ಅಜ್ಜಂಪುರ | ಈರುಳ್ಳಿ ಕೈತಪ್ಪುವ ಭೀತಿ; ರೈತ ಕಂಗಾಲು

ಅಜ್ಜಂಪುರ: ತಾಲ್ಲೂಕಿನಲ್ಲಿ ಮುಂಗಾರು ಮುನಿದಿದೆ, ಮಳೆ ಮರೆಯಾಗಿದ್ದು, ಬೆಳೆ ಒಣಗುವ ಹಂತ ತಲುಪುತ್ತಿದೆ. ಕೃಷಿಗೆ ಹಾಕಿದ ಬಂಡವಾಳ ಕೈತಪ್ಪುವ ಬೀತಿ ಆವರಿಸಿದ್ದು, ರೈತರು ಕಂಗಾಲಾಗಿದ್ದಾರೆ.

. ಆಗಸದಲ್ಲಿ ಮೋಡದ ಸುಳಿವಿಲ್ಲ, ಮಳೆಗಾಲದಲ್ಲೂ ಬಿರು ಬಿಸಿಲು ಆವರಿಸಿದೆ. ರಾತ್ರಿ ವೇಳೆ ಬೀಸುತ್ತಿರುವ ಶೀತ ಗಾಳಿ, ಮಳೆಯ ಅಭಾವವನ್ನು ಸೂಚಿಸುತ್ತಿದೆ.

. ತಾಲ್ಲೂಕಿನ ಪ್ರಮುಖ ಮತ್ತು ಪ್ರಧಾನ ಬೆಳೆ ಈರುಳ್ಳಿ. ಪ್ರತಿವರ್ಷ 5,500 ಹೆಕ್ಟೇರ್ ಪ್ರದೇಶದಲ್ಲಿ ಈರುಳ್ಳಿ ಬೆಳೆಯಲಾಗುತ್ತಿತ್ತು. ಈ ಬಾರಿ ಆರಂಭಿಕ ಮಳೆ ಕೊರತೆಯಿಂದ 3,600 ಹೆಕ್ಟೇರ್ ಪ್ರದೇಶದಲ್ಲಿ ಮಾತ್ರ ಈರುಳ್ಳಿ ಬಿತ್ತನೆ ಕಂಡಿದೆ ಎಂಬುದು ತೋಟಗಾರಿಕಾ ಇಲಾಖೆ ಮಾಹಿತಿ.

. ಅರೆಮಲೆನಾಡು ಪ್ರದೇಶವಾದ ನಮ್ಮ ತಾಲ್ಲೂಕಿನಲ್ಲಿ ನೀರಾವರಿ ಆಶ್ರಿತ ಬೇಸಾಯ ಇಲ್ಲ. ಮಳೆಯನ್ನೇ ನಂಬಿದ ಕೃಷಿ ಚಾಲ್ತಿಯಲ್ಲಿದೆ. ಮಳೆ, ಕೆಲವೊಮ್ಮೆ ಹೆಚ್ಚಾಗಿ, ಮತ್ತೊಮ್ಮೆ ಕ್ಷೀಣಿಸಿ ಬರುವುದರಿಂದ ಇಲ್ಲಿನ ರೈತರನ್ನು ಸಂಕಟಕ್ಕೆ ತಳ್ಳುತ್ತದೆ. ಈ ಬಾರಿ ಮಳೆ ಕೊರತೆಯಿಂದ ಮುಂಗಾರು ಬೆಳೆಯಲ್ಲಿ ಆದಾಯ ಗಳಿಸಬೇಕೆಂಬ ರೈತರ ಕನಸಿಗೆ ತಣ್ಣೀರೆರಚಿದೆ ಎನ್ನುತ್ತಾರೆ ರೈತ ವೀರಭದ್ರಪ್ಪ.

. ಆರಂಭಿಕ ಮಳೆ ಕೊರತೆಯಿಂದ ಎರಡು ಬಾರಿ ಬಿತ್ತನೆ ನಡಸಿದ್ದೇವೆ. ಹೊಲ ಹಸನು, ಬೇಸಾಯ, ಬಿತ್ತನೆ ಬೀಜ, ಕಳೆ ತೆಗೆಸುವಿಕೆ ಹೀಗೆ ಒಂದು ಎಕರೆಗೆ ಸುಮಾರು ₹15ರಿಂದ ₹20 ಸಾವಿರ ಖರ್ಚು ಮಾಡಿದ್ದೇವೆ. ಮಳೆ ಬಾರದಿದ್ದರೆ ಬೆಳೆ ಬೆಳೆಯುವುದಿಲ್ಲ, ಬೆಳೆಗೆ ಹಾಕಿರುವ ಬಂಡವಾಳವೂ ಕೈಸೇರುವ ಬಗ್ಗೆ ಅನುಮಾನ ಮೂಡಿದೆ. ಬೆಳೆಗಾಗಿ ತಂದಿರುವ ಸಾಲ ತೀರಿಸುವುದು ಹೇಗೆ? ಎಂಬ ಚಿಂತೆ ಕಾಡುತ್ತಿದೆ ಎಂದು ಅಳಲು ತೋಡಿಕೊಳ್ಳುತ್ತಾರೆ ರೈತ ನಂಜುಂಡಪ್ಪ.

. ಮಳೆ ಅಭಾವ, ರೈತರನ್ನಷ್ಟೇ ಕಾಡುತ್ತಿಲ್ಲ, ಕೂಲಿ ನಂಬಿ ಬದುಕುತ್ತಿರುವ ಕೃಷಿ ಕಾರ್ಮಿಕರಿಗೂ ತೊಂದರೆ ಉಂಟು ಮಾಡಿದೆ. ಮಳೆ ಕೊರತೆಯಿಂದ ಕಳೆ ತೆಗೆಯುವುದು, ಗೊಬ್ಬರ ಹಾಕುವುದು, ಕ್ರಿಮಿ-ಕೀಟ-ಕಳೆ ನಾಶಕ ಸಿಂಪಡಣೆಯಂತಹ ಕೃಷಿ ಕಾರ್ಯ ಸ್ಥಗಿತಗೊಂಡಿದೆ. ದಿನವೊಂದಕ್ಕೆ ₹300ರಿಂದ ₹500 ಕೂಲಿ ಪಡೆಯುತ್ತಿದ್ದ ಕೃಷಿ ಕಾರ್ಮಿಕರು, ಕೆಲಸವಿಲ್ಲದೇ ಸಂಕಷ್ಟಕ್ಕೆ ಸಿಲುಕಿದ್ದಾರೆ.

. ಮುಂಗಾರು ಬೆಳೆ ಈರುಳ್ಳಿ ನಂಬಿದ್ದ ರೈತರಿಗೆ ಮಳೆ ಕೊರತೆ ಶಾಪವಾಗಿ ಕಾಡುತ್ತಿದೆ. ಸಾಲ ಮಾಡಿ ಬೆಳೆ ಮಾಡಿರುವ ರೈತರ ಕಣ್ಣಲ್ಲಿ ಕಣ್ಣೀರು ತರಿಸಿದೆ.

. ಈರುಳ್ಳಿ ಬೆಳೆ ಉತ್ತಮವಾಗಿದ್ದು ಆದರೆ ಮಳೆ ಅವಶ್ಯಕತೆಯಿದೆ. ಈರುಳ್ಳಿ ಸಸಿ ಬೆಳವಣಿಗೆ ಗಡ್ಡೆಕಟ್ಟಲು ಮಳೆಯ ತುರ್ತು ಅಗತ್ಯವಿದೆ. ಮಳೆ ಬಾರದಿದ್ದರೆ ಇಳುವರಿ ಗಣನೀಯವಾಗಿ ಕ್ಷೀಣಿಸಲಿದೆ

-ಅವಿನಾಶ್ ತೋಟಗಾರಿಕೆ ಸಹಾಯಕ ನಿರ್ದೇಶಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಜ್ಜಂಪುರ | ಈರುಳ್ಳಿ ಕೈತಪ್ಪುವ ಭೀತಿ; ರೈತ ಕಂಗಾಲು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ