ದಾವಣಗೆರೆ: 1.95 ಲಕ್ಷ ಸಸಿಗಳ ಮಾರಾಟದ ಗುರಿ

ದಾವಣಗೆರೆ: ರೈತರಿಗೆ ಕಡಿಮೆ ದರದಲ್ಲಿ ಉತ್ತಮ ಗುಣಮಟ್ಟದ ಸಸಿಗಳನ್ನು ಮಾರಾಟ ಮಾಡುವ ತೋಟಗಾರಿಕೆ ಇಲಾಖೆಯು ಈ ವರ್ಷ 1.95 ಲಕ್ಷ ವಿವಿಧ ಪ್ರಭೇದದ ಸಸಿಗಳನ್ನು ಬೆಳೆಸಿ, ಮಾರಾಟಕ್ಕೆ ಮುಂದಾಗಿದೆ.

. ತೋಟಗಾರಿಕೆ ಸಸಿಗಳು ಮಾತ್ರವಲ್ಲದೇ ಅಲಂಕಾರಿಕ ಗಿಡಗಳನ್ನೂ ಇಲಾಖೆಯ ಸಸ್ಯಕ್ಷೇತ್ರಗಳಲ್ಲಿ (ನರ್ಸರಿ) ವೈಜ್ಞಾನಿಕ ಮಾದರಿಯಲ್ಲಿ ಬೆಳೆಸಲಾಗಿದೆ.

. ಕಳೆದ ವರ್ಷ 35,000 ತೆಂಗು, 85,000 ಅಡಿಕೆ, 6,000 ನಿಂಬೆ, ಕರಿಬೇವು ಹಾಗೂ 4,000 ಅಲಂಕಾರಿಕ ಗಿಡಗಳು ಸೇರಿದಂತೆ ಒಟ್ಟು 1.30 ಲಕ್ಷ ಗಿಡಗಳನ್ನು ಇಲಾಖೆಯಿಂದ ಮಾರಾಟ ಮಾಡಲಾಗಿತ್ತು. ಈ ವರ್ಷ ಬೇಡಿಕೆಗೆ ತಕ್ಕಂತೆ ಕಳೆದ ಬಾರಿಗಿಂತ 65 ಸಾವಿರ ಹೆಚ್ಚು ಗಿಡಗಳನ್ನು ಬೆಳೆಸಲಾಗಿದೆ.

. ತೋಟಗಾರಿಕೆ ಬೆಳೆಗಳಾದ ಅಡಿಕೆ, ತೆಂಗು ತಿಪಟೂರ್ ಟಾಲ್, ಹೈಬ್ರಿಡ್ ತೆಂಗು, ನಿಂಬೆ ಸಸಿಗಳು ಮಾತ್ರವಲ್ಲದೆ ದುರಂತ್, 3 ಪ್ರಭೇದದ ಕ್ರೋಟಾನ್, 3 ಪ್ರಭೇದದ ದಾಸವಾಳ, ಸಿಂಗಾಪುರ ಚೆರ್ರಿ ಯಂತಹ ಅಲಂಕಾರಿಕ ಗಿಡಗಳೂ ಮಾರಾಟಕ್ಕೆ ಲಭ್ಯ ಇವೆ.

. ಜಿಲ್ಲೆಯಲ್ಲಿ ಒಟ್ಟು 11 ತೋಟಗಾರಿಕೆ ಇಲಾಖೆಯ ಸಸ್ಯಕ್ಷೇತ್ರಗಳಿವೆ. ಇವುಗಳ ಒಟ್ಟು ವಿಸ್ತೀರ್ಣ 311.29 ಎಕರೆಯಷ್ಟಿದೆ. ಜಗಳೂರಿನ ಕಚೇರಿ ನರ್ಸರಿ ಅತೀ ಕಡಿಮೆ (1.08 ಎಕರೆ) ಹಾಗೂ ಹೊನ್ನಾಳಿ ತಾಲ್ಲೂಕಿನ ಬೇಲಿಮಲ್ಲೂರು ತೋಟಗಾರಿಕೆ ಕ್ಷೇತ್ರ (136.39 ಎಕರೆ) ಅತಿ ದೊಡ್ಡದಾಗಿದೆ.

. ‘ತೋಟಗಾರಿಕೆ ಇಲಾಖೆಯು ಕಡಿಮೆ ದರದಲ್ಲಿ ಉತ್ಕೃಷ್ಟ ಗುಣಮಟ್ಟದ ಸಸಿಗಳನ್ನು ರೈತರಿಗೆ ಮಾರಾಟ ಮಾಡುತ್ತಿದೆ. ರೈತರು ಖಾಸಗಿ ನರ್ಸರಿಗಳಲ್ಲಿ ಸಸಿ ಖರೀದಿಸುವ ಬದಲು ಇಲಾಖೆಯ ಸಸ್ಯಕ್ಷೇತ್ರಗಳಲ್ಲಿ ಖರೀದಿಸಿದರೆ ಅವರಿಗೇ ಹೆಚ್ಚು ಅನುಕೂಲ’ ಎನ್ನುತ್ತಾರೆ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕ ಶ್ರೀಕಾಂತ್.

. ‘ಜಿಲ್ಲೆಯಲ್ಲಿ ಹೆಚ್ಚು ಬೆಳೆಯುವ ತೆಂಗು, ಅಡಿಕೆ ಗಿಡಗಳನ್ನು ವೈಜ್ಞಾನಿಕ ಮಾದರಿಯಲ್ಲಿ ಬೆಳೆಯುತ್ತೇವೆ. ಗಿಡಗಳು ಸಮೃದ್ಧವಾಗಿ ಬೆಳೆದ ನಂತರವೇ ಮಾರಾಟ ಮಾಡಲಾಗುತ್ತದೆ. ಗಿಡಗಳು ಒಣಗುವ ಸಾಧ್ಯತೆ ತೀರಾ ಕಡಿಮೆ’ ಎನ್ನುತ್ತಾರೆ ಅವರು.

. ‘ರೈತರಿಗೆ ಹೊರೆಯಾಗದಿರಲಿ ಎಂಬ ಉದ್ದೇಶದಿಂದ 2021ರಿಂದ ಸಸಿಗಳ ಬೆಲೆಯನ್ನೂ ಏರಿಕೆ ಮಾಡಿಲ್ಲ’ ಎಂದು ಅವರು ತಿಳಿಸಿದರು.

. ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದ ತೋಟಗಾರಿಕೆ ಇಲಾಖೆಯ ಉಪನಿರ್ದೇಶಕ ರಾಘವೇಂದ್ರ ಪ್ರಸಾದ್, ಬೇಡಿಕೆಗೆ ಅನುಗುಣವಾಗಿ ಇಲ್ಲಿನ ಭೌಗೋಳಿಕ ಪರಿಸರಕ್ಕೆ ಹೊಂದಿಕೊಳ್ಳುವಂತಹ ತಳಿಗಳನ್ನು ಹೆಚ್ಚು ಬೆಳೆಯುತ್ತಿದ್ದೇವೆ’ ಎಂದು ತಿಳಿಸಿದರು.

. ‘ಹಲಸಿನ ವಿವಿಧ ತಳಿ ಹಾಗೂ ಸೀಬೆ ಹಣ್ಣಿನ ಸಸಿಗಳನ್ನು ಪ್ರಯೋಗಾತ್ಮಕವಾಗಿ ಬೆಳೆಯುತ್ತಿದ್ದೇವೆ. ಯಶಸ್ಸು ಕಂಡರೆ ಹೆಚ್ಚಿನ ಪ್ರಮಾಣದಲ್ಲಿ ಬೆಳೆದು ಮಾರಾಟ ಮಾಡುವ ಚಿಂತನೆ ಇದೆ’ ಎಂದು ಅವರು ತಿಳಿಸಿದರು.

. ಜೂನ್ನಿಂದ ಆಗಸ್ಟ್ವರೆಗೆ ದಾಖಲೆ ಪ್ರಮಾಣದಲ್ಲಿ ಗಿಡಗಳು ಮಾರಾಟವಾಗುತ್ತವೆ. ರೈತರು ಭೂಮಿ ಹದವಾಗುವಂತಹ ಒಂದು ಉತ್ತಮ ಮಳೆಗಾಗಿ ಕಾಯುತ್ತಿದ್ದಾರೆ. ಮಳೆಯಾದ ನಂತರ ಸಸಿಗಳ ಮಾರಾಟ ಹೆಚ್ಚಲಿದೆ

-ರಾಘವೇಂದ್ರ ಪ್ರಸಾದ್ ಉಪನಿರ್ದೇಶಕ ತೋಟಗಾರಿಕೆ ಇಲಾಖೆ

. ಸಸ್ಯಕ್ಷೇತ್ರಗಳಲ್ಲಿ ಲಭ್ಯವಿರುವ ಸಸಿಗಳು 142000 – ಅಡಿಕೆ 25000– ತೆಂಗು 20000 – ಅಲಂಕಾರಿಕ ಸಸಿಗಳು 4000– ನಿಂಬೆ 4000 – ಕರಿಬೇವು ––––––––––––––– ತೋಟಗಾರಿಕೆ ಇಲಾಖೆಯ ಸಸಿಗಳ ದರ ಬೆಳೆ/ತಳ;ದರ (₹ ಪ್ರತಿ ಸಸಿಗೆ) ಅಡಿಕೆ (ಸ್ಥಳೀಯ);20 ತೆಂಗು ತಿಪಟೂರ್ ಟಾಲ್;75 ನಿಂಬೆ (ಸ್ಥಳೀಯ);15 ಹೈಬ್ರಿಡ್ ತೆಂಗು;170 (ಅಲಂಕಾರಿಕ ಸಸಿಗಳು ದರ ₹10ರಿಂದ ₹40)

. ತಾಲ್ಲೂಕುವಾರು ಸಸ್ಯಕ್ಷೇತ್ರಗಳು ತಾಲ್ಲೂಕು;ಸಸ್ಯಕ್ಷೇತ್ರ (ನರ್ಸರಿ);ವಿಸ್ತೀರ್ಣ (ಎಕರೆಗಳಲ್ಲಿ) ದಾವಣಗೆರೆ;ಆವರಗೊಳ್ಳ ಸಸ್ಯಕ್ಷೇತ್ರ;5 ;;ಕಚೇರಿ ಸಸ್ಯಕ್ಷೇತ್ರ;2.06 ಹರಿಹರ;ಬುಳ್ಳಾಪುರ ಸಸ್ಯಕ್ಷೇತ್ರ;10 ;;ಎಕ್ಕೆಗೊಂದಿ ಸಸ್ಯಕ್ಷೇತ್ರ;15.11 ;;ಕಡರನಾಯ್ಕನಹಳ್ಳಿ ಸಸ್ಯಕ್ಷೇತ್ರ;28.36 ;;ಪಾಳ್ಯ ಸಸ್ಯಕ್ಷೇತ್ರ;22 ಹೊನ್ನಾಳಿ;ಬೇಲಿಮಲ್ಲೂರು ಸಸ್ಯಕ್ಷೇತ್ರ;136.39 ;;ಕಚೇರಿ ಸಸ್ಯಕ್ಷೇತ್ರ;2.24 ಜಗಳೂರು;ವ್ಯಾಸಗೊಂಡನಹಳ್ಳಿ ಸಸ್ಯಕ್ಷೇತ್ರ;21.36 ;;ಕಚೇರಿ ನರ್ಸರಿ;1.08 ಚನ್ನಗಿರಿ;ಗರಗ ಸಸ್ಯಕ್ಷೇತ್ರ;67.39 ಒಟ್ಟು;311.29

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಾವಣಗೆರೆ: 1.95 ಲಕ್ಷ ಸಸಿಗಳ ಮಾರಾಟದ ಗುರಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ