ಶಿಡ್ಲಘಟ್ಟ: ಅಸ್ತಿತ್ವ ಕಳೆದುಕೊಂಡ ಅಂಚೆ ಡಬ್ಬಿಗಳು

ಶಿಡ್ಲಘಟ್ಟ: ಆಧುನಿಕ ತಂತ್ರಜ್ಞಾನದ ಸಂಪರ್ಕ ಕ್ರಾಂತಿಯ ಹೊಡೆತಕ್ಕೆ ನಗರ ಸೇರಿದಂತೆ ಗ್ರಾಮೀಣ ಭಾಗದಲ್ಲಿನ ಕೆಂಪು ಬಣ್ಣದ ಅಂಚೆ ಪೆಟ್ಟಿಗೆಗಳು ತನ್ನ ಅಸ್ತಿತ್ವ ಕಳೆದುಕೊಳ್ಳುತ್ತಿವೆ. ಅವುಗಳ ಸಂಖ್ಯೆಯೂ ಗಣನೀಯವಾಗಿ ಕಡಿಮೆಯಾಗಿದೆ.

. ಶಿಡ್ಲಘಟ್ಟ ನಗರ ಸೇರಿದಂತೆ ಇನ್ನೂರಕ್ಕೂ ಹೆಚ್ಚು ಗ್ರಾಮಗಳಲ್ಲಿ ಇರುವುದು ಕೇವಲ 25 ಅಂಚೆ ಡಬ್ಬಿಗಳು ಮಾತ್ರ. ಬಿಸಿಲು, ಮಳೆ, ಚಳಿ, ಗಾಳಿಗೆ ತನ್ನ ಬಣ್ಣ ಕಳೆದುಕೊಂಡು ತುಕ್ಕು ಹಿಡಿಯಲು ಪ್ರಾರಂಭಿಸಿರುವ ಈ ಡಬ್ಬಿಗಳಿಗೆ ವಾರ್ಷಿಕ ದೇಖಾರೇಕಿಯಂತೆ ನಗರದ ಅಂಚೆ ಕಚೇರಿಯ ಬಳಿ ಬಣ್ಣ ಬಳಿದು ಇಡಲಾಗಿದೆ.

. ಈ ಹಿಂದೆ ವಿಶ್ವದಲ್ಲಿಯೇ ಬಹುದೊಡ್ಡ ಸಂಪರ್ಕ ಜಾಲ ಹೊಂದಿದ್ದ ಅಂಚೆ ಇಲಾಖೆಯು ಹಳ್ಳಿಯ ಜನರ ಮಾಹಿತಿಯನ್ನು ಪತ್ರದ ಮೂಲಕ ರವಾನಿಸಲು ಗ್ರಾಮಕ್ಕೊಂದರಂತೆ ಗ್ರಾಮದ ಆಲದಮರ, ಅರಳಿಮರ, ವಿದ್ಯುತ್ ಕಂಬಗಳಲ್ಲಿ ಅಂಚೆ ಡಬ್ಬಿಗಳ ವ್ಯವಸ್ಥೆ ಕಲ್ಪಿಸಿತ್ತು. ಆ ಮೂಲಕ ಊರಿನ ಜನರು ಪತ್ರ ಬರೆದು ಡಬ್ಬಿಗಳಿಗೆ ಹಾಕುತ್ತಿದ್ದರು.

. ಅಂಚೆಯಣ್ಣ ಅಂಚೆ ಡಬ್ಬ ತೆರೆದು ಅದರಲ್ಲಿನ ಪತ್ರಗಳನ್ನು ರವಾನಿಸುವ ಕೆಲಸ ಮಾಡುತ್ತಿದ್ದರು. ಆದರೆ, ಈ ವ್ಯವಸ್ಥೆ ಈಗ ಆಧುನಿಕ ಭರಾಟೆಗೆ ಸಿಲುಕಿ ಸಂಪೂರ್ಣವಾಗಿ ನಿಷ್ಕ್ರಿಯಗೊಂಡು ಅಂಚೆ ಡಬ್ಬಿಗಳು ಕಣ್ಮರೆಯಾಗುತ್ತಿವೆ.

. ಜೀವ ಕಳೆದುಕೊಂಡ ಪೋಸ್ಟ್ ಬಾಕ್ಸ್: ಗ್ರಾಮೀಣ ಭಾಗ ಸೇರಿದಂತೆ ನಗರದಲ್ಲಿಯೂ ಪೋಸ್ಟ್ ಬಾಕ್ಸ್ ಕಾರ್ಯವಿಲ್ಲದೆ ಜೀವ ಕಳೆದುಕೊಂಡಿವೆ. ಪೋಸ್ಟ್ ಬಾಕ್ಸ್ಗಳಿಗೆ ಕಾಗದ ಬರಲ್ಲ ಎಂಬುದು ಒಂದು ಕಾರಣವಾದರೆ, ಕೆಲವು ಬಾಕ್ಸ್ಗಳು ಎಷ್ಟು ಚಿಕ್ಕದಾಗಿರುತ್ತವೆಂದರೆ ಅದರಲ್ಲಿ ಕಾಗದ ಹಾಕುವುದೇ ದುಸ್ತರ.

. ಶಿಡ್ಲಘಟ್ಟ ನಗರದಲ್ಲಿ 7 ಅಂಚೆ ಡಬ್ಬಿಗಳಿವೆ. ತಾಲ್ಲೂಕಿನ ಅಬ್ಲೂಡು, ಆನೆಮಡುಗು, ದೇವರಮಳ್ಳೂರು, ದಿಬ್ಬೂರಹಳ್ಳಿ, ಬಶೆಟ್ಟಹಳ್ಳಿ, ಕೊತ್ತನೂರು, ಕುಂದಲಗುರ್ಕಿ, ಪಲಿಚೇರ್ಲು ಹಾಗೂ ತಿಪ್ಪೇನಹಳ್ಳಿಯಲ್ಲಿ ಒಂದೊಂದು ಅಂಚೆ ಡಬ್ಬಿಗಳಿವೆ. ಮೇಲೂರು ಅಂಚೆ ಕಚೇರಿ ವ್ಯಾಪ್ತಿಯ ಹಳ್ಳಿಗಳಲ್ಲಿ ಒಟ್ಟು 9 ಅಂಚೆ ಡಬ್ಬಿಗಳಿವೆ.

. ‘ಅಯ್ಯೋ ಈಗ ಯಾರು ಈ ಡಬ್ಬಿಗಳಿಗೆಲ್ಲಾ ಪತ್ರ ಹಾಕುತ್ತಾರೆ ಹೇಳಿ. ಎಲ್ಲಾ ಮೊಬೈಲ್, ಇಮೇಲ್ ಕಾಲ. ಇಂತಹ ಆಧುನಿಕತೆ ಇರುವಾಗ ಪತ್ರ ಬರೆದು ಈ ಪೆಟ್ಟಿಗೆಗಳಿಗೆ ಹಾಕುವವರು ಯಾರು ಹೇಳಿ. ಹಾಗಾಗಿ ಈ ಡಬ್ಬಿಗಳಲ್ಲಿ ಪತ್ರಗಳು ಬೀಳುವುದು ತುಂಬಾ ಕಡಿಮೆ’ ಎಂದು ಹೆಸರು ಹೇಳಲು ಇಚ್ಛಿಸದ ಅಂಚೆ ಸೇವಕರೊಬ್ಬರು ಹೇಳಿದರು.

. ‘ಈಗಿನ ಮೊಬೈಲ್ ಯುಗದಲ್ಲಿ ಪತ್ರ ಬರೆಯುವವರನ್ನು ಎಲ್ಲರೂ ವಿಚಿತ್ರವಾಗಿ ನೋಡುವಂತಾಗಿದೆ. ಕ್ಷೇಮ ಸಮಾಚಾರ ಪತ್ರಗಳನ್ನು ಬರೆಯುವುದೇ ಇಲ್ಲ. ಬರೆದರೂ ಕೊರಿಯರ್ ಮಾಡುತ್ತಾರೆ. ಪೋಸ್ಟ್ ಬಾಕ್ಸ್ಗಳು ಕಾಣುವುದೇ ಅಪರೂಪ. ಇದ್ದರೂ ಕೆಲವೆಡೆ ಕೇವಲ ಅಲಂಕಾರಿಕ ವಸ್ತುವಾಗಿರುತ್ತವಷ್ಟೇ’ ಎಂದು ಹೇಳಿದರುನಾಗಭೂಷಣ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಿಡ್ಲಘಟ್ಟ: ಅಸ್ತಿತ್ವ ಕಳೆದುಕೊಂಡ ಅಂಚೆ ಡಬ್ಬಿಗಳು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು