ಚಿಕ್ಕಬಳ್ಳಾಪುರ: ಚೇಳೂರಿನಲ್ಲೊಂದು ಅಂದದ ಶಾಲೆ

ನಮ್ಮ ಶಾಲೆಯಲ್ಲಿ ಉತ್ತಮ ಶಿಕ್ಷಕರು, ಗುಣಮಟ್ಟದ ಶಿಕ್ಷಣ ಮತ್ತು ಸೌಕರ್ಯಗಳ ಸಮಪರ್ಕ ಬಳಕೆಗೆ ಹೆಚ್ಚಿನ ಒತ್ತು ನೀಡಲಾಗಿದೆ. ಆದರೆ ಮಕ್ಕಳ ಸಂಖ್ಯೆಗೆ ಅನುಗುಣವಾಗಿ ತರಗತಿಗಳು ನಡೆಯಬೇಕಾಗುವುದರಿಂದ ಶಾಲಾ ಕೊಠಡಿಗಳ‌ ಕೊರತೆ ಇದೆ. ಎಲ್ಲಾ ಮಕ್ಕಳನ್ನು ಒಂದೇ ತರಗತಿಯಲ್ಲಿ ಕೂರಿಸಿ ಪಾಠ ಮಾಡುವುದು ಕಷ್ಟ. ಪಠ್ಯ ಪುಸ್ತಕಗಳ ವಿಷಯವಾರು ಬೋಧಿಸುವ ಶಿಕ್ಷಕರು ಆಯಾ ತರಗತಿಗಳ ಸಮಯದಲ್ಲಿ ಮಕ್ಕಳನ್ನು ವರಾಂಡದಲ್ಲೇ ಕಪ್ಪುಹಲಗೆಯ ಮುಂದೆ ಕೂರಿಸಿಕೊಂಡು ಪಾಠ ಮಾಡುತ್ತಾರೆ. ಕೊಠಡಿಗಳ ಸಮಸ್ಯೆಯನ್ನು ಈಗಾಗಲೇ ಸಂಬಂಧಿಸಿದ ಮೇಲಾಧಿಕಾರಿಗಳ ಗಮನಕ್ಕೆ ತರಲಾಗಿದೆ.