ಹರಿಹರ: ಮಾಯದಂತ ಮಳೆ ಬಂತಣ್ಣ, ಕೊಂಡಜ್ಜಿ ಕೆರೆಗೆ..

ಹರಿಹರ : ಕಳೆದ ವರ್ಷ ಮಳೆ ಕೊರತೆ, ಬಿರು ಬಿಸಿಲಿನಿಂದಾಗಿ ಖಾಲಿಯಾಗಿದ್ದ ತಾಲ್ಲೂಕಿನ ಕೊಂಡಜ್ಜಿ ಕೆರೆಯ ಒಡಲು ಈ ಬಾರಿ ತುಂಬಿ ಕೋಡಿ ಬಿದ್ದಿದ್ದು, ಆ ಭಾಗದ ಜನ, ಜಾನುವಾರು, ಪ್ರಾಣಿ, ಪಕ್ಷಿಗಳಿಗೆ ಮತ್ತೆ ಜೀವ ಸಂಚಾರ ಸಿಕ್ಕಿದೆ.

. ಮಳೆ ನೀರು ಮತ್ತು ಭದ್ರಾ ಕಾಲುವೆ ಈ ಕೆರೆಗೆ ನೀರನ್ನೊದಗಿಸುವ ಮೂಲಗಳು. 2019, 2020, 2021, 2022ನೇ ಸಾಲಿನಲ್ಲಿ ತುಂಬಿದ್ದ ಈ ಕೆರೆ 2023 ನೇ ಸಾಲಿನಲ್ಲಿ ಖಾಲಿಯಾಗಿತ್ತು. ಈ ಕೆರೆ ಒಣಗಿದ್ದರಿಂದ ಕೃಷಿಕರ ಜೊತೆಗೆ ಸುತ್ತಲಿನ ಕಾಡಿನ ಪ್ರಾಣಿ, ಪಕ್ಷಿಗಳಿಗೂ ಜಲ ಸಂಕಟ ಉಂಟಾಗಿತ್ತು.

. ಕೆರೆಯ ಗುಂಡಿಗಳಲ್ಲಿ ಉಳಿದಿದ್ದ ಅಳಿದುಳಿದ ನೀರನ್ನೂ ಕೆಲವು ರೈತರು ತಮ್ಮ ತೋಟಗಳಿಗೆ ಸಾಗಿಸುತ್ತಿದ್ದರು. ಈ ಕುರಿತು ‘ಪ್ರಜಾವಾಣಿ’ಯಲ್ಲಿ ಮೇ ತಿಂಗಳಲ್ಲಿ ವಿಶೇಷ ವರದಿ ಪ್ರಕಟಿಸಿ ಜನರಲ್ಲಿ ಜಾಗೃತಿ ಮೂಡಿಸಿ, ಪ್ರಾಣಿ, ಪಕ್ಷಿಗಳ ಉಳಿವಿಗೆ ಬೆಂಬಲವಾಗಿ ನಿಲ್ಲಲಾಗಿತ್ತು.

. ಬೇಸಿಗೆಯಲ್ಲಿ ದೂರದ ದೇಶಗಳಿಂದಲೂ ವಿಶಿಷ್ಟ ಬಗೆಬಗೆಯ ಪಕ್ಷಿಗಳು ಇಲ್ಲಿ ಸಂತಾನೋತ್ಪತ್ತಿಗೆ ಬರುವುದು ವಾಡಿಕೆ. ಸುತ್ತಲಿನ ಕಾಡು ಪ್ರದೇಶದಲ್ಲಿ ಜಿಂಕೆ, ಕಾಡು ಹಂದಿ, ನವಿಲು, ಮೊಲ ಹಾಗೂ ಹಲವು ಪ್ರಬೇಧದ ಪ್ರಾಣಿ, ಪಕ್ಷಿ, ಜಲಚರಗಳ ಉಳಿವಿಗೆ ಈ ವರ್ಷದ ಮಾರ್ಚ್, ಮೇ ತಿಂಗಳಲ್ಲಿ ಸಂಕಟ ಎದುರಾಗಿತ್ತು.

. ಈ ಬಾರಿ ಮಳೆಗಾಲದಲ್ಲಿ ಸುರಿದ ಮಳೆ, ವಿಶೇಷವಾಗಿ ಅಕ್ಟೋಬರ್ನ ಮಳೆ ಕೆರೆ ಕೋಡಿ ಹರಿಯುವಂತೆ ಮಾಡಿದ್ದು, ಈಗಲೂ ಕೋಡಿಯಿಂದ ಹೆಚ್ಚುವರಿ ನೀರು ಹರಿಯುತ್ತಿದೆ. ಮೈದುಂಬಿದ ಕೆರೆ ಹಾಗೂ ಸುತ್ತಲಿನ ಹಸಿರಿನ ವಾತಾವರಣ, ಗುಡ್ಡ, ಬೆಟ್ಟಗಳು ಪ್ರೇಕ್ಷಕರನ್ನು ಕೈಬೀಸಿ ಕರೆಯುತ್ತಿವೆ.

. ಭದ್ರಾ ಕಾಲುವೆಯಿಂದ ನೀರು ಹರಿಸಿದಾಗ ಕೆರೆ ತುಂಬಲು 2 ಅಡಿ ಬಾಕಿ ಇತ್ತು. ಮಳೆಯಿಂದಾಗಿ ಕೋಡಿ ಹರಿದಿದೆ. 81 ಕ್ಯೂಸೆಕ್ ಸಾಮರ್ಥ್ಯದ ಕೆರೆಯಿಂದ ಇನ್ನೂ ಎರಡು ಕೆರೆ ತುಂಬುವಷ್ಟು ನೀರು ಹೆಚ್ಚುವರಿಯಾಗಿ ಹರಿದು ಹೋಗಿದೆ. 227 ಹೆಕ್ಟರ್ ಪ್ರದೇಶದ ಜಮೀನುಗಳಿಗೆ ನೀರು ಹರಿಸಲು ಅನುಕೂಲವಾಗಿದೆ

-ಮಹಾಂತೇಶ್ ಎಸ್.ಜಿ. ಭದ್ರಾ ನಂ.5 ಕಾಲುವೆಯ ಶಾಖಾಧಿಕಾರಿ

ಕಳೆದ ಬೇಸಿಗೆಯಲ್ಲಿ ಕೆರೆ ಒಣಗಿದಾಗ ಕಾಡು ಪ್ರಾಣಿಗಳು ರೈತರ ಜಮೀನುಗಳಿಗೆ ನುಗ್ಗುವುದನ್ನು ತಪ್ಪಿಸುವ ಉದ್ದೇಶದಿಂದ ಈ ಪ್ರದೇಶದಲ್ಲಿ 2 ಕೃತಕ ನೀರಿನ ತೊಟ್ಟಿಗಳನ್ನು ನಿರ್ಮಿಸಲಾಗಿತ್ತು. ಕೆರೆ ತುಂಬಿರುವುದರಿಂದ ಜನ ಜನವಾರುಗಳ ಜೊತೆಗೆ ಈ ಕಾಡಿನ ಪ್ರಾಣಿ ಪಕ್ಷಿ ಹತ್ತಾರು ಬಗೆಯ ಪ್ರಬೇಧಗಳಿಗೆ ಹಾಗೂ ಸುತ್ತಲಿನ ಮೂರ್ನಾಲ್ಕು ಕಿ.ಮೀ. ಪ್ರದೇಶದಲ್ಲಿ ಅಂತರ್ಜಲ ವೃದ್ಧಿಗೆ ಅನುಕೂಲವಾಗಿದೆ

-ಮೊಹ್ಮದ್ ಖಾಲಿದ್ ಮುಸ್ತಫಾ ಅರಣ್ಯಾಧಿಕಾರಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹರಿಹರ: ಮಾಯದಂತ ಮಳೆ ಬಂತಣ್ಣ, ಕೊಂಡಜ್ಜಿ ಕೆರೆಗೆ..

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

Perth Test:ಆಸ್ಟ್ರೇಲಿಯಾಕ್ಕೆ ಬೂಮ್ರಾ ಪಡೆ ತಿರುಗೇಟು;ಮೊದಲ ದಿನ 17 ವಿಕೆಟ್‌ ಪತನ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು