ಚಿಕ್ಕಬಳ್ಳಾಪುರ: ಹೊಸ ಸರ್ಕಾರ; ಹೆಚ್ಚಿದ ಕೈಗಾರಿಕೀಕರಣದ ನಿರೀಕ್ಷೆ

ಕೈಗಾರಿಕೆ ಪ್ರಾರಂಭಕ್ಕೆ ಅವಕಾಶ ಕೈಗಾರಿಕೆಗಳು ಬರುವುದರಿಂದ ಸ್ಥಳೀಯರಿಗೆ ದೊಡ್ಡ ಮಟ್ಟದಲ್ಲಿ ಉದ್ಯೋಗ ದೊರೆಯಬೇಕು. ಆದರೆ ಕೋಲಾರದ ನರಸಾಪುರ ಕೈಗಾರಿಕಾ ಕ್ಷೇತ್ರ ನೋಡಿದರೆ ಸ್ಥಳೀಯರಿಗೆ ಆದ್ಯತೆ ದೊರೆತಿಲ್ಲ. ಶೇ 90ರಷ್ಟು ಉದ್ಯೋಗ  ಸ್ಥಳೀಯರಿಗೆ ಕೊಡುತ್ತೇವೆ ಎನ್ನುವ ಭರವಸೆ ನೀಡುವವರಿಗೆ ಮಾತ್ರ ಚಿಕ್ಕಬಳ್ಳಾಪುರದಲ್ಲಿ ಕೈಗಾರಿಕೆಗಳ ಪ್ರಾರಂಭಕ್ಕೆ ಅವಕಾಶ ನೀಡಲಾಗುವುದು. ನಮ್ಮ ರೈತರ ಭೂಮಿ ಸಂಪನ್ಮೂಲ ಉಪಯೋಗಿಸಿಕೊಂಡು ಬೇರೆಯವರು ಕೆಲಸ ಮಾಡಿದರೆ ನಮ್ಮ ಜನರಿಗೆ ಉಪಯೋಗವೇನು.

ಕೈಗಾರಿಕೆ ಸ್ಥಾಪನೆ; ಬಹುದಿನದ ಆಸೆ ಬಾಗೇಪಲ್ಲಿಗೆ ಕೈಗಾರಿಕೆಗಳನ್ನು ತರಬೇಕು ಕೈಗಾರಿಕಾ ಪ್ರದೇಶ ಸ್ಥಾಪಿಸಬೇಕು ಎನ್ನುವುದು ನನ್ನ ಬಹುದಿನಗಳ ಆಸೆ. ಕೈಗಾರಿಕೆಗಳ ಸ್ಥಾಪನೆಯಿಂದ ಹಿಂದುಳಿದ ಬಾಗೇಪಲ್ಲಿ ತಾಲ್ಲೂಕಿನಲ್ಲಿ ಅಭಿವೃದ್ಧಿ ಸಾಧ್ಯ. ಈ ವಿಚಾರದಲ್ಲಿ ಸರ್ಕಾರದ ಗಮನ ಸೆಳೆಯಲಾಗುವುದು.

ಸರ್ಕಾರದ ಗಮನಕ್ಕೆ ಪಕ್ಕದ ದೇವನಹಳ್ಳಿಯಲ್ಲಿ ಅಂತರ ರಾಷ್ಟ್ರೀಯ ವಿಮಾನ ನಿಲ್ದಾಣವಿದೆ. ಅಲ್ಲಿ ಕೈಗಾರಿಕೀಕರಣ ಮಾಹಿತಿ ಮತ್ತು ತಂತ್ರಜ್ಞಾನ ವಲಯ (ಐಟಿ) ಬೆಳೆಯುತ್ತಿದೆ. ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿಯೂ ದೊಡ್ಡ ಮಟ್ಟದಲ್ಲಿ ಕೈಗಾರಿಕೀಕರಣ ಆಗಬೇಕು. ಈ ದಿಕ್ಕಿನಲ್ಲಿ ಚಿಕ್ಕಬಳ್ಳಾಪುರದ ನೂತನ ಶಾಸಕರು ಮತ್ತು ನಾನು ಸರ್ಕಾರ ಗಮನ ಸೆಳೆಯುತ್ತೇವೆ.

ಚಿಂತಾಮಣಿ ತಾಲ್ಲೂಕಿನ ಮಸ್ತೇನಹಳ್ಳಿ ಬಳಿ ಕೈಗಾರಿಕಾ ಪ್ರಾಂಗಣ ನಾನು ಶಾಸಕನಾಗಿದ್ದ ಅವಧಿಯಲ್ಲಿ ಮಂಜೂರು ಮಾಡಿಸಿದ್ದೆ. ಆ ನಂತರ ಅಲ್ಲಿ ಯಾವುದೇ ಘಟಕಗಳು ತಲೆ ಎತ್ತಲಿಲ್ಲ. ಈಗಾಗಲೇ ಅಲ್ಲಿ ಕೈಗಾರಿಕಾ ನಿವೇಶಗಳು ಹಂಚಿಕೆ ಆಗಿವೆ. ಕೈಗಾರಿಕೋದ್ಯಮಿಗಳ ಸಭೆ ಕರೆಯುತ್ತೇನೆ. ಸಣ್ಣ ಕೈಗಾರಿಕೆಯಾಗಲಿ ದೊಡ್ಡ ಕೈಗಾರಿಕೆಯಾಗಲಿ ಕೂಡಲೇ ಸ್ಥಾಪಿಸಲು ಕ್ರಮ ಕೈಗೊಳ್ಳಬೇಕು. ಏನಾದರೂ ತೊಂದರೆ ಸಮಸ್ಯೆಗಳು ಇದ್ದರೆ ಬಗೆಹರಿಸಿಕೊಡುವುದಾಗಿ ಭರವಸೆ ನೀಡುತ್ತೇನೆ. ಕನಿಶೆಟ್ಟಿಹಳ್ಳಿ ಬಳಿ ದೊಡ್ಡ ದೊಡ್ಡ ಕೈಗಾರಿಕೆಗಳನ್ನು ಸ್ಥಾಪಿಸಲು ಪ್ರಯತ್ನಿಸಲಾಗುವುದು. ಕೈಗಾರಿಕೀಕರಣಕ್ಕೆ ಆದ್ಯತೆ ನೀಡಲಾಗುವುದು.