ಚಾಮರಾಜನಗರ: ಏಲಕ್ಕಿ, ಪಚ್ಚೆ ಬಾಳೆ ಬೆಲೆ ಕುಸಿತ; ರೈತ ಕಂಗಾಲು

ಚಾಮರಾಜನಗರ: ನವೆಂಬರ್ನಲ್ಲಿ ನಿರಂತರವಾಗಿ ಮಳೆ ಸುರಿದ ನಂತರ ಜಿಲ್ಲೆಯಲ್ಲಿ ಏಲಕ್ಕಿ, ಪಚ್ಚೆ ಬಾಳೆಯ ದರದಲ್ಲಿ ಗಣನೀಯ ಕುಸಿತ ಕಂಡು ಬಂದಿದ್ದು, ಬೆಳೆಗಾರರು ಕಂಗಾಲಾಗಿದ್ದಾರೆ.

. ಬಾಳೆಕಾಯಿ ಖರೀದಿ ಮಾಡಲು ವ್ಯಾಪಾರಿಗಳೇ ಮುಂದಾಗುತ್ತಿಲ್ಲ. ಕೊಳ್ಳುವವರೂ ಕಡಿಮೆ ಬೆಲೆಗೆ ಕೇಳುತ್ತಿದ್ದಾರೆ. ಇದರಿಂದಾಗಿ ರೈತರಿಗೆ ಹಾಕಿದ ಬಂಡವಾಳವೇ ಬರುತ್ತಿಲ್ಲ. ಹಲವು ರೈತರು ನಷ್ಟವಾಗುತ್ತಿದೆ ಎಂಬ ಕಾರಣಕ್ಕೆ ಬಾಳೆಗೊನೆಯನ್ನು ಕೊಯ್ಯಲೂ ಮುಂದಾಗುತ್ತಿಲ್ಲ.

. ಉತ್ತಮ ಗುಣಮಟ್ಟದ ಏಲಕ್ಕಿ ಬಾಳೆಕಾಯಿಯನ್ನು ವ್ಯಾಪಾರಿಗಳು ಕೆ.ಜಿ.ಗೆ ₹ 16ರಿಂದ ₹ 18ಕ್ಕೆ ಖರೀದಿಸುತ್ತಿದ್ದಾರೆ. ಗರಿಷ್ಠ ಎಂದರೆ ₹ 20 ಸಿಗುತ್ತಿದೆ.ಒಂದೂವರೆ ತಿಂಗಳ ಹಿಂದೆ ₹ 28ರಿಂದ ₹ 30ರವರೆಗೆ ಬೆಲೆ ಇತ್ತು.

. ಶೀತ ವಾತಾವರಣ ಮತ್ತು ಮಳೆಯಿಂದಾಗಿ ಈ ಬಾರಿ ಜಿಲ್ಲೆಯ ಬಹುತೇಕ ಕಡೆಗಳಲ್ಲಿ ಏಲಕ್ಕಿ ಬಾಳೆ ಫಸಲು ಚೆನ್ನಾಗಿ ಬಂದಿಲ್ಲ. ಸಾಧಾರಣ ಬಾಳೆಕಾಯಿಗೆ ಕೆ.ಜಿ.ಗೆ ₹ 14ರಿಂದ ₹ 16ಕ್ಕೆ ವ್ಯಾಪಾರಿಗಳು ಕೇಳುತ್ತಿದ್ದಾರೆ. ಮಂಡಿಗಳಲ್ಲಿ ಕೂಡ ಕೆ.ಜಿ.ಗೆ ₹ 5ರಿಂದ ₹ 6ಕ್ಕೆ ಹರಾಜು ಕೂಗುತ್ತಿದ್ದಾರೆ.

. ಹಾಪ್ಕಾಮ್ಸ್ನಲ್ಲಿ ಕೆ.ಜಿ.ಗೆ ₹ 20ರಿಂದ ₹ 24ರವರೆಗೆ ಬೆಲೆ ಹೇಳುತ್ತಿದ್ದಾರೆ. ಆದರೆ, ಅಲ್ಲಿ ಖರೀದಿಯಾಗುವ ಪ್ರಮಾಣ ತುಂಬಾ ಕಡಿಮೆ ಎಂದು ಹೇಳುತ್ತಾರೆ ರೈತರು.

. ‘ಕಳೆದ ವರ್ಷ ಇದೇ ಅವಧಿಯಲ್ಲಿ ಏಲಕ್ಕಿ ಬಾಳೆ ಕಾಯಿಗೆ ₹ 40ರಿಂದ ₹ 45 ಬೆಲೆ ಇತ್ತು. ಈ ವರ್ಷ ನಾವು ಹಾಕಿದ ಬಂಡವಾಳವೇ ಬರದಷ್ಟು ಕಡಿಮೆ ಬೆಲೆ ಇದೆ. ₹ 18, ₹ 20ಕ್ಕೆ ಕೇಳುತ್ತಿದ್ದಾರೆ. ಹಾಗಾಗಿ, ಇನ್ನೂ ಬಾಳೆಗೊನೆ ಕಡಿದಿಲ್ಲ’ ಎಂದು ರಾಮಸಮುದ್ರದ ರೈತ ಶಿವಸ್ವಾಮಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಮಳೆ ಆರಂಭಕ್ಕೂ ಮೊದಲು ಏಲಕ್ಕಿ ಬಾಳೆಗೆ ಕಳೆದ ವರ್ಷದಷ್ಟು ಇಲ್ಲದಿದ್ದರೂ ರೈತರಿಗೆ ನಷ್ಟವಾಗದ ರೀತಿಯ ಬೆಲೆ ಇತ್ತು. ನವೆಂಬರ್ನಲ್ಲಿ ಮಳೆ ಬಂದ ನಂತರ ಬೆಲೆ ಏಕಾಏಕಿ ಇಳಿದಿದೆ. ಒಂದು ಎಕರೆಯಲ್ಲಿ ಬಾಳೆ ಬೆಳೆಯಲು ₹ 1.25 ಲಕ್ಷದಿಂದ ₹ 1.50 ಲಕ್ಷದವರೆಗೂ ಖರ್ಚಿದೆ. ಎಕರೆಗೆ ಸರಾಸರಿ 8 ಟನ್ಗಳಷ್ಟು ಇಳುವರಿ ಬರುತ್ತದೆ. ಶೀತ, ಚಳಿಯ ವಾತಾವರಣದಿಂದಾಗಿ ಕಾಯಿಗಳು ಚೆನ್ನಾಗಿ ಬಂದಿಲ್ಲ. ಹಾಗಾಗಿ, ಮಾರುಕಟ್ಟೆಯಲ್ಲಿರುವಷ್ಟು ಬೆಲೆಯೂ ರೈತರಿಗೆ ಸಿಗುತ್ತಿಲ್ಲ. ಹಾಕಿದ ಬಂಡವಾಳ ಬಂದರೆ ಹೆಚ್ಚು’ ಎಂದು ರೈತ ತಮ್ಮಡಹಳ್ಳಿ ರವಿಶಂಕರ್ ಮಾಹಿತಿ ನೀಡಿದರು.

. ಪಚ್ಚೆ ಬಾಳೆಗೂ ಇದೇ ಸ್ಥಿತಿ: ಪಚ್ಚೆಬಾಳೆ ಬೆಳೆಯ ಪರಿಸ್ಥಿತಿಯೂ ಇದಕ್ಕಿಂತ ಭಿನ್ನವಾಗಿಲ್ಲ. ಸಾಮಾನ್ಯವಾಗಿ ಕೆ.ಜಿ.ಗೆ ₹ 10ರಿಂದ ₹ 12 ಬೆಲೆ ಇರುತ್ತದೆ. ಈ ಬಾರಿ ₹ 5–₹ 6 ಇದೆಯಷ್ಟೆ. ಹಾಪ್ಕಾಮ್ಸ್ನಲ್ಲಿ ಕೆ.ಜಿ.ಗೆ ₹ 7 ನೀಡುತ್ತಿದ್ದಾರೆ.

. ನೇಂದ್ರ ಬೆಳೆಗಾರರಿಗೆ ಖುಷಿ

. ಏಲಕ್ಕಿ, ಪಚ್ಚೆ ಬೆಳೆದಿರುವವರಿಗೆ ಹೋಲಿಸಿದರೆ, ನೇಂದ್ರ ಬೆಳೆಗಾರರು ಈ ವರ್ಷ ಖುಷಿಯಲ್ಲಿದ್ದಾರೆ.

. ಮಾರುಕಟ್ಟೆಯಲ್ಲಿ ಕೆ.ಜಿ. ನೇಂದ್ರ ಬಾಳೆಕಾಯಿಗೆ ₹ 30ರಿಂದ ₹ 32 ಬೆಲೆ ಇದೆ. ಕ್ರಿಸ್ಮಸ್ ಅವಧಿಯಲ್ಲಿ ₹ 36ರವರೆಗೂ ಬೆಲೆ ಇತ್ತು.

. ‘ಕಳೆದ ವರ್ಷ ನೇಂದ್ರ ಬಾಳೆಯ ಬೆಲೆ ಕುಸಿದು ಬೆಳೆಗಾರರು ತೀವ್ರ ನಷ್ಟ ಅನುಭವಿಸಿದ್ದರು. ಈ ವರ್ಷ ಇದಕ್ಕೆ ಬೆಲೆ ಇದೆ. ಉಳಿದ ಎರಡು ಬಾಳೆಗೆ ಬೆಲೆ ಇಲ್ಲದೆ, ರೈತರು ನಷ್ಟ ಅನುಭವಿಸಬೇಕಾಗಿದೆ’ ಎಂದು ರವಿಶಂಕರ್ ಹೇಳಿದರು.

. 22 ಸಾವಿರ ಹೆಕ್ಟೇರ್ನಲ್ಲಿ ಬೆಳೆ

. ತೋಟಗಾರಿಕಾ ಇಲಾಖೆಯ ಅಂಕಿ ಅಂಶಗಳ ಪ್ರಕಾರ,ಜಿಲ್ಲೆಯಲ್ಲಿ 22 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಬಾಳೆ ಬೆಳೆಯುತ್ತಾರೆ. ಏಲಕ್ಕಿ, ನೇಂದ್ರ, ಪಚ್ಚೆ ಬಾಳೆ ಪ್ರಮುಖ ಬೆಳೆಗಳು. ಸಣ್ಣ ಪ್ರಮಾಣದಲ್ಲಿ ಇತರ ಬಾಳೆಗಳ ತಳಿಯನ್ನೂ ಬೆಳೆಯಲಾಗುತ್ತದೆ.

. ಒಟ್ಟಾರೆ ಬಾಳೆ ಬೆಳೆಯುವ ಪ್ರದೇಶದಲ್ಲಿಶೇ 35 ಭಾಗ ಏಲಕ್ಕಿ, ಶೇ 30–ಶೇ 35 ನೇಂದ್ರ ಹಾಗೂ ಶೇ 25 ಪಚ್ಚೆ ಬಾಳೆ ಬೆಳೆಯಲಾಗುತ್ತದೆ ಎಂದು ಹೇಳುತ್ತಾರೆ ಅಧಿಕಾರಿಗಳು.

. ಅಂದಾಜು 6 ಸಾವಿರ ಹೆಕ್ಟೇರ್ನಷ್ಟು ಪ್ರದೇಶದಲ್ಲಿ ಬೆಳೆಯುವ ಬಾಳೆ (ಬಹುತೇಕ ನೇಂದ್ರ, ಚಿಪ್ಸ್ಗಾಗಿ) ಕೇರಳಕ್ಕೆ ಹೋಗುತ್ತದೆ. ಪಚ್ಚೆ ಬಾಳೆ ಬೆಂಗಳೂರಿಗೆ ಹೋಗುತ್ತದೆ. ಏಲಕ್ಕಿ ಬಾಳೆ ಮೈಸೂರು, ಬೆಂಗಳೂರು ಕಡೆಗೆ ಹೆಚ್ಚು ಸಾಗಾಟವಾಗುತ್ತದೆ.

. --

. ತೀವ್ರ ಶೀತ ವಾತಾವರಣ, ನಿರಂತರ ಮಂಜು ಸುರಿಯುತ್ತಿದ್ದರೆ ಬಾಳೆ ಕಾಯಿಯ ಮೇಲೆ ಕಪ್ಪು ಚುಕ್ಕೆ ಮೂಡುತ್ತದೆ. ಈ ಬಾರಿ ಹಲವು ಕಡೆಗಳಲ್ಲಿ ಈ ಸಮಸ್ಯೆ ಕಾಣಿಸಿಕೊಂಡಿದೆ

. -ಬಿ.ಎಲ್.ಶಿವಪ್ರಸಾದ್, ತೋಟಗಾರಿಕಾ ಇಲಾಖೆ ಉಪನಿರ್ದೇಶಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಾಮರಾಜನಗರ: ಏಲಕ್ಕಿ, ಪಚ್ಚೆ ಬಾಳೆ ಬೆಲೆ ಕುಸಿತ; ರೈತ ಕಂಗಾಲು

Channapatna By Election Result |ದೇವೇಗೌಡರು ನಿವೃತ್ತಿ ಪಡೆಯಲಿ: ಯೋಗೇಶ್ವರ್

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

‘ಕಾಪರ್‌ ಏಜ್‌’ ಸಂಸ್ಥೆಯ ಶರತ್ ಜಿ.ಎನ್. ಆತ್ಮಹತ್ಯೆ

IPL Mega Auction LIVE | ₹26.75 ಕೋಟಿಗೆ ಪಂಜಾಬ್ ತೆಕ್ಕೆಗೆ ಶ್ರೇಯಸ್ ಅಯ್ಯರ್

ಮುಂದೆ ನಿಂತು ತಂಡ ಮುನ್ನಡೆಸಿದ ಬೂಮ್ರಾ: 1983ರ ವಿಶ್ವಕಪ್ ಗೆದ್ದ ನಾಯಕ ಕಪಿಲ್

ಕೆನರಾ ಬ್ಯಾಂಕ್‌ ಮ್ಯಾರಥಾನ್‌: ನೂರಾರು ಮಂದಿ ಭಾಗಿ, ವಿಜೇತರಿಗೆ ₹2 ಲಕ್ಷ ಬಹುಮಾನ

ಟೆಸ್ಟ್ ಕ್ರಿಕೆಟ್‌ನಲ್ಲಿ 30ನೇ ಶತಕ ಸಿಡಿಸಿದ ಕೊಹ್ಲಿ; ಆಸಿಸ್‌ಗೆ 534 ರನ್ ಗುರಿ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

Channapatna By Election Result |ದೇವೇಗೌಡರು ನಿವೃತ್ತಿ ಪಡೆಯಲಿ: ಯೋಗೇಶ್ವರ್

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

‘ಕಾಪರ್‌ ಏಜ್‌’ ಸಂಸ್ಥೆಯ ಶರತ್ ಜಿ.ಎನ್. ಆತ್ಮಹತ್ಯೆ