ಧಾರವಾಡ ಜಿಲ್ಲಾಸ್ಪತ್ರೆ: ನೋಂದಣಿಗೆ ಗಂಟೆಗಟ್ಟಲೆ ಕಾಯುವ ಸ್ಥಿತಿ

ಮನೆಯಲ್ಲಿ ಕೆಲಸ ಮಾಡುವಾಗ ಬಿದ್ದು ಸೊಂಟಕ್ಕೆ ಪೆಟ್ಟಾಗಿದೆ. ಚೀಟಿ ಮಾಡಿಸಲು ಕೌಂಟರ್‌ನಲ್ಲಿ ಎರಡು ಗಂಟೆಗಳಿಂದ ಸರದಿಯಲ್ಲಿ ನಿಂತಿದ್ದೇನೆ. ಚೀಟಿ ಮಾಡಿಸಿಕೊಂಡು ಹೋಗುವಷ್ಟರಲ್ಲಿ ವೈದ್ಯರು ಊಟಕ್ಕೆ ಹೋಗಿರುತ್ತಾರೆ. ವೈದ್ಯರ ಕೊಠಡಿ ಬಳಿಯೂ ಪಾಳಿ ಇರುತ್ತದೆ. ಚೀಟಿ ಮಾಡಿಸಿ ಚಿಕಿತ್ಸೆ ಪಡೆಯಲು ಬೆಳಿಗ್ಗೆಯಿಂದ ಸಂಜೆವರೆಗೆ ಇರಬೇಕು ವೈದ್ಯರು ಸಿಗದಿದ್ದರೆ ಮಾರನೇ ದಿನ ಬರಬೇಕಾದ ಸ್ಥಿತಿ ಇದೆ.

ವಾರದಿಂದ ಜ್ವರ ಮತ್ತು ಸುಸ್ತು ಇದೆ. ಮನೆ ಸಮೀಪದ ಆಸ್ಪತ್ರೆಯಲ್ಲಿ ತಪಾಸಣೆ ಮಾಡಿಸಿ ಔಷಧ ಪಡೆದೆ ಹುಷಾರಾಗಿಲ್ಲ. ಇಲ್ಲಿ ಚೀಟಿ ಮಾಡಿಸಲು ಎರಡು ಗಂಟೆಯಿಂದ ಸಾಲಿನಲ್ಲಿ ನಿಂತಿದ್ದೇನೆ. ಚೀಟಿ ಮಾಡಿಸಲು ಬಹಳ ಹೊತ್ತು ಕಾಯಬೇಕಾದ ಸ್ಥಿತಿ ಇದೆ. ನೋಂದಣಿ ಕೌಂಟರ್‌ಗಳನ್ನು ಹೆಚ್ಚಿಸಲು ಸಂಬಂಧಪಟ್ಟವರು ಕ್ರಮವಹಿಸಬೇಕು.