ಸಂತೇಬೆನ್ನೂರು: ಮಂಡಿಗಳಲ್ಲಿ ತೋತಾಪುರಿ ಮಾವಿನ ಸದ್ದು, ನಿತ್ಯ 8–10 ಟನ್ ರಫ್ತು

ಸಂತೇಬೆನ್ನೂರು: ಇಲ್ಲಿನ ಮಾವಿನ ಮಂಡಿಗಳಲ್ಲಿ ತೋತಾಪುರಿ ಹಣ್ಣಿನ ವಹಿವಾಟು ಬಿರುಸಿನಿಂದ ಸಾಗಿದೆ. ಕಾಯಿ ಹಂತದಲ್ಲೇ ಬೇಡಿಕೆ ಹೊಂದಿದ್ದ ತೋತಾಪುರಿ ಇದೀಗ ಮಂಡಿಗಳಿಗೆ ಲಗ್ಗೆಯಿಟ್ಟಿದ್ದು, ಹೊರರಾಜ್ಯಗಳಿಗೆ ನಿತ್ಯವೂ ರಫ್ತಾಗುತ್ತಿದೆ. ಹಣ್ಣಾಗುವ ಮೊದಲೇ ಮಾರುಕಟ್ಟೆಗೆ ಬಂದಿದ್ದು, ಸದ್ಯ ಉಪ್ಪಿನಕಾಯಿ ಉತ್ಪಾದಕ ಕಂಪನಿಗಳ ಬೇಡಿಕೆಯನ್ನು ಪೂರೈಸುತ್ತಿದೆ.

. ಆಲ್ಫೋನ್ಸೋ, ರಸಪುರಿ, ಸಿಂಧೂರ ತಳಿಯ ಮಾವಿನ ಇಳುವರಿಯು ಹವಾಮಾನ ವೈಪರೀತ್ಯದ ಕಾರಣದಿಂದ ತೀವ್ರವಾಗಿ ಕುಸಿದಿದೆ. ತೋತಾಪುರಿ ಮಾವಿನ ವ್ಯಾಪ್ತಿ ಕಡಿಮೆಯಿದ್ದರೂ, ಇಳುವರಿ ಹೆಚ್ಚು. ಹೀಗಾಗಿ ಉಳಿದ ತಳಿಯ ಮಾವುಗಳಿಗಿಂತ ತೋತಾಪುರಿ ಈ ಬಾರಿ ಹೆಚ್ಚಾಗಿ ಕಾಣಸಿಗುತ್ತಿದೆ.

. ಕಳೆದ ಮೂರು ವರ್ಷದಿಂದ ಮಾವು ಬೆಳೆಯಲ್ಲಿ ಸ್ಥಿರತೆ ಇರಲಿಲ್ಲ. ಉತ್ಕೃಷ್ಟ ತಳಿಗಳು ಹೂವಿನ ಹಂತದಲ್ಲಿಯೇ ನುಸಿ ಕಾಟದಿಂದ ಅಂಟು ಬಿದ್ದು ಒಣಗಿವೆ. ಈ ಬಾರಿಯೂ ಶೇ 25ರಷ್ಟು ಇಳುವರಿ ಕೊರತೆಯಾಗಿದೆ. ತೋತಾಪುರಿಯ ದೊಡ್ಡ ಮರಗಳಲ್ಲಿ 1,000ದಿಂದ 2,000 ಕಾಯಿಗಳು ಬಿಡುತ್ತವೆ. ಬೆಲೆ ಕಡಿಮೆ ಇದ್ದರೂ ಇಳುವರಿ ಹೆಚ್ಚು ಎನ್ನುತ್ತಾರೆ ಬೆಳೆಗಾರ ಕೆ. ವಿಜಯ್.

. ‘ನಿತ್ಯ ನಮ್ಮ ಮಾವಿನ ಮಂಡಿಯಲ್ಲಿ 3ರಿಂದ 4 ಟನ್ ತೋತಾಪುರಿ ಮಾವು ಮುಂಬೈ, ಪುಣೆ ಮಾರುಕಟ್ಟೆಗೆ ರಫ್ತಾಗುತ್ತಿದೆ. ತಲಾ 40 ಕೆ.ಜಿ. ತೂಕದ 1,000 ಬಾಕ್ಸ್ ಪ್ಯಾಕಿಂಗ್ ಮಾಡುತ್ತೇವೆ’ ಎನ್ನುತ್ತಾರೆ ಎಸ್ಕೆಎಚ್ ಫ್ರೂಟ್ಸ್ ಮಂಡಿ ಮಾಲೀಕ ಜಬೀರ್.

. ಎರಡು ತಿಂಗಳಿನಿಂದ ತೋತಾಪುರಿ ಮಾವು ವಹಿವಾಟು ನಡೆಯುತ್ತಿದೆ. ಬೇಗ ಹೂ ಬಿಟ್ಟಿದ್ದ ಕಾರಣ, ಇದು ಬೋನಸ್ ಬೆಳೆಯಾಗಿದೆ. ಇನ್ನೂ ಒಂದು ತಿಂಗಳು ವಹಿವಾಟು ನಡೆಯಲಿದೆ. ನಿತ್ಯವೂ ಗ್ರಾಮದ ವಿವಿಧ ಮಂಡಿಗಳಿಂದ 8 ರಿಂದ 10 ಟನ್ ತೋತಾಪುರಿ ಮಾವು ಹೊರ ರಾಜ್ಯಗಳಿಗೆ ರಫ್ತಾಗುತ್ತಿದೆ’ ಎನ್ನುತ್ತಾರೆ ಖರೀದಿದಾರರಾದ ಅಫ್ರೋಜ್ ಹಾಗೂ ವಾಸೀಂ.

. ‘ದೊಡ್ಡಬ್ಬಿಗೆರೆ ಗ್ರಾಮದ ಸುತ್ತಮುತ್ತ ತೋತಾಪುರಿ ಬೆಳೆಯಲಾಗುತ್ತಿದೆ. ಈಗಾಗಲೇ ಶೇ 75ರಷ್ಟು ಫಸಲನ್ನು ರೈತರು ಮಾರಾಟ ಮಾಡಿದ್ದಾರೆ. ಆರಂಭದಲ್ಲಿ ಪ್ರತಿ ಕೆ.ಜಿ.ಗೆ ₹ 100 ಬೆಲೆ ಇತ್ತು. ಈಗ ₹ 55ಕ್ಕೆ ಬಿಕರಿಯಾಗುತ್ತಿದೆ. ಮರದಲ್ಲಿ 2ನೇ ಬಾರಿ ತೋತಾಪುರಿ ಹೂವು ಅರಳಿ ಈಚು ಕಟ್ಟುತ್ತಿದ್ದು, ಬಿಸಿಲಿನ ತಾಪಕ್ಕೆ ಕಪ್ಪಾಗುತ್ತಿವೆ. ಮಳೆ ಬಂದರೆ ಮತ್ತೊಮ್ಮೆ ಉತ್ತಮ ಇಳುವರಿ ಸಿಗುವ ಸಾಧ್ಯತೆ ಇದೆ’ ಎನ್ನುತ್ತಾರೆ ದೊಡ್ಡಬ್ಬಿಗೆರೆ ಪ್ರಸನ್ನ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂತೇಬೆನ್ನೂರು: ಮಂಡಿಗಳಲ್ಲಿ ತೋತಾಪುರಿ ಮಾವಿನ ಸದ್ದು, ನಿತ್ಯ 8–10 ಟನ್ ರಫ್ತು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು