲು ಬರುವುದಿಲ್ಲ: </strong>‘ಈಗಾಗಲೇ ಕೆಂಪು ಮಣ್ಣಿನ ಕೊರತೆ ಎದುರಿಸುತ್ತಿದ್ದೇವೆ. ಅದರೊಂದಿಗೆ ಈಗ ಭತ್ತದ ಹೊಟ್ಟು ದುಬಾರಿಯಾಗಿದೆ. ₹6,000–₹7000ಕ್ಕೆ (ಪ್ರತಿ ಟನ್ಗೆ) ಸಿಗುತ್ತಿದ್ದ ಭತ್ತದ ಹೊಟ್ಟಿಗೆ ಈಗ ₹ 10,500–₹ 12 ಸಾವಿರ ಹೇಳುತ್ತಿದ್ದಾರೆ. ಈಗಿನ ತಯಾರಿಕಾ ವೆಚ್ಚದಲ್ಲಿ ಒಂದು ಇಟ್ಟಿಗೆಗೆ ₹ 12 ನಿಗದಿ ಮಾಡಿದರೂ ನಮಗೆ ಏನೂ ಲಾಭವಾಗುವುದಿಲ್ಲ’ ಎಂದು ಚಾಮರಾಜನಗರದ ಇಟ್ಟಿಗೆ ತಯಾರಕ ಚಂದ್ರಶೇಖರ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಪ್ರತಿ ದಿನ 4,000 ಇಟ್ಟಿಗೆ ಮಾಡುತ್ತಿದ್ದೆವು. ಈಗ 700ರಷ್ಟು ಮಾಡುತ್ತಿದ್ದೇವೆ. ತಿಂಗಳಿಂದ ಇಟ್ಟಿಗೆ ಗೂಡಿಗೆ ಬೆಂಕಿಯನ್ನೇ ಹಾಕಿಲ್ಲ. ಸೌದೆ ಉರಿಸಿ ಮಾಡಬಹುದು. ಆದರೆ ಅದು, ಭತ್ತದ ಹೊಟ್ಟಿನ ಉರಿಯಲ್ಲಿ ಸುಟ್ಟಟ್ಟು ಗುಣಮಟ್ಟ ಬರುವುದಿಲ್ಲ’ ಎಂದು ವಿವರಿಸಿದರು.</p>.<p>‘ಮೂರು ವರ್ಷಗಳಿಂದ ಸರ್ಕಾರದ ವಸತಿ ಯೋಜನೆಯಲ್ಲಿ ಫಲಾನುಭವಿಗಳಿಗೆ ಮನೆ ನೀಡಿರಲಿಲ್ಲ. ಈ ವರ್ಷ ಇಂದಿರಾ ಆವಾಸ್, ರಾಜೀವ್ ಆವಾಸ್ ಯೋಜನೆಯಡಿ ಮನೆಗಳು ಮಂಜೂರಾಗಿದ್ದು, ನಿರ್ಮಾಣ ನಡೆದಿದೆ. ಅಕಾಲಿಕ ಮಳೆಯಾಗುತ್ತಿದ್ದು, ಇಟ್ಟಿಗೆ ಒಣಗಿಸುವುದು ಕೂಡ ಸವಾಲಿನಿಂದ ಕೂಡಿದೆ. ಈ ಎಲ್ಲಾ ಕಾರಣದಿಂದ, ಬೇಡಿಕೆಗೆ ತಕ್ಕಂತೆ ಇಟ್ಟಿಗೆ ಪೂರೈಸುವುದು ಸವಾಲಿನ ವಿಚಾರ. ಹೀಗಾಗಿ ಬೆಲೆ ಏರಿಕೆಯಾಗುತ್ತಿದೆ’ ಎಂದು ಮೈಸೂರು ಜಿಲ್ಲೆಯಬಿಳಿಕೆರೆ ಹೋಬಳಿಯಲ್ಲಿ ಇಟ್ಟಿಗೆ ಫ್ಯಾಕ್ಟರಿ ನಡೆಸುತ್ತಿರುವ ಕುಮಾರ್ ತಿಳಿಸಿದರು.</p>.<p><strong>ಕ್ರಷರ್ ಬಂದ್: ಎಂ.ಸ್ಯಾಂಡ್, ಜಲ್ಲಿ ಕೊರತೆ ಆತಂಕ</strong><br />ಎರಡು ಬಾರಿ ರಾಜಧನ ಪಡೆಯುವುದನ್ನು ಬಿಡಬೇಕು ಎಂಬುದು ಸೇರಿದಂತೆ ವಿವಿಧ ಬೇಡಿಕೆ ಈಡೇರಿಸುವಂತೆ ಆಗ್ರಹಿಸಿ ರಾಜ್ಯದಾದ್ಯಂತ ಕ್ರಷರ್ ಮಾಲೀಕರು ಡಿ.22ರಿಂದ ಕ್ರಷರ್ ಸ್ಥಗಿತಗೊಳಿಸಿ ಅನಿರ್ದಿಷ್ಟಾವಧಿ ಮುಷ್ಕರ ಮಾಡುತ್ತಿರುವುದರಿಂದ ಹಲವು ಜಿಲ್ಲೆಗಳಲ್ಲಿ ಎಂ.ಸ್ಯಾಂಡ್, ಜಲ್ಲಿ, ಸೈಜು ಕಲ್ಲುಗಳ ಕೊರತೆ ಉಂಟಾಗುವ ಆತಂಕ ಎದುರಾಗಿದೆ.</p>.<p>ಚಾಮರಾಜನಗರ ಜಿಲ್ಲೆಯ ಗುಂಡ್ಲುಪೇಟೆ, ಕೊಡಗು, ಹಾಸನ, ಮೈಸೂರು ಜಿಲ್ಲೆಗಳಲ್ಲಿ ಕಟ್ಟಡ ಸಾಮಗ್ರಿಗಳ ಅಭಾವ ತಲೆದೋರಲು ಆರಂಭಿಸಿದೆ. ‘ಕ್ರಷರ್ಗಳು ಬಂದ್ ಆಗಿರುವುದರಿಂದ ನಷ್ಟವಾಗಿದೆ’ ಎಂದು ಲಾರಿ ಚಾಲಕರು, ಮಾಲೀಕರ ಸಂಘಗಳು ಹೇಳಿವೆ.</p>.<p>*<br />ಇಟ್ಟಿಗೆ ಧಾರಣೆ ₹6ರಿಂದ ₹8.50ಕ್ಕೆ ಏರಿಕೆಯಾಗಿರುವ ಕಾರಣ, ನಮ್ಮ ಮನೆ ನಿರ್ಮಾಣ ವೆಚ್ಚದಲ್ಲಿ ಶೇ 20ರಷ್ಟು ಹೆಚ್ಚು ಖರ್ಚಾಗಲಿದೆ<br /><em><strong>-ಬಸವ ಹಿರೇಮಠ, ಕುವೆಂಪು ನಗರ, ಮೈಸೂರು</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಮರಾಜನಗರ/ಮೈಸೂರು/ಮಂಡ್ಯ: </strong>ಮೈಸೂರು, ಮಂಡ್ಯ, ಚಾಮರಾಜನಗರ ಜಿಲ್ಲೆಗಳ ವ್ಯಾಪ್ತಿಗಳಲ್ಲಿ ತಿಂಗಳಿನಿಂದೀಚೆಗೆ ಮಣ್ಣಿನ ಇಟ್ಟಿಗೆಗಳ ದರ ಗಗನಮುಖಿಯಾಗಿದ್ದು, ಮನೆಗಳ ನಿರ್ಮಾಣದ ಮೇಲೆ ಪ್ರಭಾವ ಬೀರಿದೆ.</p>.<p>ಇಟ್ಟಿಗೆ ಸುಡಲು ಬಳಸುವ ಭತ್ತದ ಹೊಟ್ಟು, ಕಲ್ಲಿದ್ದಲು ಬೆಲೆ ಏರಿಕೆಯಾಗಿರುವುದರಿಂದ ಉತ್ಪಾದನಾ ವೆಚ್ಚ ಹೆಚ್ಚಿದ್ದು, ಕೆಲವೇ ವಾರದ ಅವಧಿಯಲ್ಲಿ ಇಟ್ಟಿಗೆಯೊಂದರ ಬೆಲೆ ₹ 4ರಿಂದ ₹ 5 ಜಾಸ್ತಿಯಾಗಿದ್ದು, ಉತ್ಪಾದನೆ ವೆಚ್ಚ ಜಾಸ್ತಿಯಾಗಿರುವುದರಿಂದ ಜಿಲ್ಲೆಯಲ್ಲಿ ಹಲವು ಇಟ್ಟಿಗೆ ಕಾರ್ಖಾನೆಗಳು ಉತ್ಪಾದನೆ ಸ್ಥಗಿತಗೊಳಿಸಿವೆ. ಇನ್ನೂ ಹಲವು ಕಾರ್ಖಾನೆಗಳು ಉತ್ಪಾದನೆ ಪ್ರಮಾಣ ಕಡಿಮೆ ಮಾಡಿವೆ.</p>.<p>ಇಟ್ಟಿಗೆ ಬೆಲೆ ಹೆಚ್ಚಳದಿಂದ ಕಂಗೆಟ್ಟಿರುವ ಗ್ರಾಹಕರು ಮನೆ ಹಾಗೂ ಇತರ ಕಟ್ಟಡ ನಿರ್ಮಾಣ ಯೋಜನೆಯನ್ನು ಮುಂದೂಡಿದ್ದಾರೆ. ಕೆಲವರು ಕೆಲಸವನ್ನು ಸ್ಥಗಿತಗೊಳಿಸಿದ್ದಾರೆ.</p>.<p>ಚಾಮರಾಜನಗರ, ಮಂಡ್ಯ ಜಿಲ್ಲೆಗಳ ಇಟ್ಟಿಗೆಗಳಿಗೆ ಜಿಲ್ಲಾ ವ್ಯಾಪ್ತಿಯಲ್ಲಿ ಮಾತ್ರವಲ್ಲದೆ ಸುತ್ತಮುತ್ತಲಿನ ಜಿಲ್ಲೆಗಳಲ್ಲೂ ಬೇಡಿಕೆ ಇದೆ. ಚಾಮರಾಜನಗರ ಜಿಲ್ಲೆಯಿಂದ ತಮಿಳುನಾಡಿಗೂ ಇಟ್ಟಿಗೆ ರವಾನೆಯಾಗುತ್ತದೆ. ಚಾಮರಾಜನಗರ ಜಿಲ್ಲೆಯಲ್ಲೇ 100ಕ್ಕೂ ಹೆಚ್ಚು ಇಟ್ಟಿಗೆ ಕಾರ್ಖಾನೆಗಳಿವೆ. ತಿಂಗಳ ಹಿಂದೆ ಒಂದು ಇಟ್ಟಿಗೆ ದರ ₹ 6.50ರಿಂದ ₹ 7ರವರೆಗೆ ಇತ್ತು. ಈಗ ₹ 10.50ರಿಂದ ₹11ರವರೆಗೆ ಆಗಿದೆ.</p>.<p>ಹಾಸನ ಜಿಲ್ಲೆಯಲ್ಲಿ ಇಟ್ಟಿಗೆ ಅಭಾವ ಉಂಟಾಗಿಲ್ಲ. ಆದರೆ, ದರದಲ್ಲಿ ಏರಿಕೆಯಾಗಿದೆ. ಕೆಲ ದಿನದ ಹಿಂದೆ ₹ 7.50ರಿಂದ ₹ 8ಕ್ಕೆ ಇಟ್ಟಿಗೆ ದೊರೆಯುತ್ತಿತ್ತು. ಈಗ ₹ 9 ಆಗಿದೆ.</p>.<p>‘ಎರಡು ಕೊಠಡಿ ನಿರ್ಮಿಸುವುದಕ್ಕಾಗಿ ಮೂರು ವಾರದ ಹಿಂದೆ ಇಟ್ಟಿಗೆ ಖರೀದಿಸಿದೆ. ಒಂದು ಇಟ್ಟಿಗೆಗೆ ₹ 10 ಅಸಲು ಬಿತ್ತು. ಈಗ ₹ 10.75 ಆಗಿದೆ. ಬೆಲೆ ಹೆಚ್ಚಳವಾಗಿದ್ದರಿಂದ ಕೊಠಡಿಗಳ ನಿರ್ಮಾಣ ವೆಚ್ಚ ನಿರೀಕ್ಷೆ ಮೀರಿದೆ’ ಎಂದು ಚಾಮರಾಜನಗರದ ಪುರುಷೋತ್ತಮ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p class="Subhead"><strong>ಬೇಡಿಕೆ ಹೆಚ್ಚಳ:</strong>ಮೈಸೂರು, ಚಾಮರಾಜನಗರ ಭಾಗದಲ್ಲಿ ಮಣ್ಣಿನ ಇಟ್ಟಿಗೆಗೆ ಕೊರತೆಯಾಗಿರುವ ಕಾರಣ ಮಂಡ್ಯದ ಗ್ರಾಮೀಣ ಪ್ರದೇಶದಲ್ಲಿರುವ ಇಟ್ಟಿಗೆ ಕಾರ್ಖಾನೆಗಳಿಗೆ ಬೇಡಿಕೆ ಹೆಚ್ಚಾಗಿದೆ.</p>.<p>ಗ್ರಾಮೀಣ ಭಾಗದಲ್ಲೇ ಹೆಚ್ಚು ಕಾರ್ಖಾನೆಗಳಿವೆ. ಶ್ರೀರಂಗಪಟ್ಟಣ ಭಾಗದಿಂದ ಮೈಸೂರಿಗೆ ಹೆಚ್ಚು ಇಟ್ಟಿಗೆ ರವಾನೆಯಾಗುತ್ತಿದೆ. ಪ್ರತಿ ಇಟ್ಟಿಗೆ ₹ 10.50ಕ್ಕೆ ಮಾರಾಟವಾಗುತ್ತಿದೆ. ಕಳೆದ ವರ್ಷ ₹ 6.50 ಇತ್ತು.</p>.<p class="Subhead"><strong>ಅಸಲು ಬರುವುದಿಲ್ಲ: </strong>‘ಈಗಾಗಲೇ ಕೆಂಪು ಮಣ್ಣಿನ ಕೊರತೆ ಎದುರಿಸುತ್ತಿದ್ದೇವೆ. ಅದರೊಂದಿಗೆ ಈಗ ಭತ್ತದ ಹೊಟ್ಟು ದುಬಾರಿಯಾಗಿದೆ. ₹6,000–₹7000ಕ್ಕೆ (ಪ್ರತಿ ಟನ್ಗೆ) ಸಿಗುತ್ತಿದ್ದ ಭತ್ತದ ಹೊಟ್ಟಿಗೆ ಈಗ ₹ 10,500–₹ 12 ಸಾವಿರ ಹೇಳುತ್ತಿದ್ದಾರೆ. ಈಗಿನ ತಯಾರಿಕಾ ವೆಚ್ಚದಲ್ಲಿ ಒಂದು ಇಟ್ಟಿಗೆಗೆ ₹ 12 ನಿಗದಿ ಮಾಡಿದರೂ ನಮಗೆ ಏನೂ ಲಾಭವಾಗುವುದಿಲ್ಲ’ ಎಂದು ಚಾಮರಾಜನಗರದ ಇಟ್ಟಿಗೆ ತಯಾರಕ ಚಂದ್ರಶೇಖರ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಪ್ರತಿ ದಿನ 4,000 ಇಟ್ಟಿಗೆ ಮಾಡುತ್ತಿದ್ದೆವು. ಈಗ 700ರಷ್ಟು ಮಾಡುತ್ತಿದ್ದೇವೆ. ತಿಂಗಳಿಂದ ಇಟ್ಟಿಗೆ ಗೂಡಿಗೆ ಬೆಂಕಿಯನ್ನೇ ಹಾಕಿಲ್ಲ. ಸೌದೆ ಉರಿಸಿ ಮಾಡಬಹುದು. ಆದರೆ ಅದು, ಭತ್ತದ ಹೊಟ್ಟಿನ ಉರಿಯಲ್ಲಿ ಸುಟ್ಟಟ್ಟು ಗುಣಮಟ್ಟ ಬರುವುದಿಲ್ಲ’ ಎಂದು ವಿವರಿಸಿದರು.</p>.<p>‘ಮೂರು ವರ್ಷಗಳಿಂದ ಸರ್ಕಾರದ ವಸತಿ ಯೋಜನೆಯಲ್ಲಿ ಫಲಾನುಭವಿಗಳಿಗೆ ಮನೆ ನೀಡಿರಲಿಲ್ಲ. ಈ ವರ್ಷ ಇಂದಿರಾ ಆವಾಸ್, ರಾಜೀವ್ ಆವಾಸ್ ಯೋಜನೆಯಡಿ ಮನೆಗಳು ಮಂಜೂರಾಗಿದ್ದು, ನಿರ್ಮಾಣ ನಡೆದಿದೆ. ಅಕಾಲಿಕ ಮಳೆಯಾಗುತ್ತಿದ್ದು, ಇಟ್ಟಿಗೆ ಒಣಗಿಸುವುದು ಕೂಡ ಸವಾಲಿನಿಂದ ಕೂಡಿದೆ. ಈ ಎಲ್ಲಾ ಕಾರಣದಿಂದ, ಬೇಡಿಕೆಗೆ ತಕ್ಕಂತೆ ಇಟ್ಟಿಗೆ ಪೂರೈಸುವುದು ಸವಾಲಿನ ವಿಚಾರ. ಹೀಗಾಗಿ ಬೆಲೆ ಏರಿಕೆಯಾಗುತ್ತಿದೆ’ ಎಂದು ಮೈಸೂರು ಜಿಲ್ಲೆಯಬಿಳಿಕೆರೆ ಹೋಬಳಿಯಲ್ಲಿ ಇಟ್ಟಿಗೆ ಫ್ಯಾಕ್ಟರಿ ನಡೆಸುತ್ತಿರುವ ಕುಮಾರ್ ತಿಳಿಸಿದರು.</p>.<p><strong>ಕ್ರಷರ್ ಬಂದ್: ಎಂ.ಸ್ಯಾಂಡ್, ಜಲ್ಲಿ ಕೊರತೆ ಆತಂಕ</strong><br />ಎರಡು ಬಾರಿ ರಾಜಧನ ಪಡೆಯುವುದನ್ನು ಬಿಡಬೇಕು ಎಂಬುದು ಸೇರಿದಂತೆ ವಿವಿಧ ಬೇಡಿಕೆ ಈಡೇರಿಸುವಂತೆ ಆಗ್ರಹಿಸಿ ರಾಜ್ಯದಾದ್ಯಂತ ಕ್ರಷರ್ ಮಾಲೀಕರು ಡಿ.22ರಿಂದ ಕ್ರಷರ್ ಸ್ಥಗಿತಗೊಳಿಸಿ ಅನಿರ್ದಿಷ್ಟಾವಧಿ ಮುಷ್ಕರ ಮಾಡುತ್ತಿರುವುದರಿಂದ ಹಲವು ಜಿಲ್ಲೆಗಳಲ್ಲಿ ಎಂ.ಸ್ಯಾಂಡ್, ಜಲ್ಲಿ, ಸೈಜು ಕಲ್ಲುಗಳ ಕೊರತೆ ಉಂಟಾಗುವ ಆತಂಕ ಎದುರಾಗಿದೆ.</p>.<p>ಚಾಮರಾಜನಗರ ಜಿಲ್ಲೆಯ ಗುಂಡ್ಲುಪೇಟೆ, ಕೊಡಗು, ಹಾಸನ, ಮೈಸೂರು ಜಿಲ್ಲೆಗಳಲ್ಲಿ ಕಟ್ಟಡ ಸಾಮಗ್ರಿಗಳ ಅಭಾವ ತಲೆದೋರಲು ಆರಂಭಿಸಿದೆ. ‘ಕ್ರಷರ್ಗಳು ಬಂದ್ ಆಗಿರುವುದರಿಂದ ನಷ್ಟವಾಗಿದೆ’ ಎಂದು ಲಾರಿ ಚಾಲಕರು, ಮಾಲೀಕರ ಸಂಘಗಳು ಹೇಳಿವೆ.</p>.<p>*<br />ಇಟ್ಟಿಗೆ ಧಾರಣೆ ₹6ರಿಂದ ₹8.50ಕ್ಕೆ ಏರಿಕೆಯಾಗಿರುವ ಕಾರಣ, ನಮ್ಮ ಮನೆ ನಿರ್ಮಾಣ ವೆಚ್ಚದಲ್ಲಿ ಶೇ 20ರಷ್ಟು ಹೆಚ್ಚು ಖರ್ಚಾಗಲಿದೆ<br /><em><strong>-ಬಸವ ಹಿರೇಮಠ, ಕುವೆಂಪು ನಗರ, ಮೈಸೂರು</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
