ನಾಗಬನಕ್ಕೆ ‘ನೆಲೆ’ ನೀಡಿದ ಖಾದರ್!

ಮಂಗಳೂರು: ಪೂಜೆ ಮಾಡುತ್ತಿದ್ದ ಮೂಲ ಕುಟುಂಬಕ್ಕೇ ನಾಗಬನ ಹಾಗೂ ಅದರ ಬಾವಿ, ದಾರಿ ಸಹಿತ 20 ಸೆಂಟ್ಸ್ ಉಚಿತವಾಗಿ ನೀಡಿದ ಶಾಸಕ ಯು.ಟಿ. ಖಾದರ್ ಸಾಮರಸ್ಯ ಮೆರೆದಿದ್ದಾರೆ.

. ಶಾಸಕ ಯು.ಟಿ. ಖಾದರ್ ಅಜ್ಜ ಮಹಮ್ಮದ್ (ಮಾಜಿ ಶಾಸಕ ಯು.ಟಿ.ಫರೀದ್ ತಂದೆ ) ವಿಟ್ಲ ಸಮೀಪದ ಪುಣಚ ಪರಿಯಾಲ್ತಡ್ಕದಲ್ಲಿದ್ದರು. ಅಲ್ಲಿನ ಹಿತ್ತಿಲು (ಸಾಗ್)ನಲ್ಲಿ ಕೃಷಿ ಜಮೀನಿತ್ತು. ಈ ಪೈಕಿ ಸುಮಾರು ಹನ್ನೊಂದು ಎಕರೆ ಜಮೀನು ಯು.ಟಿ. ಖಾದರ್ ಮತ್ತು ಸಹೋದರ–ಸಹೋದರಿಯರಿಗೆ ಬಂದಿತ್ತು.

. ಆದರೆ, ಈ ಜಾಗವು ಮೂಲತಃ ಕೆಳದಿ ಸಂಸ್ಥಾನದಲ್ಲಿ ಸೇನಾಧಿಪತಿಯಾಗಿದ್ದ ಈಶ್ವರಯ್ಯ ದಳವಾಯಿ ಅವರಿಗೆ ಸೇರಿದ್ದು, ವಿಟ್ಲ ಅರಮನೆಯ ಡೊಂಬ ಹೆಗ್ಗಡೆ, ‘ಪುಣಚ ಪರಿಯಾಲ್ತಡ್ಕ ಗ್ರಾಮ’ವನ್ನೇ ಉಂಬಳಿಯಾಗಿ (ಕೊಡುಗೆ) ನೀಡಿದ್ದರು. ಅನಂತರ ದಳವಾಯಿ ಕುಟುಂಬ ಗ್ರಾಮವನ್ನು ಕಾಡುಮಠ ಮನೆತನಕ್ಕೆ ಅಡಮಾನ ಇಟ್ಟಿತ್ತು. ಡಿಕ್ಲರೇಶನ್ (ಭೂಮಿಯಲ್ಲಿ ವಾಸಿಸುವವನೇ ಒಡೆಯ) ಕಾನೂನಿಂದಾಗಿ ಈ ಜಾಗವು ಗ್ರಾಮಸ್ಥರ ಕೈ ಸೇರಿದ್ದು, ಕಾಲಕ್ರಮೇಣ ಯು.ಟಿ. ಖಾದರ್ ಅಜ್ಜನ ಪಾಲಾಗಿತ್ತು.

. ಸುಳ್ಯ ಕೆಎಫ್ಡಿಸಿಯ ವಿಭಾಗೀಯ ವ್ಯವಸ್ಥಾಪಕರಾಗಿ (ಡಿಎಫ್ಒ) ನಿವೃತ್ತರಾಗಿರುವ ಪುತ್ತೂರಿನ ಮರೀಲ್ ನಿವಾಸಿ ರವಿರಾಜ್, ಸದ್ಯ ದಳವಾಯಿ ಕುಟುಂಬದ ಮುಖ್ಯಸ್ಥರಾಗಿದ್ದಾರೆ. ಅವರ ಕುಟುಂಬದ ಸಮಸ್ಯೆ ನಿವಾರಣೆಗಾಗಿ, ಹಿರಿತಲೆಮಾರಿನ ಪುಣಚ ಪರಿಯಾಲ್ತಡ್ಕ ಹಿತ್ತಿಲು ಜಮೀನಿನ ನಾಗಬನದಲ್ಲಿ ಪುನರ್ ಪ್ರತಿಷ್ಟೆ, ಪೂಜಾ ವಿಧಿ ವಿಧಾನ ಮಾಡಬೇಕಾದ ತುರ್ತು ಬಂದಿತ್ತು. ಆದರೆ, ಆ ಸ್ಥಳವು ಪಿತ್ರಾರ್ಜಿತ ಹಂಚಿಕೆಯಲ್ಲಿ ಯು.ಟಿ.ಖಾದರ್ಗೆ ಬಂದಿತ್ತು.

. ‘ಈ ಬಗ್ಗೆ, ರವಿರಾಜ್ ದಳವಾಯಿ ಒಂದು ದಿನ ಯು.ಟಿ.ಖಾದರ್ ಬಳಿ ವಿಜ್ಞಾಪಿಸಿದ್ದರು. ಇದಕ್ಕೆ ಸ್ಪಂದಿಸಿದ ಖಾದರ್, ತಮ್ಮ ಅಡಿಕೆ ತೋಟದ ನಾಗಬನ, ನೀರಿನ ಬಾವಿ ಸೇರಿದಂತೆ ಸುಮಾರು 20 ಸೆಂಟ್ಸ್ ಸ್ಥಳವನ್ನು ಉಚಿತವಾಗಿ ಬಿಟ್ಟುಕೊಟ್ಟಿದ್ದಾರೆ. 2010ರ ಮಾರ್ಚ್ 10ರಂದು ರವಿರಾಜ್ ದಳವಾಯಿ ಕುಟುಂಬದಿಂದ ಇಲ್ಲಿ ನಾಗಬ್ರಹ್ಮಸ್ಥಾನದ ನವೀಕರಣ, ಪುನರ್ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ ನಡೆದಿದ್ದು, ಪ್ರತಿ ವರ್ಷ ನಾಗರ ಪಂಚಮಿ ನಡೆಯುತ್ತ ಬಂದಿದೆ ’ ಎಂದು ರಶೀದ್ ವಿಟ್ಲ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಾಗಬನಕ್ಕೆ ‘ನೆಲೆ’ ನೀಡಿದ ಖಾದರ್!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

IND vs AUS Perth Test: ರಾಹುಲ್ ನಾಟೌಟ್..ಔಟ್!

ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿ ಇಂದಿನಿಂದ: ತಾರಾ ಆಟಗಾರರ ರಂಗು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು