ಯಳಂದೂರು: ಪ್ರಕೃತಿಯಲ್ಲಿ ಪಲ್ಲವಿಸಿದ ‘ಕನ್ನಡ’ ಡಿಂಡಿಮ

ಯಳಂದೂರು : ಮತ್ತೆ ಕನ್ನಡದ ತೇರು ಬಣ್ಣಬಣ್ಣದ ಪತಾಕೆ ತೊಟ್ಟು ಹಾರಾಡುವ ಹೊತ್ತು ಬಂದಿದೆ. ಸೋದರ ಭಾಷೆಗಳ ಹಾದಿಯಲ್ಲಿ ನುಡಿ ಪಯಣದ ಚೆಲುವು ಹಿಮ್ಮಡಿಸಿದೆ. ಹಚ್ಚುವ ಕನ್ನಡ ದೀಪದಿಂದ, ಧರಿಸುವ ವಸ್ತ್ರಗಳಲ್ಲೂ ಹಳದಿ, ಕೆಂಬಣ್ಣ ನಾಡು-ನುಡಿ ರೂಪಕವಾಗಿ ರಾರಾಜಿಸುತ್ತದೆ. ಭೂ ಮಂಡಲದ ಸಕಲ ಜೀವರಾಶಿಗಳಲ್ಲೂ ಕರ್ನಾಟಕದ ಸಂಕೇತ ಸಾರುವ ಪುಷ್ಪ, ಹಕ್ಕಿ, ಸೂರ್ಯಾಸ್ತದ ಬಣ್ಣ ಕನ್ನಡ ಧ್ವಜಕ್ಕೆ ಸಂವಾದಿಯಾಗಿ ಇಲ್ಲಿನ ನಿಸರ್ಗದಲ್ಲಿ ಪಲ್ಲವಿಸಿದೆ.

. ಕನ್ನಡದ ಚೆಲುವು ಮತ್ತು ಸಮೃದ್ಧತೆಯು ಪಂಪನಿಂದ ಕುವೆಂಪುವರೆಗೂ ವರ್ಣಿಸಲ್ಪಟ್ಟಿದೆ. ಅಮೋಘ ವರ್ಷನಿಂದ ಷಡಕ್ಷರರವರೆಗೆ ವೈವಿಧ್ಯಮಯ ಕಾವ್ಯ ಕೈಂಕರ್ಯದ ಹಣತೆ ಹಚ್ಚುತ್ತಲೇ ಬಂದಿದ್ದಾರೆ. ಹಾಗೆಯೇ ಕನ್ನಡ ರಾಜ್ಯೋತ್ಸವದ ಸುಸಂದರ್ಭದಲ್ಲಿ ಪ್ರಕೃತಿಯೂ ನಾಡು-ನುಡಿಯ ಪ್ರೇಮ ಪ್ರಕಟಿಸುತ್ತಿವೆ.

. ಕನ್ನಡ ಧ್ವಜಕ್ಕೆ ಅಸ್ಮಿತೆಯ ಸಂತೇತವಾಗಿ ಹಳದಿ ಮತ್ತು ಕೆಂಪು ಬಣ್ಣವನ್ನು ನೀಡಲಾಗಿದೆ. ಕನ್ನಡ ಭಾಷೆಯ ಅಭಿಮಾನಿಗಳು, ಕನ್ನಡ ಪರ ಹೋರಾಟಗಾರರು, ಸಂಘ-ಸಂಸ್ಥೆಗಳು ಭಾಷೆಯ ಹೆಮ್ಮೆಯ ಸಂಕೇತವಾಗಿ ಹಳದಿ ಕೆಂಪನ್ನು ಆರಾಧಿಸುತ್ತಿವೆ. ಇದರ ಜೊತೆಗೆ ನಮ್ಮ ಸುತ್ತಲೂ ಆವರಿಸಿರುವ ಜೀವಾವರಗಳು ಕೂಡ ಕೆಂಪು ಹಳದಿ ಬಣ್ಣಗಳಿಂದ ಕಣ್ಮನ ಸೆಳೆಯುತ್ತಿವೆ.

. ಕನ್ನಡದ ಹಣತೆ ಎನ್ನುವುದು ಹಲವು ನುಡಿಗಳ ಬೆಳಕಿನ ಸಂಕಲನ. ನಾಡಿನ ಬಹು ಭಾಷೆಗಳ ಬಹುತ್ವವನ್ನು ಹಿಡಿದಿಟ್ಟಂತೆ ತಮ್ಮ ಸುತ್ತಮುತ್ತಲ ಪರಿಸರದಲ್ಲಿರುವ ತರು ಲತೆಗಳು ಬಣ್ಣಗಳೊಂದಿಗೆ ಕಂಗೊಳಿಸುತ್ತಿವೆ ಎನ್ನುತ್ತಾರೆ ಟಗರಪುರದ ಕನ್ನಡ ಪಂಡಿತರಾದ ಜಯಶೇಖರ್.

. ಬಣ್ಣ ಕನ್ನಡಿಗರ ಬಣ್ಣ! . ಇಳಿ ಸಂಜೆಯ ಸೂರ್ಯ ಸಂಜೆ ಸೊಗಸಿನಲ್ಲಿ ಕನ್ನಡ ಬಣ್ಣ ಚೆಲ್ಲುತ್ತಲೇ ಜಾರುತ್ತಾನೆ. ಹಕ್ಕಿಯ ಜೊಟ್ಟು, ಕೊರಳು, ಬೆನ್ನು, ರಕ್ಕೆಯಲ್ಲೂ ಕೆಂಪು ಮತ್ತು ಹಳದಿ ಮೂಡಿದೆ. ಅರಿಶಿನ ಕುಂಕುಮ ಬಣ್ಣದಲ್ಲಿ ಹೆಲಿಕೊನಿಯಾ ಪುಷ್ಪದ ಅಂದ ಕೈಬೀಸಿ ಕರೆಯುತ್ತದೆ. ಬೇಲಿ ಬದಿಯ ಹೂಗಳು ತನ್ನ ಸುತ್ತ ದ್ವಿವರ್ಣ ಬಳಿದುಕೊಂಡು ಕಾಣುವಾಗ ಕನ್ನಡತನ ಜಾಗೃತಗೊಳ್ಳದೆ ಇರಲಾರದು.

. ಇನ್ನೂ ಕಾಡಂಚಿನಲ್ಲಿ ಮೆಲ್ಲನೆ ಅರಳುವ ಗೌರಿ ಹೂವಿನ ಹಳದಿ, ಕೆಂಪು ಮನ ಸೆಳೆಯುತ್ತದೆ. ಕುಟುರ ಹಕ್ಕಿಯ ಕೊರಳು ಕೊಂಕುವಾಗ ಶಿರದ ಮೇಲೆ ನಾಡ ಬಣ್ಣ ಮಿಂಚುತ್ತದೆ. ಮೆಕ್ಸಿಕೊ ಪ್ರಭೇದದ ಹೂ ಕೆಂಪು ಟೊಪ್ಪಿಗೆ ತೊಟ್ಟು ಹಳದಿ ಬಟ್ಟಲು ಇಟ್ಟುಕೊಂಡು ‘ದೀಪ ಬೆಳಗೋಣ ಬಾ’ ಎಂದು ಕನ್ನಡಿಗರನ್ನು ಕರೆಯುವಂತೆ ಇದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯಳಂದೂರು: ಪ್ರಕೃತಿಯಲ್ಲಿ ಪಲ್ಲವಿಸಿದ ‘ಕನ್ನಡ’ ಡಿಂಡಿಮ

‘ಹನುಮಂತ’ನಾಗಿ ಕಾಂತಾರ ಖ್ಯಾತಿಯ ರಿಷಬ್‌ ಶೆಟ್ಟಿ: ಚಿತ್ರದ ಮೊದಲ ಪೋಸ್ಟರ್ ಬಿಡುಗಡೆ

ಏಳು ಪೊಲೀಸ್ ಅಧಿಕಾರಿಗಳಿಗೆ ಗೃಹಮಂತ್ರಿ ದಕ್ಷತಾ ಪದಕ

ನಾಲ್ವರು ಬಾಲಕಿಯರ ಮೇಲೆ ಒಂದು ವರ್ಷ ಅತ್ಯಾಚಾರ: ಮೊಬೈಲ್‌ನಲ್ಲಿ 30–40 ವಿಡಿಯೊಗಳು

IPL 2025 | ಕಪ್ ಗೆದ್ದುಕೊಟ್ಟ ನಾಯಕ ಅಯ್ಯರ್ ಕೈಬಿಟ್ಟ KKR; ಧೋನಿ ಉಳಿಸಿಕೊಂಡ CSK

IND vs NZ: ಭಾರತದ ವಿರುದ್ಧ ಟಾಸ್‌ ಗೆದ್ದ ನ್ಯೂಜಿಲೆಂಡ್ ಬ್ಯಾಟಿಂಗ್‌ ಆಯ್ಕೆ

ಮುಂಬೈ ಟೆಸ್ಟ್: ಆತಿಥೇಯರಿಗೆ ಕ್ಲಿನ್‌ಸ್ವೀಪ್ ತಪ್ಪಿಸಿಕೊಳ್ಳುವ ಸವಾಲು

ವಿಶ್ವ ಕುಸ್ತಿ: ಕಂಚಿನ ಪದಕ ಗೆದ್ದ ಮಾನಸಿ

ಪ್ರೊ ಕಬಡ್ಡಿ ಲೀಗ್‌: ಪೈರೇಟ್ಸ್‌ಗೆ ಮಣಿದ ದಬಾಂಗ್‌ ದಿಲ್ಲಿ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

‘ಹನುಮಂತ’ನಾಗಿ ಕಾಂತಾರ ಖ್ಯಾತಿಯ ರಿಷಬ್‌ ಶೆಟ್ಟಿ: ಚಿತ್ರದ ಮೊದಲ ಪೋಸ್ಟರ್ ಬಿಡುಗಡೆ

ಏಳು ಪೊಲೀಸ್ ಅಧಿಕಾರಿಗಳಿಗೆ ಗೃಹಮಂತ್ರಿ ದಕ್ಷತಾ ಪದಕ

ನಾಲ್ವರು ಬಾಲಕಿಯರ ಮೇಲೆ ಒಂದು ವರ್ಷ ಅತ್ಯಾಚಾರ: ಮೊಬೈಲ್‌ನಲ್ಲಿ 30–40 ವಿಡಿಯೊಗಳು

IPL 2025 | ಕಪ್ ಗೆದ್ದುಕೊಟ್ಟ ನಾಯಕ ಅಯ್ಯರ್ ಕೈಬಿಟ್ಟ KKR; ಧೋನಿ ಉಳಿಸಿಕೊಂಡ CSK